ضعت بديرتي

[ابو صفوق]

السلام عليكم ورحمة الله وبركاته
أبدخل بالموضوع على طول
امس طلعت انا والسواق ابي بيت بنتي ولا يخفاكم الخرايط اللي صايرتن عليها شوارع الرياض المهم لف السواق مع تحويله ويوم انتبهت ولين حنا بغير دربنا وانا اللي اهوش السواق وين انت ما خذني فيه مهوب دربنا قال لا بابا هذا طريق وانا اللي انافخ :قلت انا عارف عشاني مطلعك غصب عليك ماتبي توصلني الاومدوخني كلمه مني كلمه منه طردته برا السياره ومن سنين ما مسكت طاسة موتري ونسيت المهم شوي شوي يوم تبرقت الين ايوالله هذا الطريق مير الحروره واعوذ بالله من الحروره
وانا اللي ارجع ادور سواقي لقيته واقف واقوله تتوب مابي اقوله اني غلطان قال بابا انا يعرف انا مافي غلطان انتا بابا غلطان
ضحكة وركبته مالك الاخشمك لو كان عوج انا ضعت بديرتي شكلي اباخذ معي قارمن لين طلعت الله يخلف وسلامتكم
ابو صفوق الثنيان

[قوافي ( أم نهار )]

عليكم السلام ورحمة الله وبركاته
حيا الله العم ابوصفوق
الله يعينك فعلاً على هالحال يبيلك قارمن
العصبيه ياعم ماتصلح وانت مثل ما قالت ام صفوق
سكر وضغط غير انها اتخاذ قرارت بغير محلها احياناًمع الغضب
والرسول عليه الصلاة والسلام قال بحديثه الشريف
حديث أبى هريرة رضى الله عنه أن رسول الله صلى الله عليه وسلم قال :ليس الشديد بالصُّرَعةِ ، إنما الشديد الذى يملك نفسه عند الغضب . متفق عليه

شكل سواقك ولد حلال لا تعصب عليه همن يروح و يجيك عاد الشق والبعج همن تحسف والخساير ماحديبيها لو عنده ملايين
ادعو الله ان يحفظك بخير وعافيه والاسره الكريمه
تحياتي وتقديري
..قوافي..

[سليمان الربيعان]

ههههه يحول السواق الضعبف هاوشته وهو ما سوى شي
الله يعطيك طوله العمر على العمل الصالح
تقبل تحياتي....

[راعي العجراء]

هو هندي يابو صفوق.....لازم ...... ترجع وتسمح منه
لا يجونك اهله بالليل
امتعك الله يابو صفوق امتعتنا بهذه القصه بما فيها من موقف
والاستعجال بالحكم اقشر

[خوي مخباته]

ههههههههههههههههههه ......... ههههههههههههههه ........هههههههههههههههههه
الله يجازي ابليسك والله يانا ضحكت على هــــــــ.. ضعيف والله....شيء طلع الهندي ابخص من ابن البلد !..؟
مشكووووووووووور عم " ابوصفوق الثنيان " بارك الله فيك وخذ بالك المرت الاخرى لاتظلم ه المسكين ,,
....................... جعلك تسلم وماقصرت يابوصفوق نبي مثلها فضلاَ لا امراَ ....................

[منظر]

ممكن انت تتوب ....؟؟؟
اركد يا رجاااااااااال .
تقبل تحياتي .

[ابو صفوق]

عليكم السلام ورحمة الله وبركاته

حيا الله العم ابوصفوق
الله يعينك فعلاً على هالحال يبيلك قارمن
العصبيه ياعم ماتصلح وانت مثل ما قالت ام صفوق
سكر وضغط غير انها اتخاذ قرارت بغير محلها احياناًمع الغضب
والرسول عليه الصلاة والسلام قال بحديثه الشريف
حديث أبى هريرة رضى الله عنه أن رسول الله صلى الله عليه وسلم قال :ليس الشديد بالصُّرَعةِ ، إنما الشديد الذى يملك نفسه عند الغضب . متفق عليه

شكل سواقك ولد حلال لا تعصب عليه همن يروح و يجيك عاد الشق والبعج همن تحسف والخساير ماحديبيها لو عنده ملايين
ادعو الله ان يحفظك بخير وعافيه والاسره الكريمه
تحياتي وتقديري

..قوافي..



صح انتي صح ياقوافي
ان راح اببلش و بعد ابشرتس الشوف شجر
الله يجزاك خير يابوي وانا سعيد بانك نورت سالفتي
يقالك راعي سوالف مثلكم هههههههههههه
يمكن أخذ وسام
مره ثانيه وعاشره ومليون الف مبروك تستاهلين الوسام
مشكوره

[ابو صفوق]

ههههه يحول السواق الضعبف هاوشته وهو ما سوى شي



الله يعطيك طوله العمر على العمل الصالح


تقبل تحياتي....


الله يجزاك خير ويطول عمرك
السواق ماراح لا يمين ولا يسار خابر ما حولك احد على اني مهاوشه بس الظاهر قلبه ابيض
ياسفابك ياثنيان شيبت
مشكور

[ابوياسر1971]

الله يمتعك بالصحه والعافيه وانتبه لا تزعل السواق همن يسويبك مثل ماسوبنا سوقنا كل يوم السياره بها بلا الله يبلاه .

[ابو صفوق]

هو هندي يابو صفوق.....لازم ...... ترجع وتسمح منه

لا يجونك اهله بالليل
امتعك الله يابو صفوق امتعتنا بهذه القصه بما فيها من موقف

والاستعجال بالحكم اقشر


ياهلا بابو جلمبو وراعي العجراء
افا ياذا العلم اجل هاللي مزعجيني كل الليل يشيلون ويجدعون اهله بروح واحب راسه لا يجين زود وما حولك احد ههههههههه
متعك الله بالعافيه
اشكرك

[ابو صفوق]

ههههههههههههههههههه ......... ههههههههههههههه ........هههههههههههههههههه

الله يجازي ابليسك والله يانا ضحكت على هــــــــ.. ضعيف والله....شيء طلع الهندي ابخص من ابن البلد !..؟
مشكووووووووووور عم " ابوصفوق الثنيان " بارك الله فيك وخذ بالك المرت الاخرى لاتظلم ه المسكين ,,

....................... جعلك تسلم وماقصرت يابوصفوق نبي مثلها فضلاَ لا امراَ ....................

الشكوى لله خرايط وشايب والشوف شجر يعني كل مثلث التوهان موجود ههههههههه
ما عاد فيه مرات اخرى بسلم امري لله حتى لو باصل للربع الخالي
اشكرك

[ابو صفوق]

ممكن انت تتوب ....؟؟؟
اركد يا رجاااااااااال .
تقبل تحياتي .

ابي اتوب بس خبرك الشياب وقل الصبر
ابشر ابركد
اشكرك

[ابو صفوق]

الله يمتعك بالصحه والعافيه وانتبه لا تزعل السواق همن يسويبك مثل ماسوبنا سوقنا كل يوم السياره بها بلا الله يبلاه .

الله يعافيك يابوي
لا ما عاد اني مزعله ماعقب ذي شي هو يدل بديرتي وانا لا
رحمة نفسي
الله يكفينا والمسلمين شرهم
اشكرك

[أبوعبدالرحمن الأسعدي]

المسامح كريم

[ابو صفوق]

المسامح كريم

الله اكرم والله يسامحني ويغفر لي خطاي
اشكرك

[النبهاني]

وعليكم السلام ورحمة الله وبركاته
يا هلا والله وغلا ببو صفوق
والله اني احسبك هادي يابو صفوق واثرك شبوبه
الله يعينك ياخوي اكيد ظغط وسكر وقيلون
بعدين انتم ياهل الرياض حل مشكلتكم بسيط وهو حطوا لكم رياض جديد وترتاحون
الله يعطيك العافيه يابو صفوق