استفسار لاهل الدرابيل ؟؟؟؟؟؟؟؟

[عاشق الارسي]

السلام عليكم

يااخون وش افضل دربيل للبر والمقانيص

وش نوعه وحجمه وصناعته ؟؟

والله يجزا خير من فيدنا

[الذحاح]

اخوي افضل نوع السوارفوسكي النمساوي اسعاره من 4000 الى 15000 بعده الالماني زايس واسعاره من 3000 الى 10الاف طبعا جودة وربل ونتروجين وطلاء عدسات متعدد بعدها يجي الشانيل

[منوررر]

لو ذكر الاخوان وين محلات بعيها كان افادونا بارك الله بالجميع

[ابو عزيززز]

اخوي

الرمايه والرميح عنهم تشكيلات لابس بها من الدرابيل الجيده

اما افضل نوع فتختلف من شخص لآخر حسب الشوف ونوع الدربيل المناسب

والدربيل يعتمد ايضا على الحجم وكبر العدسه وعدد مرات التكبير ....وهكذا

يعني انت تقرر وش المناسب لك

ومن الدرابيل الجيده بشكل عام:

شفارسكي EL
10في 42 مناسب وتقريبه لاباس به (10 مرات) وسعره من ال7 الى 8 الاف وحايز على افضل دربيل في العالم لعام 2008 والصناعه نمساويه

[الششو]

عليك بالسواروفسكي ولا تشاور
بس حك جيبك مزبوك
لان اسعارها طايره

[الذيب المتوحش]

هنتر الصناعه ياباني

من مميزات
صد الماء ويخترق الضباب

[ابو عزيززز]

هنتر الصناعه ياباني

من مميزات
صد الماء ويخترق الضباب

اخوي اغلب الدرابيل ضد الماء

واللي تجي مغطاه بالربل غالبا متكون ضد الماء وضد الصدمات



ومافيه شي اسمه يخترق الضباب

[عاشق الارسي]

الله يجزاكم الف خير يانشاما