المساعد الشخصي الرقمي

مشاهدة النسخة كاملة : طلب الرزق


صقــار
26/04/2006, 03:02 PM
السلام عليكم ورحمة الله وبركاته ..





(يا هيه, ماحطيت لصدوغي وساده

وأتوخر كل ما انكف الظلالي

ولا خذيت النوم في المشراق عاده


أطرد العيشة و أبي مكسب حلالي

فوق أخو فلفا و أكمل له عتاده


محتس فيه الأواني والدلالي

في مشاهي نجد وامشي في براده


كل ما هب الهوى ينساح بالي

والفتى لا عاد ما يغلي بلاده


ما يجي في ديرة الأجواد غالي

حالف ما أرضى لنفسي بالزهاده


دام ماحطيت في قبر هيالي

من مدارس (بول) حصلت الشهاده


قبل دله يفتحون لها مجالي

أشتغل واخذ بيمناي الزياده


ماخضعت لمشرف ياهم ملالي

ولا طلبت مساعدة صاحب سعاده


ولا طلبت معاونة صاحب معالي

اطلب اللي رحمته تشمل عباده


كافل الارزاق يعلم ما بحالي

ربي اللي يرزق عيال الجراده


لا رمتهم بالخلا من غير والي)



هذي قصيدة لإحد الشعراء كان يورد على فلفو

وبول اللي مر ذكره بالقصيدة هذا اللي أختبره

عشان يعطيه الرخصة في أرامكو لأنه كان يشتغل

فيها قبل ....


أرجو أن القصيدة تعجبكم إن شاء الله ...

مع تحيات أخوكم صقار




http://www.mekshat.com/pix/upload/images16/mk27672_coffee.jpg
أخو المري
27/04/2006, 09:23 AM
اخوي صقار


صح اللسانك واللسان شاعرها

عز الله انها قصيده فيها من الطرفه

يالبت تكتب اسم شاعرها


اخوالمري
alajmi110
27/04/2006, 11:06 AM
لاهنت يا صقاااار قصيده جميله صح الله لسان قايلها
وسلمت يمنااك
صقــار
27/04/2006, 03:03 PM
مشكور أخوي ( أخو المري )
وأخوي ( ma0z)
والقصيدة للشاعر: محمد بن سليمان ويلقبونه ( الدرم )


ومن قصايده :

(إلا وطت رجلي الديزل وشديت الدركسون

أوصلت وارد رشيد مع الخطوط العوج جـده
أمشي ومع ربعي اللي يقبلون ونوب يقفون

أدور العز وإلا ماعلي من المــــــكـــــــده
إلا كسبت الشرف والعافية فالرزق مضمون

الموت لاجاء ابن آدم محدن يرده
يا ما خذا الموت من عاقل وصاحي ومجنون

والأنبياء والملوك ومن تهرب عنه شـــــده
والمال لو هو يفك من المنايا فك قارون

اللي حلاله يبهذل كل حساب يعده)


مع تحيات
أخوكم ( صقار )




http://www.mekshat.com/pix/upload/images16/mk27672_qahoah.jpg
الضاحي
27/04/2006, 03:27 PM
بارك الله فيك يا صقار وبيض الله وجهك على هالقصايد الرائعة
أبو شعلان
27/04/2006, 04:45 PM
بسم الله الرحمن الرحيم

بيض الله وجهك على هالقصيده وصح لسان الشاعر

والله يعطيك العافيه

ــــــــــــــــ وتقبل تحياتي ـــــــــــــــ
:j
صقــار
28/04/2006, 02:50 PM
السلام عليكم ورحمة الله وبركاته

مشكورين على مروركم أخوي ( الضاحي )

وأخوي ( أبو شعلان )


وبيض الله وجيهكم ..

راع الوفا في خوته كنه السيف

ذخر بـيدك وفي اللوازم تسلــه






http://www.mekshat.com/pix/upload/images16/mk27672_ltz.jpg
ذريف
28/04/2006, 03:02 PM
((بنت)) ماحطيت لصدوغي وساده ..

مهوب ((ياهيه)) ماحطيت لصدوغي وساده