الفزعه يالربع الله لايهينكم

[الشرطى]

يالربع شريت ام بطه 32 انش ومعها 3 شكات طبعا ماعليها ارقام ولكن فيها سنن واضحه الاول له سنه صيغره والثانى له 3 سنات والرابع له اربع سنن ابى شرح لها يالغالين ابى اعرف حق السوق وحق الطيار وحق النشر والله لايحرمكم الاجر ان شاء الله

[راعي الطافحة]

مشاء الله تبارك الله جعلها ربي يكفيك شرها
يفدونك الاخوان ان شاء الله

[qazx0sw0]

أن شألله يفيدونك الاخوان

[قناص خلاوي]

مبروك عليك ماشريت فالك الصيد
التشوكات مجمركة عليك تشوك 2 ماهو معهن
المهم
تشوك ابو سنة هذا رقم واحد ضيق ويسوق ولا يفرش
تشوك ابو 3 سنات هذا رقم 3 يفرش ويصلح للطيار وتشوك 2 احسن منه
تشوك ابو 4 سنات هذا رقم 4 يفرش اكثر من 3 ويصلح لأجوال مثل الجرجس
موفق خير

[الشرطى]

بيض الله وجيهكم جميعا وتسلم ياقناص على هالشرح الوافى

[الشرطى]

طيب يالربع اذا رميت بدون تشكات للى موقع تنفع ولا لازم اركب احد التشكات يعنى بالعربى بدون تشكات تصير مثل ام حبه فى الرمى

[قناص خلاوي]

انتبه ترمي بدون تشوك او ترمي والتشوك مرتخي
ياتنعدم عليك الماصورة او تنتفخ او تعدم السنة اللي تركب عليها التشوكات
موفق خير