Beretta A400 Xtrema ولا Xtrema 2

[Almayouf]

Beretta A400 Xtrema ولا Xtrema 2

السلام عليكم وتقبل الله طاعتكم .

يالربع عندي سؤال شنو افضل بريتا اكستريما توو ولا اكستريما الجديده a400

وماعليكم امر افيدونا والي يعرف اسعارهم بالكويت يكتب وباي محل .

وسؤال اخير تنصحون بالبطنين ولا ام خمس !

بأنتظاركم

[abdullah_765]

اكستريما2 بلا منازع بندق تطربك

حراره رمي خياليه

اما بالنسبه للاكستريم البندق توها جديده ولم تجرب

تبي تقني وانت مطمن خذ اكستريما2

تبي انت وحظك ياتصيب ياتخيب خذ اكستريم

مع تمنياتي لك بالتوفيق

[كومفورت]

وعليكم السلام

اخذ اكستريم a400. شي جديد منضم الغاز احسن من اكستريما ٢ يجي بلستك ام الجديده تجي حديد

واخف من الكستريما ٢ ٩٠ اغرام وعند الربع ٣ شوازن منها الجديده ومراميه حلوه

[قناص خلاوي]

خذ الجديدة ولا تشاور
وأي واحد يشور عليك بالاكستريما2 ماشار عليك الا بالطيب
لكنه ماجرب الاكستريم الجديدة
موفق خير

[Almayouf]

يعطيكم العافيه عالردود الطيبه

ولكن تقولون غااااز !!

يعني تحتاج تعبيت غاز مثل الام صجمه !! وشكثر يطول غازها

[ابوسعد 2011]

اي تعبيها غاز خل معك دبة غاز في السيارة وانت تقنص عشان تعبيها بعد كل دستة :D لا امزح معك اخوي :D .

الاكستريم الجديدة والقديمة كلها ماتعبى غاز ابد هذا حسب علمي ولكن بيرد عليك الخبير قناص خلاوي هو خبيرنا :) .

[ابوسعد 2011]

البندق اخوي الاكستريم a400 الجديدة موجودة عند الرماي وكيلها في الكويت وسعرها على ما اظن ب 650 دينار يابلاش وسألتة عن الاكستريما 2 يقول ب 600 دينار بس مو موجودة .

[Almayouf]

يعطيك العافيه يابو اسعد عالرددود الطيبه

[ناصر الحمد]

الاكستريم يالغالي من افضل البنادق

[حرنا بك]

كبندق الفروقات لا تكاد تذكر.. الاكستريم اصدار محدث بعض الشي للاكستريما2 يعني هي احدث من الي اقبلها ومن المفترض انها اتكون افضل وانا ما جربتها للحين

[بياع]

كل وارد البريتا طيب اصل وفصل


والموديلات الجديدة افضل لان كل موديل يتلافون المشاكل السابقة له

هذا علمي وعفاك لا صارت الدراهم موجودة اخذ الاكستريمي