مكافأه مجـزيه لمــن يعـثر عليـها ..

[وسيم2012]

السلام عليكم ورحمة الله وبركاته

احد الاصدقاء في مدينة الرياض
انسرقت سيارته صباح يوم الاربعاء من أمام منزله في أحد أحياء غرب الرياض
21 / 4 / 1433هجري
ووضع مكافأة لمن يجدها سواء في الشوارع العامة أو (( ميادين تفحيط )) أو محلات
التشـــليح

نوعها : كورولا 2009 - اللون : اسود - اللوحة / أ م ل 3107
رقم الهيكل / 033750
- نص فل - كشافات ضباب قير أتوماتيك + قزاز اتوماتيك - جنوط كروم مثل الصورة
داخليها جلد بيج للمراتب ومغلفه بأكياس - تظليل حراري خفيف - لايوجد بها صدمات

العلامة الفارقة فيها ضربه خفيفة أسفل كشاف الضباب جهة السائق
وكذلك تظليل زجاج المثلثات الخلفية محرووق من شمس

((( طبعاً هذه الايام سرقات كثيرة ومن الممكن ان يتم تركيب لوحات اخرى على سياره
أو حتى تغيير بعض ملامحها )))

امل من يجدها يتواصل على جواله 0590790001

حسبنا الله على كل من اعتدى على حلال المسلمين

[خالد بن حمد]

انا امس اسمعهم يفحطون قريب من جامعه الامام انا ساكن بحي الفلاح وبكرا بإذن الله اتشوف لك المنطقة وابلغك

وان شاء الله تلقاها مثل ما لقيت الاكورد حقتي شبه سليمه

[B Z B O O Z]

اتجه الى منتدى البحري وادخل اي قسسم من اقسام المنتدى وانزل تحت اخر شي (طبعا بعد ماتسجل ) انزل تحت عند الانتقال السريع وابحث بين الخيارت (منتدى الهجوله والتفحيط ) وخلك متابع هالقسسسم وباذن الله راح تحصلها لانهم يعرضون اماكن التفحيط ونوع السيارات الي بتفحط

[al-ganass]

حسبي الله ونعم الوكيل فيهم
كيف تطاوعهم انفسهم على حق الناس
لاحول ولاقوة إلا بالله

[وسيم2012]

الاخ خالد
الاخ بزبوز

اشكر مروركم وشكر لجميع الاخوان

[وسيم2012]

حسبي الله ونعم الوكيل فيهم
كيف تطاوعهم انفسهم على حق الناس
لاحول ولاقوة إلا بالله




من أمن العقوبة اسأء الادب

بسبب عدم تطبيق احكام الشرع في السرقة والقتل وغيرها

كلها ملايين تدفع أو واسطات ويخرج لم يعمل شيء

السيف صار له 7 سنوات ماظهر من غمده

[ابورغودة]

حسبنا الله ونعم الوكيل
انشاء الله انك تحصلها

[abusaqer]

حسبي الله ونعم الوكيل فيهم

[abusaqer]

انشاء الله انك تحصلها
انشاء الله انك تحصلها

[وسيم2012]

الحمد لله حمدا يليق بجلاله وكرمه

فقد تم العثور على السيارة هذا اليوم متوقفه بأحد أحياء شرق الرياض ( اليرموك )أمام فله منذ سرقتها وابلغ عنها صاحب الفله وتم تسليمها لصاحبها



اشكر الجميع على تفاعلهم ومشاعرهم الطيبة

[اقدم صقار]

الحمد لله على العقلان
الف الف مبروك
الله يبارك لكم في حلالكم
بشرنا عسى ما نقص منها شي
تقبل مروري

[وسيم2012]

الحمد لله على العقلان



الف الف مبروك
الله يبارك لكم في حلالكم
بشرنا عسى ما نقص منها شي


تقبل مروري




شاكر مرورك اخي الفاضل


وابشرك مانقص منها اي حاجة حتى مافك لوحاتها ولاشي بس خلص مشواره
ووقفها بأحد الحواري في حي اليرموك ..

اسأل الله أن لايريكم أي مكروه

[خالد بن حمد]

الحمد لله على سلامة السيارة . انا يوم القاء الاكورد حقتي بالمخططات بعد طريق سلمان صحااااااري واشوفها من بعيد الله سيااااااارتي من الفرحه اول ما نزلت حبيتها هههههههه
وعقب اكتشفت انهم ضاربين رصيف وانخرق الكرتير المكينه و وقفوها مكانه ... والحمد لله ما تاثرت المكينه , واشكرهم انهم ما مشو عليها بدون زيت حتى الاغراض الخاصه لي ما اخذو منها شي
...........................................
..............................

عموماً
يا اخوان لا احد يتساهل مثلي ويترك السيارة شغاله حتى لوه بينزل ياخذ شي من الشنطة