شارك معنا في كيفيية طريقة صيد الشعري

[gulfhunter]

السلام عليكم ورحمة الله وبركاته

الله يمسيكم بالخير اخواني اعضاء مكشات وزوار الخيمه البحريه

اليوم موضوعنا هو صيد سمكة الشعري ونشوف طرق صيده بمختلف المناطق

الحداق

وبالنسبه إلى الحداق يوجد طريقتين للحداق الأولى الطرحه والثانيه سمار

طبعاً الأولى الطرحه وهذي الطريقه ممتعه للحداق وبالنسبه لى شخصياً ..... طبعاً يكون الميدار اولاً ومن ثم البلد يعني ترديعه ويكون طوله معتدل

الطريقه الثانيه وهي سماري وهي معروفه لدى الكثيرين ويفضل ميدارين وتختلف من شخص إلى شخص يكون البلد اولاً ومن ثم الميدارين أو يكون البلد بين الميدارين

الغزل

يكثر صيد الشعري بالغزل في الشتاء لتفضيل كثير من الصيادين وضع الغزل على القطع
أيضاً يعتبر الشعري من اكثر السمك تواجداً في اي مكان سواءً كان صيف ام شتاء

المد (الشكه)

ايضاً من السهل صيد الشعري بالمد وكثير ماصدنا الشعري بالمد وطريقة المد تكون متشابه بطريقة صيد السبيطي لايوجد اختلاف

طبعاً لازم نذكر الطعم (اليمه)

اولاً الخثاق على طول السنه
الربيان
الميد
وصلاخة الدويلمه او الوحره

http://www.mekshat.com/pix/upload/images16/mk7686_fish3.jpg

http://www.mekshat.com/pix/upload/images16/mk7686_dscn0137.jpg


واتمنى من الجميع المشاركه وبالنسبه إلى الأخوان إذا نسيت شي ياريت لو تضيفون اللي عندكم

تحياتي للجميع

[بو راشـد]

السلام عليكم ورحمة الله وبركاته
يشرفني أن أكون أول الأعضاء الي يشاركون في هلموضوع القيم.
طريقه حداق الشعري سمار وله طرحه. الطريقه المستعمله خيط بو 70 عمل ركه وهي الميدار اول الخيط ومن ثم البلد ولاكن قبل البلد بقليل ضع مدور صغير وجوفو شلون الصيد. طريقه وضع الطعم (اليم) لا تجعل الطعم عريض او كبير جدا لأنه الخيط بيخترب(بيحتاس) ولاكن قطع الطعم قطع صغيره ومعتدله وشكهم في الميدار(مثل ما تشك اللحم في سيخ الشواي) وإذا بقيت الأحسن أخلط مع الطعم بعض القطع من السمك سلس, دويلمي....... ولاكن أجعلها مثل قطع الخثاق (الحبار) ألي قطعته وخلطها وأنت تشك الطعم.

تحياتي لكم وصيد موفق أنشاء الله.....................................

[الخليج]

وعليكم السلام ورحمة الله وبركاته
مشرفنا بوعبدالله
الشعري من الاسملك المرغوبة بالمملكة وطريقة صيده بالخيط كلاتي :
1-الخيط اي حجم لانه غير حذر 0
2- الطعم ربيانه طازجه +منكوسه صغيرة +زورية صغيرة +صلاخ الميد +الخثاق
3-الميدار من 10 وتحت مع بلد كما قال بوراشد
4- طعم الشعري بالاكل لذيذ اذا لم يثلج
5- فيه نوعين من الشعري يشبهون بعض نوعا ما واحد لحمه يابس والثاني طري لذيذ والحداق اللي يعرف ذلك يصيد في مكان واحد واذا طلعت له الشعرية الغير مرغوبه رماها بالبحر
6- متواجد على طول السنة
7- كلام بو راشد فيه من فوائد التي يشكر عليها
هذا مابحوزتنا بالنسبة للشعري وصيدا موفق بإذن الله،،،،،،

[gulfhunter]

السلام عليكم ورحمة الله وبركاته

حياكم اخواني ابوراشد والخليج

مشكورين اخواني على المشاركه المفيده واثراء الموضوع

اخوي الخليج النوع اللي تقصده وهو اليماه وتجي عيونه كبيره وملمسه اقسى نعم من تصيده رجع بحر

تحياتي لكم وللجميع

[هاوي البحر]

السلام عليكم
عندي سؤالين
1)ماهو المقصود بـ مدور صغير ؟ في رد أبو رشد
2)ماهو المقصود بـ زورية صغيرة ؟ في رد النوخدة

وسلامتكم ..

[بو راشـد]

السلام عليكم ورحمه الله وبركاتة
أشكر أخوي الخليج على معلوماته القيمه وكما أشكر أخوي بوعبدالله على طرحه هذا الموضوع.
أخوي هاوي بحر أهلا بك وحياك الله وأما عن سؤالك فهذه الصوره أنشاء الله تفيدك.
http://www.mekshat.com/pix/upload/images16/mk18971_dsc00098.jpg

[دمي بحر]

بعض انواع الشعري

سولي،ابوشويه(كوية)،ابو قفشة ،شحدود

بس عندي سؤالين
1- وش سالفة الخط الاحمر
2-كيف نعرف الشعري الغير مرغوب فيه

[النموذجي]

السلام عليكم ورحمة الله وبركاته

من اجود انواع الشعري الموجود في الدمام شعري منطقة النيوه والوشير
بصراحه كل ماصغرة الجيم تصغر الشعريه وكل ما كبرتها ابشر بذيك البلايه من الشعري:confused:
وافضل جيم ( طعم ) الخثاق وسلامتكم

اخوكم النموذجي

[أبو ستري]

نصيده عن طريق الشكة والخيط , عن طريق الشكة يكون الطعم ( خثاق ) ومثل ما قال البعض سمعت أنه يموت على الدويلمي كطعم ..:eek:


صورة خاصة من منطقة رأس بو قميص ..:cool:

http://www.gasi.cc/images/AubQmees2006.jpg

[بو راشـد]

السلام عليكم ورحمة الله وبركاته
بنسبه لسؤالك أخوي دمي بحر أشلون أتعرف الشعري ألي يصلح ولي مايصلح الطريقة السهله هي عندما تصيدة تكون رحيته خايسه (مصن) وتتستطيع أن تميز الريحة بسهوله لقوتها. أما سؤالك الثاني مافهمته.

[SRDAL]

السلام عليكم ورحمة الله وبركاته


يعطيك العافيه اخوي بوعبدالله .

بصراحه موضوع حلو وممتع وماشاء الله الشباب ماقصرو اثروه بمعلوماتهم الطيبه والزينه وماخلو لنا شي انقوله .

ولاكن انا بتكلم عن حداف الشعري على القطع او القصاصير الي بحرها رق وفيها شير .,

وبالنسبه لي انا هذا من احلى الحداق عندي وانت عارف وخابر .

عادت يكون الشعري الي في القطع يكون عافيته اقوى وسحبته احلى ويبيله ناس ماترحم الأسباب هي انك ولو عطيته

مجال او ماسحبت عليه بسرعه راح يشير عليك ... وغالبا يكون شعري القطع او القصاصير لما تشوفه يضرب

على الييمه كأنه ضربه شحذوذ يعني يسحب في الييمه وانت تفكره صغير فيه نوع من العياره . علشان كذا لازم

تكون يدك حساسه على الخيط ومن ياخذها وتحس انه سمت الخيط عندك اياه لاترحم .

وطبعا غالباً مايكون حداق الشعري الى على القطع ( بدون بلد ) يعني مجرد خيطك والميدار ( ويمك كرتون

ميادري بو 8 ) كأنه مول ك خابرين الشغله فيها شير .

وعلى فكره شعري الرق والقطع الذ من شعري الغزير .

هذا كل ماعندي .... اتمنى اني كدرت افيد بمعلوماتي البسيطه .

تحياتي للجميع .

[gulfhunter]

السلام عليكم ورحمة الله وبركاته



حياك الله أخوي ابونواف



مشكور اخوي على مرورك وتعليقك ........ طبعاً انا متأكد انه أكثر موضوع يشدك والسبب حبك إلى الشعري والله يستاهل.... فعلاً زي ماذكرت حداق القطع او القصار لازم يكون طفاحي (يعني بدون بلد) وهو ان خيطك ينزل على القصار او القطعه والملاحظه هنا ولازم ننتبه انك إذا رميت الخيط راح يكون على القصار هنا لاتسحب الخيط ولا تحاول تحرك لأنه أقل حركه له راح يشير انت انتظر الحبيب الشعري يجي ويريحك ويشيله لكن لاترحمه الإ إذا وصل عندك على الطراد



الله يوفقك ويبارك فيك

[كبير النواخذه]

اخوي gulfhunter (بوعبدالله)...
لما قريت الي انت كاتبه .... قلت ..ماخلى لنا شي نكتبه...بس قلت يالله بنعصر المخ وبنكتب..نزلت شوي الا الشباب ما شاء الله عليهم..ماخلوا لنا شي

لذلك حبيت ادخل واشكركم كلكم
بوعبدالله
بونواف
بوراشد
أبو ستري
النموذجي
الخليج

ربي يحفظكم ويسلمكم

بس ترى نسيتوا شي واحد ومهم جدا جدا جدا .....وهو ان كيلو الشعري بخمس ريال:D

[gulfhunter]

السلام عليكم ورحمة الله وبركاته

حياك الله أخوي كبير النواخذه

مانستغنى عنك طال عمر انت الكبير ........ بالنسبه اخوي بعيد عن سعره احنا حبينا ان نشارك خبرات الجميع ويكون مرجع للأستفادة طال عمر ومافكرنا بالسعر

لكن اخوي شعري عن شعري يفرق ونبي تعطينى وش الفرق طال عمرك :j

تسلم اخوي على مرورك

[سلاح]

أشكر الجميع بدون إستثناء عىل هذا الجهد المبذول
مشكورين وماقصرتوا
لكن خبركم أخوكم توه في الصيد
لذلك حبيت أسأل
ماهي طريقة السماري
وكيف طريقة الربطة بالنسبة للثقل والميدار
وإذا بالصور يكون أفضل
ومشكوووووورين وما قصرتوا


محبكم.................
أبو عبدالرحمن

[gulfhunter]

السلام عليكم ورحمة الله وبركاته

حياك الله أخوي ابوعبدالرحمن


حاضرين

بالنسبه إلى السؤال الأول المقصود بالسمار هو انك تخلي الطراد يسمر(يمشي , يتحرك مع المايه او الهواء) يعني ماتنزل البواره ولايكون مربوط في شي وتخليه طال عمرك يمشي


تحياتي لك وللجميع

[المحتسب]

بيض الله وجهك يابوعبدالله والأخوان جميعاً على طرق الصيد هذي وحنا فعلاً نحتاج نستفيد من خبرتكم يا النواخذه

[gulfhunter]

السلام عليكم ورحمة الله وبركاته

حياك الله أخوي المحتسب

اقول ماعليك زود يالغالي ومشكور على التعليق الجميل

تحياتي لك وللجميع

[ღ♥ღالصيادღ♥ღ]

عندي سؤال لنواخذه :


كيف نصيد الشعري من الشاطئ ( السف )

بالتفصيل الممل ولكم جزيل الشكر .

[Alhzzen]

كفيتوو وووفيتوو ماتقصرون


شكرا

[gulfhunter]

السلام عليكم ورحمة الله وبركاته

ღ♥ღالصيادღ♥ღ

حياك الله أخوي الصياد

بالنسبه إلى صيد الشعري من السيف لا يختلف كثير عن صيد القطعه. والأهم هي معرفة المكان اللي تصيد منه هل هو ميافر او منطقه رمليه وانت رايح .... ومن معرفة حالة المكان راح نقدر انا نفيدك

لكن جرب انك تخلي الخيط ترديعه مثلاً انك تخلي الميدار (السنارة) بالأول ومن بعده بمتر البلد (الثقل) وجرب وتكول على الله

Alhzzen

حياك الله أخوي Alhzzen

تسلم اخوي على مرورك الجميل


الله يوفقكم ويبارك فيكم

[مترف]

ماشاء الله عليكم

وفيتو وكفيتو

بارك الله فيكم

لي مداخلة بسيطة

وهي كل ماطالة الترديعة أضرب فقط إذا في تيار سقي أو ثبر

وأضيف أن أفضل أنواع الشعري صيد لرقوق

ومن ناحية الييم أي يييمه عادي

[أبو صندوق]

أنواع الشعور ( الشعري ) في جدة ـ طبعا أتكلم عن التسميه المتداولة عن الصادين ـ :
الكرسيت : وهو ألذها وأغلاها ثمناً .
أبوكية ( أبو نقطة ) ـ رمك ـ محسني ـ أبو زهو ـ خرمي ـ ذيبة ـ أبو سير ـ أبو صقعة ـ دريني .

[الحوات]

اخوي gulfhunter

اتوقع انه صيد الشعري من اسهل انواع الصيد

بس احلى صيد للشعري كما تفضلت السماري وياحلاوه اذا طبيت في القطعة المطلوبه :D
ويتم تحديد القطعة مع اول شعري تصيدي تبداء ترسي
يعني من كثره يبدى بضرب معك في نص العمق بس اهم شي انك :no2: ماتخلي البحر بدون طعم
بمعنى ان لا ترفع الخيوط مره وحدة لازم يكون فيه طعم في البحر :good:

وايضن طريقة الصيد بالشباك ممتازه في ايام القمره (13 14 15) تمتاز بكثرة الشعور

والشكر الجزيل للجميع

[gulfhunter]

السلام عليكم ورحمة الله وبركاته

حياكم الله اخواني ومشكورين على مرورك الجميل

تسلمون على الأضافات الرائعه

[المفارق]

يعطيكم العافيه على هالموضوع والمشاركات
بس عندي سؤال :
وش الفايده من وضع ثقل بعد الميدار أو قبله وبعدين وش الفرق بين الحالتين

[gulfhunter]

السلام عليكم ورحمة الله وبركاته

حياك الله أخوي المفارق

بالنسبه إلى الميدار اول ومن ثم البلد فهذي تغري السمكه وهو ان الثقل يكون بالقاع والييمه (الطعم) يلعب فوق البلد على حسب طول الترديعه ويكون مغري للشعري

اما الطريقه الثانيه فهي تصلح للسمار

تحياتي لك وللجميع

[عاشق الزهر]

الله يعطيك العافيه على هذه المشاركة .
تحياتي ..

[gulfhunter]

السلام عليكم ورحمة الله وبركاته

حياك الله أخوي عاشق الزهر


الله يعافيك اخوي ومشكور على زيارتك للموضوع

[المفارق]

مشكور أخوي gulfhunter وماقصرت يعطيك العافيه



<SCRIPT type=text/javascript> vbmenu_register("postmenu_446826", true); </SCRIPT>

[gulfhunter]

حاضرين طال عمرك

[ولد بوظبي]

السلام عليكم ...

بالنسبة لصيد الشعري , نحن نصيده كالتالي:
الحداق / خيط 90 + بلد رقم 3 + ميدار تقريبا طوله أقل من 2 enches "انج" والمسافة بين البلد والميدار مسافة متر تقريبا

توح الخيط وانتظر نصيبك ..

معلومه : الشعري ينصاد في الخور و الرق , لكن هل تعلم ؟؟
هل تعلم بأن شعري الرق أحلى بكثيييييييير من شعري الخور لأن شعري الخور ياكل من العرشان وبعظ الأعشاب وتكون ريحته كريييهه بعد الشواي والطعم مب شي !!
أما شعري الرق فلا ريحه كريهه والطعم عجييييييييب !!

فعليكم بالحداق في الرق !



سامحوني على الاطالة ..

[gulfhunter]

السلام عليكم ورحمة الله وبركاته

حياك الله أخوي ولد بوظبي

الله يعطيك العافيه على الأضافه الجميله

الله يوفقك ويبارك فيك

[بن عاقول c.o]

السلام عليكم .... من خلال التجربة في صيد الشعري وأنت بالطراد ( سمّاري ) .. شعنده الخبره :D

أشلون تكسب أكثر كمية من سرب الشعري ؟ وبالذات إنه في أغلب الأوقات يجي أسراب متقّطعة فتشوف كل الخيوط تضرب في وقت واحد ..
- صيد الشعري بالذات يبي له توزيع سليم للحدّاقة على سطح الطراد وبالأخص إذا كان عددهم كبير .
- آنا شخصياُ أحدق في الغالب مع الزحمة بعصا دايو حقة اللفاح ومكية جبّارة وخيط 70 وميدارين .. ماحلفتّوني
ياجماعة الخير أني أصيد أكثر واحد فيهم لأنه لاشربكة أخيوط ولا مزاحم ألي جنبي ونزول الخيط بالقاع ولا أروع
بسرعة البرق :confused: ولا اعطي فرصة للشعرية أمصعها من القاع للطراد على طول وخذ 3 - 4 لفات
بالمكينة وألا هي على الطراد .
- تجهيز أكبر كمية من الطعم وبالذات في نصف الشهر وتوزيعه على الحدّاقة بالتساوي .. عشان مايغّثك
أحدهم ويقول لك .. قص لي طعم بسرعة تكفى !! :mad:
- تجهيز أدوات الغيار للخيط (ميادير ولوازمهم ) في متناول اليد للجميع كذلك عشان ماينط أحد منهم ويقول لك
علبة الميادير وينهااااا ؟ :mad:
- إذا التيار قوي في البحر خلّك على أكبر بلد عندك عشان تكسب المعركة ويكون قطة الخيط على طول في ثم
الشعرية هذا إذا ماكان الثانية وياها . :D أفضل عدد 2 ميدار .
- أصابعك ويدك لاتهملها ألبس قفازات عشان جرّة الشعرية وفكها من الميدار ولاتعطيها فرصة للتمرقص والدلع .
- لاترمي الشعرية في العرا وخصوصاُ مع الهويات الأسباب
1- عشان ماتنّسي وحده منهم وتخّيس عليك الطراد.
2 - عشان ماتزحف الشعرية وتعقّد خيوط ألي جنبك وألا تضربه بشوكها.
3 - عشان مايتغيّر مظهر الشعرية من الهوا وتتلوّث من الزيوت والبنزين ألي على سطح الطراد.
4 - عشان يسهل عليكم لملمة أغراضكم عند ماتبون ترجعون أو تغيرون مكان .

بالعربي خلّك مصوّب ماهر وزتها.... داخل الثلاجة .

- أحذر من شدة الحماس مع تتالي الصيد والحذف بالخيط في القاع لأنك تبي تصيد ماتنصاد :confused: فأغلب حلات
الحوادث مثل إن الميدار يشك في يدك أو ماشابه يكون مع ذروة الحماس حيث يتجاهل الواحد مّنا الحذر والسلامة
من عواقب السرعة في الصيد .
- واخيراً ولو إن السالفة بحر ولا لها نهاية صيدك في الأغلب مع بداية طلّة القمر أو قبل بشوي ألى وقت غير محدّد
عشان تحتاط وتجّهز حالك وتوّقت مشوارك ....

فعلاً لاتواخذونا الموضوع شيّق وماودّي أطوّل أكثر .. أحس أني دبلت جبودكم :o

المحب لكم / بن عاقول

[gulfhunter]

السلام عليكم ورحمة الله وبركاته

حياك الله أخوي بن عاقول c.o

تسلم لي اخوي على الأضافه الجميله وانا مع كلامك

بارك الله فيك

[عاشق بحر]

بخصوص الشعري اسمه لدينا الشعور:وانواعه منها (الرمك *المحيسني*الباحه *البنقس) ونأمل منك الفائده اخوي وماقصرت على الموضوع

[bahri]

مشكور يا مشرفنا العزيز

[gulfhunter]

عاشق بحر

السلام عليكم ورحمة الله وبركاته


حياك الله عاشق بحر

حاضرين اخوي ومشكور على اضافتك

بارك الله فيك

[gulfhunter]

bahri

السلام عليكم ورحمة الله وبركاته

حياك الله أخوي bahri

حاضرين طال عمرك والقصد الفائده للجميع

الله يوفقك ويبارك فيك

[ابوتركي1]

الله يعطيك العافيه اخوي ابو عبدالله علي الموضوع الشيق والمفيد الله لايحرمنا من موضيعك الممتازه وبارك الله فيك ياغالي0000

[gulfhunter]

السلام عليكم ورحمة الله وبركاته

حياك الله اخوي ابو تركي

الله يعافيك اخوي وتسلم لي على الأطراء الجميل واللي مو مستغرب منك

بارك الله فيك

[فهد مدني]

الله يديكم العافيه علي المعلمات القيه
ابغي مواقع الصيد في ينبع والرايس وخطوط السير علي gps و الله يديكم العافيه

[nasser_ali]

مع ان الموضوع من العام بس راح اشارك

انا احسن طريقه عندي الصيد بالمسدس خصوصا بالمناطق المرجانيه تحصل الشعري رابي صحححح
...اول شعري صدته كان على السيف كنت حاط غزل وجيت بالليل اشيك والا احصله لاصق بالغزل من كبره ( يمكن فيه 5 كيلو) ماقدر يدخل من فتحت الغزل...

[gulfhunter]

فهد مدني

حياك الله أخوي فهد

مشكوووووووور اخوي على مرورك الجميل وان شاء الله احد الأخوان يساعدك على طلبك

nasser_ali

حياك الله أخوي ناصر

مشكوووووووور اخوي على مشاركة الأكثر من رائعه والإضافة المفيدة

الله يوفقكم ويبارك فيكم

[الهجري]

بعض الغشاشين في سوق السمك يخلط لك السولي بشعري

و ينغش فيه المساكين

حسبنا الله و نعم الوكيل

[سامري عنيزه]

مساكم الله بالخير جميعا وسؤالي ياأخوان ماهي صلاخة الدويلمه والوحره والميد--- لأني من جده كما أتمنى من أخواني الكريم الذي يستطيع رسم اوتصوير طريقة 1- ربط الخيط بقصبة الصيد حبه حبه كما قالوا 2- ربط الثقل بالخيط حبه حبه 3- ربط السنانير حبه حبه مثلا اذا ربطت سنارتين جنب بعض كيف اضمن ان الخيوط ماتلتف عليها- للأخ المشرف خالص تحياتي ولجمير اخواني لأنه لو تم الشرح بطريقه وافيه لكنا فهمنا وارتحنا من النقل من غ

[معاند سيف]

ان ناوي اسوي شكه. وارسلها من السيف الي البحر بهوامه كبيرة واخلي اليمه كلها طفاحي. مادري هالطريقه تنفع للشعري؟ انا متردد بخصوص الطفاحي للشعري!

[alburkan]

السلام عليكم

اشكر الجميع على المعلومات المفيده والقيمه
تحياتي للجميع

[شرقي هواي]

أتوقع بحر ابو قميص هو الموطن الأصلي لهذا السمك فهو متوفر بشكل خرافي فيه اليوم أنا رجعت منه و قبل ساعتين وعدد الشعري اللي طلعنا ه 20 عروسة مزخرفة والباقي بين حمام ونيسر وقرقفان وحاقول ولله الحمد طبعاً مو أنا بروحي معاي 7 أشخاص وراح ننزلها قريب طبعاً فيه ثلاثة من الأعضاء بالمنتدى معي وهم أبو ميدار وإكس مان وكلنا عيال عم وحبايب ياحبايب;)

[gulfhunter]

مساكم الله بالخير جميعا وسؤالي ياأخوان ماهي صلاخة الدويلمه والوحره والميد--- لأني من جده كما أتمنى من أخواني الكريم الذي يستطيع رسم اوتصوير طريقة 1- ربط الخيط بقصبة الصيد حبه حبه كما قالوا 2- ربط الثقل بالخيط حبه حبه 3- ربط السنانير حبه حبه مثلا اذا ربطت سنارتين جنب بعض كيف اضمن ان الخيوط ماتلتف عليها- للأخ المشرف خالص تحياتي ولجمير اخواني لأنه لو تم الشرح بطريقه وافيه لكنا فهمنا وارتحنا من النقل من غ

حياك الله اخوي

صلاخة الدوييلميه .... او شي نشرح لك وش الدويلمي .... هو البركودا الصغير ... تقطعه وتحطه بالميدار

بالنسبه إلى طلباتك الثانيه موجوده بكثير من المواضيع وتقدر تسوي بحث على موضوع اخوي jawan وان شاء الله تلاقي اللي يسرك ويرضيك

[gulfhunter]

الهجري

مشكوووووووووور على مرورك ونصيحتك الجميله

معاند سيف

انت جرب وشوف النتيجه ولكن يفضل انها تنزل للقاع

alburkan

تسلم لي على مرورك وتعليقك الجميل

شرقي هواي

مبروكين الصيد .... ويعتبر راس ابو قميص من المناطق اللي يكثر فيها الشعري ... وكان بالأمكان انكم تجيبون اكثر من الصيد هذا يعني كم ثلاجه .....

[GALM1]

^^ السلام عليكم ورحمه الله وبركاته


يا اخوان بغيت اسأل عن الطعم الصناعي للي على شكل قبقب صغير هل ينفع للشعري ؟؟


^^

[ابو محمد رائد]

بارك الله بكم جميعا
على هذة المعلومات القيمة والمفيدة
وشكرا لكم

[حوات جده]

أهم شيء ان الشعري يتجنن لما يشم ريحت الجمبري(الروبيان)
جرب وشوف

[ali200m]

بصراحة ماجربت اصيد الشعري بوقميص بالربيان ولم اجرب الربيان في بوقميص خلال سنتين
لكن هاذي السنة سوف يكون لنا تجارب اكثر من تجربة طعم حي وقراقير ومدور وغيرها من اشياء سوف نطورها وبمشيئة الله سيتم التجربة


اذا يوجد شخص يعرف مكان ممتاز في العقير اوالريف اوالقصار للقراقير

[شاهين2007]

راحو الطيبين

[ابو نوف 200029]

يعطيك العافية ومشكور وما قصرت معلومات قيمة بارك الله فيك

[حياتي البحر]

ما شاء الله بارك الله بالجميع استفدت بامور عدة

[blacksurf]

ودي أسألكم يا إخوان أنا ماخليت وقت ليل ولانهار ولاخليت مكان في الخبر والدمام والشبيلي والجبيل وراس تنورة والفناتير إلا ورميت فيه خثاق وربيان وسلس ومنشوس وميد لكن مدري وش السالفه ماطلع معي شعري الا مرتين وبعدها هون
يمكن عشان أنا أصيد على السيف وهو يتواجد بالغزير ولا وش السالفه
علموني إذا كان في طريقة أحسن الله يجزاكم خير
للمعلوميه أنا بعطيكم العده وأنتو إحكموا :
بلد 4
خيط 61 big game
قصبه 5 متر
وركه 2 متر
ميدار 8 أو 10
الطعم خثاق أو راس خثاق وجربت الخثاق الأبيض والأحمر وأرمي الطعم ويرجع لي مثل ماهو أو تضرب علي أنواع ثانية

مشكورين
تقبلوا مروري يانواخذه

[شرقااااوي]

مشكور والله استفدت وانتظر جديدك

[Zizo_1977]

الله يعيكم العافيه
والله موضوع جميل جدا و كما يقال (يمز الريج) وعليكم الترجمه يالنواخذه
والاجمل من كل هالسوالف والزفره وجودكم واثراءمنتدانا بهالمعلومات الجميله
تقبلو مروري

[mr-albreak]

يعطيكم الف عافية يا اخوان ربي وفقنا بـ نواخذة في هاالمنتدى الطيب
الله يجزاهم عنا كل خير

[للزمن ثمن]

السلام عليكم
ما شاء الله ويعطيك العافيه ويسلمووو الايادي اتمنالكم التوفيق ورحلات سعيده

[B 7 R]

مشكور على الموضوع الجميل

[accentkool]

مشكور ويعطيك الف عافية