قوافي ( أم نهار )
31/03/2012, 09:55 PM
السلام عليكم ورحمة الله وبركاته
حيا الله مشرفينا الكرام
يامرحبا باخواني واخواتي الاعضاء
ياهلا بزوار خيمتنا الغاليه
من ما سمعت بمجالس احبتي الغاليين واللذين ارتحلو عنا رحمة الله عليهم هذه السولافه
كان فيه واحد عنده بنت مزيونه دمثة الاخلاق محبوبه عند الجميع
وكما يقال زمان سنعه راعية بيت كل شي تسويه والحريم يكثرون من مدحها وهذا صحيح مهوب مجامله ويمكن الوصف قليل عليها بعد
البنت لها عيال عمان وعيال خوال والكل يتمنى يفوز بهاالبنيه وكل واحد يروح عند ابوها ويحاول يظهر له انه رجال نشيط يكسب رزق ويلمح من بعيد وصارت مثل المنافسه لكن البنيه كانت تبي واحد بس من كل اللي حولها واحد من عيال عمها والمشكله انه الوحيد بينهم اللي رزقه شوي ولا عنده شي حتى هو ما حولك احد بالنسبه للباقين لكن مثل ما يقولون مراية الحب عميا..
بيوم سيرت بنت الخال وقالت لهاانهم بيجون ويخطبونه لأخوها.. هذي انهبلت وقالت : انها تبي ولد عمها فلان.. قالت لها بنت الخال: انتي شفتيه يمكن يصير شين( على اساس ان البنات اول تخفر من سن صغير جداً ولاتطلع من البيت إلا نادر ولا تشوف إلا محارمها فقط).. وبعدين موب مثل اخوي عنده خير وراعي مجالس وووووو...إلى آخر المدح ..
قالت لأ أنا مابي إلا ولد عمي حتى لو تخطبونن ماراح اوافق وابوي يشورن لين جان معرس ما يزوجن احد ما ابيه!!طلعت بنت الخال وهي زعله وليه ترفض اخوه وهذا شي مهوب باليد بس كلن يغلي اللي عنده ولاهان عليه رفضة اخوه
راحت بيتهم وعلمت اهله بان بنت الخال تبي ولدعمه فلان وانه ماراح تعرس إلا عليه ..فكرو وشلون يخلونه تهون او تغير تفكيره وتاخذ ولدهم المتيم قالت الام:
ولد عمه قبل ثيابه حوسه وراعي تسلابه يعني كلابه ؟؟ جبوه يوم عندبيت خالك تشوفه من الدريشه تصير اختك عنده تتفق انت وياه وتكح الين وصلت همن اختك تخليه تويق يعني تطل من الدريشه وتشوفه واكيد عقبه تهون يعني تتركه وانت البس ازين ماعندك
عقب يومين راحت البنت لبنت الخال وسوت نفسه تبي تزوره وانه ما صار شي وهي تبي تنفذ خطة امه وفتحت الدريشه وتعلثت بان الحجره حر
لين الدنيا امطار وحوسه وولد العم قاعد يلعب مع تسلابه وصاير
حوسه من التسلاب ورجليهم مدعيةً ثوبوه لقسه وياطايح بها الطين ياقايم وتكمل التسلابه تلطيخ
نادى ولد الخال ولد عم البنت وقال له ابيك تروح معي مشوار وراح الضعيف مايدري وش اللي يخطط له ويوم وصلو كح اوتنحنح ,,قالت البنت هذا اخوي اكيد جاي ياخذن ابي اطل همن قالت ناااااااااه معوه ولد عمتس فلان نقزت تبي تشوف ولد العم ولاه حوسه من كل مكان وتسلابه حوله
يوم انقلب وجهه وش هالحوسه وفيه فرق بينه وبين ولد الخال المرتب وهو مطر!! وكبكات وازرار تلمع.. وذا طين وتسلاب والله العالم ريحتوه تصرع..
لاحظت بنت الخال سفطت وجه البنيه وعقب المغرب جو يركضون يخطبون قبل تهون وفعلاً البنت وافقت..
ويوم جا يوم العرس والعروس اول بنفس البيت تقام والرجال يفرشون زل بالشارع .. ولين الدنيا صجه ولجه العرس عقب صلاة العشاء بيملكون ويتم العرس ..
سمعت ابوه وهو يقول لاخوه الصغير رح شف ولد عمك فلان اللي هو الحبيب بيجي ومعوه دخون او مانسميه بخور مرسله عمك جبوه.. اخذ الولد الدخون وجا ولد العم وقال بيتين شعر للولد وقاله لاتنسى رح قلهم لفلانه يعاني بنت عمه العروس ولا تعلم احد ومن ضمن البيتين قال انه تمنى انه تكون مرته وانه يحبه وعلى حساب انه توه صغيره على العرس وكان يحتري الوقت المناسب ويخطبه وبارك له..البنت من يوم ما سمعت ابوه طلت من الدريشه وشافت ولد العم الينه غير ابو التسلابه ويوم جا اخوه وقاله وش قال:؟؟؟؟؟!!!!!!
انهبلت وعرفت ان ولد الخال قاصد مهوب صدفه جيبتوه عند الدريشه وصخ!!!!!!!!!
وارسلت اخوه بسرعه رح قله: وعطتوه هي بعد بيتين فهم انه مصره على وجوده شاهد على العقد ..
وجا على حسب ما طلبت!!! ويوم بدى المطوع بعقد الملاك وطلب سؤال البنت توافقين على فلان قالت:
لا لا ياشيخ وعشان ما احد يفهم غلط السالفه كذا وكذا وانااترك الخيار لبوي..
اسكت ابوه يكمل او يهون او يملك او يزوج ولد اخوه ما يدري شار اللي قاعدين والشيخ: وشارو عليه يزوجونه ولد العم وتم العرس على ولد العم:r
رجعو للخال وولده جهازهم وصارت زعله إلى ما مات بعضهم والله العالم الين الحين:f..تحياتي
اختكم
..قوافي..
حيا الله مشرفينا الكرام
يامرحبا باخواني واخواتي الاعضاء
ياهلا بزوار خيمتنا الغاليه
من ما سمعت بمجالس احبتي الغاليين واللذين ارتحلو عنا رحمة الله عليهم هذه السولافه
كان فيه واحد عنده بنت مزيونه دمثة الاخلاق محبوبه عند الجميع
وكما يقال زمان سنعه راعية بيت كل شي تسويه والحريم يكثرون من مدحها وهذا صحيح مهوب مجامله ويمكن الوصف قليل عليها بعد
البنت لها عيال عمان وعيال خوال والكل يتمنى يفوز بهاالبنيه وكل واحد يروح عند ابوها ويحاول يظهر له انه رجال نشيط يكسب رزق ويلمح من بعيد وصارت مثل المنافسه لكن البنيه كانت تبي واحد بس من كل اللي حولها واحد من عيال عمها والمشكله انه الوحيد بينهم اللي رزقه شوي ولا عنده شي حتى هو ما حولك احد بالنسبه للباقين لكن مثل ما يقولون مراية الحب عميا..
بيوم سيرت بنت الخال وقالت لهاانهم بيجون ويخطبونه لأخوها.. هذي انهبلت وقالت : انها تبي ولد عمها فلان.. قالت لها بنت الخال: انتي شفتيه يمكن يصير شين( على اساس ان البنات اول تخفر من سن صغير جداً ولاتطلع من البيت إلا نادر ولا تشوف إلا محارمها فقط).. وبعدين موب مثل اخوي عنده خير وراعي مجالس وووووو...إلى آخر المدح ..
قالت لأ أنا مابي إلا ولد عمي حتى لو تخطبونن ماراح اوافق وابوي يشورن لين جان معرس ما يزوجن احد ما ابيه!!طلعت بنت الخال وهي زعله وليه ترفض اخوه وهذا شي مهوب باليد بس كلن يغلي اللي عنده ولاهان عليه رفضة اخوه
راحت بيتهم وعلمت اهله بان بنت الخال تبي ولدعمه فلان وانه ماراح تعرس إلا عليه ..فكرو وشلون يخلونه تهون او تغير تفكيره وتاخذ ولدهم المتيم قالت الام:
ولد عمه قبل ثيابه حوسه وراعي تسلابه يعني كلابه ؟؟ جبوه يوم عندبيت خالك تشوفه من الدريشه تصير اختك عنده تتفق انت وياه وتكح الين وصلت همن اختك تخليه تويق يعني تطل من الدريشه وتشوفه واكيد عقبه تهون يعني تتركه وانت البس ازين ماعندك
عقب يومين راحت البنت لبنت الخال وسوت نفسه تبي تزوره وانه ما صار شي وهي تبي تنفذ خطة امه وفتحت الدريشه وتعلثت بان الحجره حر
لين الدنيا امطار وحوسه وولد العم قاعد يلعب مع تسلابه وصاير
حوسه من التسلاب ورجليهم مدعيةً ثوبوه لقسه وياطايح بها الطين ياقايم وتكمل التسلابه تلطيخ
نادى ولد الخال ولد عم البنت وقال له ابيك تروح معي مشوار وراح الضعيف مايدري وش اللي يخطط له ويوم وصلو كح اوتنحنح ,,قالت البنت هذا اخوي اكيد جاي ياخذن ابي اطل همن قالت ناااااااااه معوه ولد عمتس فلان نقزت تبي تشوف ولد العم ولاه حوسه من كل مكان وتسلابه حوله
يوم انقلب وجهه وش هالحوسه وفيه فرق بينه وبين ولد الخال المرتب وهو مطر!! وكبكات وازرار تلمع.. وذا طين وتسلاب والله العالم ريحتوه تصرع..
لاحظت بنت الخال سفطت وجه البنيه وعقب المغرب جو يركضون يخطبون قبل تهون وفعلاً البنت وافقت..
ويوم جا يوم العرس والعروس اول بنفس البيت تقام والرجال يفرشون زل بالشارع .. ولين الدنيا صجه ولجه العرس عقب صلاة العشاء بيملكون ويتم العرس ..
سمعت ابوه وهو يقول لاخوه الصغير رح شف ولد عمك فلان اللي هو الحبيب بيجي ومعوه دخون او مانسميه بخور مرسله عمك جبوه.. اخذ الولد الدخون وجا ولد العم وقال بيتين شعر للولد وقاله لاتنسى رح قلهم لفلانه يعاني بنت عمه العروس ولا تعلم احد ومن ضمن البيتين قال انه تمنى انه تكون مرته وانه يحبه وعلى حساب انه توه صغيره على العرس وكان يحتري الوقت المناسب ويخطبه وبارك له..البنت من يوم ما سمعت ابوه طلت من الدريشه وشافت ولد العم الينه غير ابو التسلابه ويوم جا اخوه وقاله وش قال:؟؟؟؟؟!!!!!!
انهبلت وعرفت ان ولد الخال قاصد مهوب صدفه جيبتوه عند الدريشه وصخ!!!!!!!!!
وارسلت اخوه بسرعه رح قله: وعطتوه هي بعد بيتين فهم انه مصره على وجوده شاهد على العقد ..
وجا على حسب ما طلبت!!! ويوم بدى المطوع بعقد الملاك وطلب سؤال البنت توافقين على فلان قالت:
لا لا ياشيخ وعشان ما احد يفهم غلط السالفه كذا وكذا وانااترك الخيار لبوي..
اسكت ابوه يكمل او يهون او يملك او يزوج ولد اخوه ما يدري شار اللي قاعدين والشيخ: وشارو عليه يزوجونه ولد العم وتم العرس على ولد العم:r
رجعو للخال وولده جهازهم وصارت زعله إلى ما مات بعضهم والله العالم الين الحين:f..تحياتي
اختكم
..قوافي..