شخابيط

[السبيعي-503]

السلام عليكم ورحمة الله و بركاته

صبحكم الله بالخير جميع

يوم الجمعه انا عند البل و الجو اللهم لك الحمد خير و مطر و ادق على رئيسي فالدوام و اقوله تراني مانيب جايكم الاسبوع الجاي كله قال خلاص و يوم جت الساعه عشر الليل وهو يدق علي يقول لازم تجي باتسر فيه اجتماع قلتله ابشر و دوامي فالظهران..

و انا جاي بدعت قصيدة فيه و هذا مشدها..


لا والله اللي ضاق خاطرك يافهيد
و أنــت عــلــى نجـد العذيــة تورا

قالوا تحدرا من ورا بقيق بالصيد
صيد الفلس ماهوب صيداً بشقرا


وسلامتكم و عذرا على الاطاله

[يوسف الخليفة1]

وعليكم السلام ورحمة الله وبركاته


سلام يالسبيعي كثر وارد الصيد=واعداد ما رمل الشعافين يذرا
حالك كما حال الجمل رده القيد=واعظام صدرك كنها بسيل خبرا
تصفق عليه من الدعوب المزابيد=ياتي عيار بواسع الارض قفرا
حافت حشاك من الهجوس المشاريد=تلقا لها بين المغاليق مجرا
جت لك شحوف البال مثل المباريد=اللي مداها داخل الروح يبرا
ان كان حدتك الظروف المناكيد=بعض البشر دنياه تحداه قشرا
هني من يومه يجي له كما العيد=مجاني العطله ولا هيب تشرا
يمشي مع الصحرا سواة المفاريد=تباري الخلفات مع كل سمرا
يشب ناره بالفجوج المباعيد=يتكي خلاوي مهتني خلف مذرا

[مكرم الضيف]

صح لسانك وصح لسان ابوعبدالله

وللجميع تحياتي