وش الحل مع تويوتا إذا صرفوك

[سفير الجزيرة]

السلام عليكم احبابي

شريت هايلكس بريمي من معارض النسيم اصفار جديد ولما اخذته طلع فيه صوت في قير الدبل ورحت لوكالة ابو جميل لان فيه ورقة ضمان للسيارة عندهم
والحين الموتر له اسبوعين يقولون ننتظر موافقة المركز الرئيسي

وش الحل معهم

ادفع 85 الف واخرتها امشي بتكاسي!!!!

[الا سير]

اذا فتحت ملف للموترعندهميشملها الضمان
وماعليك من كلامهم
المشكله ان اكثر الشركات تخفي حقيقة القوانين التي
تصب في صالح العميل ويضعون موظفين معسولين اللسان
لمماطلته وتطفيشه من المطالبة في حقه

[tevo]

للأسف الحين صار ( لسانك حصانك ان فلته صانك) الواحد لو ما يسوي زحمه بالوكاله ما اياخذ حقه ويمرمطونه .

[abo shagran]

صارت مع واحد من الشباب .. اف جي جديد طلع عليه الايرباق فجأه ووداه لعبداللطيف جميل ورفض انه يصلحه ويكلف الموتر 36 الف تقريبا .. وكلم حماية المستهلك ووزاره التجاره, طولت السالفه لمدة شهرين والموتر في الوكاله واخيرا صلحوه بعد عده جلسات وافقوا على التصليح ..


ما اقدر اقول غير ان الوكالات لاعبين على المستهلك

[سفير الجزيرة]

هذي المشكلة من قبيلك في هالموقف

الله يسرها بس

[طرق الهوا]

للأسف الحين صار ( لسانك حصانك ان فلته صانك) الواحد لو ما يسوي زحمه بالوكاله ما اياخذ حقه ويمرمطونه .

:good2: صادق ولا توقفها على الوكالة

[سيف وقلم]

شف طول لسانك وارفع صوتك وسو بلبلة وازعاج يعني خل الزباين يسمعونك بالعربي قروشهم لا تصير حبيب وإلا خلها خبر في صحيفة الكترونية ووصلها المحاكم واضبط أوراقك دق على حماية المستهلك هددهم بالإعلام راسل فرع الشرق الأوسط سو الي تقدر عليه بس انتبه لا يأكلونك بالحكي و لا يخدعونك بالكلام المعسول لا تتنازل أبد عن حقك مهما كان كانك تعرف أحد محامي وإلا شيء ادرس موضوعك من الناحية القانونية واعرف ما لك عليك وكودك تسلم