(طلب) أفضل ورشة سمكرة بالرياض؟

[mooma]

السلام عليكم
-
-
-
-
كيف حالكم
-
-
-
أخواني موتري فيه (حكات بسيطه) ع البيبان الجهة اليمنى المهم السياره تم تصليحها

لكن المشكلة السمكري (الله يهديه ) يعني زي ماتقولون شغله بربسة شوي (مهوب دقيق ) مع ان سعر شغله معقول (رخيص)

المهم انا ما أدري وش الي قردني وقلت له : بااخي شف لي البيبان تهرب هوا ومزعجتني

قال ابشر اسويلها وزنية (وياليته مازينها!!!) الحاصل انه الموتر ماصار يهرب هوا الا (الهوا قالط معي في الغماره !!!) والباب الامامي حق السواق مدري وش سوا فيه ؟ ماعاد يتسكر الا بالقوة ؟؟

موتري هو : هايلكس 2001 غمارتين

الخلاصه: من يخبرلي أفضل ورشة بالرياض يضبطون لي وزنية البيبان (ماابيها افضل من الوكاله ) لكن ابي الموتر يرجع مقبول شوي ؟؟

وشكرا مقدما على المساعده ,,,,,

[mooma]

السلام عليكم
-
-
-
-
كيف حالكم
-
-
-
أخواني موتري فيه (حكات بسيطه) ع البيبان الجهة اليمنى المهم السياره تم تصليحها

لكن المشكلة السمكري (الله يهديه ) يعني زي ماتقولون شغله بربسة شوي (مهوب دقيق ) مع ان سعر شغله معقول (رخيص)

المهم انا ما أدري وش الي قردني وقلت له : بااخي شف لي البيبان تهرب هوا ومزعجتني

قال ابشر اسويلها وزنية (وياليته مازينها!!!) الحاصل انه الموتر ماصار يهرب هوا الا (الهوا قالط معي في الغماره !!!) والباب الامامي حق السواق مدري وش سوا فيه ؟ ماعاد يتسكر الا بالقوة ؟؟

موتري هو : هايلكس 2001 غمارتين

الخلاصه: من يخبرلي أفضل ورشة بالرياض يضبطون لي وزنية البيبان (ماابيها افضل من الوكاله ) لكن ابي الموتر يرجع مقبول شوي ؟؟

وشكرا مقدما على المساعده ,,,,,

للرفع

الله يرفع مقداركم:)

[mooma]

أفيدونا ياأخواني

[ع. بن عمار]

وعليكم السلام ورحمة الله وبركاته
بخير جعلك بخير
من ناحية أفضل ورشة سمكره عن تجربة ورشة ارناج في الصناعية القديمه في الرياض
شغله حلو وبويته ما تفرقها عن الوكاله بس تراه في اسعاره لزخه بس شغل ما عليه كلام
أبيك بدايتاً قبل لا توديها تشوف الربل اللى على الباب, يمكن أنه ما ركب صح, و تكون شغلك بسيطه أنت اللي تسويها وما يحتاج أنك توديها لأحد

[mooma]

^^^^^^^
مشكوور يابن عمار وماقصرت

وبخصوص الربل مابهن خلاف وغيرتهن بعد بجديدات ونفس الشي الموتر يبليله وزن بيبان وخاصه من تحت (الباب فيه فراغ ملاحظه بعد مااسكره واظن او اجزم انه هو الي يهرب هوا )

[7ابو نواف7]

مر على الوكالة وأسألهم بكم يوزنون لك
أتوقع سعرهم مقارب لأسعار الورش في هذه المشكلة لأن كل السالفة شغل يد بدون قطع أو رش ..

[دليلة1]

ورشة الوفاء بالصناعية القديمة ..

الله ييسر أمرك..

[mooma]

مر على الوكالة وأسألهم بكم يوزنون لك
أتوقع سعرهم مقارب لأسعار الورش في هذه المشكلة لأن كل السالفة شغل يد بدون قطع أو رش ..
أخوي أبو نواف مشكور على مرورك الكريم

طيب هقوتك الوكاله يستقبلون الموتر ؟؟ لأنه خبرك موديل قديم 2001 (صح اني ماخذينه وكاله ) بس ماأدري ؟؟ فهل يا أخوي أنت متأكد انه ممكن يدخلونه الصيانه عندهم (على قولتهم ((مابعد شغل الوكاله شغل )) )

أخوي دليلة 1 مشكور على مرورك الكريم


بخصوص ورشة الوفاء هل هم يضبطون وزنية البيبان عدال ؟؟؟

[بنز560]

صناعيه الشفاء مليان مهندسين

[كم كيلو باقي]

الله يعينك ويسهل أمرك

[mooma]

صناعيه الشفاء مليان مهندسين

طيب ممكن ورشة تعرفها

ووش رايك بذا الورش

جيهان ورشة الشرق
هارون ورشة الشرق
ورشة الزعاقي