مشورتكم يامكشاتية عن البطاريات الجافة

[ابو شورى]

اسعد الله صباحكم اخواني المكشاتية
بدخل بالموضوع على طول لعلني اجد الجواب ممن مرت علية هذه المعلومة التى سوف اوجزها لكم واتمنى الا يكون الموضوع مخالف او سبق طرحة لانني مقل بالدخول لهذا القسم .
فأن كان سبق طرحة فأعتذر لكم مقدما وللمشرفين .
انتشرت موضة البطاريات الجافة وبعدة اشكال وانواع وكنت اتمنى ان اعرف طريقة لأنزال صور لها ولكن الشكوى لله فمحاكيكم اعليمي بهذه الامور .
البطارية اسمها (اوبتما) مكسيكية الصنع قوتها 75 وسعرها 800 ريال كنت عزمت ان اركبها احتياطية للثلاجة والاضاءة للجيب جي اكس البارحة ولكني ترددت بحكم انها مجهولة بالنسبة لي .
حبذا من كان مجربها او سبق ان مرت علية ان لايبخل علينا بالمعلومة سوا الاشادة او التحذير منها
لانني مليت من تغير البطارية السائلة فهي غير عملية .
تحياتي لكم

[ابو شورى]

93 مشاهدة ولا رد واحد!!!!!!!!!!!
معقولة ماكان العشم فديتكم؟؟؟؟؟

[إبومشعاب]

السلام عليكم ورحمة الله وبركاته إخوي على حد علمي ان البطاريات الناشفه
تستخدم في الطاقه الشمسيه وابراج الجوالات ومواقع التحليه اما اذا كان قصدك السياره ماعمري شفت ولاسياره فيها بطاريه ناشفه ولو كانت تصلح كان حطوها الوكالات .هذا والله أ علم

[أبو مها]

الاخ ابو شوري
اذكر ان البطارية الجافة كانت تأتي مع سيارات الكزس من المصنع سابقا
ولا ادري هل لاتزال كذلك، لكني قرأت في مكشات بخيمة السيارات
عن البطارية الجافة بأنها أطول عمر من البطارية السائلة الالكترونية
ولا أدري هل هذه المعلومة صحيحة أم لا
وللأسف لم أجربها حتى الان.

أخوك أبو مها

[ابو ساره 999]

الاوبتيما وانا اخوك اذا هي الصفرا خذ وانت مغمض واذا ماعجبتك انا اشريها منك شف اسعاره مستعمله بعنيزه وبريده وتعرف ليش امدحه لك فيها ميزتين خياليه الاولى انه لو تفضي شحن مره وحده وترجع تسوي له اشتراك تشتغل زي اول ماشريته بدون ضعف ولا شي
الثانيه البطاريه مافيها مويه يعني لراعي البر خيال لانه سبب خراب البطاريات اللي نركب هو ان المويه مع المطامر والحركه يتحرك داخل البطاريه ويعدم البطاريه بسرعه واي سوال انا حاظر ارسلي على الخاص وابشر

[MTR]

يا جماعة البطارية من النوع السائل وميزتها التفريغ والشحن السريع وهذا الكلام من موقعهم
فقط للمعلومية

[البواردي5]

مع واحد من اخوياي ركبه اجلست تقريبا سنة وشهرين وانتهيت عيت تقبل الشخن

وفيه كذا واحد نفس الشي...

لاكن ماعرف الا واحد فقط عاشت معه 4سنوات.

تبي شوري لا تهمك..........

[حب لاينتهي]

توكل على الله وجرب

وعطنا رايك فيها

[snack1028]

اسعد الله صباحكم اخواني المكشاتية
بدخل بالموضوع على طول لعلني اجد الجواب ممن مرت علية هذه المعلومة التى سوف اوجزها لكم واتمنى الا يكون الموضوع مخالف او سبق طرحة لانني مقل بالدخول لهذا القسم .
فأن كان سبق طرحة فأعتذر لكم مقدما وللمشرفين .
انتشرت موضة البطاريات الجافة وبعدة اشكال وانواع وكنت اتمنى ان اعرف طريقة لأنزال صور لها ولكن الشكوى لله فمحاكيكم اعليمي بهذه الامور .
البطارية اسمها (اوبتما) مكسيكية الصنع قوتها 75 وسعرها 800 ريال كنت عزمت ان اركبها احتياطية للثلاجة والاضاءة للجيب جي اكس البارحة ولكني ترددت بحكم انها مجهولة بالنسبة لي .
حبذا من كان مجربها او سبق ان مرت علية ان لايبخل علينا بالمعلومة سوا الاشادة او التحذير منها
لانني مليت من تغير البطارية السائلة فهي غير عملية .
تحياتي لكم

خذا وانا اخوك وانت مغمض واذا انت في الرياض رح لمركز الصبي في الربوه واسال عنها موجوده عندهم جديده الصفراء والحمراء ولعلمك هذي افضل بطاريه وحسب المعلومات الي عندي انها تعيش اكثر من عشر سنوات ( بالنسبة للاخ الي قال انها مع رفيقه وعيت تنشحن اتوقع ان تاريخها قديمه او مستخدمه )وسرعة تعبيتها اقل بكثير من البطاريه السايله العادية وتعطي كهرباء ثابت وحسب المعلومات انها تستخدم في سيارات الاتصالات في الجيش الامريكي + الاسعافات وكل السيارات هذي مليانه بالاجهزة الحساسه (( واصحاب السيارات الي يركبون مضخمات للصوت وسمعات كبيره في السيارات اذا ركبوها وطولو على الصوت ما تسوي وميض لنور السياره وهذا دليل انها تعطي كهرباء صح )) انا مركب في السيارة عندي ثنتين احتياطي 75 للثلاجه + 55 اساسيه للسياره وماشية زي العسل ولا راح تحتاج غيرها اذا جربتها بتشوف الفرق لا من حيث بقائها وقت اطول ولا من حيث الصيانه وسرعة التعبئة بالنسبة لي هي افضل بعدة مراحل من العادية ولعلمك اصحاب السيارات المرهمه الي فيها تعديل في المكينه ما يشغلون سياراتهم الا فيها لانها تعطي فولتيه ثابته - حسب افادة احد الاخوان -

[محنك]

حياك الله يالغالي .....
أنا مركب الزرقاء على الجيب / 66 امبير وهذي اقوى بطارية الزرقاء .... اما الصفراء والحمراء أضغف امبير الظاهر 50 و 55 ... اما الزرقاء 66 امبير ...... ويجي لها اصبعين موجب / واصبعين سالب /... للاسلاك المرهمة .. وميزتها سرعة الشحن والاحتفاظ بطاقة استيعاب كبيرة . ومقاومتها لحرارة المكينة والاجواء الحارة .. عكس البطاريات العادية بالصيف تضعف وتلعب فيها الحرارة .. اعرف واحد جلس شهرين طافي موتره وشغل وماشاء الله اشتغل ...
شريتها بسعر 1100 .... جديده من موزع .. والوكيل ارخص .... ووكيلها بالصناعية القديمه ...
لها معي تقريباً حول 8 شهـــور .. كهرب غير طبيعي والمكيف صار يبرد أكثرر والنور قوي ودقة السلف قوية وكل شي قوي .. والدينمو مبسووط.. ماشاء الله ..
وما اقدر احكم عليها الى الان .. لكن لمباتي واجد ومحولات .. ولاب توب .. وكشافات كبوس .. وترهيمات كهربائية أخرى .. تسحب كهرب
وبعد 7 ساعات ادق سلف وماشاء الله ...
والحقيقة التجربة خير برهان ...
وانا خذيت الزرقاء لأنها اقوى امبير من الحمراء والصفراء ...
واذا جلست 3 سنوات معي نعمه لأن استخدامي عنيف ..
واذا كنت أبغير كل سنه بطارية جديدة بحكم الاستعمال القوي في الكشتات , من البطاريات العادية الاصلية سعرها 400 يعني ثلاث سنوات 1100/1200 نفس الحكاية اوبتما 3 سنوات نعمه ......
وأما البطاريات العادية فهي بصراحة على استخدامي ماتكمل 8 شهور وتفضى معي فجأه أو تضعف جدا ... خصوصا في الصيف تكشت وتخاف تدق سلف وماتشتغل
وسعرها 350 الى 450 ... على ايش ...
وكانك بتاخذ اوبتما ... خذها من الوكيل عشان مايكون تاريخها قديم .... لأن المخزنات مافي شك انه ينقص من عمرها ... ولا تاخذ مستعملة .. فك جديده وجرب بنفسك .. لان اللي يقولون انها ماتعيش ماتدري هل شراها مستعملة او جديده .. وهل هي مخزنه او لاء ...
لأني اشوف اعلانات بطاريات اوبتما مستعملة جاية من الكويت والخليج ... وما انصح بشرائها لأنك ماتدري يمكن صحيح فترة استعمال قليلة لكن تكون منكرفه كررف وجايها استعمال عنيف ومشفووطه شفط .. وبذلك يكون مافي فايده من شرائها ... وبالله التوفيق

[ابوخالد2004]

سبب خراب البطارية الاضافيه
الكهرب الزائد اللي يكون فيها وسببه ان البطاريه تجلس فتره ماتستخدم والدينمو يعبيها ويعبيها لين يزيد الكهرب عليها ثم تبدا تفور مع الاصبع ثم تخرب البطارية وعلى هالحال......
الحل سلمك الله فيه جهاز شفته عند المرباع عنيزه او رفيق الدرب بالغرابي عنده جهاز اكتروني مجرد تمتلى البطاريه كهرب دايركت يوقف الشحن عنه واذا حتاجت شحن يعطيه كهرب...

[دانة السنام]

البطارية الجافة ديب سايكل تستخدم مع الواح الطاقة الشمسية ولابد من وجود منظم شحن حتى يتوقف الشحن عندما تمتلئ البطارية لذا انصحك بأخذ منظومة كاملة لوح طاقة شمسية وبطارية تروجان امريكية اصلي مجربة ومنظم شحن 10 امبير ومحول على حسب احتاجك من الوات وارتاح وبتكلفة قليلة وعمل دائم وضمان الالواح الشمسية 15 سنة وللطلب من مؤسسة دانة السنام ايميل :t1313u@hotmail.com جوال : 0598337922 ابو محمد

[عاشق ورق]

انا مركب الحمرا وشاريها مستعملة ع تاهو من سبع شهور ولا عندك باحسن منها ورجعت وشريت الصفراء جديدة وركبتها ع اسوزو وامثلها من ناحية قوة الكهرب مع انه ديزل
تبي شوري اتكل على الله وخذ الي تناسب موترك
تحياتي

[البارق الاصلي]

اخ محنك
الوكيل حق البطاريات اللي تقول في الصناعية القديمة وين مكانة او رقمة
ولاخوة اللي عنده رقم محل عنده هذي البطاريات يكتبه لنا او على الخاص

وشكراً للجميع

[أبو نور]

أفضل بطاريه بلعالم كله أوبتيما وماهي سائل البطاريات هذي فيها ماده الجل وقوه التشغيل فيها يعني الستارت 780 أمبير لمده 15دقيقه يعني لوسيارتك ماتشتغل وتدق سلف لمده ربع ساعه متواصله او أكثر البطاريه لاتضعف ولايتغير فيها شي وأقوى بطاريه بلمحافظه على مخزون الشحن لوتشحنها وتشغلها بعد سنتين ماتتغير هي هي نفسها وعمرها الأفتراضي 11سنه متواصله وأنا كانت لي زياره لمصنعها أثناء دراستي بأمريكا وهي الأولى عالميا حتى هذي الساعه أخذها ولاتشاور

[البارق الاصلي]

شباب وين وكيل ابتيما اذا ممكن وصف المحل او رقم تليفونه

[دانة السنام]

البطارية لا تنفع السيارات

[بوجريس F-150]

اسعد الله صباحكم اخواني المكشاتية
بدخل بالموضوع على طول لعلني اجد الجواب ممن مرت علية هذه المعلومة التى سوف اوجزها لكم واتمنى الا يكون الموضوع مخالف او سبق طرحة لانني مقل بالدخول لهذا القسم .
فأن كان سبق طرحة فأعتذر لكم مقدما وللمشرفين .
انتشرت موضة البطاريات الجافة وبعدة اشكال وانواع وكنت اتمنى ان اعرف طريقة لأنزال صور لها ولكن الشكوى لله فمحاكيكم اعليمي بهذه الامور .
البطارية اسمها (اوبتما) مكسيكية الصنع قوتها 75 وسعرها 800 ريال كنت عزمت ان اركبها احتياطية للثلاجة والاضاءة للجيب جي اكس البارحة ولكني ترددت بحكم انها مجهولة بالنسبة لي .
حبذا من كان مجربها او سبق ان مرت علية ان لايبخل علينا بالمعلومة سوا الاشادة او التحذير منها
لانني مليت من تغير البطارية السائلة فهي غير عملية .
تحياتي لكم
حياك الله اخي العزيز
من واقع تجربه بطاريه قويه + تتحمل المطامر ولا تسرب شي + قوة التشغيل + طول مدة الخدمه يعني تعمر عندك 4 سنيين بالراحه ويمكن اكثر بعد مع العلم اني شاريهم مستعمليين ومركبهم على 3 مواتر وما شاء الله عليهم .
ملاحظه اذا كنت ناويها اضافيه للكهربا والانوار والثلاجه انصحك بأوبتيما اللون الأصفر لأنها مخصصه للشغلات الكهربائية الأضافيه واذا بتركب اساسيه للموتر طبعا اللون الاحمر .
تقبل مروري اخي العزيز .

[واحد بري]

ياشباب لو تكرمتو نبي رقم الوكيل او اي محل يبيع هذا النوع من البطاريات سواء في الرياض او القصيم

[البارق الاصلي]

ياشباب لو تكرمتو نبي رقم الوكيل او اي محل يبيع هذا النوع من البطاريات سواء في الرياض او القصيم

[سنار1]

ياشباب لو تكرمتو نبي رقم الوكيل او اي محل يبيع هذا النوع من البطاريات سواء في الرياض او القصيم
بطارية جبارة لكن لا اعرف كم تجلس من سنة عندي لها 8 اشهر اخذت النوع الاصفر
مكان بيعها في بريدة عند 4*4 الضاحي الشارع العام بعد اشارة مصنع الجميح على اليسار وانت متجه جنوب شرق
ورقم صاحب المحل ارسله على الخاص

[علي العساف]

ياشباب لو تكرمتو نبي رقم الوكيل او اي محل يبيع هذا النوع من البطاريات سواء في الرياض او القصيم

العبيشي لليطاريات بالرس طريق المدينة بعد يندة على اليمين بجانب الهلال الاحمر :)

[واحد بري]

العبيشي لليطاريات بالرس طريق المدينة بعد يندة على اليمين بجانب الهلال الاحمر :)


ممكن لو تكرمت رقم للمحل او جوال

[ابوخالد]

دلوني عليها في الرياض وسعارها ان اليوم مدورها في شارع الريل وقولي 1200 وبتجيهم بعد 15 يوم الله يجزاكم خير دلوني علي من يبيعها تكفون الوصف ورقم اتصال

[ابوخالد]

الي ذكر ان سعرها ٨٥٠ وين المحل عافاكم الله