سنارة الصيد والبرق...! [الأرشيف]

مشاهدة النسخة كاملة : سنارة الصيد والبرق...!

1بوخالد

02/04/2012, 11:37 AM

السلام عليكم ورحمة الله وبركاته
اولا المعذره على الأنقطاع الطويل عن المنتدى نظرا لكثرة الإرتباطات ولآكني اتابع من بعيد.

احببت ان اشارككم اخواني بقصه حصلت لي أمس وكان من الضروري إيصالها لأكبر عدد ممكن لتحذير وتنبيه الجميع وسلامتكم من وراء القصد.

بالأمس كنت معزوم على العشاء وبعد الأنتهاء من العشاء دعانا احد الأشخاص للصيد في شاليه خاص به وذهبنا هناك على عجاله وكانت الأجواء جميله جدا كما تعلمون من امطار خير وبركه ورعد وبرق وغيوم ملبده. وسبحان الله كنت اول شخص فتح سنارته وكانت جديده لسه مشتريها امس بطول اربع متر ونص. وعلى طول رميتها البحر ومسكتها وأشوف برق ضرب من بعيييييد جدا على يساري وفجأه احسست بضربة كهرب صغيره ضربة يدي وفزعت وكان حولي الشباب وقلت لهم وانا مبتسم ومستغرب "حسيت بكهرب ضربني" وفجأه ينبهني اخوي اللي كان اقرب واحد جنبي ويقول "شوف شوف السناره عليها كهرب" ويا الله من المنظر... :eek::eek::eek: كان فيها شرارة كأنها شرارة فتيل وكان لونها ابيض مزرق وتطلع صوت وزوزه مثل صوت الكهرب وكانت متوقفه عند اول كسره للسناره وكأنها تحاول العبور لإسفل السناره ولا تقدر. وعلى طول وبحركه سريعه وصلت اسفل السناره بالأرض وانا ماسك الجزء المطاطي والبلاستيك من السناره بحيث افرغ الشحنه بالأرض وعلى طول قفلت السناره ورميتها بالأرض.
وبصراحه ذهلنا كلنا من الموقف وعرفنا اني نجيت من موقف خطيييير جدا والله سلم. والغريب بالموضوع اني خلال معرفتي للبحر ما اذكر في يوم من الأيام احد حذرني من هالنقطه ولا اذكر اني قريت عنها بالأنترنت وهذا الأغرب! ولآكن بعد ما حصل لي امس رجعت البيت ابحث في المواقع ولقيت احد القصص اللي حصلت لأحد الأشخاص في امريكا وهو اب وابنه وكانت مثل القنبله اللي رمتهم بعيد ولآكن نجو من الموقف بقدرة الله وهذا رابط للموضوع وقصتهم مع مقابله تلفزيونيه:
http://www.kmbc.com/r/19730665/detail.html
وإليكم بعض الصور لسنارات صيد ضربتها صاعقة برق

http://www.onthewater.com/assets/lightning-fly-rod.jpg

http://www.onthewater.com/assets/fishing-rod-hit-by-lightning-small-400.jpg

http://www.onthewater.com/assets/lighting_rodb.jpg
وسبحان الله بعد ما تضرب الصاعقه البرقيه السناره تفككها إلى اصلها بشكل الشعر وهي الألياف الكربونيه كما ترونها بالصور.
والحمد لله على السلامه انا بخير وسنارتي بخير ولذلك رأيت انه من المهم جدا تحذيركم يا اخوان لسلامتكم وأخذ بعض النصائح والخبرات من عندكم ان كان عندكم اي معلومات من الممكن ان تساعد في تجنب هذه المشكله.
والله يحفظنا وياكم من كل شر.

وجيه الراسي

02/04/2012, 12:09 PM

الف الف سلامة اخي
وشكرا للتنبيه والحذر مستقبلا
وجعله في ميزان حسناتك
بالفعل الموضوع مهم جدا

فناوي

02/04/2012, 12:18 PM

الحمد الله على السلامه

تصدق حصلت لي يابوخالد بس مااعطيتها اهتمام زين نبهتنا الله يكتب اجرك

أبو ناصرالدين

02/04/2012, 12:19 PM

الف سلامة أبو خالد عسى ربنا يبعد عنك الشر
ليكون هذي الصنارة اليابانية؟

taresh

02/04/2012, 12:38 PM

سلامات اخوي بوخالد

الرحموني

02/04/2012, 01:10 PM

وين القطعه يا مليح

وش هالغيبة يا ابو خالد

ترى مانسمح لك تغيب عنا من كثر محبتنا لك

الله يعطيك العافية على هذا التنبيه

وودنا لو عطيتنا نوع الماركة وتفاصيل اكثر

تحياتي وتقديري

@السيف@

02/04/2012, 01:13 PM

الحمد لله علي السلامه
لا يجيك ولا يوريك مكروه

aglanco

02/04/2012, 01:36 PM

[CENTER][SIZE="6"]اولا الحمد لله على السلامة

ثانيا ممكن تخبرنا هل كانت العصا بيدك وحاولت ترمي فيها (جاهزة للتعشيق)

ثالثا : يبين من نوع القصبات انها من النوع المحشوة بالكامل (مصبوبة)

والحمد لله اولا واخرآ

White_Shark

02/04/2012, 01:41 PM

الحمد لله على سلامتك أخوي أبو خالد , وماتشوف شر إن شاء الله .. الله لايروعك .

معظم السنارات الطويلة مكتوب عليها " تحذير " بمنع استخدامها في حالة وجود عواصف رعدية لاحتمال اصابتها بالبرق .. و اللي حصل معك يعتبر من الحالات النادرة جداً على مستوى العالم .. ومن فضل الله عليك ماجاك شيء ولله الحمد .. ومن اليوم وطالع لاتستخدم السنارات في الأجواء الممطرة .. وباقي عليك صدقه :) .

ماتشوف شر بإذن الله .. وشاكر لك على التنبيه .

تقبل تحياتي .

بوناجم

02/04/2012, 02:14 PM

الحمدلله على السلامه..صحيح ما في تنبيه عن هالموضوع
ولكن انا عرفت الموضوع لان سنارتي موجود عليها تحذير عن الكهرباء عشان كذا اخذت حذري من هاذي النقطة
فيا ليت الجميع ينتبه

بوعادل الرشيد

02/04/2012, 02:23 PM

السلام عليكم ورحمة الله وبركاتة
الحمد للة على السلامة
وخطاك السو ومشكور على التنبية
وجعلها من ميزان حسناتتك وجزاك الله الف خير

ABO ZAIN 29

02/04/2012, 03:56 PM

الف سلامه ابو خالد
هذه معروفه القصبه الكربون
خطيره عند الامطار
موفق ي جميل

مالك مجال

02/04/2012, 05:09 PM

جزاك الله خير يا ابو خالد على حرصك على التنبية
وفعلا الواحد ينتبة خاصة وقت الامطار من البرق وخاصة اللي سنارتة كاربون
وهاذي الحادثة صارت قبل كم يوم مع واحد من الشباب في الدمام كانت سنارتة تطلع شرار.
لذلك السلامة قبل كل شي يا اخـــوان.

تحياتي لك
اخوك ابو راكان

1بوخالد

02/04/2012, 09:33 PM

الف الف سلامة اخي
وشكرا للتنبيه والحذر مستقبلا
وجعله في ميزان حسناتك
بالفعل الموضوع مهم جدا

الله يسلمك اخوي وجيه الراسي من كل شر والعفو

الحمد الله على السلامه

تصدق حصلت لي يابوخالد بس مااعطيتها اهتمام زين نبهتنا الله يكتب اجرك

الله يسلمك يا سلطان والموضوع خطير جدا ولازم ننتبه له ويمكن شفت وش حصل فوق للولد وابوه من هالحادثه الله يكفينا وياكم الشر

الف سلامة أبو خالد عسى ربنا يبعد عنك الشر
ليكون هذي الصنارة اليابانية؟

الله يسلمك يا بوناصر من كل شر وكنت بشتري اليابانيه بس قال لي الهندي فيه نوعيه جديده افضل واخذتها

سلامات اخوي بوخالد
الله يسلمك اخوي taresh

وين القطعه يا مليح

وش هالغيبة يا ابو خالد

ترى مانسمح لك تغيب عنا من كثر محبتنا لك

الله يعطيك العافية على هذا التنبيه

وودنا لو عطيتنا نوع الماركة وتفاصيل اكثر

تحياتي وتقديري

هلا وغلا ابويوسف واحبك الله اللي احببتني فيه والله يعافيك والقطعه والله من مشاغل الحياة بس قلبنا معكم ومتابعينكم.
وبصراحه السناره حقتي طارفه وكنت بصورها وانزل تفاصيلها ولآكني خفت اني اضلل المعلومه للبعض ويفهمون ان هالشي ما يحصل إلا للنوعيه هاذي من السنارات ولآكن الصحيح أنه ممكن يحصل لأي نوع من السنارات والله اعلم.

الحمد لله علي السلامه

لا يجيك ولا يوريك مكروه

الله يسلمك اخوي السيف ويحفظنا ويحفظك

اولا الحمد لله على السلامة

ثانيا ممكن تخبرنا هل كانت العصا بيدك وحاولت ترمي فيها (جاهزة للتعشيق)

ثالثا : يبين من نوع القصبات انها من النوع المحشوة بالكامل (مصبوبة)

والحمد لله اولا واخرآ

الله يسلمك اخوي aglanco
الله يسلمك مثل ما ذكرت كنت فاتح السناره وحطيت طعمي ورميتها بالبحر وماسكها بيدي وراسها بالسما واسفلها ما كان واصل للأرض لأني ماسكها.
والسناره مش من النوع المصبوبه بالكامل بل سناره عاديه كربون مفرغه.
والحمد لله على كل حال

[SIZE=5]الحمد لله على سلامتك أخوي أبو خالد , وماتشوف شر إن شاء الله .. الله لايروعك .

معظم السنارات الطويلة مكتوب عليها " تحذير " بمنع استخدامها في حالة وجود عواصف رعدية لاحتمال اصابتها بالبرق .. و اللي حصل معك يعتبر من الحالات النادرة جداً على مستوى العالم .. ومن فضل الله عليك ماجاك شيء ولله الحمد .. ومن اليوم وطالع لاتستخدم السنارات في الأجواء الممطرة .. وباقي عليك صدقه :) .

ماتشوف شر بإذن الله .. وشاكر لك على التنبيه .

تقبل تحياتي .

هلا وغلا اخوي وايت شارك
والله التنبيه اللي تقول عنه ما عمري قريته وراح ادقق اكثر في كتابة السناره وأوافيك وعز الله انك صدقت بسالفة الصدقه ونويتها دفعت بلا والله يتقبل منا ومنك وجزاك الله خير على التذكير والله يحفظنا وياكم.

الحمدلله على السلامه..صحيح ما في تنبيه عن هالموضوع
ولكن انا عرفت الموضوع لان سنارتي موجود عليها تحذير عن الكهرباء عشان كذا اخذت حذري من هاذي النقطة
فيا ليت الجميع ينتبه
الله يسلمك اخوي بوناجم وزين ان سنارتك عليها تنبيه ويا ليت كنت صورته لنا للإفاده ويعطيك العافيه

السلام عليكم ورحمة الله وبركاتة
الحمد للة على السلامة
وخطاك السو ومشكور على التنبية
وجعلها من ميزان حسناتتك وجزاك الله الف خير
الله يسلمك اخوي بوعادل والعفو اخوي ونبي السلامه لنا ولكم.

[CENTER]الف سلامه ابو خالد

هذه معروفه القصبه الكربون
خطيره عند الامطار

موفق ي جميل

هلا وغلا اخوي ابوزين والله يسلمك من كل شر

جزاك الله خير يا ابو خالد على حرصك على التنبية
وفعلا الواحد ينتبة خاصة وقت الامطار من البرق وخاصة اللي سنارتة كاربون
وهاذي الحادثة صارت قبل كم يوم مع واحد من الشباب في الدمام كانت سنارتة تطلع شرار.
لذلك السلامة قبل كل شي يا اخـــوان.

تحياتي لك
اخوك ابو راكان

الله يجزاك بالمثل اخوي مالك مجال وأعتقد انه من المهم إيصال التنبيهات للجميع بخصوص اي حادثه غريبه لسلامتنا ورفع الوعي لدي الجميع

hunter78

02/04/2012, 11:30 PM

موضوع بغاية الأهمية
شكرا للطرح والتنبيه وحمد لله عسلامتك
وجزاكم الله خيرا

خادم الإسلام

03/04/2012, 12:33 AM

الحمدلله اللي قدر ولطف ....والحمدلله على السلامة .

k.fares

03/04/2012, 12:57 AM

حمدلله على السلامه
وماتشوف شر يابو خالد

أبوحافظ

03/04/2012, 02:50 AM

يعطيك الف عافيه يابو خالد

كنت اشوف التحذير الموجود على القصبات وكان التحذير ينص على عدم الاقتراب من المصادر الكهربائيه

مثل اسلاك الضغط العالي ومصادر الكهرباء وغيرها مثل البرق

وما كنا نعطي الموضوع اهتمام لقله الامطار

لكن مع القصه اللي صارت لك اكيد بنعمل حساب للمرات القادمه

تحياتي لك على الموضوع الرائع وهذي صور التحذير من قصبتين موجوده وحده صب والثانيه تلسكوب

http://www.mekshat.com/pix/upload05/images242/mk200176_20120403287.jpg

http://www.mekshat.com/pix/upload05/images242/mk200176_161620016556521.jpg

alqamr

03/04/2012, 09:00 AM

سبحان الله
شي غريب جدا انه يتحول القصبة الى مادة الاصلية الخام ؟؟!!!!

النادر 111

03/04/2012, 09:29 AM

والله فعلا انا حصلت معي الاربعاء الماضي في المرجان الي في الدمام وكانت السناره فيها شراره كهربائية غريبة وكنت بصورها بس الجو مطر وكنت بطرح الموضوع هدا بس قلت ماحد راح يصدق الا الي شافها ويوم ابو خالد طرح الموضوع والله قلت السالفة لها علاقة بالعواصف الرعدية فعلا لدرجة انها صعقتني ونا انزل السناره وكان معي البايلوت 4.5 متر . والحمدلله عدت بسلامة والله شي غريييب جدا.

1بوخالد

03/04/2012, 12:07 PM

موضوع بغاية الأهمية
شكرا للطرح والتنبيه وحمد لله عسلامتك
وجزاكم الله خيرا
العفو اخوي hunter78 والله يسلمك ويجزاك بالمثل

الحمدلله اللي قدر ولطف ....والحمدلله على السلامة .

الحمد لله على كل حال والله يسلمك اخوي خادم الإسلام

حمدلله على السلامه
وماتشوف شر يابو خالد
الله يسلمك اخوي k.fares والشر ما يجيك

يعطيك الف عافيه يابو خالد

كنت اشوف التحذير الموجود على القصبات وكان التحذير ينص على عدم الاقتراب من المصادر الكهربائيه

مثل اسلاك الضغط العالي ومصادر الكهرباء وغيرها مثل البرق

وما كنا نعطي الموضوع اهتمام لقله الامطار

لكن مع القصه اللي صارت لك اكيد بنعمل حساب للمرات القادمه

تحياتي لك على الموضوع الرائع وهذي صور التحذير من قصبتين موجوده وحده صب والثانيه تلسكوب

الله يعافيك يا بوحافظ وبيض الله وجهك على ادراجك لصور التحذيرات على السنارات واللي مثل ما تفضلت الكثير ما كان يعطيها اهتمام.

سبحان الله
شي غريب جدا انه يتحول القصبة الى مادة الاصلية الخام ؟؟!!!!
لو تلاحظ اخوي alqamr حتى عندما تنكسر القصبه تلاقي في صبتها شعيرات خشنه لونها اسود من اساسها.

والله فعلا انا حصلت معي الاربعاء الماضي في المرجان الي في الدمام وكانت السناره فيها شراره كهربائية غريبة وكنت بصورها بس الجو مطر وكنت بطرح الموضوع هدا بس قلت ماحد راح يصدق الا الي شافها ويوم ابو خالد طرح الموضوع والله قلت السالفة لها علاقة بالعواصف الرعدية فعلا لدرجة انها صعقتني ونا انزل السناره وكان معي البايلوت 4.5 متر . والحمدلله عدت بسلامة والله شي غريييب جدا.
الحمد لله على سلامتك اخوي النادر وبالفعل كل الشباب اللي كانو معنا قالو لو ما شفنا اللي حصل شوف العين كان من الصعوبه نصدق السالفه وخاصه ان الموضوع محد سمع فيه من قبل.

غزال البوادى

05/04/2012, 02:45 AM

accentkool

05/04/2012, 03:47 AM

الف الحمدالله على سلامتك اخونا الغالي ابو خالد
ومشكوووووووووووور على التنبية ويعطيك الف عافية
وياليت تحدد نوع السنارة وهل هي كاربون فايبر ولا صب المنيوم

KOOOVER

05/04/2012, 12:27 PM

أخي الكريم...السنارات لكربون بالذات بيكون مكتوب عليها تحذير من الصدمة الكهربائية

السهران1

05/04/2012, 12:54 PM

الحمد لله على سلامتك اخوي الغالي ابو خالد
ومشكور على التنبيه الله يعطيك العافية

1بوخالد

07/04/2012, 07:13 AM

السلام عليكم اخوانى واحبتى فى الله اود اضافه معلومه صغيره قد يغفل الكثيرين عنها
الا وهى ان الكربون ردئ التوصيل للكهرباء بمعنى ضعيف يعنى لو ببساطه شديده السناره ضربتها برق قوته 10000 فولت وهى اولها او طرفها معدن تاكد انها هتنصهر من الحراره فما بالك وهى من الكربون ايش ممكن يوصل من ال10000 فولت لجسم الانسان ومجرد مرور مثل الشحنه هذه او نصها بحلقه معدنيه للسناره:l:f:eek: حفظكم الله ورعاكم
يعطيك العافيه اخوي غزال البوادي على هالمعلومه

الف الحمدالله على سلامتك اخونا الغالي ابو خالد

ومشكوووووووووووور على التنبية ويعطيك الف عافية

وياليت تحدد نوع السنارة وهل هي كاربون فايبر ولا صب المنيوم

الله يسلمك من كل شر يا بسام والله يعطيك العافيه ونوع السناره كربون فايبر موديل جديد ولا اعرف اسمها بس الأهم ان اللي حدث في هالسناره ممكن يحدث في اي سناره ثانيه لو توفرت نفس الظروف والله يحفظنا وياكم من كل مكروه. وسلم لنا على الشباب عندك :good2:

أخي الكريم...السنارات لكربون بالذات بيكون مكتوب عليها تحذير من الصدمة الكهربائية
بالفعل اخوي KOOOVER وكما ذكرت وذكرو الأخوان ان التحذير مطبوع عالسناره وانا رجعت ولقيته خلف المقبض بلزقه مقشوع نصها.

الحمد لله على سلامتك اخوي الغالي ابو خالد

ومشكور على التنبيه الله يعطيك العافية

الله يسلمك اخوي السهران من كل شر ومن واجبنا التنبيه والتحذير لسلامة الجميع والله يعافيك.

الموج العالي

07/04/2012, 08:46 AM

خارج من الشر ابو خالد

انتبهوا في المرات القادمة

1بوخالد

08/04/2012, 11:03 AM

خارج من الشر ابو خالد

انتبهوا في المرات القادمة

الشر ما يجيك يا بوعبدالرحمن والحذر واجب.