استفسار عن افضل طابعات الصور الفوتغرافيه..

[حلا الحور]

:s




السلام عليكم


اممم بدون مقدمات وكذا .. اتمنى تفيدوني و تساعدوني

من فتره ماهي بقصيره وانا اتمنى اشتري طابعه للصور .. :(ازين الصور بالفوتو ثمن اطبعهم
و لفيت بالنت قبل لا افتح هالموضوع .. بس مالقيت شي ساعدني .. يمدحون hp فوتو سمارت والايبسون .. :D
بس محتاره ابي طابعه تطبع بجوده ممتازه .. و حبرها متوفر .. وكيف الاسعار .. ومن فين اشتريها .. وكل المعلومات اللي تخص طابعة الصور الفوتغرافيه :D

اتمنى تفيدوني و تنوروني وشكرا لكم :)

[صلهامه]

وعليكم السلام ورحمة الله


انا كنت مثلك لفيت كل مكان ابى لى طابعة زينه ومالقيت .. بالأخير لقيتها عند سمير كوداك وبسعر مغالى فيه وجبتها من أمريكا بسعر زين بس اللى قص ظهرى الشحن وبرضو طلعت ارخص من اللى هنا .. حتى حبرها صرت اجيبه بالكمية من أمريكا يطلع ارخص لى تقريبا بالنص لأن المصيبة هنا بالسعودية أحبار الطابعات محتكرة بمعنى احتكار يعنى مالك الا الوكيل والا ازرع بصل وان بغيت تعبى العبوة الفاضية ما زبط مهما سويت ..
بعض ميزات الطابعة :
1- ثمان أحبار يعنى صورة ممتازة وحية وعميقة
2- طبع جميع المقاسات من مقاس صورة الجواز الى مقاس سوبر A3 , سوبر ِA3 يعنى المقاس الكبير حنا نعرف ِA4 اللى هو ورق التصوير العادى والـ ِA3 عبارة عن ثنتين من ِA4 , باختصار مجال كبير من احجام الطباعة .


يعيبها غلاء احبار الطباعة العبوة الواحدة سعرها هنا تقريبا 65 ريال !! ومن امريكا 20 ريال مع الشحن .


أسعار الطابعات هنا رخيصة لكن لا يغرك أسأل عن الأحبار قبل ما تسأل عن الطابعة وميزاتها , مثال كان فيه طابة سعرها كان 132 ريال ومعاها عبوتين حبر مجانا ويوم سألته عن الحبر تهرب البائع ليك حشرته وقال لى العبوتين تجي بكرتون واحد وسعرها 230 ريال

رابط الطابعة اللى اشتريتها :

http://www.ebay.com/ctg/Epson-R1900-Digital-Photo-Printer-/112048802?_refkw=epson+r1900&_pcatid=42&_pcategid=178&_from=R40&_dmpt=COMP_Printers#

بالنسبة لورق طبع الصور :
فيه أشكال وانواع وكل شكل ونوع له نوعية صور تطبع فيه .
فيه اللماع والمطفي واللى بينهن ويسمونه شبه مطفى .
وكمان فيه كثافة الورق فيه النوع الثقيل اللى كثافته توصل لـ 250 جرام وهذا أفضل شي لطبع الصور الطبيعية وصور الألبوم والقائمة تطور .

[حلا الحور]

مشكور وجزاك الله خير .. افدتني كثير :)
بس مشكلتي ما اقدر اشتري من برا .. صعبه بالنسبة لي ..
و حبيت مميزات الطابعه كثير .. الله يعطيك العافيه ماقصرت :)

[منصور الفايز]

وعليكم السلام

ما قصر اخونا الفاضل صلهامه

الطابعات انواع وفيهن فروقات واجدا.. طابعه حبر .. نوع يجيك بعلبيتن ونوع يجيك باربع علب ونوع اكثر من كذا
وطابعات ليزر .. اي انها حبر جاف


كلهن زينات :)
لكن
واذا تبي استخدام شخصي وطباعة صور جميله عني انا انصحك بالطابعه العاديه .. ام حبرين فقط .. تفي بالغرض من اي نوع كانون او ابسون او hp لانهن كلهن واحد بـ الطباعه .. اختلاف في السرعه واشياء ثانويه الكثير لانحتاجها او بالاصح لن تستفيد منها في الطباعه ... اهم شي ركز في اسعار الحبر قبل الطابعه :)

الاوراق ... اهم شي تكون بدون لمعه واسّمك من العاديه .. وما يشرب الورق الحبر كامل .. الانواع واجد لكن اختلاف الاذواق بعد تختلف ...

الي عليه الكلام هنا ... على كيفية حفظ وتعديل الوان الصوره قبل الطباعه !! اذا ضبطتها صح = طباعه جميله .. وتختلف اعدادات من شخص لاخر .. لاختلاف احجام والوان الشاشات الكمبيوتر ... اعتقد هذه اهم نقطه قبل الطباعه والامر يطول لهذه النقطه بالذات ...

اتمنى ان اكون افدتك ...

بالتوفيق

[MY PHOTO]

السلام عليكم


عندي طابعة ابسون r800 حابة أعرضها للبيع مع أحبارها ..


المواصفات :
- تطبع على مقاس A4 و A5 والمقاسات اللي أصغر
- تطبع على الخامات وجميع أنواع الورق
- تطبع على السيديات
طباعتها مرررررة حلوة :cool:.. وإذا حابة تشوفي نماذج تفضلي عندنا ;)..


عيبها وعيب كل طابعات ابسون : إذا صار لك فترة ماطبعتي تحتاج تنظيف :o.


مدة الإستخدام : أقل من سنتين على فترات متباعدة ..


سبب البيع : أشتريت لي طابعة أكبر .:rolleyes:


سعر البيع : 750 ريال .
والأحبار 8 ألوان طقم كامل + (الأسود المطفي - سماوي) : 720 ريال .


علماً بأني اشريت سعر الحبر الواحد 85 ريال .
بس خصمت على كل علبة 10 ريال والأبيض سعره 45 ريال .



وأي استفسار حاضريـــــــن ^_^