اذا تبايعتم فكتتبوا

[راشد الهاجري999]

السلام عليكم ورحمة الله وبركاته موضوعي للنقاش لماذا لا يرضى وممكن يزعل احد الصقاقيير. اذا شرط على طير وقت البيع وعندما تطلب توثيق ذالك بورقه ضماناً لحقك وحقه بالشروط والسعر شاط غضباً ورفض خصوصاً عندما لا تكون هناك سابق معرفه بين البائع والشاري ولكم الرد إخواني الاعضاء

[ســـبــار ربــعـــه]

لانه كذوب طال عمرك.واشكرك على اثارة الموضوع الي عانا منه الكثيييير.

[yasser1389]

كلام الاخ فهيد صحيح لانه فعلا كذوب وما له ذمه

[الامبراطوري]

من يشتري طير ماشاف فعلة بعينة يستاهل مايجية لو معة مية ورقة ماتقدر تمسك عليه شئ لان الطير ماهو جهاز او الة اتغير في اي لحظة .

[أبو فيصل]

اللي ما يرضى بالتوثيق هو بكيفه وأنت بكيفك تشتري الطير ولا تخلّيه ... وأنا أقول يمكن أن الصقار الخبير بنفس الطير وقلّة الصيد وهو أيضآ ما يعرف الشاري أو ما يضمن صقارته (نقول يمكن أنه حرص(ن) على سمعته عند الناس ... الله سبحانه أعلم بما تخفي الصدور)

أما أنكانه شاط و غضب عليك يالشراي وطول صوته لأنك تبي توثيق و أوراق وشهود ... نصيحتي أتركه و طيره. وترى ماله حق لأني أعتقد أنها مكتوبه في آيه من آيات القرأن الكريم ...

أو يمكن لو أن على راسه بطحا مثل ما يقولون وقد أستخدم هذا الأسلوب مع اللي يستحون و نجح ويا كثرهم

[@السيف@]

بيض الله وجهك
لي تعليق بسيط من وجهين
الوجه الاول شرط انه صايد
وهذا تقدر تنشد اللي حوله من الناس واما انك تاخذ ورقه بهذا كثير طيور صايده واحياننا ما تهد لسبب ما
والوجه الثاني شرط الصحه العامه للطير والمبلغ المدفوع
وهذا من ابسط حقوقك ولا تتنازل عنه
لانه قد يكون الطير مريض مرض مزمن او انه سارق الطير والوقت هذا لا تضمن الا اللي تعرفه زين المعرفه

[ربع خالي]

وعليك السلام ورحمة الله وبركاته

موضوعك يا بوسنيده له اوجه واعذار لا تعد ولاتحصى
وبما إني ارد من الجوال فأختصرها بالاتي :
بالنسبة لي ! لا والله ما أشرط على دم وروح
وشلون اشرط على نفس ضامنها ربها ماهو أنا
وشـ شلون أشرط على طير نفسه الصبح غير والظهر غير والعصر غير
يا راشد ولنت بمعلم ولايهونون الربع
إنت صقار وعندك طير ، عينّا حبارى وحنا سوى ، والهدد لك !
تقدر تحلفلي بالله ساعتها أن طيرك يهد ويصيد ؟
أنا برد عنك ! لا ماتقدر
أجل وشـ لون لو نقله غيرك
ومعروف بان الطير يتغير اذا تغير نقّاله
والصقاقير اللي انت منهم تعرفون هذا الشي
الخلاصه
رجل جاني وانا بياع الطير. اعطيه علوم الطير وغير هذا ماله شي عندي
إن قبل تبايعنا بالقيمه فقط وليس العلوم ! وإن ماقبل فدراهمه عنده وطيري معي

النصيحه لكل شاري طير وخاصه اللي بالاقيام الغاليه
لا تشتري الطير الا من شخص تعرفه أو له تسجيل فيديو وإن كانك صقار محترف إشتر طيار الطير وهذي بسيطه
والصقاره عليك ياصقار
تقبل مروري ومداخلتي لاعدمتك
اخوك ابو سيف

[هواي البر 2]

مشكور وماقصرت على الموضوع
واقول نفس ما قالو اخوانى الصقارين

[الفيتو]

بسم الله الرحمن الرحيم
السلام عليكم ورحمة الله وبركاته
مساء الخير ياخوي / راشد الدغماني
.
اللي مايرضى يكتب ورقه الشبهات تدور حوله
.
ترجع للي بتشري منه فان كان شريطي بياع شراي في الوحوش والبيتيات
فاكيد بمدح الطيرعلى علم اهله الأولين ويزود
كيف بيعطي ورقه
.
وكانه صقار فأكيد طيره فيه عذروب هو يعرفه
الصقار مايبيع طيره الطيب اللي يمدحه للشراي كل هالمدح
وان رفض يكتب ورقه تأكد كلامي
.
البيع ماهو حرام لكن تلقاهم بيبيعون طير بعذاريب بقيمة
طير طيب ويرفض المكاتبه هذي اللي مالها باب ولا جواب
..
والسلام
الفيتو
الحجاز
12-5-1433هـ

[Abu Khaled 00]

موضوع مهم يعطيك العافية اخوي

[مربي الصقور]

اكيد يا راشد اذا ما عطاك فاتوره او ورقه فيها توقيعه فانه كذاب ويبي يمشي البيع وخلنا نتخيل مثلا انت بتشتري طير ومثلا قالك البايع هذا طير سبق وحر وصايد كراوين او بتجرب الهداد ورحت المدعى وهو معك وجبت كروان ولا صاده يقول ايه لا الطير ماصاد او انت شريت الطير وجاه مرض من اول يوم مامدى نقلته الا جاه المرض وبعدين تكلمه بالجوال ولايرد ومره من المرات رد وقال وش تبي قلت الطير مريض ،البايع يقول انا مالي دخل بعت لك الطير صاحي وممتاز الخ... وهذا حال الكذاب علشان كذا نقول لازم فاتوره فيها التوقيع والسلام عليكم اتمنى اني افدتك

[هاوي هدد 11]

وعليك السلام ورحمة الله وبركاته



موضوعك يا بوسنيده له اوجه واعذار لا تعد ولاتحصى
وبما إني ارد من الجوال فأختصرها بالاتي :
بالنسبة لي ! لا والله ما أشرط على دم وروح
وشلون اشرط على نفس ضامنها ربها ماهو أنا
وشـ شلون أشرط على طير نفسه الصبح غير والظهر غير والعصر غير
يا راشد ولنت بمعلم ولايهونون الربع
إنت صقار وعندك طير ، عينّا حبارى وحنا سوى ، والهدد لك !
تقدر تحلفلي بالله ساعتها أن طيرك يهد ويصيد ؟
أنا برد عنك ! لا ماتقدر
أجل وشـ لون لو نقله غيرك
ومعروف بان الطير يتغير اذا تغير نقّاله
والصقاقير اللي انت منهم تعرفون هذا الشي
الخلاصه
رجل جاني وانا بياع الطير. اعطيه علوم الطير وغير هذا ماله شي عندي
إن قبل تبايعنا بالقيمه فقط وليس العلوم ! وإن ماقبل فدراهمه عنده وطيري معي


النصيحه لكل شاري طير وخاصه اللي بالاقيام الغاليه
لا تشتري الطير الا من شخص تعرفه أو له تسجيل فيديو وإن كانك صقار محترف إشتر طيار الطير وهذي بسيطه
والصقاره عليك ياصقار
تقبل مروري ومداخلتي لاعدمتك

اخوك ابو سيف


كلام ربع خالي
100%100
طيورنا نهدها في جول تسوي العجايب
وأحيانا اذا لقينا بعض القنوص وعندهم
هدد دخلنا معهم بنتنومس
بأفضل طير عندنا
مع أنه صيايد قبل ساعة أويوم
ويوم تهده مع الربع
يقفي ويترك صيدته
تقول عنه خايب؟
وشريناطيوريقولون أهلها خايبه
وفعلت معنا فعل الهوايل
والصقر من صقاره

[ذراع الذيب]

السلام عليكم ورحمة الله وبركاته,,
مسيت بالخير ياخوي,,

كلام مشرفنا ربع خالي غير نظرتي ولايهون احد من الاعضاء وعزالله انهم ماقصرو كلنـ افاد برده..
والطير الزين الكايف مايظهر عن اهله الا ماندر وتحياتي لك,,

[(هزاع)]

(( ردي الذمه))
ماينفع معه لوتربطه بحبل تكرمون
والله مالقيت لهم حل الا المدعى والمستشفى
(( وياكثر اللي يتهربون لاحديتهم على الفحص والمدعى))
ونا لقيت علاجهم

[ابوماجد6641]

الى تعرفه ما يحتاج أورقه انت ابخص بالرجال ويزين الوحش والله تصقره وتعلمه وعلمه عندك هذا أفضل شيء إشوفه وفك نفسك من الا أوراق وألقيل والقال موضوع طيب تشكر عليه

[راشد الهاجري999]

مرحباً مليون الآراء من وجهة نظري كلها صحيحه من حقك تطالب بالورقة والطيور نفس ووزن وصحه تختلف على الصقار في يوم بس الزبدة أوصيكم وأوصي نفسي لا تبيع بشروط نهائيا حمامتك والمدعى وان كان الطير مايرغب جناح السوق بين حتى على الشلو والفحص في مستشفى جيد في نهاية المطاف. ولكم جزيل الشكر على تفاعلكم. أخوكم راشد الهاجري

[عبدالرحمن بن ذياب]

بيض الله وجهك اثرت موضوع في غاية الأهمية و ما بعد كلام ابو سيف كلام و لا هوب قصور في الباقين

[mr-r]

انا اشوف ان الي بيشتري طير غالي ولا ورها مقناص برا
السوق متروس حباري يشتريله احبار وجيبها معه والميدان ياحميدان

[////عصويد////]

كلام ربع خالي

100%100
طيورنا نهدها في جول تسوي العجايب
وأحيانا اذا لقينا بعض القنوص وعندهم
هدد دخلنا معهم بنتنومس
بأفضل طير عندنا
مع أنه صيايد قبل ساعة أويوم
ويوم تهده مع الربع
يقفي ويترك صيدته
تقول عنه خايب؟
وشريناطيوريقولون أهلها خايبه
وفعلت معنا فعل الهوايل

والصقر من صقاره

بيض الله وجهك ياهاوي هدد كفيت ووفيت عز الله انك صدقت0000 ومبروكين المطر