مشكلتي في الفتك

[jeep 2001]

السلام عليكم ورحمة الله وبركاتة:
انا معي باترول 2006 فتك قير عادي
كنت قبل امس في طعوس الخرارة ولعلي زودت التطعيس عليه شوي
المهم تعلق بي الموتر في راس طعس وسحبني واحد من اخوياي
ومن بعدها صار الموتر يطلع صوت غريب
يعني وانا شاد بي الموتر اذا وصل ضغط الار بي ام الى 3 يطلع صوت تحس ان اقرب ماله الدبة تقرب لي عمود كردان تسمع زي احتكاك حديد
رحت لي الصناعية وقالو انها من الدبة
وغيرت الدبة وما زالت المشكلة موجودة وانا احس ان الصوت طالع من المكينة
وديتة لي مكانيكي وقال لي رح غير الزيت وامسك به خط ويمكن يروح الصوت وقلت له انا واذا ماراح قال اجل الصوت من السبايك او عامود الكرنك فيه فضاوة
وانا ما ادري وش اسوي يا اخواني
ارجو من الي قد صارتلهم زي سالفتي يعلمني وش الحل وشكرا .

[You Like Me]

وعليكم السلام ورحمه الله

اذا كان الصوت اقرب للقرقشه على آر بي أم 3 بالضبط
وأحياناً يطلع في بدايه التشغيل والسيارة باردة غالباً
الله يعينك هذي مسامير الثلاجه
والشباب ما قصروا وفيه لها اكثر من حل
المهم انت ألحق عليها قبل تتفاقم المشكله

تفضل هذا الرابط

مسامير ثلاجة الباترول الفتك...الأسباب الأعطال الحلول (http://www.mekshat.com/vb/showthread.php?t=150676)

والله يسهل امرنا وامرك

[jeep 2001]

ماقصرت يا You Like Me (http://www.mekshat.com/vb/member.php?u=177671)
لاكن انا شايل المسامير الثلاجة من يوم شريته
والمشكلة الي عندي ماتطلع الى لازم الموتر يمشي ويوصل الضغط على 3 بضبط بعدين تختفي

[jeep 2001]

لرفع الله يرفع مقامكم

[ابو سلطان س]

هل حرارة الفتك تصل الي قبل النصف بشي بسيط

[1201]

اخوي صارت لي هاذي المشكلة

وطلعت المسامير حقت القزوز طايح نصها


انت شيك على المسامير كامله من راس المكينه لأخر الشكماان

تقبل مروري
.....

[ابوسند9]

شيك على شيلات وبلات الكنداسه كامله
ويمكن بسبب التغريز احد مواصير الثلاجه منطعجه وتحك بالبدي
وانتبه تقرب المكينه مكينة الفتك جباره

[ابوسند9]

تصحيح
وبلات=ربلات
مواصير الثلاجه=قصدي الكنداسه

[sgl2002]

اقرب مالها الشكمان انعفط ويحك بالبدي

او ارتخى

شيك عليها كاملة

وماشاء الله يالفتك خصوصا يوم شفته اليوم يرقى طعس وصوت تصفيرته وعزمه اللي مايبرد عرفت انه جبااااااار

[jeep 2001]

ما قصرتو جميعا
الله يعطيكم العافية
بالنسبة لي الحرارة تاصل على الخط الثاني او بعد بشوي
وبالسبة لي مسامير القزوز ابشيك عليها بكره مع ربلات الشكمان
وادعولي ان الله ييسرها ولا يعسرها

[You Like Me]

اخوي
الله العالم انه من مسمار الشداد نفسه
انا اتذكر ذيك الايام الله لا يعيدها اذا تكسرت المسامير
تطلع لي القره هذي على ار بي ام 3 بالضبط يوم يومين
ثم فجأه الاقي زيت المكينه كله طالع برى
وصارت عاده ماخليت شي ما سويته شهر شهرين واسمع القره على طول الورشه
وفعلاً الاقي المسمار على جرف .. وانت تأكد
وان شاء الله اني اكون غلطان
الله ييسر امرك

[1201]

يا اخوي انا اقصد راس الشكمان اللي راكب في المكينه وليس راس المكينه عفوا...