المساعد الشخصي الرقمي

مشاهدة النسخة كاملة : الشاهي الكايف


عـاشـق الهـلي
29/04/2006, 07:10 PM
السلام عليكم

أفضل أنواع الشاهي
1ـالكبوس
2ـأبوجبل

أهم شي يصير معك أبريقين واحد لتفويح والثاني لشرب
عشان ما يعقد
تحط المويه تفوح إذا فاحت تقصر علي الدفور أو تبعده عن النار شوي
بعدين تحط ثلاث بيالات سكر وتحط الشاهي
عمق
29/04/2006, 11:43 PM
عاشق الهلي ،،،،
تحياتي لك ،،،، وشكرا لك على المعلومات
وانواع الشاهي كثيره طال عمرك ،،، وكلا يضبط الشاهي (((( التلقيمه)))) على حسب خبرته ورغبته
شخصيا لا اشرب الا شاهي التلقيمه ،،،
وطريقة تحضيره عندي انا شخصيا هي كالتالي :
الادوات
1- شاهي تلقيمه + سكر خشن
2-ماء ابار او ماء غدير نظيف
3-ابريق تفويح من نوع المنيوم (مفضل عندي يتحمل النار خاصه ان ابريق التفويح يخلى على النار مده طويله تلقم منه مره ثانيه اما اباريق الاستيل ماتتحمل )
4-ابريق للتخدير (اي ابريق )بس بشرط نظيف (مايصلح به الا شاهي فقط ، يعني اذا صلحت به نعناع او زنجبيل او حلبه قل عليه السلام)
صب الماء في بريق التفويح وخله على حطب (سمر) وركده ( خله متوازي ياعلى المركاب او حصى)على الحطب وخله لين يفوح
اذا فاح خله يركد دقيقتين
حط السكر اول على حسب رغبتك بس لاتكثره افضل
ثم حط شاهي التلقيمه اوزنه بيدك افضل من انك تحطه بفنجال او بياله لانه يصير فيه فضاوه ويقل الشاهي وتخرب الحكره
ثم صب الماء الحار بشويش الى ان يمتلي الابريق بس لاتملاه مره وابعد عن شاهي ابو خيوط (كله مطرسه)
خله يفوح ، واذا فاح خله يقلب لمدة دقيقه او دقيقتين حسب قوة النار
ثم اضهره من النار وخله حولها والا زله بترمس ومخمخ عليه ,,,
وشكرا على طرحك اخوي عاشق الهلي
راعي الكيف
26/05/2006, 04:42 AM
والله ياسوات الشاهي كللللللللللللللها واحدة !!!

بس العامل النفسي هو اللي يخليها بالكيف اللي تصورونه ... وانا مثلكم ... لي طريقة معينة في سوات الشاهي ....

بس وش اللي خلاني اقول هالحتسي .... بوفيّة في المجمعة يصلح سندوش بيض وشكشوكة وووو كل مايصلحه البوفيّة

الشاهد انه يصلح شاهي ... ياهو شاهي... والله اني اعني له لامني كنت موجه لم حفر الباطن ... لازم اسير عليه ... شاهي بالراس !!!

قلت لازم اشوف وشلون يسويه .... والله لو تشوفون وشي سواته ... كان تكببون شواهيكم وتروحون تصفطون عنده !!!

طول الله لي باعماركم .... يجيب له بريدزن اصفر .. حق الصبابين النوع الكبير مرة ... اللي تطبخ به القهوة ... ويحط مقياسه من السكر .. ثمن يزل عليه شوي ماء حار ... ثمن يخلطه بالملعقة ... عشان يضمن ان السكر ذاب فيه .. ثمن يزل باقي الما ويحط الشاهي وكل شي ويشب عليه !!!!

يعني سواته مطارييييييييييس بقووة .... بس على شاهي ... على كيف كييييييييييييييييييييييييفك

واللي يبي عنوانه ... يراسلني على الخاص
شموخ العاطفه
21/06/2006, 01:00 PM
يعطيك العافيه على الموضوع

اختك شموخ
][الكاشت][
21/06/2006, 01:25 PM
السلام عليكم ورحمة الله ....

أخوي راعي الكيف مع أحترامتي لرأيك ... الشاهي يختلف تصليحه من شخص لشخص .. وأنا مستعد أعزمك وأشتري شاهي أبو جبل ونجيب ثلاث أشخاص يصلحونه ... كل واحد ببريق ,, أتحدى أنهم يصرةن مثل بعض

من ناحيتي الشاهي المضل في التلقيمة أبو جبل والشاهي المدالية ( حلوة ) الربيع اكسبرس ... أما اللبتون فعز الله انه خرب بالحيل خصوصاً في الآونة الأخيرة

أما طريقتي في كما يلي :

ابريق تفويح للماء
ابريق للشاهي .... لابد أن تكون من النوع الجيد ( أو الابريق الأثري الغضار ... الي يجي لونه ابي واحمر او وازرق او واخضر )

فوح الماء وخله يقلب ويغلي صح

بعدها تحط السكر ( ناعم ) وانتبه يكون الأسره لأنه الظاهر يخلطونه بعسل ( المهم الله يكرم النعمة )
بعد ماتحط السكر تحط عليه الشاهي

ثم تصب الماء المغلي على ابريق الشاهي كما يلي ----->>> (( ثلي البريق ماء والثلث فاضي ))

تشب على بريق الشاهي وتخليه يقلب كم من قلبه ( لمدة تقريبا 2-3 دقائق )

بعدها قصر على النار وكمل الماء المغلي على بريق الشاهي ( الثلث الباقي ) خله ربع دقيقه ثم طف عنه

انتظر مدة 5 دقايق عشان يخدر

( أما من ناحيتي فأشرب تلقيمه أبو جبل فقط وأضيف عليه الحبق وأفضل الأوقات لدي صفرة المغرب وبعد صلاة المغرب وخصوصاً اذا كنت توك قايم )
أبوسرحان
21/06/2006, 10:17 PM
السلام عليكم ورحمه الله وبركاته

الله يعطيكم العافية

موضوع طيب وشيق لكن تم طرحه بصيغه أكير وشاملة

بقسم الأدوات والتجهيزات

تحت عنوان أفضل أنواع القهوة والشاهي لديك !؟! ادخل وعطنا رأيك

http://www.mekshat.com/vb/showthread.php?t=47073&highlight=%E1%ED%C8%E1 (http://www.mekshat.com/vb/showthread.php?t=47073&highlight=%E1%ED%C8%E1)


تعالوووووووا وشاركوووووووا معانااااااااااا

أخوكم السرحي

http://www.9q9q.org/index.php?image=L0bsPOcDBed
المخيال
05/07/2006, 01:19 AM
الله يعافيك ياعاشق الهلي

وطريقة عمق رائعه وجميلة
kaaaatm
05/07/2006, 09:10 AM
اخوي راعي الكيف


ترى السر في شاهي الهندي حقك

ان البريق مكروووووووووووووووووووف

من كثر ما يصلح فيه الشاهي...........

يعني يوميا ويمكن في اليوم مرتين
خبير مقناص
07/07/2006, 08:47 AM
السلااااااااااام عليكم
عندى طريقه وباذن الله تعجبكم
ابريق الشاي يكون الالمنيوم الاصفر2لتر
الشاى نوع ربيع اكسبرس+ الماء بطل صحه كبير (1،5لتر)+السكر
الطريقه:
سخن الماء الي قبل الغليان ثم ضع السكر(اترس غطا الابريق سكربالضبط)+7 اكياس شاى وخله يغلى دقيقتين وخله يركد 5دقايق سم الله
ملاحظه: لوتركت الابريق من الليل الى بكره الضحى مايتغير لونه وطعمه عجيييب( يشلع من الراس صيخ)
الوافي عزام
07/07/2006, 06:24 PM
يااخوان خليتوها قضية اكبر من الازم اسوي شاهي ما احد يسوية بدون هالسوالف الي تقولونها ابريق واحد افوح بة الموية واذا فاح الماء حطيت السكر ودقيقة مع فوحانة واحط شاهي ربيع فلة ودقيقة واشرب شاهي على كيفك وصلى اللة على محمد .
راعى ثادق
14/08/2006, 10:44 PM
السلام عليكم بصراحه احسن انواع الشاهى ابوجبل وشاهى الوزه وغير لاتدور عليه