خدمه في ترفيع السياره

[عبقري91]

السلام عليكم
ابي ورشه برياض. لترفيع السياره زي الجموس ابي وجهه مرتفع مره
طبعن جيب اف جي
ما ابي كعكات وابي حقين ترهيم
طبع مهو بنا الي يبي واحد من الشباب
موصيني قلت ازهل اجيب العلم لك اليوم

[يالبى الهلا]

اللي اعرفه ان للجيب وزنيه من اسفل ترفع وتنزل ا

[abo naser 1]

السلام عليكم


حط ياي استرالي ف المقدمة وحط معها كعكات الرماية

بس السؤال وش ها الموضة الجديدة ؟؟؟؟

[يزيد 999]

اخوي فيه عده طرق مثل اللفت كت يجي طقم مساعدات واشياء كثير واسعاره من الف وطالع او مثل ماذكر ابو ناصر اليايات الاستراليه او الطريقه المعروفه بالكعكات لكن ماانصحك ترفعه واجد لانه يبي ياثر من ناحيه طيح في العزم واختلاف الوزنيه مما يعرض السياره للانقلاب لا قدر الله

[جمس_454_97]

انا سمعت ان ترفيع المواتر مو زين خاصه الوجهيه يمكن يحك وجهيتها بكبري انتبه:D

[RW7..ALBDAWA]

اخوي صنآعيه مخرج 17 ورشة الجنوب خلهآ على يسآرك وتعدى اول تقآطع ويبي يجيك ثآني تقآطع تعدآهـ وشوف المحل الثآني ورشه صغيره ادخل عندهـ وقله ابي ارفع الموتر فووق فووق

الطريقه يفك جلد البدي ويدبلهآ بـ عشره جلد بدي ويرهملهآ مسمآر طويل المهم ان السيآره تطلع فووووووووووووق بحيث انك مآتقدر تركب الظآهر الا بسلم

وبتحصصل نآس اصحآب جموسس وآجد عندهـ يضبطون نفس الطريقه

[الإستراتيجي]

الترفيع مهوب زين الجيوب المرفوعه ززيادة عن شد البلد تنقلب بشكل سريع ..

أنصحك لو كنت راعي خطوط نزلها لا ترفعها