اسمه مثل شكله,,,,,,,,,,,,,,,الحل صفار العين ,,,,,,,,,,,,,حله ناصر العلي

[ال-رايق]

السلام عليكم ورحمة الله وبركاته
تفضلوا هاللغيز عساكم سالمين:

اسمه مثل شكله ولا هو دجاجه*لاهو بكلب .. ولا انس .. ولا جان
في بحر عذرا نبتها سياجـــــــه*لاهو نبات والحل انظر للأعيـــــــــان
وسلامتكم’’’’’’’’’’’’’’’’’’’’’’
أخوكم/أبومهنّـــــــــــــــــــــــد

[عاشق الداخل]

مدري

اتوقع الاسفنج

ويعطيك ربي العافيه

[ال-رايق]

مدري

اتوقع الاسفنج

ويعطيك ربي العافيه


حياك الله
آمين ويّاك وكل مسلم..ويسعدك رب العالمين.
واقول الرمعه للأسف ..حاول مرة ثانيه.......

[المؤمن كالغيث]

البيضه= بيضاوي

[ابوماريا]

صح لسانك يالرايق وسلم بنانك

مرور تقدير وحترام ولي عودة

[الخامسي1]

يامرحبا باللي طليقً حجاجه .... ياتي لنا باللغز ونقول فنان
ابو مهند ما يعرف العواجه ... رزين ومثقف ومنه الوفاء بان
مريت واسلم ادور لحاجه ... ولي رجعت المشتاق وللرمع ولهان
وكلاً يبيع ويشتري من خراجه... وانا فقط تقدير شكرً وعرفان


الرمعه لاحقاً

[ال-رايق]

البيضه= بيضاوي


حياك الله اخوي/المؤمن
---
الحقيقه الرمعه للأسف
خيرها بغيرها
تحياتي

[ال-رايق]

صح لسانك يالرايق وسلم بنانك

مرور تقدير وحترام ولي عودة


أبو ماريا:
تسلم وتدوم الله لايهينك
ويرفع قدرك
مرورك يشرفني وعودتك تبهج الصدر.

[ناصر العلي]

سلمت يالغالي
وصح لسانك
ويش قولك بـ
صبي العين....البؤبؤ
أو
سمك المنفاخ

[classica]

الفقع الزبيدي ..يعطيك العافيه

[ال-رايق]

يامرحبا باللي طليقً حجاجه .... ياتي لنا باللغز ونقول فنان
ابو مهند ما يعرف العواجه ... رزين ومثقف ومنه الوفاء بان
مريت واسلم ادور لحاجه ... ولي رجعت المشتاق وللرمع ولهان
وكلاً يبيع ويشتري من خراجه... وانا فقط تقدير شكرً وعرفان


الرمعه لاحقاً


يابو نايف:
وانا يعلم الله صادق--ابيات تغنيت بها ومن جمالها تكفي عن ألف رمعه صائبه عسى مايصيبك شر.
حي الله اللي ما يعقّد حجاجــــــه*طلق الحجاج وان جوه ضيفــــــــان
يبلج لهشال ليله سراجــــــــــــــه*يوم ان شحيح الكف للضيف ما بان
تبيان وزيف الهرج والله سماجه*عندي على ما قلت ياشيــــخ برهان

[ال-رايق]

سلمت يالغالي
وصح لسانك
ويش قولك بـ
صبي العين....البؤبؤ
أو
سمك المنفاخ



هلا وغلا بالدكتور-العميد
حضورك يابقبق العين ينور الخيمة زود على انوار المتواجدين الله يسلمهم.
--------
الرمعة مثل ما وضحت انظر للأعيان
حاول مرة أخرى.

[ال-رايق]

الفقع الزبيدي ..يعطيك العافيه


ياهلا وغلا أخوي/كلاسيك
--
الرمعه للأسف وانا وضحت ما هو نبات (((في الأنسان)))
عشان اصير معك كلاسيكي مان وضّحت.

[الخامسي1]

فريت التفكير بتوضيحيك((( في الانسان)))


العذراء النفس

والمطلوب :- التواضع

كانه محسوس وان كانه ملموس عطني غمزه تغشيش :good2:

[ناصر العلي]

ماقصرت يالغالي
ماتصير
الصقعة اللي بفروة الراس
أو
السندان بوسط الأذن
أو
شمع الأذن

[ال-رايق]

فريت التفكير بتوضيحيك((( في الانسان)))


العذراء النفس

والمطلوب :- التواضع

كانه محسوس وان كانه ملموس عطني غمزه تغشيش :good2:


عساه ما يجيك
وياكثر الأطفال اللي جاهم صغار..وسط الغمزه

[ال-رايق]

ماقصرت يالغالي
ماتصير
الصقعة اللي بفروة الراس
أو
السندان بوسط الأذن
أو
شمع الأذن


هههههههههههههههههه
أبو على ودّي أنجّحك(حلوه وين في الابتدائي:D) على قولة صقعه ..اضحكتني عسى ربي يسعدك.
حاول,,وليش تبعد عن البقبق.

[ناصر العلي]

سلمت يالغالي
رمعة قبل النوم
صفار العين
من أبوصفار

[الخامسي1]

وش رأيك ما دام الدعوى دجاج ومرض نربطها مع بعض وتصير شكن بوكس ( عنقز)

ولحقها رمعة إضافية جدري / حصباء.

او تراخوما ( خشن) بالعربية

[صقر السديرات]

ابو مهند صبحك بالخير
وصح لسانك يا لذيذ يا رايق
داري اني مصيف بس ابيت الا ان اشارك
الـــــــــــــحــــــــــبـــــــــــن
اويلاه يا الضلع جاك القيظ دور الرفاع

[ال-رايق]

سلمت يالغالي
رمعة قبل النوم
صفار العين
من أبوصفار




ماااااااااااااااااا يجيك
وكفوووووووووووووووووووووووووووووووووووووو
الحل:
هو الصفار --
في بحر عذرا(العين والبحر الشوف)والسياج (الرموش)والنبت هو شعر الرمش.
كفوووووووووووو يابو علي
ولا يهونون الاخوان كل باسمه.
تحياتي

[ال-رايق]

وش رأيك ما دام الدعوى دجاج ومرض نربطها مع بعض وتصير شكن بوكس ( عنقز)

ولحقها رمعة إضافية جدري / حصباء.

او تراخوما ( خشن) بالعربية


أبو نايف
قلت لك وسط الغمزه وبرافو قرّبت بحكاية التراخوما وحكاية الدجاج -تعرف الناس يروحون على البيض اذا قلنا اسمه مثل شكله لأن هذا اعتقد من اوائل الالغاز اللي عرفناها-وبالفعل احد الاخوان رمع البيض مع العلم اني ابعدتهم من حكاية بنات المؤذن:D
لكن الحل عند أبو علي الله يسلمك ويسلمه
خيرها بغيرها وتركيزك على اللغز اللي انت منزله الساحه ولا الومك.
تحياتي

[ال-رايق]

ابو مهند صبحك بالخير
وصح لسانك يا لذيذ يا رايق
داري اني مصيف بس ابيت الا ان اشارك
الـــــــــــــحــــــــــبـــــــــــن
اويلاه يا الضلع جاك القيظ دور الرفاع


هلا وغلا ابو فيصل
الضلع ما يزين بدون هله عسانا مانخلا منهم:D:good2:
وأبشرك مقرنس يدبك يصلح ويرمم حوله وان نقص شي ما يقصر ابو محمد
والرمعه للأسف
والحل عند اللي يحب يمطخك(العميد).
وتسلم....تحياتي

[ناصر العلي]

ماااااااااااااااااا يجيك

وكفوووووووووووووووووووووووووووووووووووووو
الحل:
هو الصفار --
في بحر عذرا(العين والبحر الشوف)والسياج (الرموش)والنبت هو شعر الرمش.
كفوووووووووووو يابو علي
ولا يهونون الاخوان كل باسمه.

تحياتي


كفوك الطيب يالغالي
وربي يسلمك من الشر ياأبومهند
دمت بألف بخير