امنعونا من البرعوص والبعرصه !!! ............ حله ( ابو ماريا ) .. الحل ( سور الطعام )

[الخامسي1]

بسم الله الرحمن الرحيم


السلام عليكم ورحمة الله وبركاته وبعد:

لغز مع ابيات دعابه خفيف وظريف


ياعميدً على الألغاز لو تفحصه
لغزنا فيه خير زاد ماينقصه
×امنعونا من البرعوص والبعرصه !!!
وارفعوها على الحاضر بسمن وسمين

مشتهين العسل وما ندور فسيخ
ونارنا سمر ما قطع ولا هو شليخ
والرمي بالركاده دون طاخً وطيخ
ما نعرف اليسار ودوم نمشي يمين

وانشدك عن قديم طبع ما هو عوائد
يكرهه ناس بالتقديم والشك زائد
وناس مافيه باس والمعاني فوائد
ونظرتي لها طبيعيه واحلف يمين

خص لا صار راعي العلم شرؤاك غالي
ما لحقنا شكوك ولا فتحنا مجالي
تالي القوم اول واول القوم تالي
من غلاهم كذا تقدير ماهو كمين

له سميً مطابق في بلاد الصناعة
وله سميً في وقت الحرب وقت الشجاعه
وله سميً على ديارً قديمه وداعه
وكلها من ثلاث احروف والله يعين

ون حذف ذيله الباقي فقط حرفً وحرف
الآذاء فيه مخ غير قابل لصرف
يجرفك من طريقك بين ظرفً وظرف
وان قلبنا الثلاث ترتفع ثم تبين

سجل اللغز وبالتمحيص اسمً وحاله
عند اهل الكرم والطيب واهل الشكاله
ماذكر به حرام ومثبته في حلاله
انتهاء اللغز يا ناصر وأعرفك فطين

[ناصر العلي]

وعليكم السلام ورحمة الله وبركاته
سلمت يالغالي
وصح لسانك
وكفووو والله ياأبونايف
وشرواك الطيب ياراع الطيب
ويش قولك بـ
هبت...عادة...تبه

[الخامسي1]

وعليكم السلام ورحمة الله وبركاته
سلمت يالغالي
وصح لسانك
وكفووو والله ياأبونايف
وشرواك الطيب ياراع الطيب
ويش قولك بـ
هبت...عادة...تبه


مالك لواا ياعم
واكبرك قدر من معزه وتقدير

وانتظر القادم وشرف لي ان اوجه لغزي لك دون قصور في الاخوان الحاضرين
ولا توخذني على الدعابه وخفت الدم احياناً تعطي اللغز جاذبيه اشبه ببعض القصائد
التي تجر المتلقي بمطلع او ببيت غريب ولطيف ... اشكرك ونتمنى ان نكون ضيوف
خفاف ومرحب بهم .،،،،

[ناصر العلي]

مالك لواا ياعم



واكبرك قدر من معزه وتقدير


وانتظر القادم وشرف لي ان اوجه لغزي لك دون قصور في الاخوان الحاضرين
ولا توخذني على الدعابه وخفت الدم احياناً تعطي اللغز جاذبيه اشبه ببعض القصائد
التي تجر المتلقي بمطلع او ببيت غريب ولطيف ... اشكرك ونتمنى ان نكون ضيوف


خفاف ومرحب بهم
.،،،،

على راسي من فوق يالغالي
وأنت راعي محل منتب ضيف ياأبونايف
خلك على هالوزنية:good2:
لاعدمتك

[الخامسي1]

على راسي من فوق يالغالي
وأنت راعي محل منتب ضيف ياأبونايف
خلك على هالوزنية:good2:
لاعدمتك


يسلم راسك والله يغليك ياغالي

وأشوف أنا وطارح اللغز ضيوف عند الزائر والمتصفحين

وعلى رأئ الشاعر ............
نحن الضيوف وانت رب المنزلي

[صقر السديرات]

صح لسانك يا ابو نايف
جزل رائع جميل
الرمعة الله يخلف

[الخامسي1]

صح لسانك يا ابو نايف
جزل رائع جميل
الرمعة الله يخلف


ارحب اخوي صقر

الرائع مرورك والأجمل مداخلتك

والرمعه ياقربها ...

[ال-رايق]

صح لسانك وسلم بنانك
يابو نايف .. ودنا نجاريك لكن اشغلنا اللغز الاخر والرد عليه.

كفو كان ودك تشق الشعيب*انت حبيب وناصر العلي حبيب*كل واحد منّا راكب فوق جيب
مع سهل ولا وعر حن حاضرين
كان تقصد اللبن مع الزبد*لا خلا ولا عدم منك أبد*هذي نعمه تبغى شكر وحمد*
ولاّ بنحاول وكل قاسي يلين
اعذرني ما ادري الطرق مناسب؟؟؟؟؟؟؟

[الخامسي1]

صح لسانك وسلم بنانك
يابو نايف .. ودنا نجاريك لكن اشغلنا اللغز الاخر والرد عليه.

كفو كان ودك تشق الشعيب*انت حبيب وناصر العلي حبيب*كل واحد منّا راكب فوق جيب
مع سهل ولا وعر حن حاضرين
كان تقصد اللبن مع الزبد*لا خلا ولا عدم منك أبد*هذي نعمه تبغى شكر وحمد*
ولاّ بنحاول وكل قاسي يلين
اعذرني ما ادري الطرق مناسب؟؟؟؟؟؟؟


البن والزبد

مالك لواا

صح بدنك وصح السانك على المجارات والطرق رائق يالرائق يابومهند
ما على كريمً تشرط قابلك الله بجميع الأحوال والأقوال

[ال-رايق]

أبو نايف
وش رايك ب(((راس)))
فيه ناس ما يقدمونه
----
حوله ولا شغّل البراشيم الله لايهينك.
والله اني احب اللغز سريع سريع.

[الخامسي1]

أبو نايف
وش رايك ب(((راس)))
فيه ناس ما يقدمونه
----
حوله ولا شغّل البراشيم الله لايهينك.
والله اني احب اللغز سريع سريع.


خلك حوله واجمع واطرح ولا تروح بعيد !!!! هذي بدل ذيك الغمزة .

[badr2003]

صباح الخير
هذي معلقة ماهي لغز ابيات جميلة وشاعرية عذبة
الرمعة مادري من وين نبدا بها
بس بنفتح بابها
(قصب)
القصب مدينة
قصب السكر
واهم شي اذا عكس يطلع بصق واذا ارتفعنا فوق للابيات الاولى فية برعوص وبرعصة خخخخخخخخ

[ابوماريا]

صح لسانك وسلم بنانك يابو نايف
أبيات ممتعة متعك الله بالصحة والعافية
مرور اعجاب وتقدير
والرمعة يجيب الله مطر

[ابوماريا]

هرم

اااااااااااااااااااااااااا

[أخت البنات]

السلام عليكم
ماشاء الله لغز متناغم الأبيات
صح لسانك اخوي الكريم.. الخامسي
لكن مادخلت الا بعد ماقرأتhttp://www.tran33m.com/vb/smiles/images/11/Do5_051.gif
أعوذ بكلمات الله التامات من شر ماخلق 3 مرات
من عنوان ((الموضوع)) http://www.ccc6.net/vb/images/icons/o2020-24.gif
عندي أشوف أسد http://www.ccc6.net/vb/images/icons/o2020-24.gif ولا أشوف البعرصي << ياكرهي له


والحل..
اعتقد تقصد سام
له سميً مطابق في بلاد الصناعة
امريكا ويدلعونها بلاد العم سام
وله سميً في وقت الحرب وقت الشجاعه
صورايخ سام :alarm:


وله سميً على ديارً قديمه وداعه
سام بن نوح
وكلها من ثلاث احروف والله يعين


ون حذف ذيله الباقي فقط حرفً وحرف
الآذاء فيه مخ غير قابل لصرف
سم < بوجه اللي مايخاف الله :burnout2:
وان قلبنا الثلاث ترتفع ثم تبين
سما :c

[أبوعبدالرحمن99]

تسجيل حضور وإعجاب
بانتظار الرد على الرمعات

[الخامسي1]

صباح الخير
هذي معلقة ماهي لغز ابيات جميلة وشاعرية عذبة
الرمعة مادري من وين نبدا بها
بس بنفتح بابها
(قصب)
القصب مدينة
قصب السكر
واهم شي اذا عكس يطلع بصق واذا ارتفعنا فوق للابيات الاولى فية برعوص وبرعصة خخخخخخخخ


مساء الخير والمطر ان شاء الله الليلة سيول

المعلقه تستاهلونها ماهي هذي هذي لغيز !!!

قصب مالك لوااا
القصب المدينة تاج راسي نفذنا فيها فلل عام 1408 تقريباً
قصب السكر انت السكر والعسل
والبصق تكرم ويكرمون الحاضرين عنه
والبرعوص والبرعصه تحريف وتلطيف للجو وجو اللغيز ..


مالك لواا ياذيبً عوااا

[الخامسي1]

صح لسانك وسلم بنانك يابو نايف
أبيات ممتعة متعك الله بالصحة والعافية
مرور اعجاب وتقدير
والرمعة يجيب الله مطر





صح بدنك ياابوفائز
المتعه والطيب والوفاء في تواجدك وحضورك ومرورك على اللغز ومتابع لك في جميع
الألغاز تمر وتقدر وتشجع وهذا يدل على حضور مميز وطيب أصلك ومعدنك ولا يستغرب
وأناشد الاعضاء بالحذو على هذا المنهج الذي يحرك الخيمة والألغاز والرمعه بتجي ان شاء
الله مع المطر والخير يا وجه الخير .

[الخامسي1]

هرم

اااااااااااااااااااااااااا

مالك لوااا ياابوفائز

[الخامسي1]

السلام عليكم
ماشاء الله لغز متناغم الأبيات
صح لسانك اخوي الكريم.. الخامسي
لكن مادخلت الا بعد ماقرأتhttp://www.tran33m.com/vb/smiles/images/11/Do5_051.gif
أعوذ بكلمات الله التامات من شر ماخلق 3 مرات
من عنوان
((الموضوع)) http://www.ccc6.net/vb/images/icons/o2020-24.gif
عندي أشوف أسد http://www.ccc6.net/vb/images/icons/o2020-24.gif ولا أشوف البعرصي << ياكرهي له


والحل..
اعتقد تقصد سام
له سميً مطابق في بلاد الصناعة
امريكا ويدلعونها بلاد العم سام
وله سميً في وقت الحرب وقت الشجاعه
صورايخ سام :alarm:


وله سميً على ديارً قديمه وداعه
سام بن نوح
وكلها من ثلاث احروف والله يعين


ون حذف ذيله الباقي فقط حرفً وحرف
الآذاء فيه مخ غير قابل لصرف
سم < بوجه اللي مايخاف الله :burnout2:
وان قلبنا الثلاث ترتفع ثم تبين
سما :c





اشكرك يابنة الرجال واخت البنات واجدها فرصة لتهنيتك بالوسام وتستهالين

ومدحك وثنائك على الأبيات تشكرني عليها والرمعه مالك لوااا

تحليل منطقي لأكن بعيد عن الهدف

[الخامسي1]

تسجيل حضور وإعجاب
بانتظار الرد على الرمعات


ارحب تراحيب المطر
عد مامشى ثم انهمر
يأصلك ماعنك قصر
أسير وانطقها أمير والنور في وجهك تدوم

وحضورك عندي أحسبه
ومن هو حضر اخو ارقبه
يعجبني دوم ويوم اعجبه
في انتظار القاتله ..يجعل تفداك الرخوم

[ابوماجد-1]

صح لسانك

تسجيل حضور واعجاب

الرمعه يرزق الله مابعد تغدينا

[الخامسي1]

صح لسانك

تسجيل حضور واعجاب

الرمعه يرزق الله مابعد تغدينا







ارحب ياابوماجد وابشر بالغداء ... والا عشاء تستاهله مع من حضر

كبشً سمين اقدمه ما هو فداء ... كرامةً للضيف يسبقها السفر

نسعد بها واحنا بكم صرنا سعداء ... على طرف وادي وتحلب لك صفر

ذود ومعازيب ولا نعرف رداء ... وصيتك مع الاجواد يالطيب ظهر

قل تم والأبيات لا تذهب سداء ... هذي طرات العمر وآخرها قبر

او حدد الموعد وقرب له مدى ... هذا هو المطلوب ولا عندي صبر

شرؤاك مكسب ودعوتك إلها صداء... تاصل محبينك طلب ماهي أمر

[ابوماجد-1]

ارحب ياابوماجد وابشر بالغداء ... والا عشاء تستاهله مع من حضر

كبشً سمين اقدمه ما هو فداء ... كرامةً للضيف يسبقها السفر

نسعد بها واحنا بكم صرنا سعداء ... على طرف وادي وتحلب لك صفر

ذود ومعازيب ولا نعرف رداء ... وصيتك مع الاجواد يالطيب ظهر

قل تم والأبيات لا تذهب سداء ... هذي طرات العمر وآخرها قبر

او حدد الموعد وقرب له مدى ... هذا هو المطلوب ولا عندي صبر

شرؤاك مكسب ودعوتك إلها صداء... تاصل محبينك طلب ماهي أمر



بيض الله وجهك وكفووو قول وفعل

وزيارتنا لك ودعوتك شرف لنا طال عمرك

والعذر منك الدوام زاحمنا حيل عسى الله يسهلها بس

ويسعدني تواصلك وطيبة قلبك جعلني ما افقدك انت والاخوان

بارك الله فيك

[badr2003]

يسعد مساك يالخامسي
وش رايك ب (لبن )

[ال-رايق]

أبو نايف:
الله يمسيك بالخير والأخوان.
------------
وش رايك بالــــــــــــــــــ:::::::::
____________الحـــــــلف___________
وانت قلت طبع ومن زود غلا الشخص تحلف عليه يوافق لك (يوجّب لك).
بلاد الصناعه(الحلف الاطلسي).
والحرب(الحلف بمعنى التصالح مثل يا وجه المحلف :D:good2:).
العهد القديم في الديانات.
الخخخخخخخخخخخخخخخخ..................
وتسلم.

[الخامسي1]

يسعد مساك يالخامسي
وش رايك ب (لبن )


مالك لوااا اخوي بدر واعتذر عن التأخير

[الخامسي1]

أبو نايف:
الله يمسيك بالخير والأخوان.
------------
وش رايك بالــــــــــــــــــ:::::::::
____________الحـــــــلف___________
وانت قلت طبع ومن زود غلا الشخص تحلف عليه يوافق لك (يوجّب لك).
بلاد الصناعه(الحلف الاطلسي).
والحرب(الحلف بمعنى التصالح مثل يا وجه المحلف :D:good2:).
العهد القديم في الديانات.
الخخخخخخخخخخخخخخخخ..................
وتسلم.







مالك لوااا ياابومهند واعتذر عن التأخير

[ابوماريا]

درع

ااااااااااااااااااااااااااااااااااا

[الخامسي1]

درع

ااااااااااااااااااااااااااااااااااا


ارحب ياابوفائز

درع مالك لوااا

وش رأيك نذبحه الليله :


3 حروف
صفه ومسمى لحاله تحصل عند الضيافه

[ابوماريا]

ارحب ياابوفائز



درع مالك لوااا


وش رأيك نذبحه الليله :



3 حروف

صفه ومسمى لحاله تحصل عند الضيافه



ياهلا يابو نايف ومية هلا

مايبيلها راي يالذيب ،،، والله ماني تارك من جهدي شي

لاكن يجبها الله

[الخامسي1]

ياهلا يابو نايف ومية هلا

مايبيلها راي يالذيب ،،، والله ماني تارك من جهدي شي

لاكن يجبها الله


اقر عليه بعض سور القران لعلها تفك طلاسمه

[badr2003]

اقر عليه بعض سور القران لعلها تفك طلاسمه


هههههه صح لسانك يالخامسي استعجلت علية ولا كان البواردية واجد على العموم عدة انحل

[الخامسي1]

هههههه صح لسانك يالخامسي استعجلت علية ولا كان البواردية واجد على العموم عدة انحل


صح بدنك وانا افرح باللغز يحل في يوم وبسرعه وانتظر الرمعه القاتله منك او من احد
الحضور عاجلاً وابشرو بالعوض ان شاء الله

[ابوماريا]

اقر عليه بعض سور القران لعلها تفك طلاسمه


قريت عليه خلاص

هههههههههههههههه

[الخامسي1]

قريت عليه خلاص

هههههههههههههههه


قرايت السعد
كفووووووووووووووووووو

السور ما تبقى من الطعام وبعض الناس يحرج في تقديمه او التقدم اليه
سور الصين العظيم
سور القرى سابقاً
سور البيوت

روس مرتفعه شرؤا روسكم

و سو الله يكفينا جميعاً السو واهله


وبيض الله وجهك ووجه الحاضرين


نعم سور الطعام ياكرام

[ابوماريا]

قرايت السعد


كفووووووووووووووووووو


السور ما تبقى من الطعام وبعض الناس يحرج في تقديمه او التقدم اليه
سور الصين العظيم
سور القرى سابقاً
سور البيوت



وبيض الله وجهك ووجه الحاضرين




نعم سور الطعام ياكرام


صح لسانك مليون يابو نايف
رائع رائع رائع بكل ماتحمل الكلمة من معنى
وصدق بدر ليتك تاركة مثل هاللغز لو طول يستاهل
لكن كلك معاويض

وعزالله حنا الي يبيلنا قراية يابو نايف

بيض الله وجهك وسلمت على اللغز،،

[الخامسي1]

صح لسانك مليون يابو نايف
رائع رائع رائع بكل ماتحمل الكلمة من معنى
وصدق بدر ليتك تاركة مثل هاللغز لو طول يستاهل
لكن كلك معاويض

وعزالله حنا الي يبيلنا قراية يابو نايف

بيض الله وجهك وسلمت على اللغز،،






اولاً بدر ذيب وفهم السالفه ( يدري اني ما احب اللغز يطول )ويشكر على ذلك

ثانياً للسرعه في الرد والحل لا تصيب المتلقي بالملل واللغز بداله لغز

ثالثاً ظاهره مرت علي أثلجت صدري كان عندي عشاء واحد المدعوين

يحمل شهادة الدكتوراه بمعنى متعلم وفاهم وواثق من نفسه أتى متاخرً

ونحن قد انتهينا من العشاء وتفاجات بأحد الأصدقاء يقول الدكتور يتعشى

في صالة الطعام اتيت له وطلبت ان نحضر له عشاء فرش طازج حلف

وقال أنا ماشكيت في نفسي ولا فيك وجلست معه وتعشينا سوااا

كان هذا الموقف محل اعجاب واحترام وتقدير لشخصه الكريم وكان المناسبه فعلت

له من تواضعه وكرمه اخيرً تذكرت انه في الماضي يقلط الضيف وبعده ماتبقى من

الحاضرين وبعدهم الاطفال وبعدهم احياناً اهل البيت وهناك بركه وثقه بالنفس

وهذه نعم والله سوف نسائل عنها يوم القيامه ؟؟


البعض يشك في نفسه وبعنجهيه يقول ما نقلط على السور !!! أليس السور نعمه

ونظيفه وغالباً ما يوجد حول السفرة اكثر من ما في الصحن او الصينيه عجبي

بعقولنا وعاداتنا العقيمه !!!

[ابوماريا]

صدقت يابو نايف

ويازين الألغاز التي تمتع وتفيد بنفس الوقت

وانت دايم الغازك تشمل المتعة والفايدة ،، متعك الله بالصحة والعافية

تقبل فائق احترامي وتقديري

[الخامسي1]

صدقت يابو نايف

ويازين الألغاز التي تمتع وتفيد بنفس الوقت

وانت دايم الغازك تشمل المتعة والفايدة ،، متعك الله بالصحة والعافية

تقبل فائق احترامي وتقديري


بيض الله وجهك واشكرك ولا عليكم زود بالطيب وابشر بالعوض قريباً لغز

والله يقدرنا على اختياره

نحن نقضي أوقات هنا ونسعد بالاجتماع بكم ونرجو ان نفيد ونستفيد

دمتم بخير ومادام وصلنا ذا الوقت أذكركم بهذا البيت وتصبحون على خير


اخير منها ركعتينً بالأسحار .... لا طاب نوم اللي حياته خساره