ليش التويتا ما يخرب

[المهراجا]

السلام عليكم
اللي متابع ويعرف السيارات زين حتى هنا في المنتدى قليل مشاكل سيارات تويوتا حتى مع سوء الاستخدام وخاصة في التطعيس .. هل تصدق مقولة تويوتا وبس ...

[ابوسند9]

اللى هو اهل الخرب وخاصه بعد موديلات 98 وطالع
وخراباته تقص الظهر
كارونه
قير وخاصه التماتيك
عكوس ومقصات
دوده دركسون
وصوف وما صوف وعمدان
واشوف موديلات 2008 وطالع بالاضافه لا اعلاه خراب الدبل والتخبيط با اسباب مسامير الثلاجه
ولو تبي زود راح اكمل لك

[آ’بوخالد]

بنسبه لي اشوف تويوتا من موديل 2006 وفوق طبعا الجيوب صارو يهتمون بالآكسسورات والمنظر بالعربي معاد فيه قوة تحمل لامكينة ولاقير ..القديم مامثله اؤيدك الرآي

[عناز الحره]

بالنسبه للجيوب الربع من تويوتااا
من موديل 76 الــــــــــــــــــــــــــــــــــــــــــــــــ ـــــــــــــــــــى 2012
افضلهن من حيث الاداء والمنضر والشكل والوقفه
2009
http://im25.gulfup.com/2012-04-05/1333580262981.jpg (http://www.gulfup.com/show/X1afqxenkzfo)ت (http://www.gulfup.com/)



وعشااان هالمزيووون
نقول تويوتا وبس

[sgl2002]

لاتحكم لين تجرب

انا استخدمت اللاندكروزر والباترول

االخراب اللي دايم في الباترول ماتحصله باللاند والعكس صحيح

مثل: اللاند تهريب صوف ودودة دركسون و كارونة ومكيف وجلد بلوف ونقص زيت وهذي الخرابات ماتحصلها بالباترول

الباترول: جنزير دبل وتقطيع وعدم صفاوة المكينة والحرارة اذا اختل اي شي من محاور دائرة التبريد على طول يحتر ، والرجه والتفتفه وضعف العزم المفاجئ

بس انا اشوف ان مشاكل الباترول متى ماحرصت على الصيانه مابتخرب بعكس اللاند اللي بعض مشاكله مهما كان الاهتمام لزوم تخرب×

[جمس_454_97]

اما بالنسبه لسيارات تويوتا هي مزيج من الصناعه الصينيه والتايلنديه والاندونيسيه
ولا ننسى الاستراليه
اما بالنسبه لصناعه الصينيه الكل يعرف جودتها وبرضو التايلنديه ولا ننسى الاندونيسيه
اما بالنسبه لماتخرب انصحك روح خذ لك فره بالورش بتلاقي كامري 2011 تتوضب
هايلوكس 2011 او 2010 تتوضب وانصحك تقراء مواضيع وخرابات سيارات تويوتا بدقه فقط بهذا المنتدى واغلب المشاكل تخبيط اما بالنسبه لصناعات الاخرى تجد مشكلة حساس مشكلة شخص غشيم
مايعرف بصيانة السياره اما بالنسبه لتويوتا الي ماتخرب يكفيك مثبت السرعه ويكفيك ان اغلب قطعها صيني
يعني لو تشتري لك سياره صناعتها صينيه وتوفر على نفسك افضل لك منها

[You Like Me]

بس انا اشوف ان مشاكل الباترول متى ماحرصت على الصيانه
مابتخرب بعكس اللاند اللي بعض مشاكله مهما كان الاهتمام لزوم تخرب×

:good2: .

[اذاني]

تويوتا

متانه في الهيكل والعضلات وضعف في المحركات

نيسان

ضعف الهيكل والعضلات ومتانه وقوه في المحركات

[sameer_1798]

صحيح قليل خرابها وأغلب الاعطال استهلاكيه
سيارات تويوتا اعتمادية وكل يعرف يصلحها لذلك منتشره في كل دول العالم حتى في مناطق افريقيا المجهوله .

[ابوحمد1992]

سيارات تويوتا اشوفها الافضل والكل اشوفه يعتمد عليها وجه مظر

[جنرال حرب1]

ادق التحيه لا أحر اثنين ردو واشكرهم



ومعروف المثل اللي يقول لو به خيرر ماعافه الطير



لان لو تشوف الشعوب وش اكثر شي تستخدم بتلقى تويوتا



ليش لانها سياره استخدام وكرف وهيبه




اصلا به يمني يشتغل بورشه يقول لي اتحداك بنمر اكثر الورشات اللي بالصناعيه وبتشوف وش اقل سياره تحتاج تصليح وبالفعل طلعت التويوتا




واللي يقول محركاتها ضعيفه لانه عندك بالسعوديه المكاين القويه تاخذها الحكومه


والفرق بسيط اصلا لكن اخذ لي تويوتا ولا اصير كل شوي مسير على الورش


وشكرا

[hamido]

كلن به حقه جربت تويوتا ونيسان الاند معي اكل 10000 تقريبا في مدة سنه ونص من جلد بلوف وبطبيعة الحال لازم تسقط شمبر معه عشان مايضعف ومن طرمبة دركسون و من صوف الدبل والمكينه وعكس ومقص ووو الخ والباترول قعد معي سنه ونص ماغيرت ولا شي الا اللهم كان به جنزير الدبل وقبله واحد يمكن خسرن 2000 اذرعه قدام بسبب الرجه

[ابوماجد-1]

تويوتا طيبه ونيسان اطيب وشفر اطيب بعد

المشكله مو بالسيارات المشكله فينا

طريقة الاستخدام عندنا تعبانه مثلاً يروح يطعس يقول هذي دبل

طيب يا اخي لكل شي طاقه والدبل وضع للحالات الطارئه مو تروح تحرقه بالتطعيس

او حركة الشباب يعلق على دعسة البنزين وتسمع تقطيع السياره واصل لندن

وكل هذا مايبونها تخرب والله مشكله

[مجنون عسل]

يا شباب تعوذو من الشيطان زي ما تبي انت من السيارة تخدمك في قضاء مستلزماتك كذلك هي تبي صيانة دورية واللي يقول خسرت 10000 توظيب هذا الله يعوضك انت شريت الموتر مكروف والا انت كارفه احد اثنتين ولا ازيد حتى النيسان نفس الحكاية لا احد يقول ان كل الشركات شمس شارقة كلها من صنع البشر والاستخدام هو الفيصل بين الحالتين من يخسر قليل تلاقية انسان يحافظ ولا يجور على الموتر واللي يخسر واجد هذا ما كسبته يداك من جورك على السيارة
تويوتا نيسان جي ام سي كلها سواء تطورات تنكالوجية تحتاج الانسان نفسه يكون محافظ لا اكثر
الشباب ها الزمن تبيه للكشخة وللمفاخرة ولا عجب شوف عندي لاندكروزر او نيسان او يوكن تاهو اللي هي
ان اخذه اقصاد والاتسلفها من فلان وافلان وقعد يسددها ويصرف على الشركة خمس سنين من راتبه ولا هو مستفيد كل يوم في عله
والا تلاقي واحد ربي موسع عليه في رزقه يلعب في الفلوس وين ما بغى وكل هذا مشاهد واعرف شباب كثير
من ها النوع يعني لا احد ينكر الحاصل فكل منا يسأل الله ان يحسن حالنا وان يصلح اعمالنا وان يجعلها خالصة لوجه الله
هذا وجهة نظري وتقبلوا فائق احترامي

[صياد الجبل]

اشهد ان تويوتا عز

وخصه الاندكروزر

[يزيد 999]

كلام اخوي مجنون عسل صحيح انا مايقهرني الا اذا جاء واحد وقالي الامريكي كله خرابات والمشكله انه ماجرب الامريكي انا راح اتكلم عن نفسي انا استخدمت 3 مواتر الاول جراند ماركيز 93 كان ماشي 300000كم طبعا باسم الوالد وكاله بس انا اخذته بعد ما كرفوه اخواني الكبار يعني مافيه شبر الا وفيه سمكره قعدت معي سنه وشوي ابرز مشكله الكمبروسر وسعره 500 ريال وتقريبا صرفت عليه مبلغ 1500 ريال بهالمده وكله سمكره ومكاين قزاز واشياء استهلاكيه ثاني موترباترول سلق 97 اخذته من رجال عاقل ماشي 160000 مرشوش كامل ابرز المشاكل الموتر متفكك والكلبليتر يحتاج تنظيف كل شهرين طرمبه الدركسون الحراره اللي دفعت دم قلبي ولا تصلحت ضعف العزم وخصوصا بالنفود (يفشل) طبعا قعد معي سنه وصرفت عليه بهالمده 5000 ريال ثالث موتر اللي معي حاليا فورد f150 2004 ماشي 300000 ابرز المشاكل صوت تكتكه بلمكينه وبعد التحقق طلع الصوت طبيعي قعد معي 3شهور صرفت عليه 800 ريال وكلها اشياء استهلاكيه وطبعا فيه بعض الناس الى الان يحب تيوتا وانا اخذته قاعده اي واحد يقول ازين سياره تيوتا ادري انه مايعرف شي بالسيارات (مع الخيل ياشقراء)وجهة نظر شخصيه تحتمل الصواب او الخطأ

[يكفيني نظرة]

كلام اخوي مجنون عسل صحيح انا مايقهرني الا اذا جاء واحد وقالي الامريكي كله خرابات والمشكله انه ماجرب الامريكي انا راح اتكلم عن نفسي انا استخدمت 3 مواتر الاول جراند ماركيز 93 كان ماشي 300000كم طبعا باسم الوالد وكاله بس انا اخذته بعد ما كرفوه اخواني الكبار يعني مافيه شبر الا وفيه سمكره قعدت معي سنه وشوي ابرز مشكله الكمبروسر وسعره 500 ريال وتقريبا صرفت عليه مبلغ 1500 ريال بهالمده وكله سمكره ومكاين قزاز واشياء استهلاكيه ثاني موترباترول سلق 97 اخذته من رجال عاقل ماشي 160000 مرشوش كامل ابرز المشاكل الموتر متفكك والكلبليتر يحتاج تنظيف كل شهرين طرمبه الدركسون الحراره اللي دفعت دم قلبي ولا تصلحت ضعف العزم وخصوصا بالنفود (يفشل) طبعا قعد معي سنه وصرفت عليه بهالمده 5000 ريال ثالث موتر اللي معي حاليا فورد f150 2004 ماشي 300000 ابرز المشاكل صوت تكتكه بلمكينه وبعد التحقق طلع الصوت طبيعي قعد معي 3شهور صرفت عليه 800 ريال وكلها اشياء استهلاكيه وطبعا فيه بعض الناس الى الان يحب تيوتا وانا اخذته قاعده اي واحد يقول ازين سياره تيوتا ادري انه مايعرف شي بالسيارات (مع الخيل ياشقراء)وجهة نظر شخصيه تحتمل الصواب او الخطأ

:good2::good2::good2:
جربت 4 هيلكسات وفي اكس ار 2 عادي وتماتيك وشروكي وماركيز وباترول واكسبديشن..

[ااابوحماس]

تويوتا طيبه ونيسان اطيب وشفر اطيب بعد

المشكله مو بالسيارات المشكله فينا

طريقة الاستخدام عندنا تعبانه مثلاً يروح يطعس يقول هذي دبل

طيب يا اخي لكل شي طاقه والدبل وضع للحالات الطارئه مو تروح تحرقه بالتطعيس

او حركة الشباب يعلق على دعسة البنزين وتسمع تقطيع السياره واصل لندن

وكل هذا مايبونها تخرب والله مشكله




صح للسانك يا بو مــــاجد العيب فينا

ملأحظه ,,,

بالله كيف تشتي سيارة جديد وانت عندما تتدوس لها عشان تجربها تتدوس لما الفصله تفصلها وعلى فكره ظغط المكينه لا عند الخمسه خطر على عمود الكرنك لا اذا هي تمشي الانها محملها

2
انا مهندس وفي من شباب الله يهديهم عندما يجيبو الي لاندكروزر يقول شباب يا ابو حماس انا عندي هزه بصيطه في 200 بالله كيف اشخص سيارة سرعتها 200

3

شباب يمشي 180 وهي في الخامس وفجئه يرجعها من الخامس الى ثالث با لله عليكم كيف يكون رجوع الجير من الامام الى الخف وعاد قدامه الاول وثاني والربع

4
يقومها في الواحد وفجئه يعطيها اثاني وينهزها عند انهزه في الاشارات الكارونه تجاوب معه على طول وخاصتنآآآ الهلكسات الجديد كارونتها خفيفه مره

واذا خربت ضروري تغير دفرانس كامل 3000 الف ريال من تشليح

هذا طبعنآ اسيارات الجديد مافو 2005 من هيلوكسات الى الاندكرورزر


يعطيكم الف عاااافيه

وانا اخوكم في اي ستفسار ,,,

[sgl2002]

انا كرفت الباترول اللي بالتوقيع سنة ومشئ فيها ٨٠ الف وكرفته كرف وشبه يوميا بالنفود وفاجره فجر

واللي خسرته فيه ٧ الالاف

بسبب رايعه الاول يعبيه مويه من التحليه وخرب كل شي يمر به مويه
بالاضافه اني غيرت الكارونة بسبب اني طمرت مويه وغرزت فيها ودخل الدفرنس ماء ومادريت عنها الا بعد شهر والزيت بداله ماء

وشريت شاص ٢٠٠٩ شبه جديد وجلس معي اربعه شهور وكل شهر اغير صوفة الدبل من غير شداد السير اللي يطلع صوت من اطرف ماء

[THE KILLER]

وكل سيارة تخرب اذا ما حافظنا عليها
انا ماجربت لا باترول ولا لاند ولا هايلكس يعني تويوتا ونيسان ماعرفهم
جربت ميتسوبيشي ( سيااااراااات بمعنى الكلمة )
جربت سوبارو ( مثل ميتسوبيشي بالظبط اذا قطعة مثلا خربت عليك وشريت وحدة تدوم معك 7 سنين يعني ركب وانسى

وجربت جمس يوكن 2007 طلعناه وكالة وماشيين فييه خطوووط تغاريز جبااال مدن ماغيرنا فيه الا الاقمشة بس
وبعناه 2012 للظرووف صعبة حتى الوالد مكان يبي يبيعه لكن ويش نسوي
لكن الجمس صراحة ما اشتكى من شيء
لا من حرارة ولا من نقص موية لمدة 5 سنين وحتى التبريد مشاء الله تماام وكالة
عيبه الوحييد ( الديكورات بس )
وطبعن نغير الفلتر كل 40 الف فلتر الجير مع الزيت
ووبس ماخسرنا اشياء واجد
وجربت ثلاثة سوبارو
كلهم نفس شي تكررفهم تللعن والديينهم تطعيس خطووووط سرعة 200 وتعلق عليها والمكينة مشاء الله تشوووف الزيييت تلاقيه اصفر لسه منحرق
وعندي سوبارو ليجاسي بعد ثانية ماشي 5000 اللاف والزيت فل واصفر بالنسبة للاعتطال مافي اعطال الا تقريبا جلد مقصات لازم تغيرا كل 6 سنين مع الاذرعه والاقمشة عاد هاذي قطع استلاكية
بواجي كل 100الف واكثر بعد من 100

بخاخاتها مشاء الله ماشتكيت منها
من 2001 ماغيرت فلتر البنزين ومن يوم جاء البنزين الاخضر اعبي منهااا وابد مافيها لا تقطع ولا شي
وسلامتكم
لكن بالنسبة للتايوتا مايعجبني فيها الا لاندكروزر موديل 79 الى 88 وبالاضافة الى شاص من السبعينات ال 88 وبس غير كذا لا تدور
ايه باقي سيارة وحدة
فورد اكسبديشن 97 دفع رباعي
هاذي السيارة عضلاااات قووووووية + متااااااانة + قوووووة المحركااااااات
هاذي شرينا واحد موديل 97 وكان معدوووم ملعون جدفه
لكن قعد معانا سنة واحنا نكرف فيه مطباات ناخذها سفري نطلع ارصفة كبييييرة وندخل حفففررررر مثلا طريق مكسسر تلقى الناس تمشي 10 و 20 حنا كنا نمشي فيه 60 بالحفر
وفي الاخير بعناه 4 اللاف تشليح

بس الصراحة فورد اكسبديشن وفورد اف 150 - 250 - 350
سيارات جبااارة من ناحية المحرك والتحميل والجر والسحب والطعوس
اكببررررر عييييب لهاااااااااا على وجه التاااااريخ ( الجيربوكس ) لا خرب انسى انك توضبه
مهندس شغال بفوورد قاااال فورد نجحت بالمحركات لكن بالجيربوكسات فااااشلة هاذا مادري والله اعلم على الموديل السابق
لكن الجديد مدري عنه ومعليش طولت معااكم اعذرووني