((( بقلــبي تلقــى عنوانــه ))) مصافحة اولى

[محمد القعيقعي]

بسم الله الرحمن الرحيم


والسلام عليكم ورحمته وبركاته








يا شعري عجل بسرعه أبيك الحين بأستعجال=أبيك تجيب ماعندك من ألاوصاف من شانـه
أبيه يباهي كل الخلق أبيه يشابـه الأبطـال=أبيه يصير مثل الشمس رفيع ٍ حيل مسكانـه
أبي الأزهار تحتضنه مثل ماتحضن الأطفـال=دخيلك ياشعر تكفى تـرى تستاهـل فلانـه
لأني أعشقه وأغليه بعيوني مسكنه وظـلال=وأنا أفديه بعيونـي بقلبـي تلقـى عنوانـه
ياربي أحفظـه ليّـه وخلـه قربنـا يختـال=أداعب روحي بشوفه وأغنـي لعينـه دانـه
ولو قصّر معاي وراح تحفظ غيابها لو طـال=وتجعلهـا سعيـده دوم أبيهـا دوم فرحانـه
أبيها تعيش في دنيا هنيئـه مابهـا إشكـال=أبيها تهتني وتكون طوال الوقـت طربانـه
ولا تزعل ولا تشقا ولا تشكي تعـب وإذلال=ولا تبكي أو تعاني ولا فـي يـوم زعلانـه
يا شعري قلهم وشفيك عجزت تكمل الأقوال=عجزت تلبي الرغبه وتجيب الوصف بأوزانه
أذا خجلان لا يهمك أنا أشرح لهم يـا خـال=لان الزين في خلي تعدى سهيـل وأعوانـه
تعدى النجم والكوكب تعـدى بدرنـا هـلال=تعدى الطيف بأشكاله تعـدى حتـى ألوانـه
لأجل هذا عجز شعري عجز لا يقاوم الشلال=وقف حيران من زينه بذهول وقال سبحانـه
وجاني معتذر ويقول حبيبك بزينهـا أهـوال=وعذرت الشعر وأنهينا لكم بالحـال قيفانـه