طقة غريبة في اللاند ..

[al-wid]

السلام عليكم ..

حياكم يالغالين ..

عندي موتر لاندركروزر 2007 قير تماتيك عبداللطيف جميل ..

فيه مشكلة عندي اذا ربطت الفرامل وهديت الين 20 تجي طقة قوية " يوم عن يوم تزود " وديته للبازعي قالي رح للوكالة رحت للوكالة ما عطوني علم .. قالوا تدفع 3500 ونفك القير ونعلمك وش المشكلة اذا بغيت تصلحه بعد مانعرف وش المشكلة نصلحه واذا مابغيت تروح عليك الـ 3500 وتاخذ الموتر بقيره المفكوك .. كلامهم ماينهضم صراحة واستغلال ..

قلت مالي بعد الله الا اخواني هنا وان شاء الله انهم بيفيدوني ..

مكاني الرياض ..

موفقين ..

[ااابوحماس]

حياك يالغالي

اخي مشكلتك في الابي سي نسم الفرامل الخلفي ولااما مي وشف القماشات الاماميه

[بدوي جنوبي]

شوف يا غالى
لا يهموك الوكاله نصابين
بالله كيف يقبل يفك القير بمبلغ 3500 بدون تصليح
للأسف وكالات السيارات وصلت لهذا الحال بدون حسيب ولا رقيب .

س:
هل تغييرات القير ممتازة مافيها مشاكل ؟
متى آخر مره غيرت زيت القير والفتر ؟
هل أستخدمت السياره أستخدام شاق وظهرت المشكله ؟
أذا مشت السياره وغير من السرعه الاولى الي الثانيه عل تحصل الطقه ؟

أبغاك تعمل الاختبار هذا :
تمشي حتى سرعه 40 او 60 أنقل عصا القير لوضع الا N
أضغط على دواسة الفرامل وتشوف هل الطقه موجوده ؟

أذا أختفت الطقه قد تكون المشكله فعلا من القير وسبب الطقه والله أعلم
من حساس السرعه الاولى ما يقوم بنقل التغييره من الثانيه الى الاولى بسلاسه
لذلك تحصل الطقه .

أو قد تكون المشكله من عمود الدوران كل الاحتمالات واردة .

[al-wid]

تغييرات القير عادية

قبل تقريبا 6 شهور غيرت زيت القير والفلتر

لا استخدامي عادي

لا ماتطلع الطقة اذا مشيت



الطقة تطلع اذا هديت ورجع من نمرة 2 الى 1 او من 3 الى 2 تحصل الطقة ..

بجرب الاختبار وارد لكم ان شاء الله ..

موفقين

[الكشات وافى]

كرســــــى القيـــــــــــــر ...... !!!!

أتوقع وأن ماخــــــــاب ظنى أنــــه كرســــــــى القــــــير ......!!!

خل اى ميكانيكى يرفع السياره ويشيك على الكرسى اللى تحت القير ...

وان طلع مهترى والربله متواكله اعرف انه هو السبب ...


ولا تنسى البشـــــــــــــاره عـــــــــــاد :D:D