المساعد الشخصي الرقمي

مشاهدة النسخة كاملة : استفسارين لاهنتو يالربع


علي ابونواف
05/04/2012, 11:29 PM
حي الله الجميع كل باسمه
الحقيقة يالربع عندي استفسارين
الاول عندي لمبة البطاريه دايم مولعه مع العلم ان البطاريه جديده
وش تتوقعون برايكم؟

الثاني صار معي وانا بالسريع ماسك خط فجأه ضعف النور وعلى وشك يطفي وطلع صوت جرس بالسياره طفيتها ولااشتغلت الا باشتراك كملت وصارت معي نفس المشكله مرة ثانيه

رحت وشيكت على الكهرب قال كل شي سليم والدينمو سليم

بخبرتكم وش المشكله

مع العلم ان نوع السياره ماركيز 98

مع شكري وتقديري للجميع
ابو فارس12
06/04/2012, 03:51 AM
لمبة البطارية راح تطفى بعدى فترة إذا كنت توك مركبها
وبالنسبة لمشكلتها الثانية أنا من رايي تروح لأكثر من كهربائي وتشوف
ولا تخلي كل واحد يصلح فيها ..إذا شفت أكثر من واحد متفقين على خراب معين توكل على الله وصلحها
al3teeq
06/04/2012, 11:10 AM
مشكلتك في الدينمو افحصة وخاصه الفحمات وشيك على توصيلاته ربما يوجد فيها خلل
ااابوحماس
06/04/2012, 11:17 AM
عندك فحمات الدنموووو

غيرها اخي عندالكهربائي
علي ابونواف
06/04/2012, 10:56 PM
مشكور وجزاكم الله خير

بس سويت لها فحص كهرب بالكمبيوتر ويقول كل شي سليم فهل يمكن اكتشاف العطل بطريقه ثانيه ممكن نتأكد اكثر منها

جزاكم الله خير الجزاء
al3teeq
07/04/2012, 05:48 PM
اخ علي اللمبه الموضح عليها صورة البطارية في الطبلون ماتولع الا اذا البطارية فاضيه نهائيا او فيه مشكله في الدينمو مايشحن البطاريه.
لذلك وحسب ماذكرته فيه مشكله في الدينمو اما افياشه فيها فضاوه واحيانا تشتبك وتطفي اللمبه واحيانا تنفصل وتولع اللمبه،كذلك السلك الواصل من الدينمو لاصبع البطاريه الموجب تأكد ماعليه املاح.
نفس الشي للفحمات اذا قربت تنتهي وهذا يعتبر تحذير منها حتى تغيرها.
نصيحتي خل الكهربائي يشيك على الدينمو واسلاكه ولا توديه الا لما تولع اللمبه.
RW7..ALBDAWA
07/04/2012, 08:45 PM
اخوي غير البطآريه وعلى مسئوليتي

< صآرت معه قبل شهر ومآفيه ولا كهربآئي الآ وقآلي كل شي عندك سليم

ويوم غيرت البطآريه الحمد لله اموري سلكت
ابو فهد...
07/04/2012, 11:08 PM
صارت معي قبل كذا وصارت من اصابع البطارية يبيلها تنظيف نظفهن اول شي
شايب حرب
07/04/2012, 11:27 PM
مشكلة توليع لمبة البطارية موجودة عندي والبطارية جديدة والسيارة كرسيدا

هذة المشكلة جات عندما قمت بتغيير الدينمو حق الوكالة بواحد تجاري

واعتقد ان المشكلة من اسلاك او افياش الدينمو الجديد تختلف عن حق الوكالة

ولاكن لاتوجد مشكلة في البطارية او الدينمو كلها شغاله والمبة مولعه
علي ابونواف
07/04/2012, 11:48 PM
الله يجزاكم خير على تفاعلكم ويكتب اجركم الحقيقة كفيتو ووفيتو يالربع

مشكوووور ومقصرتو يالربع