المساعد الشخصي الرقمي

مشاهدة النسخة كاملة : نبي فزعتكم جزاكم الله خير


تركي6
06/04/2012, 03:02 AM
انا معي نيسان فتك 2002 صار لي سنتين مالقيت لمشكلته حل .. وهي ان السيارة احسها تحرق بنزين بكثرة واثناء القيادة اذا تعديت 120 ورفعت رجلي يرمي بقوة ... فحصت الكويلات قالو سليمة نظفت البخاخات مافيه فايده ..مالقيت حل للمشكلة وديته للجابري مدحوه لي طلع ما عنده سالفة وماعرف للمشكلة اخذ 400 وطلعت السيارة ومشكلتها باقية ... وبعدين فيه ثقل في السيارة احس انها كاتمه ... الله يعطيكم العافية ارشدوني على حل لأصلاحها واكون لكم من الشاكرين.. ولكم جزيل الشكر والعرفان
THE KILLER
06/04/2012, 07:11 AM
شف حاول انك تفك حساس الهواا وتنظفه

اول شي افصل اصبع البطارية السااالب واشتغل
فك حساس الهوا وفك حساس الثروتل بدي
وقبل ما تبدااا لمبة المكينة عندك والعة ولااا
مشاكل الكتمة لها اسباب
البخاخات والبواجي كويلات اسلاك - حساس الاكسجين - حساس ثروتل بدي ( البوابة ) وحساس الهوا اذا كل شي عندك سليم

ممكن يكون عندك دبة التلوث مسدووودة واذا مسدودة راح تضعف لك العزم وتزيد صرفية البنزين
شف الهوا الي يخرج من عند الشكمان دفعه قووي ولا ضعيييف بالحييل ؟
THE KILLER
06/04/2012, 07:12 AM
او مدري ويش يسمونهااا اعتقد شخال ما شخاال شي زي كذا
PATROL-99
06/04/2012, 04:12 PM
السلام عليكم .

اخوي انا معي باترول 99 كان عندي كتمة في الموتر ما ادري وش سببها والموتر شيكت عليه سليم ما فيه الا العافية
ومرة قاعد اقول مشلتي في مجلس ..
قالي واحد من الحاضرين: شيكت على دبة البيئه؟؟؟
قلت لا والله !!!
ومن بكرا رحت فكيتها وركبت دبة سورية كامله من دون قصقصة في الشكمان ولا شي ..
والله والموتر الحين ولا احسن منه وراحت الكتمة

ملاحضة:الدبة الي انا ركبتها لها صوت بس انها طررب

اتمنى اني افدتك..
برايدوي عنيد
07/04/2012, 11:03 PM
هلابك

اذا كنت داعس ورفعت رجلك عن البنزين رمى

ممكن عندك المشكله من الشخال الشي الثاني الكتمه بعض المرات يكون السبب الدبه

شيك على البواجي , غير فلتر الهواء , غير فلتر البنزين .

تقبل مروري....
ابوسند9
07/04/2012, 11:48 PM
اخوي شيك على ثلاث اشياء
خرطوش الهواء اللي خارج من فلتر الهواء للثلاجه ممكن يكون فيه شق او تنسيم من عند القفيز
فلتر الهواء ممكن يكون عندك قديم ومتسخ
شيك على الدبه ممكن يكون فيها شق او خرم
جميع ما ذكرته اعلاة تسبب الرمي
لكن على العموم هي ما تضر وانا من زمان عند كذا ولا حاولت اشوف من وين المشكله
تركي6
11/04/2012, 09:49 AM
اخواني لأفاضل .. بيض الله وجيهكم على تفاعلكم ولا حرمني الله اخوتكم ... وجاري تتبع كل ماذكرتوه اعلاه علني اجد مشكلتي .. انا راح اغير الي قلتو عليه واذا لقيت المشكلة راح افيدكم هنا ربما يستفيد احد الاخوان قد يعاني من نفس المشكلة .. صادق مودتي لكم جميعاً