طلعت تصيد ونسيت الطعم ( اللعف ) في البيت ): وش بتسوي ؟؟

[DIVE STAR]

بسم الله الرحمن الرحيم


اخواني اعضاء خيمة الصيد


تحصل معنا في حالات نادره نسيان طعوم الصيد ( اللعف ) في ثلاجة البيت في رحلات الصيد من الشاطيء


او انك تعتمد على احد من الشباب انه يجيب الطعم معه ويصير له ظرف وما يجي وتقعد بها (:


وش الحل


انت الان مخيم على الشاطيء ومعك العده كامله والثلاجه مليانه ثلج وعصير وسنكرز ههه


ومخطط تصيد بالقصب او جلب من الشاطيء


لكن مافيه لعف ؟؟؟؟؟؟



وما عندك شوار ولا مخدجه ولا صخوه


عطنا الحل المناسب من خلال تجاربك السابقه


تحياتي لكم

[همس البحر]

الفكرة بسيطة جيب شوي من العيش الي في الخيمة وشربه الماء إلين يصير عجين وحط شنكار خطاف شوكة سنارة الي تحب من هاذي الا تحب من هاذي الا اسامي مقاس صغير وجلب وطلع من اصغار الاسماك وقلبه طعم هههه وفي طريقه ثانيه وهي دور ابو مقص وعليك به طعم جيد والطريقه الثالثه بي فلوس ههههه لا تصدق ارمي عيش على الشاطئ وخليك ماسك حجر بيدك اول ميتجمع السمك ارميه خليه يطلع على الشاطئ وجلب راح إطلع خرم قطع وجلب بعد التعب هههه إن شاء الله اكون وصلت المعلومة بشكل صحيح

[ابوسالم ؟]

السلام عليكم
فيه عندك الصرنباق طيب مره
وكمان الشاقه تنسلخ وطعم مره مايطيح
والبصر كمان ينفع
هذي الطعم كله
يمسك باليد
ماعدا الشاقه بالمشك
تحياتي لك
وشكرا علي موظوعك المفيد
اخوك
ابوسالم

[ABO ZAIN 29]

ابو مقص
صرنباك
قواقع
عجين من الخبز الموجود
الاسماك الصغيره بفتح قارورة ماء ووضع العجين داخلها
او
بنتاشئه بوضع عجين

[عجائب البحر]

هذه مشكله نسيان اللعف لاكن مثل ماقالو الإخوان البصر طعم جيد مجرب ويستخرج بحديده أو أي شيء قاسي ولاكن لاننسى أنه ممنوع إستخراجه والصرمباق ونسأل الله لكم رحله موفقه مليئه بالصيد الوفير

[k.fares]

الحلول دايمن مع/k.fares
1-تاخذ من الشعب الخضرا(الي مثل الشجر) وتركبها بالميدر
2-احياناً يكون في شباب قبلك صادوا بنفس المكان فراح تلاقي بقايا لعف
3-تاخذ الشعب الخضرا وتحطها عند بدايه الكساره فراح يجي السمك الصغير مرة وخلك وراهم وتششششش دفهم على جوا (الرمل)وتركبهم بالميادير
4-لو لقيت جمبك شويه شباب حاول تشتري من عندهم وبالطريقه التاليه:خذ ريال واحد وغطيه على مناديل ولفه بمطاط فلم تروح للشباب على بالهم فوق الـ20ريال فلمن يعطوك اللعف ويفتحوا المطاط بينصرعوا ليييش؟لانك حاتطلهم ريال واحد والباقي مناديل ـهههههههههههههه
ومشكور على الموضوع
تحياتي...k.fares

[aglanco]

شوف ياابو فهد
والله تصير وتطفش وكل اللي قلته صحيح
مرة من المرات رحت ومامعايه لعف فتحت الكيس افكره
حبار
طلع بياض مقطع حق صيادية قطع كبار
والله حقدت على نفسي
شوف اذا ماحولك شي من اللي قلته
الله يعينك على الآتي :
1- الحفر في التراب اللي جنبك يمكن تلاقي شي
2-الخبــــــــــــــــزواربطه صغار وسنانير صغيرة يجيب لك لعف حي
3- ابومقص وكسره والعن جدفه؟؟:no2::no2:
4- ارجع اقرب مكان وجيب اي شي ينفع يكون لعف

واخيرا تراها تصير وتسبب لك قلق وقفلة
وتخرب جوك بس الواحد يشغل عقله
مشكور ابو فهد

[DIVE STAR]

الله يسعدكم على هذي الردود


بصراحه ضحكت على الردود وقاعد اتخيل كل واحد وهو يسوي اللي قاعد يكتبه


وهذا هو القصد من الموضوع ان نتبادل الخبرات ونخبر الاخرين كيفية التصرف في مثل هذي الحالت


طبعا بالنسبه لي :


ابو جلنمبو وما ادراك ما ابو جلنمبو شي خيالي في الصيد


https://encrypted-tbn0.google.com/images?q=tbn:ANd9GcTep60lt1aSErbOYkLiA9yCA6tsAGIeb Z_O30f665R9A9VZPpq1


اسحبه من صدفته الصغيره واشبكه في السناره وجلب في العواري


عندك ايضا اللواصق اللي فوق الاحجار وهي ذات الشكل النصف دائري



فكها بسكين من الصخور وطلع بطنها واشبك - قويه وما تنفك من السناره على سيره


ولا تنسى الدود ( غالبا تجده بعد حفر حفر عميقه في المناطق الطينيه )


هذا غير الاخطبوط الحبيب ( دائما نصيده في مياه لا تتعدى شبر ونقتله باستخدام حجر كبير )


وجلب يا طيب


طبعا اذا حصلنا على سمكه من سمك المنطقه اللي احنا فيها على طول:


تقطيع وسويه لبيب على كيفك وكل ما صدت شي من ابو صغير صغير سويه لبيب


لغاية ما تجمع كميه طيبه من اللعف وتقطعه تقطيع طيب وكذا صار عندك لعف رائع من سمك المنطقه


ابدا صيدك بالرمي في مناطقك المعتاده للاسماك الكبيره


وتوكل على الله السمكه الطيبه في الثلاجه ( لزوم الطبخ )


والسمكه اللي لك عليها حولها لمعمل التقطيع وسويها لعف لبايب


وادعو لكم بالرزق الحلال الطيب ان شا الله


تحياتي لكم

[صياد مبتداء]

وعليكم السلام ورحمة الله وبركاته

وأسعد الله أوقاتكم بكل خير


موضوع ممتأز وفي محلة صراحة ..

بذكر لكم موقف .. جيت لشباب ونفسهم يطلعون بحر .. وللأسف الوقت متأخر ..

وكل المحلات مقفلة .. دبر طعم ياولد .. قلت لهم ياشباب جيبو لي دقيق ..

وأحلى عجينه يا معلم و الصيد حلوو ..

والله يعطيك العافية على الموضوع ..

تقبل مروري أخوك : أبو محمد ..

[accentkool]

ياتشووووف شرييييب ولا حلزون او احفر ويطلع لك دود ومش حالك

[hunter78]

موضوع ممتاز ويلزم كل صياد أن يتعرف على الطعوم الطبيعية
جزاك الله خيرا وسلمت يداك

[فتى الليث]

السلام عليكم
اول شي الحل بسيط مره تا خذلك كيس حق المقاضي وتحط داخله العيش وتحط في اول الكيس حجاره و واخر الكيس حجاره وتبعد شويه يا جيك الهري او العربي الصغير ثمن تسحب بسرعه وصار اللعف موجود وانتم لكم التفيق

[k.fares]

الله يوفقك يافتى الليث اعطيتنا فكره مضبوووطه

[أبوحافظ]

يعطيك العافيه يابوفهد

الحاجه ام الاختراع

واللي راح نسويه نفس كلام الشباب واضيف عليها لو معاك دجاج مكن تجلب فيه و اول ما يطلع لك الشيخ ابونقطه

اذا طلع ابونقطه خلاص انحل موضوع الطعم ... ولو ان ابونقطه يتكبر علينا هذي الايام وما يطلع الا بصعوبه

الف شكر على الموضوع الجميل لتبادل الخبرات

تحياتي لك

[الدوق]

أول شي على حسب الرحلة ... إذا كنتوا طالعين في بوت .. الله يعينك وتقطع أصبع واحد من الشباب ويكون هو كبش الفداء
ولو كانت على شاطي .. والمكان بعيد جداً
حاول انك تتمشى على الشاطي ومعك كيس .. وتبدى تلقطّ اللي موجود على الشاطي أبو جلمبو دود .. سمك معفن .. قطوه ..أي شي ..
وحاول قبل ما تطلع تتمشى .. تتصل على واحد من الزملاء اللي ما عزمته على الرحلة .. وتعزمه .. وتقول له وانت جاي جيب معاك طعم :D ...

أما لو كان المكان قريب ... أطلع روح أشتري وخلاص ...



وفيه حلّ جانبي (( أقلط على اللي بجمبك .. وقول له .. ياخي انا مشبّــــه عليك :D .. معاك طعم ؟؟؟ ))


موضوع تفاعلي رائع