تخيل اسبيطي فيه حول 7كيلو صايده بخيطك والخيط شاير والاسبيطي طافح دايخ !

[صايد الحوت]

اخواني اتمنى تكونون بخير وعافيه اقولكم قصتي امس الفجر الساعه2 في كورنيش الدمام _موقع بيتزا ان مقابل مجمع مارينا طالع مع اصحابي عشان يوم الاربعاء مريت ومشاء الله رميت خبز وطفح اسبطيين يحبهم قلبك وكنت متردد انزل جزيره جنا الجبيل عشان الاجواء مومستقره المهم يوم شفتهم رميت خيوطي وكان الطعم ميد طبعن افرش من نفس الموقع مليان مشاء الله وظرب عندي واحد وسحب الخيط سحبه يحبها قلبك بس كنت بعيد عن الخيط وعلى ماوصلت الا الخيط وقف طبعن راعي بحر تحمس قال اليوم الثاني جايك يالسبيطي اخت خيوط الحداق وطبعن مقاسها 40 طبعن ضعيف وبيني وبينكم انا احب اطلع السبيطي في الخيط هذا حماس في السحب وتجلس تسايس لين مايجي معاك رمينا من الساعه 2 بليل الا الساعه 3الخيط ينسحب سحب مو طبيعي يوم مسكت الخيط الا عالق في الصخر وتعرفون الخيط ضعيف اي شده زايده راح ينقطع شوي واطالع الي طفح ااااااااااااه ياقلبي ازرق يحبه قلبك وحش وربي ولا بس نظاره (قويه صح :D)المهم الموقع طبعن تكثر فيه العائلات ولا نويت اطب بس خف اتحصلوني في اليوتيوب اليوم الثاني واحد حاول ينتحر تخبرون العالم الحين اي شي صور وخفت من العين بعد تعرفون مجسم (اقول عن الهياط خف وزنك بس تراك متنان :mad:)شوي رميت عليه بسناره قلت بصيد الخيط من الاجها الي صايد فيها وبحاول اقرب الخيط واسحب من هناك طبعن صت الخيط وسحب معاي شوي الافك الخيط ودعس ذيك الدعسه دعسه الحياة وقطع الخيط:jبس انشاء الله الاسبوع هذا جالس له بأذن الله واجيبه لكم واسف على الاطاله يااخواني _تحياتي

[مكشاتي سبشل]

ماشاء الله تبارك الرحمن الاخ حكواتي قصه ممتعه وكأني جالس معاك
وفالك السبييطي ان شاء الله بالمرات القادمه

[صياد متهور]

السلام عليكم
يعوضك ربي باللي احسن منه يارب
\وانا اتوقع ماراح الاقي نفسي اللي عنده هع هع مشير معاااه هع
ولا بالسالية
بالتوفيق وفالك الاقرع يارب

[صياد مبتداء]

هلابك يا صياد الحوته .. وربي يعوضك بأخير منه أنشاء الله .. والجايات أفضل ..

تقبل مروري أخوك : أبو محمد ..

[ابوماجد-1]

ربي يعوضك

واسمحلي حداق السبيطي يبيلك مراقف خيوطك

لتكن في قلب الحدث

[hunter78]

الله يعوضك بللي أحسن منه وتنزل لنا موضوع وتاخذ عليه نجووووووووووم

[k.fares]

هههههههههههههههه احلى اكشن لمن يكونوا جمبك عوائل

[I com]

صايد الحوت
الله يرزق من واسع فضله وخيرها بغيرها أنا كذلك هذا اليوم الجمعة في العزيزية (الخبر) ضرب معنا شي الله وكيلك
حتى بدون حركة للسنارة سمعنا صوت البكره تلف على خفيف حسبته هواء ولما شديت قفل البكره أنحنت السنارة
وأرخيت البكره والخيط صار يروح بسرعة وبعدها أنتهت البكره من الخيط بعدها قفلت البكره وصار خويي يشد
العصا المسكين جاته نتعه قويه المهم أنا وخويي صرنا نسحب الخيط سبحان الله تقول نسحب صبه يجرنا ونجره
بعدها صار يجي معنا واحنا أثنين نسحب لو سحبنا سياره كان أخف وشوي الا وينقطع الخيط مقاس 56
لكن الحمد لله على كل حال والله يرزقنا

عموما أخوي بالتوفيق وصيد وافر بالأوقات الجايه رغم ان الأجواء ماكانت تساعد خلال هذي الفتره ...

دمت بود

[صايد الحوت]

اخواني اتمنى تكونون بخير وعافيه اقولكم قصتي امس الفجر الساعه2 في كورنيش الدمام _موقع بيتزا ان مقابل مجمع مارينا طالع مع اصحابي عشان يوم الاربعاء مريت وماشاء الله رميت خبز وطفح اسبطيين يحبهم قلبك وكنت متردد انزل جزيره جنا الجبيل عشان الاجواء مومستقره المهم يوم شفتهم رميت خيوطي وكان الطعم ميد طبعن افرش من نفس الموقع مليان ماشاء الله وضرب عندي واحد وسحب الخيط سحبه يحبها قلبك بس كنت بعيد عن الخيط وعلى ماوصلت الا الخيط وقف طبعن راعي بحر تحمس قال اليوم الثاني جايك يالسبيطي اخذت خيوط الحداق وطبعن مقاسها 40 طبعن ضعيف وبيني وبينكم انا احب اطلع السبيطي في الخيط هذا حماس في السحب وتجلس تسايس لين مايجي معاك رمينا من الساعه 2 بليل الا الساعه 3الخيط ينسحب سحب مو طبيعي يوم مسكت الخيط الا عالق في الصخر وتعرفون الخيط ضعيف اي شده زايده راح ينقطع شوي واطالع الي طفح ااااااااااااه ياقلبي ازرق يحبه قلبك وحش وربي ولا بس نظاره (قويه صح :D)المهم الموقع طبعن تكثر فيه العائلات ولا نويت اطب بس خف اتحصلوني في اليوتيوب اليوم الثاني واحد حاول ينتحر تخبرون العالم الحين اي شي صور وخفت من العين بعد تعرفون مجسم (اقول عن الهياط خف وزنك بس تراك متنان :mad:)شوي رميت عليه بالسناره قلت بصيد الخيط من الجه الي صايد فيها وبحاول اقرب الخيط واسحب من هناك طبعن صدت الخيط وسحب معاي شوي الافك الخيط ودعس ذيك الدعسه دعسه الحياة وقطع الخيط:jبس ان شاء الله الاسبوع هذا جالس له بأذن الله واجيبه لكم واسف على الاطاله يااخواني _تحياتي
للمعلومية افضل اوقات الصيد في المنطقة المذكوره بداية الثبر

[accentkool]

ماشا ءالله القصة اكشن استمتعنا بالقراءة
وان شاء الله المرة الجاية تجيبة على خشمة

[ذوالجناح7]

والله عشنا جووووو وآنا من عشاق السبيطي


والقصه 100%


تصدق حب الصيد يدوخ تراني مثلك كنت ناوي أطلع جنا ورحت الجبيل


لاكن حرس الحدود مايخيبون ضنك دايم يفتعلون المشاكل ويحاولون يكرهونك بالبحر


خربو طلعتنا ومنعونا من النزول بدون أي سبب واضح الشغله عنااااااااااد


وتعرف الواحد لمن يكون مصنف صيد ورجعت من الجبيل مقهور إلي الدمــام


قافله معاي قلت أقل القليل أطلع حداق سيف وشيل العده على الكورنيش


لاكن للأسف مافي شي مرو سلم :mad:


وقصتك تعطي حمااااس وترد الروح :r


بالتوفيق بالمرات الجايه :good2:

[حداق الخبر]

صايد الحوت
الله يرزق من واسع فضله وخيرها بغيرها أنا كذلك هذا اليوم الجمعة في العزيزية (الخبر) ضرب معنا شي الله وكيلك
حتى بدون حركة للسنارة سمعنا صوت البكره تلف على خفيف حسبته هواء ولما شديت قفل البكره أنحنت السنارة
وأرخيت البكره والخيط صار يروح بسرعة وبعدها أنتهت البكره من الخيط بعدها قفلت البكره وصار خويي يشد
العصا المسكين جاته نتعه قويه المهم أنا وخويي صرنا نسحب الخيط سبحان الله تقول نسحب صبه يجرنا ونجره
بعدها صار يجي معنا واحنا أثنين نسحب لو سحبنا سياره كان أخف وشوي الا وينقطع الخيط مقاس 56
لكن الحمد لله على كل حال والله يرزقنا

عموما أخوي بالتوفيق وصيد وافر بالأوقات الجايه رغم ان الأجواء ماكانت تساعد خلال هذي الفتره ...

دمت بود



ماشاء الله وين بالعزيزيه اي جهه ؟


وش طعمك يالغالي ؟


في الليل والا النهار لأن النهار هاليومين طالعه الظلعه

[I com]

ماشاء الله وين بالعزيزيه اي جهه ؟


وش طعمك يالغالي ؟


في الليل والا النهار لأن النهار هاليومين طالعه الظلعه

الموقع : الجهة نهاية الشبيلي قرب التحليه ( إرساليه 150 متر تقريباً )

الطعم : سمك الجواف أقل من حجم الكف مفصولة الراس ومدهونة بدمها

الوقت : 9 صباحاً

[259]

المره الجايه ياالخوي جب معك منتب طويل او ركب له خيط 60برازيلي وفالك السبيطي

[White_Shark]

أفااااا .... حسافة والله راح عليك السبيطي العود .. معوض خير إن شاء الله المرات الجاية بأكبر منه إن شاء الله :).

على فكرة أكبر سبيطي صدناه من جزيرة أبو علي وزنه 8 كيلو وعليها شوي كان الطعم ( جواف ) .. الجواف طعم ممتاز جداً للسمك الكبير بما فيه ( الهامور , الشعري , القد , والسبيطي ) وحتى الشعوم الكبار .

تقبل تحياتي .

[معليش؛]

صراحة عيشتني جو اكشن وكاني اتابع فلم على الام بي سي فور... ان شاء الله تجيبه المرة الجايه وتحكيلنا الجزء الثاني .. موفق