افضل مكينة للباترول !!!

[باترول - 91]

السلام وعليكم



ودي اغير مكينة الموتر (( باترول 91 ))


فحترت وش اركب وأي مكينة افضل كقوة واستعمال
دينالي او لكزس او فتك


وكم التكلفة كل مكينة مع التركيب وكل شئ ؟




ارجوا التفاعل :good2:

[قناص الأشهب]

أذا تبي مكينه لك وللزمن وتنسى من العطلات والحرارة بأذن الله عليك بمكينة الفي اكس ار وتكلفك اجمالي 27 الف طبعا مكينه 4700
أو لكزس وتكلفك 18 الف

[خبايا انسان]

مكينة اللكزس والفي اكس ار ممتازه ,, وانا شوري عليك بالفي اكس ار

[You Like Me]

وعليكم السلام والرحمه


حدد استخدامك انت وميزانيتك بالاول
انت بتغير المكينه وتبي المكينه المرهمه
للخطوط او لطلعات البر الخفيفه والصيد او للمراقى
عشان نقدر نحدد لك الانسب لإستخدامك

والاكيد على مديل سيارتك حتى لو تركب 4500 بخاخ نيسان 2006 وفوق
وهي الاوفر بجميع الاختيارات راح يفرق معك
وبالتوفيق لك في مشروعك

[باترول - 91]

المكينة ابغاها للخطوط وطلعات البر الخفيفة

الميزانية 8 - 9 الاف

سمعت بأنه مكينة الكزس بــ 7000 الاف مع التركيب

[باترول - 91]

128 مشاهدة وما فية الا 4 ردود بسس

وينكم يا اهل الترهيم

[AxR979]

الاسعار اللي تقوله بالامارات اما هنا متوسط الاسعار 15 الف

اذا موترك شغال و شفت نفسك فاضي اوصلهم هناك اصرف لك

[سلطان الغدرا]

ان شاء الله يفيدونك الشباب مالي علم بها

[RW7..ALBDAWA]

رح الامارات وركب مكينة لكزس 2000 بـ 9 اللاف ريآل ااو 10 اللاف ريآل ويقعد موترك ثلاث ايآم بالكثير

امآ هنا وصل الشغل 19 الف ريآل ومع ذلك اذا جيت تكلم صآحب الورشه رآفع خشمه والله العظيم اني كنت اقول الاجآنب اخبآث

البلا صآر فينآ حنآ يآزين الاجآنب

رح الامارات اللي يشتغلون هندي ايرآني باكستآني وشغل نظيف ومرتب واصحآب خبرة عآليه بالترهيم

وفيه كراجات مخصصه لـ مكائن اللكزس والفي اكس ار

فيه شي بقوله لك مكينة اللكزس 2000 مآتحصل ابداً واحد يشتغلهآ لك بالريآض

هذآ اكبر دليل ان اللي عندنآ بالريآض مآعندك احد

الامارات يشغلون لك مكينة 2000 وظفيرة وكآله وكل شي مثل الوكآله ميزة الـ 2000 اقوى عزم من 97 وتحت

والتورك فيهآ عآلي اعلى من 97

[abo naser 1]

السلام عليكم

الميزانية لك عليها مالك الا لكزس وفي الأمارات بس لاتنسى تسئل عن الكراج وشغله قبل لاتروح وتحسب تكاليف سفرك ولاتنسى تخصم قيمت مكينتك من الأجمالي اذا جزمت

[خبايا انسان]

شوف ياخوي ,, انا رشحت لك الفي اكس ار ,, والسبب لسهوله صيانتها في السعوديه ,,


اللكسز لو تركبها على الباترول ممتازة ما اقول شي فيها ,, بس لو تدخل بالموتر الصنعيه وعليه لكزس نااادر تلقى واحد خبير في صيانتها ,, خل المعلومه هذي في بالك واسال عنها

[التعـ King ـديل]

مكينه لكزس 2000 بالامارات تكلفك تقريبا 10 - 11 بدون رجيع تسليم مفتاح او 9 مع الرجيع بشرط تكون المكينه القديمه جيده

مكينه الدينالي ماادري عنها

الفتك تقدر تركبها هنا بالسعوديه تسليم مفتاح وتكلفك تقريبا 26 الف

وبالامارات تكلفك 24 الف مافي فرق كثير لان سعر المكينه غالي

اشوف من الانسب لك مكينه اللكزس واذا تبيها انا حاضر ادلك وارتب امورك كلها

[باترول - 91]

صعبة والله اني ارووح للامارات


انا بالدمام


تخبرون بورشة ترهيم مضبوطة




سمعت انه القطيف عندهم ورش ترهيم واجد

[RW7..ALBDAWA]

< عنده احسآس ان الامارات تبي ترفع اسعآر تركيب مكينة اللكزس

لأن كل السعوديين هآبين بالامارات والظآهر يبون يطمعون مثل شبآبنآ اللي يشتغلون بهالورش

[وجعين]

لاتعدى اللكزز كل العالم تركبه انا مقاوم باترول 4 بيبان مكينة لكزز يا الله قمت عليه بمكسيما 99 كذالك قاومت راعي هلي 2006 وراح علي بمسافه كبيره قومة وخط ونا متعود احطم الهليات دايم المهم وقفته وقلت وش انت مسوي بلموتر نزل وفتح الكبوت مكينة..........لكزز استعمال ياباني يقول مركبة بلمذنب بس نسيت اسم الورشة .بنسبه للاخوان الي يقولك ب7000 ولي11000 فهم يتخرصون يبيلك اقل شي 19000الف والامارت الفرق الفين ريال مايستاهل تروح. تمنى اني وفقت في تعليقي

[bad boy]

< عنده احسآس ان الامارات تبي ترفع اسعآر تركيب مكينة اللكزس

لأن كل السعوديين هآبين بالامارات والظآهر يبون يطمعون مثل شبآبنآ اللي يشتغلون بهالورش
الله يستر لاتقوله ياولد انا ناوي عليهم اخر الشهر ابي انقز للامارات عشان مكينة اللكزس !! :D

[باترول - 91]

طيب ودينالي في احد يعرف اسعارها
وهل هي ممتازه ؟

[abo naser 1]

؟؟؟؟؟؟؟؟؟؟؟؟؟؟؟؟؟؟؟؟؟؟
http://www.shababonaizah.com/showthread.php?t=351916


تراي ما جربت شغلهم أسئلو قبل لاتروحون وكذلك كنق التعديل هنا أظن عنده خلفيه

[AxR979]

الدينالي غالية عليك ..

اذا تبي امريكي رخيص و ممتاز خذ 350 و تكاليفه نفس تكاليف اللكزس تقريبا و صيانته و توظيبه سهل و قوته ما يحتاج

[باترول - 91]

وش سلبيات مكينة دينالي الامريكية ؟

[bad boy]

ابو ناصر تطمن ماخططت على الامارات الا بعد ماشاورت الاخ كنق التعديل وبيض الله وجهه
ماقصر على الشرح الوافي وعلى المساعده عسى ربي يسلمه من كل شر

[دح ديح]

موفق يا بطل
انا مثلك ناوي على مكينه الكزس او 4500 تويوتا
اذا ضبط مشروعك بحول الله و قوته ياليت تعلمني كم التكلفه و الاداء بالذات بالنفود
هل يستاهل تعبها ولا لا
و انشاء الله الي بتركبه مكينه لكزس 2000 ؟
و موفق يا بطل

[باترول - 91]

والله ناوي ان شاء الله

اركب مكينة لكزس 2000 بالامارات

بس ما فيه وقت

[bad boy]

انا مثلك ناوي على مكينه الكزس او 4500 تويوتا
اذا ضبط مشروعك بحول الله و قوته ياليت تعلمني كم التكلفه و الاداء بالذات بالنفود
هل يستاهل تعبها ولا لا
و انشاء الله الي بتركبه مكينه لكزس 2000 ؟
و موفق يا بطل




مكينة اللكزس الغالبية يمدحها من جهة الكد والكرف
بالنسبة للمكينة ان شاء الله موديل 2000
وباذن الله بس تضبط الامور راح اعطيك خبر بالتجربة والاداء والتكاليف

[You Like Me]

طيب ودينالي في احد يعرف اسعارها
وهل هي ممتازه ؟


مكائن الجمس الـ 6 لتر تجي نوعين

LQ4 تجي على الدينالي
LQ9 تجي على الإسكاليد والجمس الحوض 2500
وانا انصح بالـ LQ9 سرندل حديد واقوى بفارق 10 إلى 18 حصان
واذا اشتغلتها صح انسى الحرارة
بعكس مكينه الدينالي LQ4 سرندل ألمنيوم

سعر lq4 من 9 الآف إلى 11 حسب النظافة
lq9 من 12 إلى 16 حسب النظافة

الاسعار قبل شهرين في تشاليح الرياض
مديلات 2005 - 2006
طبعاً بدون رجيع

*********************

ولو حسبت قمية المكينة الـ6 لتر مع التركيب
تراك وصلت لمكينة الفتك راكبه بلد

وانا انصحك مدام انت راعي خطوط
خل شغلك على مكائن الياباني وبس
سواءً نيسان او تويوتا

[باترول - 91]

يعطيكم العافية

ما لنا الا مكينة لكزس بالامارات


من يخبر ورشة مضبوطة بالامارات

[العنابي 616]

السلام عليكم

بالحبيب مكينة اللكزس جدا ممتازة خصوصا مديل 98 إلى 2000
قبل شهر رحت أنا و يا واحد من الشباب و ركبنا مكينه لسيارته ب 9 الاف درهم
طبعا هم شغلهم رخيص بس فيه مشكله انهم بعيدين يعني إذا صارت مشكلة ما تقدر ترجع لهم
حنا يوم ركبنا المكينة و رجعنا للسعودية ما طولت اسبوعين إلا و هي مخبطه

فأنصحك إذا بتشتغل بالإمارات إنك تجرب الموتر كم يوم في الإمارات و إذا فيه مشكله ترجع للكراج الين ما تتأكد إن الشغل مضبوط

الحاجة الثانية خل عندك خلفية عن طريقة تجليس المكينة هل يركبون تحويله على كراسي الوكالة أو يقصون كراسي الوكالة طبعا كل كراج له طريقه و انت شف وش الأنسب لك

ثالثا خل عندك خلفية عن تحويلة القير و الكلتش كل كراج له طريقه

رابعا احرص على نظافة المكينة و لو تشتريها انت من الشارقه يكون افضل و ايضا احرص انهم يركبون لك كلتش اصلي و جديد و قطع الغيار كلها تكون مضبوطه لأن بعضهم يسوق عليك أردى شي

[باترول - 91]

السلام عليكم

بالحبيب مكينة اللكزس جدا ممتازة خصوصا مديل 98 إلى 2000
قبل شهر رحت أنا و يا واحد من الشباب و ركبنا مكينه لسيارته ب 9 الاف درهم
طبعا هم شغلهم رخيص بس فيه مشكله انهم بعيدين يعني إذا صارت مشكلة ما تقدر ترجع لهم
حنا يوم ركبنا المكينة و رجعنا للسعودية ما طولت اسبوعين إلا و هي مخبطه

فأنصحك إذا بتشتغل بالإمارات إنك تجرب الموتر كم يوم في الإمارات و إذا فيه مشكله ترجع للكراج الين ما تتأكد إن الشغل مضبوط

الحاجة الثانية خل عندك خلفية عن طريقة تجليس المكينة هل يركبون تحويله على كراسي الوكالة أو يقصون كراسي الوكالة طبعا كل كراج له طريقه و انت شف وش الأنسب لك

ثالثا خل عندك خلفية عن تحويلة القير و الكلتش كل كراج له طريقه

رابعا احرص على نظافة المكينة و لو تشتريها انت من الشارقه يكون افضل و ايضا احرص انهم يركبون لك كلتش اصلي و جديد و قطع الغيار كلها تكون مضبوطه لأن بعضهم يسوق عليك أردى شي


اشكرك على النصيحة

ووين بالامارات مركب المكينة ؟؟

[ابونجم 1]

طيب ياشباب وش رايكم في التويوتا 6 سرندل محد اشتكى منها وعزم حلو ونادر المشاكل فيها وممتازة للخطوط حسب ماسمعت من الشباب أنها افضل من الفكسار لأن فيه مشاكل أكثر

[RW7..ALBDAWA]

خلاص اجل خلونآ نسوي قروب ونمشي للآمارات نركب مكآئن لكزس

وفيه واحد من الاعضاء بيض الله وجهه اسمه بآترول 88 الصراحه ماقصر يقول كان بتروح برسلك لـ كراج شغلهم صح صح صح

[السكب 999]

موضوع سراحه فيه فايده حبيت ارفعه لعل الشباب يفيدونا

سؤالي تكفون ؟ كم سعر المكينة لوحدها (مكينة اللكزس 2000) لو ابي اشتريها انا بنفسي واروح لهم يركبونها ؟ لان المكينه اهل شي بالموضوع لا يركبون شي معدوم.

[4800VTC]

معي باترول 91
ورهمت علية مكينه 6 تويوتا 4500
رهمتها ف الدمام
انا بنفسي شريت المكينه من الرياض
وجبتها و كان شغلهم ب 3000 ريال
و انا استخدمها الان من 6 شهور تقريبا و الحمد لله ما صادفت اي مشاكل تذكر

[كايد]

كراجات العين شغلهم زين
وبعدين حقك ما يضيع الا عندنا
الامارات لو لعبو في سيارتك تاخذ حقك ونص قانون مشروع ومنفذ .

[باترول - 91]

معي باترول 91

ورهمت علية مكينه 6 تويوتا 4500
رهمتها ف الدمام
انا بنفسي شريت المكينه من الرياض
وجبتها و كان شغلهم ب 3000 ريال

و انا استخدمها الان من 6 شهور تقريبا و الحمد لله ما صادفت اي مشاكل تذكر




اسم الورشه اللي رهمت المكينة عندها ؟؟

[ls1.5700]

السلام عليكم ورحمة الله وبركاته
اخواني الاعزاء
من واقع تجربه في المرهمات
جربت 6,00 لتر 5,3 لتر 5,7 لتر 4800 فتك
من ناحية القوه ارشح LS1 بس خرابات كثيره ولا تصلح استخدام الخاص زينه في التطعيس والقومات
6 لتر قويه بس غاليه وقليل تلقى نظيفه
الفتك ممتاز جدا بس غالي جدا ولا تلقى نظيفه
ارشح 5,3 رخيصه صبوره السلندر حديد يتحمل الجور ولا فيها حراره بالمره ولا فيها مشاكل ابد
اقوى من الفتك 4800 واقوى من محرك الكزس 4,7
ياطويل العمر دور لك مكينه نظيفه موديل 2005
قيمته حدود 5000 ريال
التكلفه حدود 18 الف

[RW7..ALBDAWA]

رهملـك مكينـة لكزس 2000

صدقني اقوى من مكينة اللكزس 97 بوآآآآآآآآآآآآآآآآآآآآآآآآآآآجد
انآ من ضمن اللي رهمو على بآترول صآلون مكينة لكزس 2000 الصرآحـه قومه وخط ماشاء الله تبآرك الرحمن

رهم بالامآرآت عندك بالعيـن كرآج محمد محبوب
او كرآج خور العيــــــــــن بس غآلين يقول يركب مكينة الـ 2000 بـ 16 الف هههه
او الشآرقـه كرآج الكويتي

[anas]

السلام عليكم ورحمة الله وبركاته
اخواني الاعزاء
من واقع تجربه في المرهمات
جربت 6,00 لتر 5,3 لتر 5,7 لتر 4800 فتك
من ناحية القوه ارشح LS1 بس خرابات كثيره ولا تصلح استخدام الخاص زينه في التطعيس والقومات
6 لتر قويه بس غاليه وقليل تلقى نظيفه
الفتك ممتاز جدا بس غالي جدا ولا تلقى نظيفه
ارشح 5,3 رخيصه صبوره السلندر حديد يتحمل الجور ولا فيها حراره بالمره ولا فيها مشاكل ابد
اقوى من الفتك 4800 واقوى من محرك الكزس 4,7
ياطويل العمر دور لك مكينه نظيفه موديل 2005
قيمته حدود 5000 ريال
التكلفه حدود 18 الف


كلام ممتاز من مجرب

[سلاطين]

نصيحه من واقع تجربه خلك على قردك لايجيك اقرد منه
تحياتي لك

[الأعصـــــار]

نصيحة لك أخوي الكريم لا تتعدى مكينة 4500 ستة سلندر تويوتا
نصيحة نصيحة نصيحة أنا مركب مكينة لكزس 2000 ولا هالحين
ماصدت وزنيتها يبي لها أمور و مخاسير كثيره لين تظبط معك والله
يعوضنا خير حنا وجميع المسلمين وهذا
من واقع تجربتي .. وشكرا

[الأعصـــــار]

معي باترول 91

ورهمت علية مكينه 6 تويوتا 4500
رهمتها ف الدمام
انا بنفسي شريت المكينه من الرياض
وجبتها و كان شغلهم ب 3000 ريال

و انا استخدمها الان من 6 شهور تقريبا و الحمد لله ما صادفت اي مشاكل تذكر


أخوي ماعلمتنا وين الكراج الي سواها لك وبكم ... وشكرا

[قناص2000]

ما شاء الله تبارك الرحمن افدوك الذيابه الله يعطيهم العافية

[com.الطراعيز]

فتك قوة وشيك لجيت تبيعة مهب مثل Ls1 تطيح سعرة

[أبوشريدح]

الله يوفقك

[4800VTC]

وصلك اسم
(الكراج)
اللي رهمت عنده المكينة:good2:

[الأعصـــــار]

وصلك اسم

(الكراج)

اللي رهمت عنده المكينة:good2:


يسلموووووا أخ فتك 4800

[أناودي ولاودي]

السلام عليكم ورحمة الله وبركاته(صباح +مساء)الخير
كيفكم أن شاءالله بخير
أبي الله لايهينكم ورشه تربيط +وتنجيد بالقصيم للباترول :):)

[ابوفارس9999]

مكينه لكزس 2000 بالامارات تكلفك تقريبا 10 - 11 بدون رجيع تسليم مفتاح او 9 مع الرجيع بشرط تكون المكينه القديمه جيده

مكينه الدينالي ماادري عنها

الفتك تقدر تركبها هنا بالسعوديه تسليم مفتاح وتكلفك تقريبا 26 الف

وبالامارات تكلفك 24 الف مافي فرق كثير لان سعر المكينه غالي

اشوف من الانسب لك مكينه اللكزس واذا تبيها انا حاضر ادلك وارتب امورك كلها

السلام عليكم

ممكن اتواصل معاك بهذا الخصوص

[بندر25]

السلا عليكم
اخوي العزيز من ناحيه انك تغير مكينه للباترول 97
انا غيرت المكينة وركبت مكينة السي ون حقت كابرس 6 لتر
وتكلفة الشغل كامل مع الاشياء الاخرى كلفني
ا ربع وعشرين الف مع الكفرات الي هي 35 انش


تحياتي لكم

[بندر25]

من ناحية القوم والعزم مكينة السي ون والصوووووت احسن بكثير
ومن ناحية الخط والمدة اللكزس احسن ...

وانصح بمكينةالسي ون ... وكل واحد له حرية الاختيار ...
بالنفود والمراقى اقوى السي ون

[ايطالي الم]

يالربع شنو وضع مكينه الكزس وهل هي عمليه ولا ابيها حق خطوط ومقناص وبر

[الصافي9]

وين سويتها يا بندر في اي ورشة

[بندر25]

مساء الخير

الصاااافي

سويت المكينة في بريده عند ورشة العجلان الي عند معارض السيارات

شغله ممتاز بس العيب انه يبطي الموتر عنده والا الشغل :good2:

[سلمان المعيلي]

اللكزس ودور اهلك طااال عمرك

[Naser114]

افادوك الاخوان ماقصروا