استفسار عن طبخ الكبسه بالكاتم

[الحيراان]

السلام عليكم

كيف الحال يامكشاتيين








الله لايهينكم السالفه ومافيها انا والله الطبخ ماعرف اطبخ

ابي طريقة الطبخ بالكامل لاهنتو

من يوم اشب على الدافور لما اطفيه تكفوون فزعتكم يالذيابه والله اني خجلان من هالسؤال لاكن وش نسوي مالي الا انتم
ابي كيف احط الزيت وبعدها احط الدجاج وبعدها كيف اقيس الماء واكتمه كم اخليه دقيقه
وبعدها افكه وش اسوي اكب الرز ولا املحه قبل ولا كيف تكفوون الطريقه كامله الله لايهينكم
الدجاج كم اخليه والحمام كم اخليه واللحم كم اخليه
واسف على الازعاج

[الحيراان]

ياشباب 26 مشاهده ولا رد وااحد معقووله

[PAJERO]

حدد نوع الكاتم اللي عندك والاخوان ما راح يقصرون
ابحث في المنتدى ستجد طبخات كثيرة متنوعة

[بنت القناص]

اتمنى انك تستفيد من هالموضوع
http://www.mekshat.com/vb/showthread.php?t=450325


http://www.mekshat.com/vb/showthread.php?t=451163

[الحيراان]

اي نوع كاتم على حسب مره سب ومره السيف

بس ابي الطررريقه ياشبااااب تكفوووون من الالف الى الياء

[الحيراان]

ياشباب وش دعوه مافيه احد يعرف يطبخ

[وردة النفل]

هذا رابط موضوع ان شاء الله تتعلم منه ويفيدك مثل مافادني
http://www.mekshat.com/vb/showthread.php?t=292732 (http://www.mekshat.com/vb/showthread.php?t=292732)

[رعد الصحراء]

وعليكم السلام


فيه أكثر من طريقة


ادخل على باحث قوقل لمكشات والموجود على الرابط أدناه


باحث قوقل لمكشات ( اضغط هنا ) (http://www.google.com/cse/home?cx=005965910452957583816:datafjiunom)


تقبل تحيتي

[أبوحمادة]

ما يحتاج كتلوج أو كتاب طبخ شوري عليك ... أطبخ أول مرة حسب خبرتك حتى لو تخرب الطبخة لكن المرة الثانية أحسن ثم التي بعدها أحسن...و أخيراً تصير فنان في الطبخة تحياتي

[شايب حرب]

وعليكم السلام ورحمة الله وبركاتة


اولا / ابعد عن الزيوت لا تحط زيت في الكاتم سواء مع الدجاج او اللحم


ثانيا / حط اللحم او الدجاج وضيف عليه البصل والطماط والابزار والملح والماء الساخن


يكون ارتفاع الماء فوق اللحم او الدجاج مستوى طول الاصبع وبعدين اقفل الكاتم باحكام


وبعدين شب عليه وعندما يلف البلف احسب 15 دقيقة للحم 10 دقائق للدجاج وبعدين حط


الرز حسب الرغبة بسمتي او امريكي وشوف مستوى الماء فوق الرز لان الرز الامريكي


يشرب ماء زيادة يحتاج ارتفاع الماء فوق الرز ثلت الاصبع والبسمتي الربع


وبعدين شب عليه وعندما يدور البلف ارخي النار الى مستوى النصف وخلية لمدة من 10 الى 15 دقيقة


ولاحظ رائحة استوا الاكل من البلف فهي تدل على نضوج الطبخة ..


اتمني اني افدتك اخي الكريم في بداية مشوارك وعليك التجربة اكثر من مرة حتى تكون طباخ


ماهر ان شاء الله

[aboyasir]

ادخل مواضيع الأخ دهران فستجده يكتب بالتفصيل وبالصور ، غير إنه طباخ مميز من شكل الصور.