لفاح الرق - الدمام

[مخلد المحنا]

السلام عليكم ورحمة الله وبركاته

اخوكم من الكويت والان في الدمام عند النسايب... طبعا اخذتها فرصه ودقيت على صاحبنا بو عبدالله.. وقلت له زهب الطراد بعد صلاة الجمعة نحدر

بعد الصلاة الهوا كان تارس وموج.. بس فيني حره.. قلت ما نباعد..

رحنا وحدقنا حوالين الطبعانات اللي صوب ميناء الدمام.. ماكو شي وذبحنا الموج

قلت لبو عبدالله ودنا الرق.. قصّار مساحته كبيره وقلت بلفح هناك لين المغرب...

طرحنا ونزلت ميرور شاريه من زمان بس ما حصلت لي فرصه الا اليوم

ومن اول لفحه جان يجمركها هالمزيون!!

http://i1092.photobucket.com/albums/i402/Mukled/a5496ad4.jpg

وتذكاريه عالسريع

http://i1092.photobucket.com/albums/i402/Mukled/a9717357.jpg

وجان ارد اشوحه... ويخمطها شي قص الخيط حتى ما عافر!!!!! حسوفه على الميرور الحمر!!

عاد انا عندي منه لون ثاني قلت اجربه لعل وعسى

جان يخمطه شي اقوى من البالول.. والا يطلع هالشعري نايم فيه!!

http://i1092.photobucket.com/albums/i402/Mukled/7e3f6455.jpg

عاد بعدها قام يصير لشط مو طبيعي.. بس كله يفلتون..

اول ما ظلمت جان يلشط الميرور شي مو طبيعي.. واعافر وياه .. وياه بس شرم وعور قلبي!!!

وبعدين اكتشفت شلون فلت ... شوفوا شسوى في الميدار

http://i1092.photobucket.com/albums/i402/Mukled/d52e0407.jpg


بس كانت اخر ساعتين اكشن ووناسه

وقلت للنوخذه خلاص هذا مكاننا من اول شي..

بس ما بقى الا هالميرور.. يبي لي اطلب منه جم واحد سبير..

تحياتي

مخلد المطيري

[O M A A R]

وعليكم السلام ورحمة الله وبركاتة

حي الله ولد عمي ما شاء الله عليك هامور وشعري يفتحون النفس

ومعوض خير في المجرور الأحمر ، المكان باين انه وفير بالسمك بالعافية عليك وفالك اللي اكبر من كذا

تحياتي لك

[ابوماجد-1]

ماشاء الله تبارك الله

صايد وفايد ومعوض خير باللي راح

[aglanco]

لفاح طيب وصيد اطيب والله يهنيك وثاني مرة كثر من اللفاحات لاتأمن من البحر البحر ماله حد فيه بلاوي نايمة ...

[1بوخالد]

اولا حياك الله اخوي بين اخوانك بديرتك الثانيه السعوديه
وثانيا خوش لفاحات هاللي عندك والله يعوض عليك باللي قطعت
وثالثا خوش صيد وخوش اكشن وشكله لازم تغير الميادير اللي على اللفاحات لميادير افضل وبعدين ركب لك سيم (سلك معدني) على اللفاحه علشان ما تقطع.
وأخيرا وليس آخرا عليك بألف عافيه والجاي افضل إن شاء الله

[@ بحار مجيرمة @]

ماشاء الله تبارك الله

يعطيك العافية

رحلة جميلة

عليكم بالعافية الصيد

تحياتي لك

[iskndar91]

عليك بالعافية بس عندي طلب ياخوك وين شريت هالميارير لاني ادورها من زمان مولاقيها

[مخلد المحنا]

وعليكم السلام ورحمة الله وبركاتة

حي الله ولد عمي ما شاء الله عليك هامور وشعري يفتحون النفس

ومعوض خير في المجرور الأحمر ، المكان باين انه وفير بالسمك بالعافية عليك وفالك اللي اكبر من كذا

تحياتي لك


يا هلا والله ومرحبا..

ايه والله ما شالله المكان منظره يعني حتى لو صدت يكفي شكل الرق سبحان الله...

شاكر لك

[مخلد المحنا]

ماشاء الله تبارك الله

صايد وفايد ومعوض خير باللي راح




الله يجزاك خير يابو ماجد وما قصرت

[مخلد المحنا]

لفاح طيب وصيد اطيب والله يهنيك وثاني مرة كثر من اللفاحات لاتأمن من البحر البحر ماله حد فيه بلاوي نايمة ...

مشكور اخوي وما قصرت

ايه والله شكلي بطلب مجموعه من هالنوعيه.. ماشالله فعال جدا..

تحياتي لك

[مخلد المحنا]

اولا حياك الله اخوي بين اخوانك بديرتك الثانيه السعوديه
وثانيا خوش لفاحات هاللي عندك والله يعوض عليك باللي قطعت
وثالثا خوش صيد وخوش اكشن وشكله لازم تغير الميادير اللي على اللفاحات لميادير افضل وبعدين ركب لك سيم (سلك معدني) على اللفاحه علشان ما تقطع.
وأخيرا وليس آخرا عليك بألف عافيه والجاي افضل إن شاء الله

اولا ومن قال يحيا!

والميارير تنشرى ونا اخوك اهم شي الونس ووساعة الصدر..

الميادير اللي عليها VMC يعني ولا اقوى!! بس انا غلطت كنت مسكر دراغ المكينه عالاخر.. المفروض مرخي عليه شي بسيط .. بس بسيطه.. مالنا نصيب..
وبخصوص السيم.. السيم يأثر على سباحة الميرور وعمق الغوص ماله..

شاكر لك اخوي وما قصرت

[مخلد المحنا]

ماشاء الله تبارك الله

يعطيك العافية

رحلة جميلة

عليكم بالعافية الصيد

تحياتي لك


الله يعاااافيك وتحياتي لك

[مخلد المحنا]

عليك بالعافية بس عندي طلب ياخوك وين شريت هالميارير لاني ادورها من زمان مولاقيها

الله يعافيك!

ترى ماعندي الا حلالك ونا اخوك !

بس عالعموم هالميرور شاريه من الانترنت وجايني من امريكا

هذا موقعه
http://landbigfish.com/Koppers-Fishing/Koppers-Fishing-Live-Target-Crawfish-Crank.cfm

تحياتي

[فهودي الصغير]

ماشاء الله تبارك الله

[accentkool]

ماشاء الله امتعتنا ياغالي بالتقرير الحلو
ماشاء الله صدت هامور وشعري بطعم صناعي
اجل يقول ماجد الزعبي يبيلة ربالا
ويعطيك الف عافية على التقرير الحلو

[الرحموني]

يا مرحبا بك في بلدك الثاني

عين لك فراش وعين لك غطا

بالعافية عليكم الصيد الطيب

تحياتي وتقديري

[White_Shark]

عليكم بألف عافية , وحياك الله في بيتك الثاني وبين أهلك وناسك , ولاتحرمنا من جديدك وإن شاء الله نشوفك تقاريرك الدسمة في المرات الجاية .

تقبل تحياتي .

[ذوالجناح7]

تم التعميم للبحث عن موقعك :D


منوره الدمــام بجيتك انت جاي عندنا وآنا بروح عندكم الكويت


لأني خاطري أجرب حداق الكويت ومكلم واحد من الأهل عنده طراد


علشان نطلع هذا الأسبوع لاكن إذا كان الوضع خطير هنا نبي نعرف


المكان مايمنع لوبغيت ترسل على الخاااااااص :D;)


وعليك بــ1000 عافيه

[علي القرني]

روعة في الصيد والتصوير

[@السيف@]

بيض الله وجهك
ياخوي انت بتقريرك جاوبت علي سؤال في بالي من زمان
اللي هو هل الشعور الرمك يدق علي اللفاحات او الطعوم الصناعيه
لله درك

[hunter78]

تقرير ممتع وطريقة رائعة بالسرد
والصيد ما شاء الله ما عليه كلام
والله يعوضك بدل اللي فلتن
تقبل تحياتي وبالتوفييييييييييييييييق

[ابوعبدالعزيز222]

ما شاء الله تبارك الله
الله يعطيك العافية

[قرقاع]

ماشاءالله تبارك الله صيد طيب ويعطيك العافيه على المجهود


تقبل مروري

[رحال]

ماشاء الله تبارك الله
صور رائعه وصيد مميز الله يكثر خيركم ويبارك فيه
الله يحفظكم ويرعاكم
اخوك بوخليفه

[مخلد المحنا]

مشكورين يا شباب كل.ن بإسمه

تحياتي لكم

[سماري189]

ماشالله تستاهل

[النورس8778]

عليك بالعافيه ووخوش صيد .... وبوعبدالله هذا اللي يسوي طلعات بحريه رحت معاه وكان خوش صيد رجال والنعم فيه وفيك ولا يهون الجميع وبالتوفيق للجميع

[الفرضة]

راااااااااااااايق ربي يحفظك