مشكلة بـ دفرنس الفتك ، قير عادي .. فزعتكم >_<

[A6LAL]

السلام عليكم ..


مساكم الله بالخير ..


اخواني ،

انا معي فتك 2002 قير عادي ..

حصل للموتر عطل ، وهو على كلام راعي الورشة (جلبة دفرنس)
طبعاًَ اضطر انه يغير زيت الدفرنس ..

ركب زيت بالبيد ، بدت الكارونه تطلع ونين !
رجعت للورشة و قلت لصاحب الورشة وقال مع الوقت تبي تسكت ! :mad:

بعد فترة زاد مستوى الصوت ، وديته للورشة ، جرب صاحب الورشة ما امداه يمشي الا هو منفرط الدفرنس!!


راعي الورشة يقول نبي نغير لك التروس ،

السؤال /
هل يبي يطلع لي صوت بعد التغيير ؟
هل يمكن تطق الكارونة مع الوقت ؟
وشو الزيت اللي استخدمه للكارونة ؟


والله يعطيكم العافية ..

[آخر العنقود]

هلا اخوي المفروض انك تظيف معالج احتكاك بعد تغيير زيت الدفرنس وتحصله بوكالة شفر وسعر العلبه 30ريال ويجي 250مل بس المشكله الغالبيه العظمى من الناس ما يعرفون هالمعالج ونصيحه غير الدفرنس كامل ولا تغير القطع الداخليه للدفرنس الا بالوكاله اذا تبي تغير القطعه وسعر الكارونه لحالها يوصل 2500ريال غير شغل اليد خذ لك دفرنس من التشليح مع الضمان افضل وسلامتك ....

[Magellan]

اطلال اكيد انها ضربت الكارونة
تغيير الزيت لمهمل الصيانه بحالتك خطأ
فالكارونة لاتحتمل الا امرين
1- اما انك تواضب على تغيير زيت الدفرنس دوريا كل 100000 كم
2- او تنساه بالكامل وتغلّق الناقص

في حالتك المفروض تخليه يوم غير الجلبة يرجع الزيت القديم بالكامل للدفرنس ولايستعمل جديد واي جديد
زيت بالبيد مكرر سيء إلى ابعد حد لالزوجة ولا اداء
المفروض تاخذ زيت GM سعره بـ60 ريال ل850 قرام وتغلّق الناقص فقط
الحين مالك الا دفرنس كامل تشليح لأن توضيب الدفرنس بإختصار مافي احد يضبطه

[المنيعي1]

زيت الدفرنس باذات لا احد يغيره إلابالوكالة
نفس الشي حصل معنا في ددسن 2005 غيرنا الزيت وخربت الكرونة.

[A6LAL]

يعطيكم العافية .. ما قصرتوا ..

[abo naser 1]

السلام عليكم

الرجال خرب الدفرنس عليك والله يعينك ولوني منك أشغله في نفسه وأخذ حقي لو بيدي هم عاوزين كذا هم يخربون وحنا نسامح وتمادو ها العمالة المتخلفة عنوانهم غش خداع تلاعب في الأسعار

نصيحة غيره بالكامل تراك بتخسر والمشكلة لن تنحل لأنهم في الأساس نجارين وقلبوها ميكانيكا

[ابو فهد...]

اطلال بشرنا وصار عليك لاني نفس مشكلتك