المساعد الشخصي الرقمي

مشاهدة النسخة كاملة : الفزعه ياأهل البنللي


النو
30/04/2006, 11:20 PM
السلام عليكم ورحمة الله وبركاته

مساكم الله بالخير يالربع انا ابغى فزعة اهل الخبرة بالبنللي

انا شريت بنلي ام خمس مثل البنللي اللي مع الشيخ فؤاد في طاش ماطاش (حلقة التمقنص)
ومامعها تشكات غير رقم واحد وماصورتها قصيره.
ابغى اعرف منكم
هل اقدر اركبلها ماصورة 32انش ؟
ووين القى التشكات وكم قيمتها؟
وهل اقدر اركبلها توصيله للمخزن؟ مع العلم انه شافها واحد مهوب خبير فيها وقالي ماتركب لها توصيله مخزن
ياليت تعلموني الله لايهينكم وتوضحون لي لان ثقافتي ثقافة شوزل كسر.
وجزاكم الله خير
النو
08/05/2006, 12:53 AM
السلام عليكم ورحمة الله وبركاته

وينكم ياهل مكشات لاتخلوني ترى هذي اول مشاركه لي:director: :director:

غريبه يقرا الموضوع 40 ولا يرد ولا واحد :confused: :confused:
ابو برزان
08/05/2006, 08:48 PM
بعد التحية

أستفسارك مو واضح خيي عشان كذا ماتلاقي ردود

البندق اللي شريتها هل هي جديده او لا ووش نوعها البنلي ترى اكثر من ثلاثين نوع اللي يتوفر بين العامه يمكن اربع انواع

سؤالك عن الشوكات اجاوبك فيه أنه اللي باع عليك البارود جمركهم عليك يعني أرجع له وخذهم او اشترهم منه لأن الشوكات وحسب علمي انه تجي مع البارود من الوكاله يعني مع البيعه ولكن البعض يأخذهم اذا باع البندق ويبيعهم لحالهم

أما عن الوصل فهي تجي بعد مع البيعه واحيان تكون اكسسوار يعني تشريها لحالها وسعرها بالسعوديه أذكره قبل شهرين كانت مابين 800 الى 1000 طبعاً السعر هذا لوصله العشر واذا بندقك فعلا سوبر تقدر تركب له وصلها مايمنعك فيها شيء والوصل ثلاث انواع وصله ثمان ووصله عشر ووصله ثنعش

اما عن الماصوره ثلاث مقاسات للمواصير وتقدر تركب او تبدل ماصوره له وهي أساساً تجي معها ماصورتين وحده شتويه ووحده صيفيه يعني بالصيف تلبس قميص تصيف لا جد والله بالنبسه للنقطه هذي ماشفتها ولكن سمعته وقريته0
النو
10/05/2006, 07:32 PM
السلام عليكم ورحمة الله وبركاته

اشكر لك اخوي ابو برزان مرورك الكريم ومعلوماتك اللي افدتني فيها

بس انا زي ماقلتلك ((ثقافتي ثقافة كسر)).

وقلت عاد الواحد لازم يتثقف شوي ، وانا اروح اطامر بالمواقع ومن موقع لموقع وماخليت احد يعرف فيهن الا سألته

وتوصلت ياطويل العمر والسلامه الى:

البندق / بنللي بلاك ايجل - ام خمس- طبعا انا شاريها مستعمله ولا معها شوكات الا (1) وماصورتها قصيره


والحين اتمنى اني وضحت لك نوعها واتمنى منكم انكم تفيدوني عن :
هل اقدر اركبلها ماصورة 32انش ؟
ووين القى التشكات وكم قيمتها؟
وهل اقدر اركبلها توصيله للمخزن؟

وجزاكم الله خير
النو
15/05/2006, 06:51 PM
يالربع وينكم لاتخلوني :confused: :confused:
ابوماضي
14/06/2006, 12:47 AM
السلام عليكم ....
هلا فيك اخوي النو...
ومعليش على التاخير في الرد ... انا فاهم الي تبيه با النسبه للبندق الى معك
اسمها سوبر .... مانشيل لاخمس ....وتقدر تركب لها مخزن ....وتشيل 8 نفس السوبر بلاك ايقل بس يبيلك ترهيم ...
با النسبه لشوكات .... يجي نوعين من البنلي نوع با شوكات ونوع مافيه شوكاااات
اما با النسبه لترهيم ....تقدر ترهم لها ماصوره بلجيك ... او موتريال ... او بلجيم
وتقدر ترهم عليها ماصوره ام وحده ..... ام سيلان او استيفنز لامريكيه .... بس لاتحرص على الطويله مررره
مثل بعض البنادق ام وحده يجي طولها 34 ...هذي ماتصلح ابد لانه الشوزل لها طول معين ما يصلح انك تجاوز زالك
على العموم هذي فكره بصيطه عن الترهيم ..... وترا افضل ناس يرهمون المواصير....... ترهيم مثل الوكاله
في القصيم (في عنيزه) وبريده .....
وارجو اني افتك ..... وهذا يميلي .ان بغيت شي حاضرين لطيبين
a.ss.e.m@hotmail.com
HAS123
25/06/2006, 09:11 AM
السلام عليكم ورحمة الله وبركاته ،،،،،،،،،،،

ابو برزان مساك الله بالخير انا قرأت ردودك على اخي النو فأعجبني ماعندك من خبرة في هذا المجال وترانا ياخوي قريبين من بعض ولاكن مانتعارف المهم انا تراني من البلد العزيزة ( حايل ) وأبي انشدك عن وصلت البنلي الصفر وتكفا لاتبخل علينا أيه الخبير
HAS123
02/07/2006, 12:22 PM
السلام عليكم ورحمة الله وبركاته ،،،،،،،،،،،،

اخواني الاعزاء سؤال انا عندي سوبر بانلي وعندي وصلة طويله يعني بارزة عن الماصورة تقريباُ بحوال 8 سم سؤالي هل هذه الوصله مفيده من ناحية الطوش يعني بعد الرمي ورمي السوبر ياجماعة تقفون افيدوني ياأهل الخبرة لأني صراحة جربت كل الوصل ولاشفت اي فرق بين الوصل تكفون افيدوني قبل ان احرج عليها والوصل معها يالربع كفووووووووووووووووووووون
نعمان الفهمان
03/07/2006, 01:03 AM
اذا ما جازلك رمية ترى الناس تركب مواصير براوننق
كل الي جربو ما رجعوا لمواصيرهم
HAS123
03/07/2006, 08:44 AM
السلام عليكم ورحمة الله وبركاته ،،،،،،،،،
اخوي نعمان الفهمان اشكرك على تجاوبك السريع ولاكن اخوي انا ماشريت هالنوع وانا ابي اركب لها ماصورة من نوع ثاني ولاكن هل ان الصناع الاطاليون يعرفون ان مواصيرهم غير صالحه يعني كل واحد يشتري سوبر يغير لها ماصورة هذا كلام غير منطقي اخي العزيز ومع احترامي لك الشديد وانا استقي من خبراتك في هذا المجال لاكن هل يوجد عيوب في مواصيرها .
نعمان الفهمان
03/07/2006, 02:00 PM
وعليكم السلام ورحمة اللة وبركاتة
لا ما فية عيوب ابدا وانتبة تبيعة البندق ليست للبيع ابدا
بس انت تقول جربت الوصل ما فية فرق الوصلة الطويلة الي معك المفروض انة مفيدة من ناحية الطوش وتقلل فرش الحلبي
وبالنسبة للتغيير الماصورة تفيدك بالطوووووووووووووووووووووووش فقط
وحياااااااااك اللة