كيف تعرف المنطقه بها صقور او لا

[اسلي نفسي]

السلام عليكم ورحمت الله وبركاته
اخباركم جميعا

حبيت اطرح هذا االسؤال للفائده لي وللجميع
استعدادا لطرح الفروخ هذه السنه ورغم انه لسا في وقت لكن لكي تعم الفائده
كيف اعرف هل المنطقه بها طيور ولالا ؟؟
حيث اني اسكن بمنطقه كلها جبال شاهقه
بس كيف اكشفها بارك الله فيكم ورحم الله والديكم

[س.س.التميمي]

كيف اعرف هل المنطقه بها طيور ولالا ؟؟
كيف

[(هزاع)]

ياهلا مبطين عن مواضيعك الشيقه
تعرف ان المنطقه بها طيور
للمستوطنه
شياهين ووكريات
من المشاهد بالعين ومن صوت صياحها وقت التزاوج ومن صوت الفروخ
ومن اثار افتراسها
ونبهك ونت اعلم مني عن القرانيس حاول ان تتركها للتكاثر وعدم الانقراض

[اسلي نفسي]

هلابك زود اخوي ابو مشعل
شي اكيد ان الان مافي شبك نهائيا لتتزاوج وانا قصدي وقت خروج الفراخ

يعطيك العافيه اخوي ومما يزيدني فخرا مشارركتك

[صقرالحروب]

اذا كنت مستوطن بالمنطقه اكيد راح تشوفها او تذكر لك

[انور العنزي]

انت تتكلم عن الوكرى والا الحرار المهاجره

[اسلي نفسي]

انا اتكلم عن الشواهين والوكارا

[@السيف@]

اذا تبي الوكري اتبع سرب الجراد
تشبك ٣ طيور اقل شي

[نوووماس]

وعليكم السلام ورحمه الله وبركاته
ماشالله عليك يابو عبدالله وقت مازرناك بالديره وريتنا المواكر والمكان الي طرحتو فيها فرخ الشيهانه المفروض حنا الي نسألك ماشاءالله عليكم الله يرزقكم ويوفقكم ولا تنسانا من المخاشر هههههههههههههه لابد من المزح
تقبل مروري.

[تميم2222]

اخوي الفاضل الطيور نوعين طيور تهاجر ولها خط معين يعرفونه اخوننا الطواريح... وتمر علينا مرور الكرام وهذي مالها مكان محدد يمكن في الحماد او على الساحل او في الضلوع والجبال وهذي اللي يرغبها الصقار لان اغلبها تجي حرار ويحري بها الفعول الزينه وعندك طيور مستوطنه .. واغلب ما تكون في الجبال وفي صدوع والصوح واللي عندنا اغلبها وكارى او شواهين .. لان الحرار شبه انقرضت عندنا بوقتنا الحالي

[اسلي نفسي]

وعليكم السلام ورحمه الله وبركاته
ماشالله عليك يابو عبدالله وقت مازرناك بالديره وريتنا المواكر والمكان الي طرحتو فيها فرخ الشيهانه المفروض حنا الي نسألك ماشاءالله عليكم الله يرزقكم ويوفقكم ولا تنسانا من المخاشر هههههههههههههه لابد من المزح
تقبل مروري.

هلابك ابو محمد والله ياخوك جالس استعد للخروج الافراخ
والطمع هههههههههههههه ابي اعرف مواكر اكثر لان ديرتنا زي ما شفت كلها جبال فاتوقع ان في اماكن اجهلها انا
وابشر اول طرح بالنص
مرورك شرفني ابو محمد
بارك الله فيك

[اسلي نفسي]

اخوي الفاضل الطيور نوعين طيور تهاجر ولها خط معين يعرفونه اخوننا الطواريح... وتمر علينا مرور الكرام وهذي مالها مكان محدد يمكن في الحماد او على الساحل او في الضلوع والجبال وهذي اللي يرغبها الصقار لان اغلبها تجي حرار ويحري بها الفعول الزينه وعندك طيور مستوطنه .. واغلب ما تكون في الجبال وفي صدوع والصوح واللي عندنا اغلبها وكارى او شواهين .. لان الحرار شبه انقرضت عندنا بوقتنا الحالي


يعطيك الف عافيه اخوي (تميم)

[رعد المطر]

مساء الخير شهر سبغه حول المواكر وبدايه ثمانيه في الساحل هذا العام
اما المواكر اقلبها في الجبال اللى تشرف على الاوديه وفاللك الطيب ان شاء الله