المساعد الشخصي الرقمي

مشاهدة النسخة كاملة : الدس وقت المقيض (الربطه)


نواف الدشاش
01/05/2006, 02:03 AM
بسم الله الرحمن الرحيم
السلام عليكم يا شباب ...........كيفكم طيبين انشاء الله .اكيد طيبين . المهم
ياليت ياشباب تفيدوني. لأني اعلف طيري على ايدي حتى وقت المقيض .
ما أدري هو شي يفيده ولا يخرب طبعه واذا فيه اي مضره ولا فايده ؟
وياليت تفيدوني انا والشباب ............. ولكم جزيل الشكر
اخوكم
نــــــــــــواف
غزلان
01/05/2006, 09:30 AM
اخوي العزيز ماني ابخص من غيري لاكن انا مثلك اعلف على يدي منذ موسمين ولاحظت ان الطير يكون عند النقله اسهل تدهيل من الطيور التي تعطى العلف على وكورها او يرمى لها في الارض لانه يصير متعود عليك اكثر فيطيح الطير بسرعه وسهوله ويجي على الدعو من المره الاولى
مـسـتـفـسـر
01/05/2006, 11:03 PM
يعني نفهم إن الأفضل تعليف الطير على اليد ؟؟

أنا سمعت إن وقت مقيض الطير ( الربطة ) إنك ما تعلف الطير على يدك

وإنما تعلفه على الوكر وتطلع عنه وتخليه ياكل براحته

وما تدخل عنده إلا إذا كنت بتنظف محله أو لغرض ماء

أما إنك تجلس معه وتلاعبة وتنقله فهذا يؤثر على قرنسته

هذا إللي سمعته ويا ليت الإخوان يفيدونا أنا مثلك محتاج للنصيحة بعد
حر الجنوب
02/05/2006, 11:47 AM
هلا بك

اخوي

نواف الدشاش

بالنسبه لطلبك

اقول لا تعلف الطير علي ايدك وقت القرنسه وخله يستريح من كل النواحي

واذا حذف الامواس وصارت قريبه حتي انها تصك

ابدي عشه علي يدك حتي يريحك وقت التدهيل والدعو

والله اعلم
نواف الدشاش
03/05/2006, 09:06 PM
شكرا أخواني على الردود ...
بس انا مثلكم ماعرفت الى الان مضاره وفوايده
والله يسهلنا ويسهلكم
اخوكم
نواف
رضوان
03/05/2006, 11:41 PM
السلام عليكم
اخوي نواف الدشلش
انصحك انك فى وقت تغيير الريش انك ما تعلف الطير على يدك
لانه تكون الريشه كيف طالعه وقعده مدميه يعنى رطبه تتلوك ومرات الطير ما يركز فى محله
لا سبب من الاسباب وعندها ممكن ان تنكسر ريشه من الريش الجديد وانت وراحتك والسلام من اخوك رضوان
أبو رداد
03/05/2006, 11:55 PM
السلام عليكم ورحمة الله وبركاته


الاخوه الاعزاء


اذا كان الطير خفاق والوحاشه تزيد عنده في الربط
فمن الافضل ان يقدم العلف له على الوكر
علشان لايكسر ريشه او ياذي نفسه
وهذه الحاله غالبا ماتكون مع الفروخ او القرانيس الوحوش
.
اما اذا كان الطير راكد ومايخافق
فمن الافضل اعطائه العلف على الدس او المنقله
لكي يبقى محافظ على تربيبه
وكذلك يسهل مراقبة حالة الطير الصحيه عن قرب
وهذه الحاله غالبا ماتكون مع القرانيس وطيور التفاريخ
.
.
هذا الكلام للطيور الي ترنبط
واذا ردتم الشور العدل
مقيض الهدد افضل للطير بكثير
من حيث اللياقه والسلامه من الامراض
هذه وجهة نظري ... وقد تكون صحيحه او مخطئه ... والله اعلم