استفسار ولك دعوه في ظهر الغيب الجيب سفاري فتك

[تركي ابوسعود]

السلام عليكم انا ياخوان شريت لي سياره جيب فتك 2007 ويعلم الله انه انا جديد على هنوع من السيارات وقلت مالي الا انتم وتوني شاريه وهذي الملاحظات شفتها بعد ماشريت مدري وش السالفه واللي يفيدني له دعوه بظهر الغيب افيدوني تكفون
1 - لمبة البطاريه + الجلنط مره يشتغلن جميع ومره يطفن جميع


للمعلوميه يعني احيان تشتغل واحيان تطفي جميع هالمبات الجلنط والبطاريه
وبعض المهندسين يقولون الدينوم خربان وسياره تشتغل تمام
وهل الدينموات اي مديل تركب عليه اذا هو خربان او لزم موديله


الملاحظه الثانيه امبير الكبرشن يتحرك واجد مدري وش المشكله
والطاره او الدركسون مخشب بس فيه تقاطيع بالجلدةابغى ظبطها
واحيان ياخوان عندي الطبلون يطفي ويششتغل بسرعه البرق يعني للمعلوميه الطبلون ليزر


وابي الشيك علي عضلاته جميعها وسوف اقوم بتغير زيت القير بعد والاشياء الي تشحم فيه وكم مقاس كفراته الوكاله وافضل كفرات له وش افضل ورشه بالرياض شغله بعد توفيق الله مضمون وسعرهم معقول بنفس الوقت ويكونون فاهمين فيه زين


وافيدوني بامور التشيك على السياره بشي الاساسي

[patrol-fa]

وهل الدينموات اي مديل تركب عليه اذا هو خربان او لزم موديله

وعليكم السلام ورحمة الله وبركاته .. لا تستعجل وأنا اخوك ..

إذا بغيت تعرف الدينمو شغال ولالا ... شغل السيارة وافصل احد اصابع البطارية .. لو تفصل السالب احسن

وش الموتر إذا طفى يكون من الدينو وإذا استمر شغال فما فيه إلا العافية

وإلي يظهر لي من كلامك إن البلا من الطبلون نفسه لأنك تقول مرة اللمبات تشغتل ومرة لا

وتقول بعض المرات يطفى نور الطبلون ويشتغل بسرعة

والعلة بطبلونك نفسه فكه وش اسلاك لا يكون ملتمسة او الفيوز ولا كتاوت تتحرك من مكانها .


والله يكون بعونك ..

[تركي ابوسعود]

والله كذا كهربااي قالي الدينمو خربان المشكله توني شاريه ولكن ع الله

طيب فيه ورش برياض معروفه وشغلهم زين ونظيف اقدر امرهم وشيك عليهاا وبنفس الوقت الشيك على عضلات السياره وتغير زيت القير بعد يعني توني شاري ولا افهم اي شي بس احد الزملاء قالي لابد وضرووري تشيك على عضلات السياره كامله وتغير زيت القير بماني راعي سفريات بحكم العمل انا وعائلتي ارجو الافاده هالاجازه الي عندي استغلها بتواجدي بالرياض الان

[patrol-fa]

طيب فيه ورش برياض معروفه وشغلهم زين ونظيف اقدر امرهم وشيك عليهاا وبنفس الوقت الشيك على عضلات السياره وتغير زيت القير بعد يعني توني شاري ولا افهم اي شي بس احد الزملاء قالي لابد وضرووري تشيك على عضلات السياره كامله وتغير زيت القير بماني راعي سفريات بحكم العمل انا وعائلتي ارجو الافاده هالاجازه الي عندي استغلها بتواجدي بالرياض الان

والله وانا اخوك الورش واجد إلي زينه ..

فيه ورشة التركي بالصناعية القديمة .

وفيه واحد اعرفه سوداني لو تبي ارسل لك رقمة ع الخاص هو بالصناعية القديمة امين


ـــــــــــــــــ

بعدين لو كان الدينمو خربان ما مشت السيارة لأن السيارة تمشي ع الدينمو

وترا دينمو الوكالة ما مثله ..

[تركي ابوسعود]

اول تسلمون ولكم دعوه بظهر الغيب ولكن تم الذهاب الى ورشة التركي ولكن للاسف لم اتوقعها بهذا الشكل والسمعه الشغل بصراحه روعه ولكن اغلب الاغراض التي يتم انزالها من السياره لايتم تركيبها وشفتها بعيني من قبل زبون ولايوجد استراحه او مكان جلوس للعميل للانتظار

تم التشيك ع الديمنو تمام ولله الحمد
انا حصلت ولد شباب اعتقد صاحب الورشه خلوق جدا
اما باقي العمال حبيبين بصراحه وكلمة الحق تقال. ×

[patrol-fa]

الحمد لله .. بشرنا وش صار منه ..؟؟

السمعة يقولون زينة بس أنا ما طبيتها ابد بس يقولون سعرها غويلي

اخبر واحد سعودي بصناعية 18 اعرفه رجال عن الف رجال

ما يشتغل إلا بالنياسين يعني الباترول والباثفندر وحولها وفاهم ماشاء الله تبارك الله ..

[تركي ابوسعود]

الحمد لله .. بشرنا وش صار منه ..؟؟

السمعة يقولون زينة بس أنا ما طبيتها ابد بس يقولون سعرها غويلي

اخبر واحد سعودي بصناعية 18 اعرفه رجال عن الف رجال

ما يشتغل إلا بالنياسين يعني الباترول والباثفندر وحولها وفاهم ماشاء الله تبارك الله ..


يالغالي ارسل رقمه وبسرع وقت والله تبي الجد من ناحية غالي غالي وبقوة بصراحه اتا كلفني سيارتي بحدود ١٨٠٠

[patrol-fa]

هذا رقمه : 0554889337 أبو ابراهيم

بصناعية 18

[تركي ابوسعود]

مافهمت صناعيه 18 يعني وين مكانها الصناعيه القديمه او ام الحمام

[الحنومي]

انا صارلي نفس المشكله فتك٢٠٠٥ وغيرت الدينمو وراحت العله مع ان الفحص يقول ممتاز الدينمو

غير الدينمو وانا المسؤل
تحياتي

[كحل 4800]

السلام عليكم يا اخوي
انا معي سوبر سفاري 2007 وصارت عندي نفس المشكله و غيريت فحمات الدينمو وضبط الموتر و الحمد لله

[تركي ابوسعود]

هو هذا اللي صار فحمات الدينمو وسلك الظاهر فيه مشكله