هل قمت بحركة بسيطة بالسيارة أدت إلى خراب كبير ؟؟؟؟ شاركنا برأيك [الأرشيف]

سليمان الصقر

09/04/2012, 01:02 AM

مثل ما انتم شايفين في العنوان فوق ، المقصد جمع أكبر قدر من التجارب ليتسنى لنا الاستفادة منها وراح أبدأ بنفسي /
سيارتي جي اكس آر 2001 مره غرزت بالنفود وكنت ألف الدركسون يمين يسار يمين يسار باستمرار حتى تطلع السيارة ولما وصلت الازفلت لقيت السيارة فيها فظاوه بالدركسون ولما رحت الورشة قالوا ماينفع تصليح لازم تبديل .
واترك المايك للمتحدث التالي

كاشت وحداني

09/04/2012, 01:43 AM

حركه بسيطه وادت لخراب كبير
طول الله اعماركم جيت اغير بواجي فورد ٩٥مبطي شوي
ويوم وصلت البوجي الاخير ما وصلت له قمت طلعت في الكبوت وركبت البوجي
لكن الغلطه ان وطيت على الكويل وصار فيه شعر
ويهرب الكهرباء
طبعا الفوردات في التسعينات كان كل ٤ سلندر تلقتي في كويل واحد حاطينه في مقدمة المكينه فوق

Sent from my iPhone using Tapatalk

أصيل حجآ زي

09/04/2012, 02:13 AM

يعطيك الله العآفية موضوع ممتآز يجنبنا كثير من المشآكل أذا شآرك الشبآب به
تستحق خمسة نجوم ذهبية وأضآفة الموضوع للموآضيع المُميزة المُثبت بمقدمة الخيمة :

المواضيع المميزة في الخيمة (http://mekshat.com/vb/showthread.php?t=233827)

يقلون غلطة الشآطر بألف :
كنت أفضي القير التمآتك وأنا مـُسرَع ثُم أعشق وأنا فوق السبعين 70 كيلآ { كلم }
وأكتشفت أن ذلك يسرَع بتخبيط القير بحيث أن القوآبض والأحزمة بالقير تصطفق ببعضها
وتخرَب بسُرعة مُذهلة .

ما يضُر السيآرة أنك تفضيها قبل ما تتوقف عند أشآرة أو بأخر المشوآر أو نقطة تطفيش
لاكن يضُرها أذا عــُدت وعشقتها وهي فوق سرعة 30 كلم .

وكثيرين خآصة بعض الشبآب هدآهــُم الله
يقول :
خلني أجرَب التفحيط وينتهي بحآدث أو يدخــُل جوى أحد البيوت
والقصص كثيرة
نخلي المجآل للشبآب يدلو بدلائهـــُم
أشـكــُرك أخي / ســُليمآن على هذا الموضوع الشيق بعد شـــُكر الله المُنعم الجبآر .
الى المزيد وألى الأمآم .

:good2:

صبي هذيل

10/04/2012, 10:23 AM

السلام عليكم
انا قبل شهر تقريبا كنت انضف كربريتر ددسن قديم ومتحمس المهم ابغا اسوق الموتر بعد التنضيف الكلام ذا في عز الظهر وانتهت مهمة التنضيف واشغل الموتر وبسم الله اقضبه خط متحمس طبعا
ولا دريت الا انبير الحراره اتش فوق بالحيل ياولد صفط ولا تصفط واطفي الموتر وراك ودونك ولا مافيها كلام واخذلي حول ساعه ادور سطحه
وجا راعي السطحه وحملنا الموتر وجميع الورش مقفله لفينا لين طفشنا المهم راعي السطحه كانه طفش مني وحفاظً لماء الوجه قلتله بس نزل الموتر هنا حول الورش ونزلنا الموتر وفكيت الكبوت ولا الموتر بارد واشغل السياره والحراره اتش واجي عند سلك الحساس حق الحراره ولاهو لاصق في المكينه وارفعه وراحت الحراره عاد راعي السطحه اول لاشاف السلك وعرف المشكله قال فلوسي ولاينقص ريال المهم اخذ حقه وروح يضحك
(الخطاء اني مع التنضيف الزائد للكربرتر دقيت السلك ولصق في المكينه ومع حراره المكينه ارتفع امبير الحراره)

بدوي جنوبي

10/04/2012, 08:52 PM

ماجد الحايلي

10/04/2012, 09:03 PM

فارس شمال

11/04/2012, 02:14 AM

السلام عليكم ،،،
قبل كم سنه كانت معي سوناتا 2003 وذيك اسميها حرك تبلش
لاني كل ماحاولت اسويلها ابسط صيانه تتعكرس الامور وتفرط كامله وتكلف تكاليف عاليه
اخليها على خرابها تمشي مثل الحلاوه
احد المرات كنت على سفر طويل وبالليل قلت اشيك على السيارة
كان في لي في طرمبه الدركسون يهزب زيت بكثره لانه ناشف
رحت الوكاله شريت اللي ب 35 ريال طبعاً هو مربطين ضغط فكيته بكل سهوله وركبت الجديد ورجعت وزنت الزيت وبسم الله اشغل السيارة والا اسمع صوت احتكاك قوي ويفصل الدركسون يصير ثقيل ،، واروح على ورشه ويقولي بستم حق طرمبه الدركسون راح وسعر الطرمبع بالوكاله 1900 كما اذكر
والله سلمني يقولي المكنيكي اخ سوري يقولي عندي مثلها خربانه بركبهن على بعض ونجرب ويركبهم وتضبط بس صار بكرة الطرمبه تلعب يمين يسار ترقل قالي اتوقع ماتمشيك 6 شهور
وقلت والله مالمسها وتمشيني بحول الله 4 سنوات مع ممشى فوق 250 الف وبعت السيارة قبل شهرين وهي على حالها

فارس شمال

11/04/2012, 02:15 AM

طبعاً كلفتني ٢٣٠ ريال

رفيع المقام

11/04/2012, 09:00 AM

الخطأ اللي دايم اطيح فيه هو عدم معرفة اتجاه المسامير بالسيارة
كم مرة اكسر مسامير بالسيارة من عدم معرفتي بالاتجاه الصحيح ( عليمي:D)
او العنترية الزايدة وبالأخير المخرطة تتنظرني
كسرت مرة قواعد الاديتر في محاولة مني لتنظيفة وبالأخير
ربطته بحبال وحالتي حاله ولحام وكلفني اكثر من محلات تنظيف
الاديترات .

أما العنتريه الزايده حدث ولا حرج ،، تدري إن كل صاموله في السياره لها تورك وعزم معين باستخدام مفتاح العزم..
بأذكر لكم سالفه لي عن العنتريه الزايده لكنها ليست في السياره هي للفائده وليسمح لي صاحب الموضوع ..
كنت أسوي صيانه لبعض بزابيز الاستراحه الشاهد جيت لاحد البزابيز المحليه وفكيته وركبت البزبوز الجديد ، يوم ركبته وشديت عليه إلا وفم البزبوز فوق وأعطيه إلا وبزبوزي بين يدي والسنه حقته جوا الماصوره ، لو زودت التيب على السنه (وأعوذ بالله من كلمة لو) كان ما صار اللي صار ..
أدري إني شطحت بكم بعيد ، 😌

بدوي جنوبي

12/04/2012, 12:19 AM

الخطأ اللي دايم اطيح فيه هو عدم معرفة اتجاه المسامير بالسيارة
كم مرة اكسر مسامير بالسيارة من عدم معرفتي بالاتجاه الصحيح ( عليمي:D)
او العنترية الزايدة وبالأخير المخرطة تتنظرني
كسرت مرة قواعد الاديتر في محاولة مني لتنظيفة وبالأخير
ربطته بحبال وحالتي حاله ولحام وكلفني اكثر من محلات تنظيف
الاديترات .

أضحك الله سنك يا ماجد :D

ياخى دائما الفك عكس عقارب الساعه خذها قاعده في راسك لا تنساها
لكن بعض الاحيان تلخبط وانا مثلك ،،، خاصة أذا كان المسمار مثلا فوق راسك
يعنى تشتغل تحت السياره تفك كارتير القير ما تدري وين الفك من الشد
فأفضل حل تضع يدك مقابل المسمار وتتخيل كيف عكس دوران الساعه
بكذا تعرف أتجاه الفك من الربط وهكذا دواليك للمسامير الثانيه :good2:

بدوي جنوبي

12/04/2012, 12:29 AM

يا شباب اللى ما يخرب ما يتعلم
يعنى لازم الواحد وهو يشتغل يقطم مسمار او يكسر ديكور
لا يكون الخراب اللى فعلته سبب في عزوفك عن العمل بسيارتك او بيتك
صحيح بعض الاحيان تسبب لك خسائر ،،، لكن كل دقه بتعليمه

توماس أديسون ويش قال عندما فشل في أختراع المصباح
لانه جرب 99 محاولة كلها فشلت ،، أقرا سيرته هنا
http://ar.wikipedia.org/wiki/%D8%AA%D9%88%D9%85%D8%A7%D8%B3_%D8%A5%D8%AF%D9%8A% D8%B3%D9%88%D9%86

سليمان الصقر

12/04/2012, 12:31 AM

سالفة قديمة جدا كان عندنا سيارة مازدا حوض موديل 85 وذلك الوقت أنا توني بالثانوية وكان عندنا طلعة للبر والموعد بعد صلاة الفجر مباشرة والصلاة بمسجد أحد الشباب المهم رحت للمسجد على المازدا ويوم وصلت ولا الحرارة فل وعلى طول طفيت الموتر وفتحت الرديتر طبعا بغى يعدمني لكن ربك ستر ورحت جبت موية من البراد وعبيت الرديتر على طول لين قال بس وطبعا هذاك علمها بالحياة خبطت السيارة على طول .... وبعدين فهمت ليش خبطت وسلامتكم

ابوالوليدخالد

12/04/2012, 11:17 AM

الموضوع بسيط جدا
حبيت افك بلف المكسما بدون تعب فكسرت الثلاجة
ورجعت فكيت نص المكينة عشان اغير الثلاجة

بدوي جنوبي

12/04/2012, 11:55 AM

مره فكيت كربريتر كابريس موديل قديم
على أساس أغير له طقم أصلاح وكانت اول مره أفك كربريتر
بعد ما أنتهيت من الأصلاح ركبته على المحرك وصار يصب البنزين صب داخل المحرك
أحترت وين المشكله فكيته مره ثانيه ،، للبحث عن الخلل لكن دون فائدة
فأضطريت انى أروح ورشة ،، وكانت المشكله من العوامة داخل الكربريتر تحتاج لوزن
وضبطها الميكانيكي وصار المحرك ممتاز ،،، والحمد لله أستفدت من التجربه .

mgs71

14/04/2012, 12:07 AM

بدوي جنوبي

14/04/2012, 10:58 PM

نفس المشكله صارت معي :D

ترا تقريبا أصعب شيئ وزن العوامه
ووزن أبر الهواء :good:

أصيل حجآ زي

15/04/2012, 02:30 AM

يبو عبدالرحمن الكلام اللى ذكرته هل هو موجود في كتيّب السياره
لانى دائما أفضي القير وأنا على سرعات مختلفه وما حصل معى أى مشكله
واسوي الحركه هذي عادة أذا بغيت أشغل مكيف السيارة
أو أجرب سياره وابحث عن صوت في الدفرنس .

يا حبيبي / أبو عبدالله
كـــُنت أسويها كثير وخبط علي قير الكآمري حق الولد لأني سويتها به .
لاكن ما أقتنعت فكرَرت الخطاء بمكسيما لولدي الأخر وخبطت بقيرُه .

وكنت أنصح النآس وأفتيهــُم بها خطىء .
ودرست الموضوع بدقة وتأني
ووجدت أن أحزمة { بآند Band } القير
وقوآبض { كلتشآت Clutch } القير ما تتحمل
تخبط بقوة ولو لم تسمعها لأنها دآخل القير .

قوة خبطة التعشيق مرة أُخرى أثناء السير فوق الـ 30 أو 20 كلم .
مما ينتــُج عنهُ تأكــل أقمشة القوآبض والأحزمة وتقب .
وتــَــنثر بالزيت مثل الرمل وتســُد خروم ومجآري الزيت بالمُخ وصمآمآت المُخ وغيرها .
والنتيجة المحتومة تخبيط للقير وأنا { السآئق } السبب.

تفضي القير التمآتك وتخليه حتى تقل الســُرعة كثيرآ حوآلي 30 كلم وأقل
وتشبـــُك ما فيه مُشكلة .
بس أذا شبكت فوق الثلآثين وأفضل يخرّب القير 100% .

حتى لو لم يكُن مكتوب بكُتُب الصيآنة .
لن يكتبو لك ذلك لأنهُ يــُـعـتبر أنهُم يسبون في بضآعتهُم ,.
ولن تجد أحدآ منهُم يُحذر من ذلك لأنهُ ليس شآئعآ عندهُم مثل هالحركآت .

:good2:

eameh

20/04/2012, 06:56 PM

انا مره حبيت اسوي صيانه لسيارتي باني اغير مويه الاديتر من كثر ما اسمع واقرا عن ارتفاع درجه الحراره وعن عدم تغيير مويه الاديتر المهم اني غيرت مويه شد بلدها الى مويه اي سي دلكو الاصلي ومعه مويه مقطره طبعا السياره كراسيدا موديل 92 وكانت يعلم الله جديده بس اللقافه شينه وحرك تبلش المهم انها بعدها ما عاد ضبطت الحراره ابد اليما بعتها على واحد من منقطه الجنوب وعلمته عن الحراره انه هو العيب الوحيد اللي فيها وقالي اصلا احنا عندنا ما ترتفع الحراره دايما برد ... صيف وشتا وانها تنفع بمنطقتنا وكانت السياره وقتها جديده مالها سنه مطلعه جديده

مخ سعودي

21/04/2012, 10:06 AM

والله انا عندي تجربه حيه قمت بها بالامس وكنت على طريق سفر وتبهذلت
لدي ماكسيما مديل ٢٠٠٢ وقمت بغيار الزيت وفلتر الهواء وكان تجاري وبعد اتجاهي لمنطقة الرياض من مكة المكرمة وفي السيل تحديداً لاحظت ان عزم السيارة ضعف وقامت تطلع صوت واحس انها بتطفى وايرجع لي فلتر الهواء انه تجاري وامر الطائف ويالله يالله لقيت اصلي بسعر ٧٠ ريال وركبته والحمد لله وصلت الرياض والسيارة من احسن مايكون والحمد لله لحقتها عليها قبل الغبار ولا كان خرب علينا حساس الثروتل
ولذلك ماراح اشتري قطع الااصلي وارتاح

عاشق ام حبه

21/04/2012, 01:28 PM

انا مره كان عندي جيب نيسان ربع قديم وكان عندي صطبات اماميه ماخذها من صديق لي قلت ابي اركبها على الجيب
المهم دخلت السياره في البايكه وجبت الدريل وقمت اخرق الصدام اركب عليها الكشافات
ركبتها وجبت اسلاك كهرب وشبكتها بالكشافات ووصلتها على النور الصغير بالصدام شغلتها وانبسطت يعني اني سويت شي حلو :D خمس دقايق وقامت الاسلاك تدخن من كل مكان واحترقت الظفيره وخسرت 500 ريال على ظفيره جديده هذي جزات اللي يسوي نفسه فاهم :D

تحياتي لكم

سعيد555

27/09/2012, 10:23 AM

طبعا انا سيارتي لكزس ال اس 400 موديل 94
ولين اليوم فيها مشكلة المكيف
الي سببها ال ار بي ام
طبعا يوم من الايام ومن خلال مطالعتي للنت وسؤال الربع واصحاب الخبرة قالولي نظف حساس الثروتل ونظف الثروتل قمت ما مقصر يبت علبة اي سي ديلكو ورشيت واخوي داخل بالسيارة والسيارة شغالة وهو ينفخ بنزين وانا اشوف دخان ابيض وكل ما اشوف الددخان الابيض ازيده واعطي من ال اي سي ديلكو طبعا الثروتل مكانه وما تحرك بعد ما فضيت العلبة كاملة قمت مبند السيارة
وبعدين تعال شغل ابدا ما تشتغل
وثاني يوم تميت وراها لين ما اشتغلت حاولت امشي واحركها لكن السيارة كانت ترج بشكل مو طبيعي كان فيها كتمة او كان ما كينتها تبا تنفجر
مشيت فيها تقريبا 20متر او اكثر وكل مترين او ثلاث تبند علي واقوم اشغلها لين ماالسيارة قامت ما تشتغل ابدا جبنا ريكفري ورحنا الصناعية وقالولي البيقة بحياتك:((غير ماكينة)لان وعلى كلامهم البساتم مكسورة
الله اعلم
قمت مغير مكينة وصار الي صار والحمد لله
والمصيبة اني لازلت اعاني من المشكلة تبعت المكيف
ههههههههههههه
لكن بعد محاولات كثيرة قرررت ابيع السيارة وربي يعوضني ان شاءالله

hamido

27/09/2012, 11:58 AM

انا مره كان معي ولز حق الجيش شاريه ابلعبه بالنفود وجاي معه واحد تشليح رجاحه :D
المهم خربت علي الكارونه ورحت لم تشليحي وفكيت كارونته وجبته وركبته بدال الاوله
ويوم شغلت ومشيت واسمع جرش الكارونه ضاق صدري ووديته ورشه المهم يوم فك الكارونه لقا اني مانضفت بقايا التروس القديمه وطايحات تحت وخرهن وركب الكارونه وضبطت

بدوي جنوبي

27/09/2012, 12:01 PM

الله يا سعيد جبت العيد من جد :)
ترا حركتك كنت اسويها أبخ البخاخ داخل المحرك
لكن بكمية بسيطه ممكن خمس بخات مو كل العلبه

YUKON_GMC

28/09/2012, 07:10 AM

ههههه معي التجارب كثيره والكوارث اكثر مع اني اصلح اشياء يعجز عنها بعض المهندسين الا انني اخرب اكثر منها

اخرها قبل اسبوع .. كنت فاك الثلاجه والبخاخات والديلكو للجمس حقي وكنت راكب بالكبوت فوق المكينه ومن الحماس وطيت على ماصورة المكيف اللي تروح للاديتر وانكسرت وبغى الفريون يذبحني مير الله ستر

واخترها اضطريت اغير مواصير المكيف كامله من الاديتر حق المكيف الى عند الشاص تحت الطبلون ب 250 ريال + 300 تعبئة فريون

وقبل سنتين .. فكيت العكس الامامي .. وفرقعته حبه حبه ونظفته وغيرت الربلات .. وقلت ابروح اجيب شداد اللي يمسك الربلات من محل قطع غيار قريب ..

ومع اول لفه والكفر طايح جنب الموتر والرمان الامامي حق الفلنجه نثر بالشارع

هع هع والحمدلله كملت المشوار بليموزين واشتريت فلنجه كامله وركبتها بنفسي مكان الحادث هع اقصد ماكن الكارثه والشداد مانسيته اللي جاب العيد هع هع

وطبعاً اللي كسره ان الرمان مايتحمل ثقل السياره بدون عمود العكس وراس العمود هذا مجرى الرمان حق الفلنجه

وغيرها كوارث كثيرهـ والحمدلله ماعمري تحسفت على شي سويته حتى لو تخسرت قضاء الله وقدره وكل شيء مكتوب

أبـو زهـرهـ

28/09/2012, 08:00 PM

انا السالفه ذي حصلت لي أمس كنت توني شاري السياره وكان فيه تهريب وفكيت كل شى يوم وصلت للثلاجه إلا المفك أو الحبه رقم 10 ماهي عندي وخربت علي الشغل كامل ورجعت وركبت الاغراض كامله ومستعجل ركبت السير وأثاريه ماركب زين كان طالع برا البكره جزء منه شغله السياره ووقفتها بالعكس عشان النور يوم جيت أوقفها الا وتطفي ياولد منا منا شوي إلا السير إنقطع نصين قلت بس عدلته وركبت واحد والثاني خليته بالشنطه ههههه إحتياط يعني نص السير ركبته اوكيه أجي اشغل السياره ماتشتغل منا منا أبدا قلت بس مالها داعي أول يوم ومعي وتطفي ماتشتغل نزلت تحت السياره شوي إلا أشوف سلك مفصول واشبكه بمدخله وتشتغل ومن بعدها علطول رحت شريت سير أصلي والحمد لله أنتهيت منها بسلامه

بشير حسن

28/09/2012, 08:49 PM

أنا صارت ليي سالفه كان عندي قبل 4 سنوات بيوك بارك أفينو موديل قديم 84 اتذكر أنه انا بغيت اغير فلتر البنزين اللي يجئ في ماصورة البنزين للكبليتر المهم انا رحت اشتري فلتر ويوم جيت ابي افك الماصورة نسيت وركبت مفتاح واحد بس بحيث ما ركبت المفتاح الثاني عشان لايفر معي الماصورة الاساسية وأنا جالس افر افر بالمفتاح الا والبنزين يكت والماصورة انعوجت من كثر الفر وعدم استخدامي لمفتاح ثاني يمسك الصآموله الثانية بعدين تذكرت أنه خطأ مني كنت مستعجل المشكله يوم جيت ابي اركب الفلتر بعدين في النهايه حملت السيارة في سطحه وللورشه مره وحد منها اغير الماصورة ومنها اصلح تهريب زيت تقريبا او شئ ثاني

قازان

28/09/2012, 10:14 PM

كان عندي كراون تويوتا 83 أول سيارة أشتريها (قصدي الوالد الله يرحمه يشتريها) ورحت أبغير البطارية
المهم قالي العامل 10 ريال قلت ليش هي برغيين
وأخذت الجديدة كانت تختلف شوي عن القديمة وأشبكها بالعكس الموجب محل السالب والسالب محل الموجب
وأجي أشغل ألقى لمبات الطبلون كلها والعة وريحة دخنة ومن زود العنطزة قلت أكيد البطارية خربانة
وأروح الكبوت ألقى كم واير مدخن وحار قمت فصلت واحد من أصابع البطارية على طول
ويجي أخوي الكبير ويشوف شبك البطارية ويجيك ذاك الكف على مؤخرة رأسي لين صقع رأسي في الكبوت
بس الحمد لله الكبوت ما تعور بس أنا اللي تعورت
تصدقون بعد ما شبكنا البطارية صح كل شي اشتغل بدون مشاكل
بس الكف اللي أخذته كان يسوى ذاك الوقت 100 ريال مو العشرة قيمة تركيب البطارية

azq

28/09/2012, 10:38 PM

طبعاً من ناحية السيارة الحمد لله نظفت النوزلات والانجكشن والثلاجة والبواجي والكويلات ولله الحمد السيارة بحالة جيدة ......... سوى البانزين عندنا الله لايوريكم شو من بانزين ماااااااااااء ليس بانيزين الطرطقة شغالة صيف شتى لحد ايحدث بسبب غش محطات البانزين والحكومة وكل هذه الامور ........
اما المهم قبل شهر رمضان عندي ماطور - دباب عندكم ... نوعه سكوتر 125 سي سي ياماها وبصراحة احب الماطور لانه مافي ازدحام مع الماطور قلت بصلح مكينته .... وتفيترت بها وتفيكت بعد الاطلاع على فديوهات اجنبية المهم عرفت السنترة كذلك الا الكرنك شفت عندما ربطت برغيات المكينة ضبطتها قوي فتغير بشيء بسيط اتجاه الذراع فقام المكبس يشخط بالسلندر بشيء فضيع كنت ادور السلف ولا تعطي نارية وتركتها الى قبل ثلاثة ايام من اليوم وديتها لفيتر ميكانيكي وهو سواها وضبها والحمد لله .......... بصراحة قال لي من هذا الذي عملها قلت ليش وش الي صار قال هذا مايعرف كيف يضبط سنترة الكرنك شفت قلت اهو قال نعم قلت طيب كيف رأس المحرك وسنترة الولفات البلف قال ممتازة ولكن الكرنك شفت سيء ........... والحمد لله تعلمت ههههههه في المرة القادمة ان شاء الله اضبط السنترة قبل ما اتفيتر من جديد لان في البيت قد انزعجوا من غراض الدباب المنتشرة في الحديقة هههههههههههه

موهافي

29/09/2012, 01:34 AM

قبل لا تغير الفحمات تاكد ان عندك زرقينه

لاني مره غيرت الفحمات لاولدز موبيل 83 وجيت ارجع البستم حق الكليبر بالفحمه القدميه+مفك وماوازنت الضغط خليته من جهه وحده لين علق البستم مايل وازريت فيه اخر شي ركب الكفر مشي حالك وادق على السطحه واقرب ورشه وانتهى الموضوع بـ30 ريال +50 سطحه

YUKON_GMC

29/09/2012, 01:56 PM

^^

دايم اغيرهم بنفسي وارجع البستم مثل ماقلت بالضغط على الفحمه القديمه قبل اخراج الكليبر من مكانه .. ولاعمره علك البستم

لكن يمكن في حالتك كان البستم عطلان من اول

لكن لو رجعته مكانه على الهوب ورجعت الفحمات القديمه ودعست فرمله بيطلع غصب عنه بدون توديه ورشه

الربذي

29/09/2012, 06:00 PM

مره اخترب عندي الفيوز حق النور وماني فاضي واحط قصدير ولا ضبط واجيب سلم واوصله يوم ركبته امشي شوي الا الدخنه يوم ثارت وعجزت اشوف الطريق وانكتم وكانت مع راكبه واوقف وافصل البطاريه والحمد لله ماعلقت بس الظفيره خلاص صارت فحمه من اولها الى اخرها حتى البطاريه كانت حاره جد
بسبب سلك

راع الركايب

29/09/2012, 07:56 PM

هل قمت بحركة بسيطة بالسيارة أدت إلى خراب كبير ؟؟؟؟
نعم, استعملت بخاخ لتنظيف بخاخات الجي اكس ار 2008 بسبب تقطيع وبعدها اشتغلت انوار الطبلون(لمبة الدبل4lo* ولمبة المكينه) ,وإلى الان لم اجد الحل.(والتقطيعه راحت)

PATHFINDER 4

29/09/2012, 10:40 PM

حركة بسيطة ادت الى خراب كبير اممممم

واجد الصدق لكن اذكر كان شارعنا في حفريات ولا فيه الا مسار واحد بس وفيه نزلة باب كراج مرتفعة مرة عن الزفلت واضطريت امشي عليها عشان الصبات
رقيت عليها بالكفر الايسر وكاني واطي بلك ويرجع الموتر وعقبه صارت تطلع اصوات حكحكة حديد في بعض والمشكلة صارت من قواعد المساعد بالرفرف صار فيها ميلان

mekshaat

29/09/2012, 11:54 PM

واحد من الشباب كان يفحص السياره بكمبيوتر فحص واضطرينا نجيب
وصله للكمبيوتر عشان نوصله كهرب وبخطأ مني لمس سلك السالب
مع الموجب لمسه وحده وسريعه طلع شرار بالأسلاك وكان الكمبيوتر
مشبوك بفيش السياره وضرب كمبيوتر السياره على طول وصارت
المكينه ترجف وفصلت الدعسه وولعت لمبات الطبلون كمبيوتر الفحص
ماصار له شئ فرغ الالتماس بكمبيوتر السياره والمشكله بعد مافحصناه
بالكمبيوتر صار يعطينا أعطال غير صحيحه وأثناء تجريب كمبيوتر من
التشليح حصل خطا سبب التماس ثاني بأحد أجهزة السياره المهم الا كهرب
السياره تراه حساس جدا يبي مختص وفاهم فيه لأن الخطأ فيه يسبب
مشاكل ثانيه .

عزيز 3333

30/09/2012, 08:46 AM

الي صار معي ابنظف البخاخ .. المشكلة ان الوصخ طلع من الشكمان وخرب حساس الاكسجين وكان سعرة 1200 ريال

حرك تبلش ...........

صاحب الكشتات

30/09/2012, 09:56 AM

المشكلة الي حصلت لي اني ركبت رقليتر يعتبر منظم يركب في ماصورة البنزين الراجع للتانكي بحيث يدفع البنزين للبخاخات بحجة زيادة العزم وفي احد سفراتي انفجر واشتعل نار والحمد لله جاءت سلامات سوى بعض الاحتراق كدت ان افقد نفسي وسيارتي