تهريب زيت الدفرنس الخلفي باترول أتمنى من اصحاب الخبره الدخول ,,,,,,,

[أبوfahad]

السلام عليكم ورحمة الله وبركاته

لي أسبوع وأنا أشوف الدفرنس الخلفي يهرب زيت تهريب بسيط جداً يمكن باليوم نقطه وحده تنزل من زيت الدفرنس موتري باترول 97 صالون رحت لكذا ورشة كلهم يقولون التهريب من صرة الدفرنس التحتيه اللي نفرغ من عنده زيت الدفرنس يقولون لازم تغير لكن المشكله الزيت لازم ينزل ونغيره بزيت جديد وأنا على حسب ما سمعت أن زيت الدفرنس مايغير لان اذا غير طلع به ونه وصوت وأنا أبي أراء خبراء وأعضاء مكشات
وش تشورون علي يالربع ,,,

[teer1002]

السؤال أخوي أبو فهد
هل الزيت ناقص وإلا لا ؟
إذا كان الأمر بس رشح بسيط فهذا عادي جداً فك الصره وعاير الزيت ثم لف الصره بشطرطون سباكة شي بسيط وشد عليها ولا عليه بأس أن شاء الله

[الربذي]

انا بعد لقيت تهريب وكل ماله يزود تخيل لقيت مسامير الدفرنس مرتخية شديتها وضبطت
السيارة ددسن

[الشعراوي]

عليكم السلام ورحمة الله وبركاته

هلابك اخوي ابوفهد

والله انا بعد موتري يندي شي بسيط مع صرة الوجه

مدري وش الحل ياليت يفيدونا أهل الخبره

[patrol-fa]

والله انا بعد موتري يندي شي بسيط مع صرة الوجه

مدري وش الحل ياليت يفيدونا أهل الخبره

كل السيارات يندي من عند الصرة إلي تعبي معها وطبيعي

بس زي ما قال اخونا شطرطون سباكة فكه ولف عليه ورده ..

[sgl2002]

انتبهوا انتبهو انتبهوا

لو تبحثون تحصلون موضوع لنفس ااباترول اللي كان معي

وجدت تهريب من صوفة الدفرنس اللي من جهة العمود

ويوم جيت ابي ازود الزيت الا والقى الدفرنس داخله مويه وزاد الزيت وانفقعت الصوفه

فشيكوا على الزيت ليش هرررب

[لاتكب البيالة]

السلام عليكم
من رايي اذا هو مثل ما قلت نقطه باليوم لا تفك شي بس اذا اخذت شهرين او 3 فك صرة التعبية وزده لمى يطلع وخلاص
وهالحل هو الافضل لان تغيير الزيت قد يسبب بعض المشاكل حتى لو الصوفة تهرب شي بسيط نفس الحل

[دحيم الفزعة]

السلام عليكم
الحل أنك ترخي الصره الى ان تحس أن الزيت بينزل = وهي صرة التعبيه حسب كلامك = وتلف عليها شطرطون سباكه ثم شدها

ودمت بود ===

[بدوي جنوبي]

أذا أضطريت لتغيير الصُره نصيحه رجع الزيت القديم
وما عليك من الورش أشرط عليه يرجع الزيت .