مشكلة في صوت السست

[ابو عزام الشمالي]

السلام عليكم ورحمة الله وبركاته


أحـــبـــتـــي في الله


عندي هايلكس 2007 غمااارتين
والمشكلة من زمان مافكرت في معالجتها

ومع مرور الزمن فكرت في معالجتها
وهو صوت السست ؟؟؟؟
وللمعلومية انا مانيب راعي نفود ؟

[bad boy]

وش مشكلتك اخوي يمكن اقدر افيدك ؟؟؟؟
وشو الصوت ؟؟؟

[patrol-fa]

وعليكم السلام ورحمة الله

قصدك إذا كنت في مطانيج طلعن صوت ؟تراه طبيعي

أما إذا كان قوي شف لا يكون مرتخي شداد الدفرسن عن السست ومساميرهن

[ااابوحماس]

حياك ياصحاب نفود

أخي مشكلتك سست
1 عليك تغير جلد سست 8 حبات بس الاماميه طبعن جلبه ماتغير

وتشوف سست هي متحاكه بينهن البين يعيني في احتكاك بين سست

ومشكلتك بعون الله باتروح تحياتي

الملاحظه مع المطار هذة الايام سستت تطلع الصوت ,,,,

[bad boy]

اذا كان قصدك صوت الصرصرة بالسست هذا عادي وفيه طريقتين انك تلغي الصوت
الطريقة الاولى تكلف شوي لكن حل نهائي ماراح تسمع صوت لجلد السست بعدها
وفوق هذا يحافظ على الجلد ماتنشف وتخرب بسرعه
هي انك تركب لعاب للست فيه بنز للتشحيم مثل الصورة هذي


http://www.mekshat.com/pix/upload05/images242/mk68265_17455973.jpg



http://www.mekshat.com/pix/upload05/images242/mk68265_111111.jpg


والنوع هذا تقدر تطلبه عن طريق النت واسمه بالانقلش ( Greasable Shackles )
اتوقع شركه old man المتخصصه باليايات الاستراليه تصنع النوع هذا .



والطريقة الثانية احتمال انك راح تضحك لو اعلمك لكن انها تنفع لمدة قصيرة
يعني مو حل جذري للصوت , وهي انك تجيب علبة زيت نارجيل ( جوز الهند ) ابو
علبة حديد خضراء للشعر :D
وتخلطه مع كاسة ديزل وترش السيارة فيه من تحت !!
هذا من واقع تجربه انا مجربة على ربع تويوتا وانقطع الصوت لكن ياخذ فترة
ويرجع بس اخف من اول . :good2:
بس لاتغسل السيارة بديزل من تحت بعد ماترش الزيت لان الديزل
هو الي يخلي الجلد تنشف وتتشقق وتبدأ تطلع صوت الصرصرة
راح تشم ريحة للزيت بعد ماترشة وتبقى لمدة معينه وبعدها تنقطع
واذا جيت تغسل السيارة من تحت بس بماء وصابون


ولازم انك تـتأكد من وجود العظمات البيضاء الي بين السست هل هي موجوده
عشان مايصير فيه احتكاك بين السست !
ان شاء الله اني قدرت افيدك
والاخوان مايقصرون .

[ابو عزام الشمالي]

بيض الله وجيهكم
لكن انا مركب لعبات يعني مغير الوكالة ومسوي
لعاب مقاس 24 ارتفاعه

والصوت صوت صرصره

[ابو عزام الشمالي]

واتوقع الصوت 100%100
انه من السست

[bad boy]

اذا ماتبي تغير اللعاب جرب الطريقة الثانية اسهل ماتكلف الا 10 ريال قيمة الزيت

[(((.ابوتميم .))))]

عادي جعل والديك في الجنة كل مواتر الصندوق فيها الصوت ذا
وترا ايام المطر بيطلع الصوت قوي بعدين بيخف وانصحك بطريقه الاخ الي يحط زيت مع ديزل لاني سمعتها من كم واحد لاكن يقولون بزيت مكينه بس خله يرفع الموتر علشان السست تتمطط ويدخل الزيت بينها

[bad boy]

عادي جعل والديك في الجنة كل مواتر الصندوق فيها الصوت ذا

وترا ايام المطر بيطلع الصوت قوي بعدين بيخف وانصحك بطريقه الاخ الي يحط زيت مع ديزل لاني سمعتها من كم واحد لاكن يقولون بزيت مكينه بس خله يرفع الموتر علشان السست تتمطط ويدخل الزيت بينها



اخوي الطريقة هذي تنفع لكن ميزت زيت المكينة انه يمسك غبار
وصعب ينظف بالماء , لكن الزيت الي جربته خفيف ومايمسك الغبار
وحتى لو تغبر اذا غسلت بطن الموتر بماء ينظف بسرعه !!! :good2:

[ابو عزام الشمالي]

بيض الله وجيهكم
ورحم الله والدايكم

[ذيب النجيل]

مالك الى تروح لحقين السست ويفكون الجلد الي بالخلف لان بالعاده الصوت منها

ويشحم اللعاب ويشحم الجلد وثم يركبها وراح تنسى الصوت