انا ووكالة تويوتا هواش

[بليزر]

الموضوع تتمه لموضوع افزعو لنا يا اهل الشيصان
دخلت الشاص للوكاله وفحصها الفني وقال القير لابد ينفك لكن اذا دخله ماء الوكاله ما تتحمله قلت يعني ضنك جبت اللي وفتحت عليه الدينمكو وعبيته انا قاصد اخربه قل هذه تعليمات الاداره رحت للمدير الصيانه ويوم دخلت عرف في وجه الغضب المهم قلت له تعال شف السياره بنفسك نظافتها وقام وشافه وفتح الكبوت وقال والله ما شفت انظف منها بعدين قل انت مسوي الصيانات قلت نعم مسوي المهم ما شاف علي اي مدخل قال بندخلها ونرد لك خبر انا ما ادري وش بيرد علي ظنكم ووش الدبره حتى نحصل على حقوقنا السيارة ماشية بالضبط 25800 كلم موديل 2010 الضمان ساري حتى نهاية 2012 والصيانه 1000 و 5000 و 10000 مسويها طيب والدبره

[Magellan]

ايه هين تحصل معهم حق
انا شريت منهم بطارية لسيارة عندي
عبيتها اسيد ما اشتغلت
رحت لمهم قال المفروض معبيها عندنا
جيت للبنشر ثاني مره وشحنها ولافادت
قال تراها محروقة ماصدقته
رحت لبنشري ثاني وكب الأسيد وعباها ثاني مره ولانفعت ، شحنها ولافادت
رجعت لتويوتا وقلت خوذوا بطاريتكم رفضوا
قلت والضمان قال مايشمل البطارية
واخرتها اكب موية الاسيد في الشارع واخذ البطارية وابيعه على بنشر ـ20 ريال
حسبي الله عليهم

[العابر2222]

أخوي ما عليك منهم .... سالفتك صارت علينا ما طلعنا الموتر الى قبل ثلاث ايام

ودينا الشاص حقنا موديل 2011 ماشي 30 الف ... فيه صوت في القير واذا ضغطت الكلتش يختفي الصوت
الموتر جديد ما جاه كرف ... المهم دخلناه قالو الصوت في القير لازم ننزله ونشوف يمكن جايه ماء او شي زي كذا ... قلت جايه ماء جايه جني ماهوب شغلي الموتر يتصلح والموتر تحت الضمان ماهوب شغلي

شوي ناداني المدير قال بعظمت السانه هذا عيب في الشاص والربع الجديدات وكلهم يرجعون لنا فيه مشكله في القير قطعه لازم تتغير ... وجلس يطول السالفه ... ويقول ان الشركه مشدده على الشي هذا لانها سببت خساره .. وعشان كذا لازم نسوي اجراء طويل عريض عشان (يطلبون القطعه من جده من المركز الرئيسي) وجلس يستخفبي يقول تدري اننا لازم نسجل الصوت ونرسله ... قلت تسجله ما تسجله اهم شي الموتر يتصلح

المهم خلينا الموتر عندهم وكل شوي يتصلون علي القطعه الفلانيه خربانه نغيرها قلت غير ما عندك مشكله حتى جلد الركب مدري المقصات غيروها والمساعدات الأماميه على ان الموتر نظيف مافيه شي ابد بس الصوت الي بالقير

يوم جيتهم قلت ولا ادفع ريال واحد الموتر على الضمان

قالو ادفع حق الصيانه 1800 + 750 فحمات لانا غيرنا الزيوت والفلاتر .. وفعلا هم غيروها

قلت تبون 1800 ولا امشي بس

قالو هاتها ... بعدها بيوم اتصل علي واحد من جده قال حابين ناخذ معك استفتاء عن مستوى الخدمه في شركة تيوتا قلت ابشر سجل عندك وانتهت السالفه

[بليزر]

ولكني اسأل المولي ان ييسر امري انه على كل شئ قدير

[ابو سمسم]

والله ياصاحبي مالك الا انك تدخل في عينهم من اصغر موظف الى المدير ولا تدفع ريال مالهم حل الاكذا

وتاخذ حقك بالكامل

[بليزر]

معليش ما اقدر اسوي كذا ما تعوت على هال حركات لكن ظني بالله كبير وان شاء الله ربي ييسر الامور

[الصحافة 15]

بالربع أنتبهو من وكالة تويوتا كان معي لاند كروزر 2008 مسوي له صيانه في الوكالة غيرو الفحمات وسلموني السيارة جاهزه مغسله شوي والا السياره كلها ترج وأنزل من السيارة وأشيك ولا الربع ما ربطو الصواميل حقت الكفرات الأربع ورجعت لهم وكأني ما أدري وش السالفه وقلت لهم السيارة ترج دخلوها وعشر دقايق وهم مسلميني السيارة ويوم سألت قالوا عطل فني بيسط جدا (يا مفتري)

[ااابوحماس]

الوكاله تعبانه وعلى فكره اي سياؤة من فوق 10 مديلها الصوت الي فيها بس فحمة كلاتش وتغيره في ورشه وكب الوكاله

[You Like Me]

الله ييسر امرك

[كاشت وحداني]

تويوتا ما ينفع معاهم الا تمد لسانك مترين
وتزبد لهم
ان قالوا لقينا في القير مويه قل انتوا صابينها
بالعقل لو المويه لها مدخل للقير كان الزيت طلع منه
الله يقطعهم هالوكاله
سبحان الله ما فيهم وجه راضي
مدراهم ومحاسبينهم وعمال صيانتهم حتى عامل الكوفي حقهم نفسه شينه


Sent from my iPhone using Tapatalk

[جمس_454_97]

اخوي الغالي حتى لو كان داخله ماء يتحملونه هم لانه سبب دخول الماء اما بسبب ضعف الوجه او بسبب المعجون جودته ماهي كويسه وهذا يشمل ضمان الوكاله لكن هم يبغون يتلاعبون ويتحججون انه داخله ماء
لو كان معجونهم ممتاز مادخل الماء او الوجه وهذا يدل على ان عبداللطيف جميل وصل لعبه بسيارات تويوتا الى القير قام يلعب بالقير ويفك القير ولا يحط معجون او وجه اصلي يفي بالمواصفات والمقاييس المطلوبه التي تمنع دخول الماء هذي وجهة نظري
ونصيحه لملاك تويوتا مقاطعة عبداللطيف جميل لان هذا التاجر الجشع الذي غش الشعب السعودي سنوات طوال واكل اموالنا بغير حق طوال السنوات الماضيه من تلاعبه بالقطع وجودة القطع وتلاعب شلة المصاريه الي عنده بعملاء تويوتا انصحكم وبشده الابتعاد عن منتجاته نهائي فيه ويوجد بديل البازعي افضل منه مليون مره
او السيارات الي تيجي من الخليج او اطلع بنفسك واشتر سيارتك من قطر او الكويت او الامارات من الوكاله
او ابحث عن الشركات البديله مستوبيشي ومازدا وجمس وفورد يكفيك انك تاخذ سياره صناعتها امريكيه او ياباني اصلي مافيه تلاعب مره تايلندي او اندنيسي مثل سيارات تويوتا وفوقها معدل عليها عبداللطيف جميل بقطع صينيه ماكفاه انها مصنوعه بتايلند ولا فيها لا حديد ولا جوده وماتكمل سنه او سنتين الا وهي مخبطه

[لسان الحقيقة]

ياحبي لك بس
والله ان صيانة عبداللطيف نعمة عند الحرامي الحمراني
هذاك ماتاخذ منه لاحق ولا باطل

[بليزر]

لا حول ولا قوة الا بالله يا إخواني اول ما بدو بالصيانه ال ٢٠٠٠٠ وكأني ما جبت السيارة الا للصيانه وتكلفتها ١٤٧٠ ريال والقير يقولون بكره نشوفه عجيب والله

[turkiq]

والله حرام .... شاص 2010 واصوات بالقير !!

[al3teeq]

لاتشيل هم بيسهل الله امرك ان شاء الله
لكن اذا جيتهم لاتبتسم تراهم يقرون تعابير وجهك سو نفسك موعاجبك شغلهم
الله ييسر امرك

[بليزر]

الله ييسر امري ويدفع عني وعنكم كل شر واستغلال الوكالات والله يا إخوان محنا ناقصين زيادة مصاريف وعلى شي تعرف انه من حقك على الوكالة صيانة العطل

[THE KILLER]

تايوتا ماصارت مثل اول
الحين كلها غششش

حاول انك تشيل من راسك الوكالة هاذي
وفي بدييل لهااا
اذا تبي موتر تحميل وجرررر وتطعيس ووزن 2500 كيلوو
عليك بالجمس حوض الغمارة حجم 2500HD
وعندك فوررد
وعندك نيسااان باترول حووض الي زي الشاص
بس الجمس مشاء الله عليييه
وعندك بعد دودج راام حجم 2500
وكل هاذي الي قلت لك عليها الامريكي اقل من قيمة الشاص الغالي المبالغ في سعره صراااحة ومع احترامي

[جمس_454_97]

ايه هين تحصل معهم حق
انا شريت منهم بطارية لسيارة عندي
عبيتها اسيد ما اشتغلت
رحت لمهم قال المفروض معبيها عندنا
جيت للبنشر ثاني مره وشحنها ولافادت
قال تراها محروقة ماصدقته
رحت لبنشري ثاني وكب الأسيد وعباها ثاني مره ولانفعت ، شحنها ولافادت
رجعت لتويوتا وقلت خوذوا بطاريتكم رفضوا
قلت والضمان قال مايشمل البطارية
واخرتها اكب موية الاسيد في الشارع واخذ البطارية وابيعه على بنشر ـ20 ريال
حسبي الله عليهم

ليتك معلمني كان مخليهم يترجونك
بالنسبه للوكيل الخايس هذا المحترف بالتحايل علينا ماينفع معاه الا المقاطعه وبالذات منتجاته وانصحكم ببطارية هانكوك الكوريه ممتازه ماعليها
او GS
تلاقيها عند برجستون

وهذا رقم حماية المستهلك تراهم تغيرو وصارو مع المواطن
اشوى من اول بشوي

014012222

8001241616

[جمس_454_97]

اخواني اي مشكله تواجهك لا تسكت مو عشانك عشان غيرك لان الاجانب الي لاعبين فينا كلها بسبب سكوتنا حنا السبب
اشتريت كفرات قيمة الواحد 830 من با شيهيوان مدري با تيس
المهم خلال اسبوعين وينفجر من حاله
وضمانه سنه
جبت الكفر له قالي هذا ضارب رصيف
قلت وين الحكه وبعدين الكفر متقطع على برى ماهو على جواء
قال يجي الخبير وتعال بكرى واجي بكرى قالو الخبير ماجاء تعال بعده
ويماطلون فيني وبالاخير يوم شافوني مصر قالو لي الخبير جاء وقال انت ضارب عليه رصيف والله وانا انغبن من حركاتهم فيني واقول لواحد من العيال السالفه قالي ليش ماتتصل بحماية المستهلك قلت ماراح يسوون لي حاجه
قال جرب يمكن يصير فيهم خير
قلت خلني اجرب والله وابحث عن ارقامهم وادق عليهم ويرفعون لي بلاغ والله ويتصلون علينا قالو راجعنا بالغرفه التجاريه واجيهم والله ودخل عند الموضف واشرح له الوضع وقلت له تراني جاي والله ماهو عشان 800 والله الي جابني لعبهم وتحايلهم علينا عينك عينك وعشان مايغش غيري وتلاعب علينا والمتضرر انا وانت واخوي واخوك
والله وقام معاي الموظف قال مالك هم واعطاني ذاك الخطاء وقالي الحين بنوقف سجلهم لحد مايحلون مشكلتك قلت جزاك الله خير والله انصدمت وقالي سلمهم الورقه وخل الاصل معاك وخل الي يستلمها يكتب اسمه ويوقع والله اجي لليماني وياخذها بكل برود وابتسامه مثل قولة ماهميتنا والله يوم جاء من بكرى الساعه تسعه الا وجوالي فيه حدود 30 مكالمه لم يرد عليها ومن ارقام غريبه وفيه منها ارقام ثابت من الرياض ومن جده وارقام جوالات استغربت واقوم اغسل وجهي واجيب الفطور الا وجوالي يرن وارد قال معاك شركة با شهيوان قلت وش بغيت قال نبغاك تتنازل عن القضيه الي رفعتها علينا في الغرفه التجاريه والي تبيه بنعطيك ياه قلت انا مابي غير حقي 830 ريال عد ونقد
قال لوح لنفس الفرع وخذ كامل المبلغ قلت زيت والله واطلع للفرع الا اليماني اهلاً اهلاً ياعمنا وينك من الصباح نتصل فيك قلت عطني فلوسي توك تتصل والله ويطيني كامل المبلغ والله واروح للموظف الي بالغرفه التجاريه واحب راسه وقلت له السالفه
قالت تبي منهم شي ولا ننهي القضيه قلت لاوالله مابي منهم شي حقي واخذته


وهذا رقمهم خزنوه وانشروه

014012222

8001241616


مكانهم بالرياض مقابل الاحوال المدنيه الغرفه التجاريه قسم حماية المستهلك

[ذيب الغربية]

ياناس انا محتار اشتري هوندا اكورد والاافالون ايش رايكم:(

[ملك الفكتوريا]

ياناس انا محتار اشتري هوندا اكورد والاافالون ايش رايكم:(

أنصحك بالاكورد لانه باقي له من ريحة الياباني الاصيل


ولا تنسى نظام الامان حقه عالي


وبالنسبة للقطع صحيح غالية بس حطها وانسى


وانت قارن بينهم واختر اللي يناسبك

[بليزر]

الله يجزى كل من شارك بالخير ولا يحرمه الأجر واسأل الله ان يدفع عنا ومنكم كل شر اليوم بروح للوكاله وارد لكم وان شاء الله تجئ الامور بخير

[بليزر]

اخواني السلام عليكم وحمة الله وبركاته
جزاكم الله خير ونفع بكم وبخبراتكم جميع الاعضاء و الزوار اليوم وصلت الوكالة حصلت السياره في غاية النظافه والتلميعه وحاطينها على الرافعه وجاني مدير الصيانه سوداني اسمه عثمان الحقيقه انه في غاية الاخلاق فاكين القير ووراني الصدا انه لاعب بالقير وقال ارسلنا للشركه بالوافقه على اصلاح القير وان شاء الله تجي الموافقه قلته الحقيقه كلامك يخوف قال لا لا تخاف ان شاء الله جاية لكن يا اخوني معقوله الشاص يدخل قيره ماء يعني انا شاري الشاص للبر والشعبان والنفد طيب يعني ادلع الشاص وخليه مثل السيدان تشخيصه بس وش الحل وكيف دخل الماء للقير افيدونا جزاك الله خير ونفع بكم وبخبراتكم جميع الاعضاء و الزوار
و السلام عليكم وحمة الله وبركاته

[ذيب الغربية]

أنصحك بالاكورد لانه باقي له من ريحة الياباني الاصيل


ولا تنسى نظام الامان حقه عالي


وبالنسبة للقطع صحيح غالية بس حطها وانسى


وانت قارن بينهم واختر اللي يناسبك
الله يعطيك العافيه اغلب الناس يقولون اكورد بس القطع موووت

[بليزر]

يازيب الغربية مالك ومال الموضوع الله يدلك ياحبيبي على اللي يسعدك والسياره اللي ما تندم عليها طول حياتك ولا تخسرك و لا تمرمطك في الوكالات والورش

[THE KILLER]

والله يا بليزر اول مررة اشوووف قيير يدخل له مااااء
خابر الموديلات القديمة كانو يخشون فيها بالموووية والامطار ومدري ويش ولا يدخل لها موووية
المهم تاااااااببببع الموووضوووع واسالهم ويش سبب المووية

الله يوفقك ويسهل دربك

[بليزر]

رحت للوكاله ورفعو السياره وهم فاكين القير وقالو لي و وروني الاجزاء الداخليه والصدا لعب فيها ولكن و لا واحد قدر يقنعني كيف دخل الماء انا بنفسي كرهت السياره و لا ابغها ورايح اطلعها وعلى السوق ان جابت سعر زين بعتها والا ادور شعبان مليانه واغطسها وكلما خرب القير رجعتها لهم على فكره تم اصلاح القير على حسابهم وكلفوني بمبلغ ١٣٠٠ ريال صيانة ال ٢٠٠٠٠كلم

[زيرو]

تويوتا من 2007 وتحت هو الي عليه الكلام اما الجديد كله خرابات وقطع غاليه والله يكتب الي فيه خير