المساعد الشخصي الرقمي

مشاهدة النسخة كاملة : اسفتسار


FaHoOoDy23
02/05/2006, 03:37 PM
يعطيكم العافيه يا جماعه اشلونكم شخباركم عندي استفسار صغير ؟؟

هل الغوص بالسعوديه يتطلب تصريح ؟؟؟؟

هل بالنسبه لحداق الاسياف يتطلب تصريح ؟؟؟

و سامحونا على الازعاج
طحنون
02/05/2006, 03:55 PM
الاخ العزيز
ابجاوبك باللي عندي
الحداق الاالشواطى في الاماكن المعروفه للناس بدون تصريح مثل الكرنيش وخلافه
لاكن المناطق البعيده والحدوديه واللي حولها مراكزحرس الحدود ويكون فيها انك تبات وتجلس بها ايام هاذي يبغالها تصريح من حرس الحدود
مثل رأس ابو قميص وراس تناجيب والسفانيه وراس ابو علي والقصار والزخنونيه وام حويض والكوفريه
gulfhunter
02/05/2006, 04:41 PM
السلام عليكم ورحمة الله وبركاته

حياك الله أخوي فهودي

وين الناس لك مدة قاطع عسى ماخلاف طال عمرك

أخوي بالنسبه إلى الغوص نعم هناك رخصة للغوص من الثروة السمكيه

أما بالنسبه إلى الحداق أعتقد اخوي طحنون الغائب الأخر عن المشاركه في الخيمه البحريه ماقصر بالشرح

وأي منطقه اخوي ودك فيها كلنا في الخيمه حاضرين للطيبين أمثالك

تحياتي لك وللجميع
SRDAL
02/05/2006, 05:04 PM
السلام عليكم ورحمة الله وبركاته

يالله حيه اخوي فهد ياخوي الساعه المباركه الي شفنا هالأسم ويانا في المنتدى .

اخوي اتوقع الشباب ماقصرو معالك واذا تبي تفاصيل عطنا الو ونعطيك التفاصيل بالظبط .

على العموم حياك الله يالغالي ....... ولاتقطعنا .

تحياتي لك .
FaHoOoDy23
02/05/2006, 06:43 PM
يعطيكم الف عافيه يا جماعه و ما قصرتوا على هالردود الطيبه :) و قواكم الله

طبعا انا سألت هالسؤال و كنت متوقع اجابه من نواخذه كبرا مثلكم و شرواكم يا جماعه لانه لي انشا الله جيه قيربه حق راس بو قميص للغوص و الحداق علشان جذي سألت :)

و قواكم الله يا الربع
MARINE
02/05/2006, 06:57 PM
السلام عليكم ورحمة الله وبركاته

حياك الله اخوي فهد منور المنتدى ياخوي وين هالغيبات عسى ما شر

ويقول المث من طول الغيبات جاب الغنايم

الحين وضح استفسارك بالضبط يوم انك قلت تبي تجي لراس ابوقميص

راس ابو قميص تحتاج تصريح من مركز حدود سلوى

وبالنسبه للغوص هناك ممنوع الا اذا تعرف احد هناك والمسدسات كذلك ممنوعه الا اذا بتسوي

لك كم حركه

حتى تمشي امورك واذا ما تعرف احد اخوي فهد بصراحه لا تتعب حالك لانك يمكن تظرب

هالمشوار

وما تطيح على منطقه زينه لكن اقول ياهلا ومرحبا اذا بتجي السعوديه وهذي الساعه المباركه

بس اقول قبل لا تجي شف لك اي احد من شباب السعوديه اللي خابرين المنطقه زين ورح معهم

افضل لك

هذا اللي اقدر افيدك واعذرني اذا سببت لك اي احباط

وآسف على الاطاله
FaHoOoDy23
03/05/2006, 09:03 PM
يعطيكم العافيه يا الربع و ما قصرتوا على هالردود الطيبه و الشرح الوافي و انشا الله قبل لا اجي السعوديه :) نعطيكم خبر :)