الــــــشــــرط في بيع الطير.نقاش مفتوح.

[ســـبــار ربــعـــه]

بسم الله الرحمن الرحيم
والصلاة والسلام على اشرف المرسلين. اما بعد :-
احببت ان اطرح هذا الموضوع وان اضمنه فكره قد تكون مفيده في منتدى البيع والشراء بالصقور.
ولكن محور الموضوع والنقاش يدور حول شراء الطير بالشرط -سواء خارج او داخل المنتدى- واغلب الشرط يكون على سلامة الطير وصيد الحبارى والحمام السوادي سلم.
ولكن هناك امر قد يلتبس على الكثيير واحببت توضيحه وقد اكون مخطيء في الشرح فلعلي اجد من اخواني من يصححني وفيهم البركه. فالبيع شرط الحبارى يعني ان الطير يعرف الحبارى ويطلب الهدد عليها. ولا يتحمل البائع افلاس الطير منها فالمهم انه هد عليها وطردها. واما افلاسه منها فهو من صقارة من اشتراه فقد يكون صنعه في الطير او مرض او قل جرد او الحبارى خريش وشفطت له. فما ذنب راعي الطير في غلطه ارتكبها من اشترط عليه. فالكثير يشترون الطيور كانهم مودعينها في البنك يحطه على الشبه ولا يتعب على جرده يدعيه يوم وخمس ايام يخليه ولا جا المقناص شاله وهده واذا فرط الحبارى رجع وقال الطير ماصاد رجع الفلوس.!! ولكن هناك شرط احب ان يشرطه صاحب الطير على الزبون الا وهو الصقاره. فكما يشترط الزبون على الطير صيد الحبارى فــ راعي الطير يجب ان يشرط على الزبون ان الطير ماينقص عليه شي من جهة الصقاره. فالكثيير قد باعوا طيورهم بشروط وخلال شهر رجعت لاصحابها بسبب ما كتب عليهم من شروط ولكن عادت الطيور مريضه وطبوعها متغيره فهذا يكوش وهذا يحقل وهذا يصيح وهذا فيه التهاب من الشناذر والخ...
اتمنى من الاخوان توضيح ما على البايع والشاري في حالة الشرط.
واقترح على المنتدى الشامخ مكشات فتح منتدى او موضوع مثبت للشروط على الطيور المشتراه من المنتدى فأذا تم شراء طير من المنتدى يكتب الشاري شروطه في الموضوع هذا ويكتب البايع ايضا شروطه ويكون فيها توثيق لعقود البيع لضمان حق كلا من البائع والشاري في حالة اتهام او الاشتباه في الطير. ويكون مرجع للجميع حيث ان كتابة الشرط في ورقه قد يتعرض للضياع فهذه خدمه منكم نود تقديمها لاعضاء منتدى مكشات.

[هاوي الصلفات]

ماشاء الله عليك ياسبار ربعه كلا م عدل 100 %
واضم لك صوتي ان الصقاقير بينهم فرق بـ دبرة الطير
وممكن يهد مع واحد والاخر لا .
وتقبل المرور

[ســـبــار ربــعـــه]

ماشاء الله عليك ياسبار ربعه كلا م عدل 100 %

واضم لك صوتي ان الصقاقير بينهم فرق بـ دبرة الطير
وممكن يهد مع واحد والاخر لا .
وتقبل المرور

حياك الله يا اخوي هاوي الصلفات ومرورك عطر طال عمرك.

[ابوماجد6641]

عزالله انك سبار ربعه الله يبيض وجهك ونا معك وشوف ان الموضوع مهم جدا ويحتاج تطبيقه

[الفيتو]

بسم الله الرحمن الرحيم
السلام عليكم ورحمة الله وبركاته
صباح الخير ياخوي / سبار ربعه
.
البارح كنا نتدارس هالموضوع ومشاكله وطلعنا بهالفايده
الوحوش لها شروط
الشروط مرفوضه . بعد مايتفقد الطير الشاري يقولون شريت كوم ريش يموت مايعيش مايعلف ويمرش دم ؟ يقول وافقت
ويشيل الطيرينفض المجلس تبتلت البيعه خلاص
البيتيات لها شروط
شرط المستشفى ..الطلع .. اللحوق . اللي يشرط وياخذ دراهم واجد
الله يعينه يتحمل اللي يترتب .. يفشل الطير لايقول
مابعت صقاره انا بعت صقر .. هذي اسمعها كثير .. ياكل دراهم الرياجيل
هم يدور مخرج لالالالالا يرد الدراهم لو عقب مده هذا رايي. يدخل بوجهه ويظهر بقفاه مايصير
هو يوم باع مايدري الصقاقير بينهم فرق ؟؟ والا الدراهم نسته
.
تدري الموضوع معقد ننتظر الربع يمكن يلقون حل
*
والسلام
الفيتو
الحجاز
20-5-1433هـ

[عزااااام-1]

انك والله صادق ياسبار ربعةكلام سليم انت تبي شرط ان الطير ذابح وانا من يعطيني شرط انك صقار بمعنى صقار
اما اطغى الطير والى جر على الطير واهلكوالى ماجرد الطير علووووووم

[(هزاع)]

سبق ان كتبت لسته البيع المشروط
وهي ياسمي ابوي تلزم البايع والمشتري
بس الناس فيما يعشقون مذاهب

بسم الله الرحمن الرحيم
السلام عليكم ورحمة الله وبركاته
1:ما نوع الطير : ( )
2:ماعمرالطير :( )
3:ما(قياسه او وزنه)؟؟ :الطول ( )العرض( ) الوزن ( )
4:وحش(الدوله المطروح بها ) ( )
5:هل الطير اصيل ام تفريخ : ( )
6:أين مكان الطير حاليا :( ) ( )( التوصيل)
7:هل صاد الطير الحباري وتشرط على ذلك :( ) ( اشرط)
8:هل صاد الطير الكروان وتشرط على ذلك : ( ) ( اشرط)
9:هل صاد الطير الارنب وتشرط على ذلك :( )( اشرط)
10:هل الطير طلاع على الحباري وتشرط على ذلك : ( ) ( اشرط)
11:هل الطير يرغب الحمام ( )
12:هل الطير راكد على تكاية السياره بدون برقع :( )
13:هل الطير يمسح على التلواح او يلاعب الشلو(خالي ) ( )
14:هل توجد في الطيرعيوب تشاهدها:( )
15:هل توافق على فحص الطير بالمستشفى ومشاهد طياره بالمدعى : ( )
ملاحظه :
البيع المشروط ملزم ومرضي للطرفين( وأبراء للذمه )

[ســـبــار ربــعـــه]

عزالله انك سبار ربعه الله يبيض وجهك ونا معك وشوف ان الموضوع مهم جدا ويحتاج تطبيقه
يا مرحبا يا اخ ابو ماجد و وجهك ابيض طال عمرك ولا هنت على مرورك.

[ســـبــار ربــعـــه]

بسم الله الرحمن الرحيم

السلام عليكم ورحمة الله وبركاته
صباح الخير ياخوي / سبار ربعه
.
البارح كنا نتدارس هالموضوع ومشاكله وطلعنا بهالفايده
الوحوش لها شروط
الشروط مرفوضه . بعد مايتفقد الطير الشاري يقولون شريت كوم ريش يموت مايعيش مايعلف ويمرش دم ؟ يقول وافقت
ويشيل الطيرينفض المجلس تبتلت البيعه خلاص
البيتيات لها شروط
شرط المستشفى ..الطلع .. اللحوق . اللي يشرط وياخذ دراهم واجد
الله يعينه يتحمل اللي يترتب .. يفشل الطير لايقول
مابعت صقاره انا بعت صقر .. هذي اسمعها كثير .. ياكل دراهم الرياجيل
هم يدور مخرج لالالالالا يرد الدراهم لو عقب مده هذا رايي. يدخل بوجهه ويظهر بقفاه مايصير
هو يوم باع مايدري الصقاقير بينهم فرق ؟؟ والا الدراهم نسته
.
تدري الموضوع معقد ننتظر الربع يمكن يلقون حل
*
والسلام
الفيتو
الحجاز

20-5-1433هـ


حياك يابو صالح ولا هنت على مرورك.

[ســـبــار ربــعـــه]

انك والله صادق ياسبار ربعةكلام سليم انت تبي شرط ان الطير ذابح وانا من يعطيني شرط انك صقار بمعنى صقار
اما اطغى الطير والى جر على الطير واهلكوالى ماجرد الطير علووووووم
حياك الله يا عزام ولا هنت على مرورك.

[ســـبــار ربــعـــه]

سبق ان كتبت لسته البيع المشروط

وهي ياسمي ابوي تلزم البايع والمشتري
بس الناس فيما يعشقون مذاهب

بسم الله الرحمن الرحيم
السلام عليكم ورحمة الله وبركاته
1:ما نوع الطير : ( )
2:ماعمرالطير :( )
3:ما(قياسه او وزنه)؟؟ :الطول ( )العرض( ) الوزن ( )
4:وحش(الدوله المطروح بها ) ( )
5:هل الطير اصيل ام تفريخ : ( )
6:أين مكان الطير حاليا :( ) ( )( التوصيل)
7:هل صاد الطير الحباري وتشرط على ذلك :( ) ( اشرط)
8:هل صاد الطير الكروان وتشرط على ذلك : ( ) ( اشرط)
9:هل صاد الطير الارنب وتشرط على ذلك :( )( اشرط)
10:هل الطير طلاع على الحباري وتشرط على ذلك : ( ) ( اشرط)
11:هل الطير يرغب الحمام ( )
12:هل الطير راكد على تكاية السياره بدون برقع :( )
13:هل الطير يمسح على التلواح او يلاعب الشلو(خالي ) ( )
14:هل توجد في الطيرعيوب تشاهدها:( )
15:هل توافق على فحص الطير بالمستشفى ومشاهد طياره بالمدعى : ( )
ملاحظه :

البيع المشروط ملزم ومرضي للطرفين( وأبراء للذمه )


يا هلا باخوي ابو مشعل ويامرحبا به واللسته هذي ممتازه ولكن قل من يستخدمها والبعض منهم يمسح بعض الفقرات التي في غير مصلحته واتمنا تثبيتها في منتدى البيع والشراء ولا هنت على مرورك يابعدي.

[ابوعزوز3]

يعطيك العافيه اخوي على هالموضوع المهم جداًجداًجداًفالشرط يجب ان يكون على الطرفين البائع والمشتري:good2::good2::good2::good2:

[ابوماجد6641]

اهم شي اذ بغى احد يشري طير بيتتي والطير عليه اشروط لا يتنازل عنها ابد مثل يعني الطير شرط سبوق ولك الفحص هذا مثال اقول لا تتنازل رح اول شي قله ابي افحص وبعد الفحص اشوف جناح الطير لا يخمك بكثر الحكي وطولت السان ان قبل زين على زين ون ماقبل خل طيره عند ابركلك ولازم والله انكون صاملين على هذي الشروط لكى نحد من نسبت الغش الله المستعان وبالنسبه للوحش اشوف لازم شرط الفحص اذ جازلك الطير وتم معاينته بعض الوحش تشوفه مصتك عديد حيل ولكن جميع الامراض فيه ً والله يكفينا بحلاله عن حرامه ويكفينا شر الغش وهله

[ســـبــار ربــعـــه]

يعطيك العافيه اخوي على هالموضوع المهم جداًجداًجداًفالشرط يجب ان يكون على الطرفين البائع والمشتري:good2::good2::good2::good2:

حياك الله وشكرا لك على مرورك

[قلب ذيب]

هلا بالجميع .
انا اشوف البايع كان مواريه مواري كريم تكون ثقتي فيه كبيره ولا فاصله في القيمه ! كذلك الشاري ولو ان بيعي قليل اذاكان يستاهل اطرح له المقسوم , واذا شريت الطير ما رده اما ينجح معي والا اهديه واعلم من عطيته الطير بمواريه .

[اخوهند]

يالله حي أخوي فهيد
مالها غير حل واحد
تشهد عليه ويشهد عليك
اذا كان البلاء من الطير فالطير مردود
وإذا كان البلاء من صقاره فـ ماله شيء عند البائع
هذا الكلام من ناحيه القرانيس البيتيه
الوقت هذا ماعاد تدري من الصادق والكاذب
ياما كلناها في لحانا والسبه الطيبه والثقه العمياء

اما الوحوش مالها شروط زي ماقالو الاخوان
والله يعطيك العافيه

[عاذي]

اشكرك اخوي سبار ربعة وكثر الله من امثالك ممن يطورون ويتجددون مع معطيات العصر ويخدم بافكارة واراءة اخوانه الصقاقير واحب ان ادلي بدولوي في هذا الموضوع واقول متكلا على الله : الشرط اساسي ونظرة ومعرفة الشاري لها دور فالصقاقير ليسوا على قلب واحدة .. والكثير يشتري كلام وريش مايشتري طيور .. والبائعون يتحايلون على المشتري الهدد ماكان له .. واحد من خويانا انطلق طيرة نسى يربطة وطاح برقعة .. جاه عقاب واحرفة عن الحبارا .. ويالله خذ من هالمبررات اللي خلاة يبيع الطير .. الشرط مثل ماقلت اخوي سبار ربعة يجب ان يكون واضح ومحدد .. الطير سبوق ولا راح عليه شئ ويجب ان يستشهد برجال ثقات رأوا الهدد ويشهدون على صدق كلامة .
كذلك انا اختلف مع اخوي الفيتو الوحوش لها شروط بعد .. من الشروط المهمة ان الطير سليم .. الطير لم يدعى من قبل فبعضهم يدعية ويهدة ويفشل ويرجع يوحشة يزيد بصنعته ويقولك وحش .. ومن شروط الوحوش انها لم تمرض وتعالج من قبل ... الطير لم يخلع ويروع .. الطير اصيل وليس تفريخ .. اما انه يقول شريت كوم ريش هذا الشاري يعتبر شرط على نفسة لأن الشرط يخدم الطرفين .. ودمتم كل عام بصحة وعافية وسعادة .

[ســـبــار ربــعـــه]

يعطيك العافيه اخوي على هالموضوع المهم جداًجداًجداًفالشرط يجب ان يكون على الطرفين البائع والمشتري:good2::good2::good2::good2:

الله يعافيك يا بو عزوز ويامرحبا بك وشكرا على مرورك.

[ســـبــار ربــعـــه]

هلا بالجميع .
انا اشوف البايع كان مواريه مواري كريم تكون ثقتي فيه كبيره ولا فاصله في القيمه ! كذلك الشاري ولو ان بيعي قليل اذاكان يستاهل اطرح له المقسوم , واذا شريت الطير ما رده اما ينجح معي والا اهديه واعلم من عطيته الطير بمواريه .
مرحبا بقلب ذيب والسماحه طيبه وصفه زينه ولا هنت على مرورك.

[ســـبــار ربــعـــه]

اهم شي اذ بغى احد يشري طير بيتتي والطير عليه اشروط لا يتنازل عنها ابد مثل يعني الطير شرط سبوق ولك الفحص هذا مثال اقول لا تتنازل رح اول شي قله ابي افحص وبعد الفحص اشوف جناح الطير لا يخمك بكثر الحكي وطولت السان ان قبل زين على زين ون ماقبل خل طيره عند ابركلك ولازم والله انكون صاملين على هذي الشروط لكى نحد من نسبت الغش الله المستعان وبالنسبه للوحش اشوف لازم شرط الفحص اذ جازلك الطير وتم معاينته بعض الوحش تشوفه مصتك عديد حيل ولكن جميع الامراض فيه ً والله يكفينا بحلاله عن حرامه ويكفينا شر الغش وهله
عز الله صحيح يا بو ماجد وبيض الله وجهك على مرورك.

[ســـبــار ربــعـــه]

يالله حي أخوي فهيد

مالها غير حل واحد
تشهد عليه ويشهد عليك
اذا كان البلاء من الطير فالطير مردود
وإذا كان البلاء من صقاره فـ ماله شيء عند البائع
هذا الكلام من ناحيه القرانيس البيتيه
الوقت هذا ماعاد تدري من الصادق والكاذب
ياما كلناها في لحانا والسبه الطيبه والثقه العمياء


اما الوحوش مالها شروط زي ماقالو الاخوان

والله يعطيك العافيه

حياك الله يا اخو هند ويا مرحبا بمرورك العطر وشكرا لك.

[ســـبــار ربــعـــه]

اشكرك اخوي سبار ربعة وكثر الله من امثالك ممن يطورون ويتجددون مع معطيات العصر ويخدم بافكارة واراءة اخوانه الصقاقير واحب ان ادلي بدولوي في هذا الموضوع واقول متكلا على الله : الشرط اساسي ونظرة ومعرفة الشاري لها دور فالصقاقير ليسوا على قلب واحدة .. والكثير يشتري كلام وريش مايشتري طيور .. والبائعون يتحايلون على المشتري الهدد ماكان له .. واحد من خويانا انطلق طيرة نسى يربطة وطاح برقعة .. جاه عقاب واحرفة عن الحبارا .. ويالله خذ من هالمبررات اللي خلاة يبيع الطير .. الشرط مثل ماقلت اخوي سبار ربعة يجب ان يكون واضح ومحدد .. الطير سبوق ولا راح عليه شئ ويجب ان يستشهد برجال ثقات رأوا الهدد ويشهدون على صدق كلامة .
كذلك انا اختلف مع اخوي الفيتو الوحوش لها شروط بعد .. من الشروط المهمة ان الطير سليم .. الطير لم يدعى من قبل فبعضهم يدعية ويهدة ويفشل ويرجع يوحشة يزيد بصنعته ويقولك وحش .. ومن شروط الوحوش انها لم تمرض وتعالج من قبل ... الطير لم يخلع ويروع .. الطير اصيل وليس تفريخ .. اما انه يقول شريت كوم ريش هذا الشاري يعتبر شرط على نفسة لأن الشرط يخدم الطرفين .. ودمتم كل عام بصحة وعافية وسعادة .
يا مرحبا يا اخ عاذي وحياك الله واشكرك على مرورك واضافتك للموضوع.

[ســـبــار ربــعـــه]

اتمنى النظر في الرابط وهو موضوع لأخوي هزاع بخصوص المواضيع هذي والرابط موجود.
http://www.mekshat.com/vb/showthread.php?t=493746

[عبدالرحمن بن ذياب]

انا مع رأي الاخوان سواءاً للوحوش او للبيتيات و بيض الله وجهك

[ســـبــار ربــعـــه]

انا مع رأي الاخوان سواءاً للوحوش او للبيتيات و بيض الله وجهك


وجهك ابيض يا اخ عبدالرحمن وحياك الله.

[ســـبــار ربــعـــه]

يا اخوان اتمنى النظر في الأقتراح بخصوص فتح منتدى خاص بشروط البيع والشراء وتوثيقها وهذا هو احد اهم اسباب طرحي لهذا الموضوع واتمنى من المشرفين النظر والاجابه جزاهم الله خير.

[جير دبي]

بسم الله الرحمن الرحيم
السلام عليكم اخوي سبار ربعه شاكرلك طرح موضوع كبير
يحتاج الى تدخل الى من هم لهم باع كبير في البيع والشراء
فلا يخفى على الجميع الخلافات بين البايع والشاري وبالاخص
بين الصقاقير ,,
وشروط المتداوله بينهم من طرف البائع او الشاري
وانا من رأي المتواضع ..
اذا كان الطير (جرناس بيتي)
يكون الشرط ثابت بينهم على الهدد على الحبارى
ومافي جدال ,,
ومثل ماهو معروف هذه الايام ,
اذا اخذ الطير بسعر غالي مايمنع انه يحضر
له كسير الحباري
واذا كان الطير وحش طبعا لاينطبق عليه هذه الشروط .
وانا معاك ياخوي سبار ربعه في تثبيت الشروط ..
لكنك ماتضمن من شروط البايع ومن صقاره الشاري
تحــــــــياتي لك

[ســـبــار ربــعـــه]

بسم الله الرحمن الرحيم

السلام عليكم اخوي سبار ربعه شاكرلك طرح موضوع كبير
يحتاج الى تدخل الى من هم لهم باع كبير في البيع والشراء
فلا يخفى على الجميع الخلافات بين البايع والشاري وبالاخص
بين الصقاقير ,,
وشروط المتداوله بينهم من طرف البائع او الشاري
وانا من رأي المتواضع ..
اذا كان الطير (جرناس بيتي)
يكون الشرط ثابت بينهم على الهدد على الحبارى
ومافي جدال ,,
ومثل ماهو معروف هذه الايام ,
اذا اخذ الطير بسعر غالي مايمنع انه يحضر
له كسير الحباري
واذا كان الطير وحش طبعا لاينطبق عليه هذه الشروط .
وانا معاك ياخوي سبار ربعه في تثبيت الشروط ..
لكنك ماتضمن من شروط البايع ومن صقاره الشاري
تحــــــــياتي لك


اخوي جير دبي لاهنت على مرورك وبارك الله فيك.

[ذراع الذيب]

السلام عليكم ورحمة الله وبركاته,,
مسيت بالخير ياسبار ربعه,,


موضوع جميل تشكر عليه وصدقني انا لو عندي طير صايد حباري ماراح اشرط عليه,,
واقول شرط يصيد الحباري انا واعوذ بالله من كلمة انا غير نظرتي ربع خالي(ابوسيف) الله يجزاه خير وشلون اشرط على روح ,,
اما هالرجال اعطيه علوم الطير ويصدق كلامي والا جعله ماشراه لعنبو الدراهم ولعنبو سابع جدها مانيب شارط على طير امكن يتغير طبعه ولايجيه شي ثم اتنقد مع الرياجيل,,
وشلون انا صاحب الطير اشرط على صقارة الشاري مانيب فاضي لهم يافهيد ههههه وبالنسبه عن فتح منتدى جديد,,
مافهمت والله قصدك ارجو التوضيح اكثر وتحياتي لك,,

[ســـبــار ربــعـــه]

السلام عليكم ورحمة الله وبركاته,,
مسيت بالخير ياسبار ربعه,,


موضوع جميل تشكر عليه وصدقني انا لو عندي طير صايد حباري ماراح اشرط عليه,,
واقول شرط يصيد الحباري انا واعوذ بالله من كلمة انا غير نظرتي ربع خالي(ابوسيف) الله يجزاه خير وشلون اشرط على روح ,,
اما هالرجال اعطيه علوم الطير ويصدق كلامي والا جعله ماشراه لعنبو الدراهم ولعنبو سابع جدها مانيب شارط على طير امكن يتغير طبعه ولايجيه شي ثم اتنقد مع الرياجيل,,
وشلون انا صاحب الطير اشرط على صقارة الشاري مانيب فاضي لهم يافهيد ههههه وبالنسبه عن فتح منتدى جديد,,
مافهمت والله قصدك ارجو التوضيح اكثر وتحياتي لك,,



يامرحبا باخوي ذراع الذيب.
الله يعطيك العافيه على اثراءك الموضوع ومرورك العطر وانا والله مثلك ما بعت بشروط وبعت طيور طيبه بخسارة وبعضهن بنص قيمته خارج مكشات كله بسبب الشرط وشريت طيور بشروط ويشهد علي الله اني ما رجعتها وشريت طيور مجهوله ومخربه و توفقت معي وذلك بفضل الأتكال على الله واحسان النيه اما الفكره هي سلمك الله انه يفتح موضوع ويثبت في خيمة بيع وشراء الصقور ويكون لتوثيق عقود البيع والشراء داخل المنتدى واذا كان فيه شروط او مثانى على الطير تكتب في الموضوع هذا وتكون دليل اثبات للشاري انه اشترا الطير هذا من فلان من الناس في حالة ان جاه احد اتهمه وقال هذا طيري ضايع من وين جبته فيكون الموضوع هذا بمثابة اثبات ملكية الطير لانك لو سجلت رقم هوية الشخص الي شريت منه قد تضيع او يتغير الجوال او تبهت الورقه المسجل عليها المعلومات اما في المنتدى فهي موجوده ومثبت موضوعها واكثر الأعضاء شهود عيان على الموضوع وتكون رادع لمن تسول له نفسه بيع حلال الأخرين وحفظ لأموال الناس من ضعاف النفوس. اتمنى منكم دعم الأقتراح وتقديم خدمه لأعضاء مكشات.
وشكرا لك واسف على الأطاله.

[للر اميير قه]

مجهود رائع يعطيك العافيه
وماقصرت تقبل تحيااتي,,

[ســـبــار ربــعـــه]

مجهود رائع يعطيك العافيه
وماقصرت تقبل تحيااتي,,
الله يحييك ويسلمك وشكرا على مرورك.

[اقدم صقار]

بسم الله الرحمن الرحيم
السلام عليكم ورحمة الله وبركاته
صباح الخير ياخوي / سبار ربعه
.
البارح كنا نتدارس هالموضوع ومشاكله وطلعنا بهالفايده
الوحوش لها شروط
الشروط مرفوضه . بعد مايتفقد الطير الشاري يقولون شريت كوم ريش يموت مايعيش مايعلف ويمرش دم ؟ يقول وافقت
ويشيل الطيرينفض المجلس تبتلت البيعه خلاص
البيتيات لها شروط
شرط المستشفى ..الطلع .. اللحوق . اللي يشرط وياخذ دراهم واجد
الله يعينه يتحمل اللي يترتب .. يفشل الطير لايقول
مابعت صقاره انا بعت صقر .. هذي اسمعها كثير .. ياكل دراهم الرياجيل
هم يدور مخرج لالالالالا يرد الدراهم لو عقب مده هذا رايي. يدخل بوجهه ويظهر بقفاه مايصير
هو يوم باع مايدري الصقاقير بينهم فرق ؟؟ والا الدراهم نسته
.
تدري الموضوع معقد ننتظر الربع يمكن يلقون حل

مرحبا بالجميع وموضوع يستحق انك تقف وتقرى كل الردود وتدلي برايك واعجبني كلام اخوي الفيتو ولاكن لي تعليق على ما قال !!!

اول شي الوحش نعرف مافيه شروط ابد تشتري كوم ريش فقط والشاري يتفقد الطير من ناحية الريش او جروح في كفوف الطير من الشبكه او او الى ما يتعلق بالوحوش

اما البيتي فهذي مشكلة العصر
وبصراحه تبيع الطير مشروط واذا جلست شهر دق عليك وقال الطير ما لحق الحبارى !!!
طيب يمكن الطير ما جرد
يمكن الطير عديد
يمكن الطير هزيل
يمكن الطير مريض
يمكن اللي شرى الطير خرب الطير وحاسه
طيب هل يرجع الطير !!!
انا اقول الطير المشروط شرط لحوق وذبح (للحبارى) ماله من الحلول إلا حل واحد
يا انه يجيب حباراه ويهدها للطير وكان الطير طلع يحطها في مكان يطلعها الطير واذا ذبحها ما هاب منها فياخذ طيره وينقطع البيع بأن الطير ذابح قدامه
اما يقول طيري مشروط ويذبح واذا شاف الطير الحبارى صاح وما بغاها فالطير يرجع لراعيه كلٍ حلاله معه
او كافيك من طوالها قصارها خذ ذمة الرجال كانه من هل الخير واشر وتوكل على الله صاد معك بركه ماصاد حضك
او لا تشرط مره مهما زادو في السعر قل اللي صاد الطير كذا حتى لو صاد عدد ريشه حبارى وكراوين ولا تشرط عشان تفتك من الناس الغشمان
وبصراحه الطير ابو مختار ويسمونه مكذب راعيه
ربما اني اشتري طير صايد مع راعيه وانا اعرف راعيه ماهو يكذب ولا يصيد معي او اشتري طير ما صاد مع اهله من السوق ويصيد معي والطيور حضوض
اسأل الله التوفيق للجميع موضوع يستحق الرجوع للنقاش

[ســـبــار ربــعـــه]

بسم الله الرحمن الرحيم


السلام عليكم ورحمة الله وبركاته
صباح الخير ياخوي / سبار ربعه
.
البارح كنا نتدارس هالموضوع ومشاكله وطلعنا بهالفايده
الوحوش لها شروط
الشروط مرفوضه . بعد مايتفقد الطير الشاري يقولون شريت كوم ريش يموت مايعيش مايعلف ويمرش دم ؟ يقول وافقت
ويشيل الطيرينفض المجلس تبتلت البيعه خلاص
البيتيات لها شروط
شرط المستشفى ..الطلع .. اللحوق . اللي يشرط وياخذ دراهم واجد
الله يعينه يتحمل اللي يترتب .. يفشل الطير لايقول
مابعت صقاره انا بعت صقر .. هذي اسمعها كثير .. ياكل دراهم الرياجيل
هم يدور مخرج لالالالالا يرد الدراهم لو عقب مده هذا رايي. يدخل بوجهه ويظهر بقفاه مايصير
هو يوم باع مايدري الصقاقير بينهم فرق ؟؟ والا الدراهم نسته
.
تدري الموضوع معقد ننتظر الربع يمكن يلقون حل


مرحبا بالجميع وموضوع يستحق انك تقف وتقرى كل الردود وتدلي برايك واعجبني كلام اخوي الفيتو ولاكن لي تعليق على ما قال !!!


اول شي الوحش نعرف مافيه شروط ابد تشتري كوم ريش فقط والشاري يتفقد الطير من ناحية الريش او جروح في كفوف الطير من الشبكه او او الى ما يتعلق بالوحوش


اما البيتي فهذي مشكلة العصر
وبصراحه تبيع الطير مشروط واذا جلست شهر دق عليك وقال الطير ما لحق الحبارى !!!
طيب يمكن الطير ما جرد
يمكن الطير عديد
يمكن الطير هزيل
يمكن الطير مريض
يمكن اللي شرى الطير خرب الطير وحاسه
طيب هل يرجع الطير !!!
انا اقول الطير المشروط شرط لحوق وذبح (للحبارى) ماله من الحلول إلا حل واحد
يا انه يجيب حباراه ويهدها للطير وكان الطير طلع يحطها في مكان يطلعها الطير واذا ذبحها ما هاب منها فياخذ طيره وينقطع البيع بأن الطير ذابح قدامه
اما يقول طيري مشروط ويذبح واذا شاف الطير الحبارى صاح وما بغاها فالطير يرجع لراعيه كلٍ حلاله معه
او كافيك من طوالها قصارها خذ ذمة الرجال كانه من هل الخير واشر وتوكل على الله صاد معك بركه ماصاد حضك
او لا تشرط مره مهما زادو في السعر قل اللي صاد الطير كذا حتى لو صاد عدد ريشه حبارى وكراوين ولا تشرط عشان تفتك من الناس الغشمان
وبصراحه الطير ابو مختار ويسمونه مكذب راعيه
ربما اني اشتري طير صايد مع راعيه وانا اعرف راعيه ماهو يكذب ولا يصيد معي او اشتري طير ما صاد مع اهله من السوق ويصيد معي والطيور حضوض

اسأل الله التوفيق للجميع موضوع يستحق الرجوع للنقاش

يا مرحبا يا ابو منصور ولاهنت عز الله ماقصرت بأثراءك للموضوع. وفي انتظار المشرفين وباقي الأخوان.

[ســـبــار ربــعـــه]

اخواني المشرفين ارجو النظر في الموضوع.

[عواد الشمري2]

الله يعطيك العافيه ياسبار على الموضوع الي اكثر من رائع http://www.mekshat.com/vb/images/rating/rating_5.gif
والي اعجبني بعد ردود العضا
وبنسبه لي انا مع الاخ ذراع الذيب مشرك عليه
لن الطير روح والصقاره لها دور ووووو ومثلك عارف
وانا معك على تثبيت الموضوع وشروط البيع وشرط
وهزاع عبى لشه طيبه
وشكرك على المضوع الطيب تقبل تحياتي

[تميم2222]

سلام عليكم سبار.... والله كلامك منطقي وعين العقل .. لكن انا من رايي اذا كان الطير قيمته غاليه يشترط وبورقه ايضا.. وهذا من ابسط حقوق المشتري .. تعرف وش المشكله بعض الناس يشترط لطير وطيره ما ذبح الا 4 او 5 حبارى ويعطيك شروط و...ووو,,, الخ انا اشوف كل ما كان رصيد الطير اكثير في الذبح كان اظمن للبايع والمشتري ..في قول شرط وبعض الطيور تجي جسوره مشاالله يعني يهد فصيل بختصار متى ما هد الطير على حباره وهو صنيع ... هذا اللي يشرط راعيه وهو متطمن اما غيره فانا اشوف القيمه هي اللي تحدد الشرط او لا ... وسلاااااامتكم

[@السيف@]

بيض الله وجهك ونا اخوك
لكن خل في بالك انك في منتدي يعني منت في موقع حكومي حتي يتم اثبات ان الطير تم شراءه من العضو فلان ادمي وانه كذا وكذا لان التسجيل في المنتدي غير رسمي
لكن فيه اقتراح ان في كل منطقه يكون ثلاث اشخاص يتم عن طريقهم بيع الطيور ويتم توثيق البيع في سجلاتهم وهم رسميون في الدوله مثل شيخ البحاره وشيخ الدلالين وغيره

[اقدم صقار]

هلا بكم جميع
اخواني الكرام
يبقى السؤال المهم
ماهي الضوابط والشروط المحدده لضمان حقوق الغير ؟
لو كان هناك مكتب بيع يرجع له الشاري والبايع يكون افضل واضمن ولاكن نرجع لنفس المشكله
او يلزم الجميع وخاصة الصقاقير بتغيير الاسماء من اللقب الى الاسم الثلاثي لضمان معرفة الشخص
..............................................
ويلزم من عرض طير للبيع ان يأتي بوثيقه من مستشفى الطيور بسلامة الطير اما اللحوق يطلع راعي الطير والشراي للمدعى ويشوف طيار الطير
اما ذبح الحبارى فعلمه عند الله
بعض الطيور يذبح السنه هذي ولايذبح السنه الثانيه
والراي للجميع بالتصويت
ارجو منكم جميع الاهتمام بالموضوع
ارجو من الاداره الموقره النظر للموضوع بجديه

[ســـبــار ربــعـــه]

الله يعطيك العافيه ياسبار على الموضوع الي اكثر من رائع http://www.mekshat.com/vb/images/rating/rating_5.gif
والي اعجبني بعد ردود العضا
وبنسبه لي انا مع الاخ ذراع الذيب مشرك عليه
لن الطير روح والصقاره لها دور ووووو ومثلك عارف
وانا معك على تثبيت الموضوع وشروط البيع وشرط
وهزاع عبى لشه طيبه
وشكرك على المضوع الطيب تقبل تحياتي

يامرحبا ياعواد وبيض الله وجهك على مرورك يا الغالي.

[ســـبــار ربــعـــه]

سلام عليكم سبار.... والله كلامك منطقي وعين العقل .. لكن انا من رايي اذا كان الطير قيمته غاليه يشترط وبورقه ايضا.. وهذا من ابسط حقوق المشتري .. تعرف وش المشكله بعض الناس يشترط لطير وطيره ما ذبح الا 4 او 5 حبارى ويعطيك شروط و...ووو,,, الخ انا اشوف كل ما كان رصيد الطير اكثير في الذبح كان اظمن للبايع والمشتري ..في قول شرط وبعض الطيور تجي جسوره مشاالله يعني يهد فصيل بختصار متى ما هد الطير على حباره وهو صنيع ... هذا اللي يشرط راعيه وهو متطمن اما غيره فانا اشوف القيمه هي اللي تحدد الشرط او لا ... وسلاااااامتكم
مشكور يا اخ تميم على مرورك واضافتك.

تحياتي.

[ســـبــار ربــعـــه]

بيض الله وجهك ونا اخوك

لكن خل في بالك انك في منتدي يعني منت في موقع حكومي حتي يتم اثبات ان الطير تم شراءه من العضو فلان ادمي وانه كذا وكذا لان التسجيل في المنتدي غير رسمي
لكن فيه اقتراح ان في كل منطقه يكون ثلاث اشخاص يتم عن طريقهم بيع الطيور ويتم توثيق البيع في سجلاتهم وهم رسميون في الدوله مثل شيخ البحاره وشيخ الدلالين وغيره


القصد وانا اخوك انه في حال ضياع الورقه تستطيع عمل برنت وتطبع ورقة البيعه وشروطها.ولا هنت على اضافتك ومرورك.

تحياتي.

[ســـبــار ربــعـــه]

هلا بكم جميع

اخواني الكرام
يبقى السؤال المهم
ماهي الضوابط والشروط المحدده لضمان حقوق الغير ؟
لو كان هناك مكتب بيع يرجع له الشاري والبايع يكون افضل واضمن ولاكن نرجع لنفس المشكله
او يلزم الجميع وخاصة الصقاقير بتغيير الاسماء من اللقب الى الاسم الثلاثي لضمان معرفة الشخص
..............................................
ويلزم من عرض طير للبيع ان يأتي بوثيقه من مستشفى الطيور بسلامة الطير اما اللحوق يطلع راعي الطير والشراي للمدعى ويشوف طيار الطير
اما ذبح الحبارى فعلمه عند الله
بعض الطيور يذبح السنه هذي ولايذبح السنه الثانيه
والراي للجميع بالتصويت
ارجو منكم جميع الاهتمام بالموضوع
ارجو من الاداره الموقره النظر للموضوع بجديه

يامرحبا باخوي ابو منصور وبيض الله وجهك على متابعة الموضوع واهتمامك فيه.

[اقدم صقار]

ارجو من الاخوه الكرام ادلاء ارائهم في الموضوع وان لا يمر مرور الكرام

[ســـبــار ربــعـــه]

ارجو من الاخوه الكرام ادلاء ارائهم في الموضوع وان لا يمر مرور الكرام

ماقصرت يا ابو منصور على مرورك واهتمامك بالموضوع وفي انتظار باقي الأخوان وفي انتظار القرار الصائب بأذن الله.

[صفوق العطوى]

مشكور على الموضوع المهم

[ســـبــار ربــعـــه]

حياك الله يا اخ صفوق واسعدني مرورك.

[ســـبــار ربــعـــه]

يا اخوان الموضوع نبي زود ارائكم فيه.

[(هزاع)]

سبق ان كتبت لسته البيع المشروط




وهي ياسمي ابوي تلزم البايع والمشتري
بس الناس فيما يعشقون مذاهب

بسم الله الرحمن الرحيم
السلام عليكم ورحمة الله وبركاته
1:ما نوع الطير : ( )
2:ماعمرالطير :( )
3:ما(قياسه او وزنه)؟؟ :الطول ( )العرض( ) الوزن ( )
4:وحش(الدوله المطروح بها ) ( )
5:هل الطير اصيل ام تفريخ : ( )
6:أين مكان الطير حاليا :( ) ( )( التوصيل)
7:هل صاد الطير الحباري وتشرط على ذلك :( ) ( اشرط)
8:هل صاد الطير الكروان وتشرط على ذلك : ( ) ( اشرط)
9:هل صاد الطير الارنب وتشرط على ذلك :( )( اشرط)
10:هل الطير طلاع على الحباري وتشرط على ذلك : ( ) ( اشرط)
11:هل الطير يرغب الحمام ( )
12:هل الطير راكد على تكاية السياره بدون برقع :( )
13:هل الطير يمسح على التلواح او يلاعب الشلو(خالي ) ( )
14:هل توجد في الطيرعيوب تشاهدها:( )
15:هل توافق على فحص الطير بالمستشفى ومشاهد طياره بالمدعى : ( )
ملاحظه :


البيع المشروط ملزم ومرضي للطرفين( وأبراء للذمه )



الفلوس تعمي النفوس (( الضعيفه ))
اما الرجال اللي عليهم الكلام شروى القارء الكريم غير
يقول الاول يدلك على الخيل اثمانها
ومن بغا الطير الطيب يدندن الدراهم للرجاجيل اللي تعبو في نقو الطير الطيب وفرزو وزادو بالدراهم لين ملكوه الوحش المسكت ثم اللتفتوله بالتعلوم اللين جات وصوف وتعلوم وعرضو الطيب للبيع يبون يترزقون الله عند اللي يقدرون المتعوب عليه ويدفعون الاجواد ويستاهلونه
اما البعض القلين اجناسهم باذن الله يشري الطير من شخص مجهول ولايعرفه وياخذ كلامه ويقول( ثقه ) وهوماعرفه الا هاكاليوم بالسوق وثنا رجله للرجال بالعلوم الغير موثوقه لجل حفنه من الدراهم زود وياثقون به الاجواد ويشرون على النيه الطيبه ولاهدو الطير الاهو ماش !!؟؟ جو يرجعون الطير قالهم من صقارتكم وفعلكم وترككم جعل مايكثر جنسه
ونا اقول احرص على الصقار قبل الطير لابغيت تشري ولاتستعجل المشترى وشرط الفحص والمدعى وحرص وتوكل على الله
ونا ضد شرط الصيد ماتدري عن اللي قدامك هوصقار ولامتمني
لاتثني رجلك للرجال بشرط الصيد الا اذا بتخاويهم وهذا مستحيل لاصار الطير صايد قل صايد ولااشرط تفتك من العيات اجلكم الله والا الرجال اللي عليهم العلم شرواكم ماتبتلش بهم

[جبار1]

كلامك سليم اخوي سبارربعه

الحباره مافيه مشكله اشرط عليها ذبح

يعني اذا ماهد عليها وهي تكوبر مرجع شرط.

كذالك على المشتري التقيد بالصقاره وعدم الصنعه والضعف والمرض

اماالبائع اللي يشرط علي السبق اعتبره
غادي

ماعمري شرطة على سبق ولا لحوقه

حتى لو انه لحوق ويعرفونه الناس
فأنا من وجهة نظري ان شرط الذبح
ماهو مثل شرط الحوق ''' لأن الحوق في
بعض الطيور يبي له وزن معين لا يزيد ولا ينقص
كذالك مايبي ضعف ولا يبي صنعه ولا يكون مريض
ولا ملوع مشاكله كثيره هالشرط
يعني صعب هالشرط فيه صعوبه مره