رايكم يارجال

[بندر الخريصي]

ياشباب رحت لللسندي اليوم والرمايه وسألت الرمايه عن بنادق الرميح...المهم انا محتااار لان كل واحد يمدح شين مافي احد راسي على شين المهم لقيت عن السنيدي ماغنيوم 350 سرعتها 380 بالثانيه وووزنها4كيلو وسعرها الخشب ب1900 والفيبر 1600

ولقيت عن الرمايه بنديق مااعرف شركته بس اسباني قالي هي افضل شي بالساكتون احسن من الفايروخ وسرعتها385 بالثانيه يعني اسرع ووزنها 4كيلو وقال هي اقوى من الفايروخ اللي عن الرميح وقال اسمها خنتر1250 سعرها 1900 والثانيه نفسها بس اسمهاسكوم1250 سعرها1900 وانا محتار عليم الله وطالبكم ابغى واحد يعطيني رايه بكل جديه لاهنتم ......ووش الافضل الصتمه4.5 ولا5.5 واللي يسأل وش نوع الصيد اقوله ماعندك مشكله بالنوع اهم شي وش الاقوى الاربعه ونص ولا الخمسه ونص ابغى شين قوييي ينتف نتف اطلق واسدح .....والله يرعاكم ويحفظكم


ووش افضل اخذ فايبر ولاخشب


والله لايعدم يمين من فادني

[راح الأمل]

هلا اخوي موظوع جميل ونستفيد من اراء الشباب
وبالنسبه لي ومن واقع تجربه عليك بالديانا ماغنوم 350 اخشاب وصكم صغير 4.5 قويه وحلوه وشغل عدل وتطربك بالصيد
العصفور اطشره لك والحمام تنزله تقول خشبه
وانا عن نفسي مارتاح الا لديانا فقط حاولة مره وغيرة اخذت اسبانيه وطلعت مروحه فا صدق من قال قديمك نديمك ( ديانا ) وقطع
اسف عالاطاله وارجو اني فتك. ×

[الشرطه]

لاتبعد عن الديانا والفايروخ الألماني الأصلي وبالنسبه لي صجم 4.5 أفضل

الأسباني ماجربته بس كثير مامدحوه والله أعلم عنه ,,

[بندر الخريصي]

طيب اللي اقصدها عند الرمايه اسمها هنتر1250 ومدحها وقال هي اقوى واحسن شي بالسوق وعلى طاري الصتمه 4.5 ليش احسن من ال5.5

[الشقردي 205]

القامو الاسباني ممتاز انا عندي هنتر ممتازه لها عندي 5 سنوات وللحين على سستة وجلبة الوكالة مابدلتها ..


قوه ومسافه حلوه لا باس فيها ..


وانت بكيفك ..


الديانا والفايروخ ممتازات ..


وانا اقولك الـ3 ماركات ديانا فايروخ قامو مافيهم قصور ابد وحسب تجربه ..


والصجم الصغير افضل من الكبير ..


الصغير قوه وسرعه ..


الكبير مو مثل سرعة الصغير ..

[بندر الخريصي]

لاهنت طيب ليش افضل الصغير وش الفرق بينه وبين الكبير