المكيف مبهذلني من يوم شريت السياره .. الي عنده حل تكفووون

[ابوناصر 2012]

السلام عليكم ورحمة الله وبركاته

اخواني عندي سيارة نوع هونداي النترا 2009 // 2000cc

السياره فاتحه على يدي وكاله المهم مالكم بالطويله السياره من شريتها المكيف بالنهار لو تطفيه احسن

فريون وغيرت مرتين يمكن وفلاتر ونظفت وعازل على المواصير ركبت وعازل حراري حطيته قبل كم يوم ونفس الشي ماتغيير شي

بالليل بارد مافيه شي بس المشكله بالنهار

لما اوقف يحتر ولما اضغط له بانزين يبرد

اذا مالقيت لها حل افكر ابيعها لان بجد زهقت وانا ادفع ولا في اي فايده

الفكره الاخيره تركيب مروحه او بمعنى اخر ترهيم مروحه ثانيه

هل تضر على السياره ولالا علما اني ماشتكيت من الحراره الا مره وحده طلع الفيش حق المروحه خربان وغيرته

اما باقي المرات الحراره طبيعه بس المكيف مو طبيعي

وفي فكره ثانيه اني اغير ماي الراديتر الى الماي الاحمر حق الجموس

انتضر ارائكم وردودكم

[ابو نايف00]

1/ مكيف الهونداي ضعيف بالبرودة . سبق وان استاجرت هونداي المكيف لك علية
2/ ما لة دخل ماء الرديتر ( احمر اخضر ) .
3/ خذ سيارة اي شخص معة نفس موترك وجرب .( صديق /ايجار ) وجرب
وشكرااااااااااااااااااااااا

[ابوناصر 2012]

اولا شاكر لك اخوي ابو نايف على المرور


ثانيا فعلا جربت مع سياره نفسها بالضبط والمكيف يفرق 180 درجه عن الي عندي

[فارس شمال]

غير الكمبرسر يمكن ضغطه ضعيف رح عند واحد متخصص مكيفات يفكه ويشوف ضغطه اذا ضعيف غيره مايكلف من ٣٠٠ الى ٥٠٠ بس اول يفحصه

[علي عليوه]

شيكت على البلف ؟؟؟

والتماتيك

[ابوناصر 2012]

غير الكمبرسر يمكن ضغطه ضعيف رح عند واحد متخصص مكيفات يفكه ويشوف ضغطه اذا ضعيف غيره مايكلف من ٣٠٠ الى ٥٠٠ بس اول يفحصه

فحصت الكمبرسر من قبل وضغطه سليم .. والمشكله الكمبريسر حقها الجديد حول 2400 ريال

والمستعمل مو اقل 800 ولايعطيك ضمان عليه ولاشي

[ابوناصر 2012]

شيكت على البلف ؟؟؟

والتماتيك


اي بلف اخوي تقصد ؟ الكهربائي شيك عليها قالي فريونها كامل وكل شي مضبوط بس السياره فيها حراره زايد بالنهار مع الحر والمراوح ماتلحق تبرد السياره عشان كذا المكيف بالنهار يصير ضعيف

والله احترت ياااخوان

[الكايد 20007]

صارت معي في الاكسنت رحت لتركي في بن لادن وسحب الفريون الموجود في الكمبروسر وركب واحد اصلي وزيته والشغله كلها كلفت 150 ريال والحمد لله ميه ميه

[جني صغير]

غير الفريون
وحط اصلي

[العنقري]

اولا تاكد من مايلى=
1-ضغط الكمبروسر
2-هل سبق ان عبيت فريون له احتمال الفريون غير اصلى
3-تاكد من زيت الكمبروسر وهل هو ناقص قم بزيادته
4-بعد التاكد من ذلك احتمال الكمبروسر خربان بلوفه خربانه

[K.S.A.A]

الله يكون في عونك ,
ليس عندي المعلومات الوافيه عن السيارات الجديد
لكن مادامك تقول ضغط الكمبروسر 100% والفريون ممتاز
فأعتقد أن المشكله عندك مشكلة حساس لا أكثر .
السيارات القديمه يجي فيها حساس في راس الفيش اللي يركب في دبة الفريون
لوزن درجة البروده , حيث لايحتر المكيف ولا يثلج .
وفي طريقة تعرف من خلالها أن المشكله حساس أو لا .
وهي شغل المكيف والسياره واقفه في الصباح أو العصر ع حسب وقت فراغك
وأفتح الكبوت وعينك ع الكمبروسر شف هل هو يفصل ويشبك أو لما يفصل ماعاد يشبك ؟؟؟
إذا صار يفصل ولايشبك فالمشكله حساس لازم تغيره أو تنظفه.
وإذا صار يشبك ويفصل تمام فحاول تدعس للموتر وهو واقف
إذا الكمبروسر فصل مع أو الدعس فالمشكله عندك الحساس يبي وزن فقط .
أرجوا أنك فهمت كلامي والمعذره ع الإطاله . والله يوفقنا لكل خير .

[العمده 0ون0]

وعليكم السلام ورحمة الله وبركاته
اخوي ابوناصر :
الله يعوض عليك خسارتك ويجعلها دفع بلا عنك ومن يقرأ
خذ العلم من اخوك
كانت عندي سيارة هونداي سوناتا م 95 جديدة بعد ثلاث سنين جييم الكمبروسر وغيرت الكمبورسر الاول وعلبة فريون جديدة مع فلتر فريون كلفني 2500 ريال وبعد000( اسبوع) 00يخرب واغيير000((الثاني مستعمل نظيف نفس الشي وكلفني تقريباً 1800 ريال مع تغيير بلف الكمبورسر وشبك المراوح دايرك وضمان ثلاث شهور و يلحق اللي قبًله بعد انتهاء الضمان ب21يوم)) ههههههه :Dو لا(تحترق المروحة )بعد واشتريها ب480 ريال بعد الخصم هههههه و بعد صراع و ومعاناة ويئس شديد و اغيير0000 (((الثالث من التشليح و بعد 4شهور))) ويودًع ويلحق اللي قبلة ههههههههههه:D:D وبعد هذه الخساير والمعناة وضياع الوقت والمجهود رحت الى الوكالة قالوا لي نغيير لك النظام كامل مع (رديتتر المكييف) ويكلفك تقريباً4500ريال ههههه:D:D:D طبعاً مافي امل اصلحها بعد هاذي الخساير و لو واعوذ بالله من كلمة لو اني رايح من الاول كان ماخسرت كل هذة الخساير و اخيرااااااا بعت السيارة ب7000ريال عداً ونقدا بدون مكييفً ورااااااااحت فلوسك ياصابرههههههههههه:D:D:D0
فماعندك حل إلا طريقتين:
1-الله يعينك ماعندك حل تصلح المكييف إلا في الوكالة بالذات سيارات الهونداي حقه ثلاث سنين بالكثير ويخرب نظامه معًقد هم ادرى بمشكلته صحيح سعرهم غالي بس شغلهم مضمون لاتحاول و تتعب نفسك وتخسر مخاسير صدقني لو تصلحه بيخرب مرة ثانية مهما غييرت وبدلت يعجزون فيه وانا ناصح لك0
2-او إنك تبيع السيارة لان عمرها الافتراضي انتهى تبدأ الحين تطلب 0
:s

[ابوناصر 2012]

الله يسلمك يااخوان

الغريب بالموضوع انه الكمبريسر مايفصل ابد

واذ دبلت الدعسه يفصل ويرد يشبك بس مايفصل نهائيا

[تمنيتك لي]

أخوي حط فريون أمريكي الآصلي

وشف يمكن المروحة حقة المكيف مآيآصلها كهرب

وأذ كذآ أرجع للوكآلة وسو لها صيآنة أفضل لك

[najd star]

أخوي أبو ناصر أنت تفتح الهواية حقت المكيف كثير أنا كان عندي نفس مشكلتك بالنهار ما يبرد وبالليل أخليه على رقم واحد وأحيانا أفتح الدريشة في الأخير طلعت المشكله من فلتر المكيف الي ورى الدرج ما أقول لك غيره بجديد بس أقول لك فكه ورح للبنشري ونظفه بالهواء وأرجع ركبه مره ثانية وبتدعي لي إن شاء الله

[ابوناصر 2012]

والله ياخوك غيرت الفلتر يمكن حول 5 مرات ولا فيه اي فايده

الي بخبر لي ورشه تفحص جهاز التكييف بالشرقيه يعطيني خبر

لاهنتو ياشباب

[ابوياسر1971]

نصيحه مثل ماقال الاخ العمده ودها للوكاله شغلهم مضبوط والخصم عندهم ازين من اي وكاله ثانيه انا كان عندي سوناتا 2002 وشغلي كله عند الوكاله ماراح تندم صدقني بدل ما تتخسر من ورشه لورشه .

[ff34d]

مشكلتك قد حصلت لي قبلك
كان معي كورلا 2001والكورلا معروف مكيفها
من افضل المكفات وبدا معي المكيف مايبرد في الليل كويس ثلج ولكن في النهار يبرد اذا مشيت او خليت رجلي على دواسة البنزين
الحاصل كشفت وخسرت خساير
النتيجه فحصة الكمبروسر بجهاز الليزر طلع اصلاح الكمبروسرفيه تهريب خفيييييييييييييف
ركبت فريون صار يبرد بعد خمسة اليام يضعف كشفت علي علبة الفريون سليمه والفريون انقص شي بسيط لكن مايعطيه انه ما يبرد
اتضح الفريون مو اصلي الي ركبته
مشيت لمحل فريونات اصلي وشرحتله وضع الكمبروسر وقلي على الحل وضمنه لي ماعاد يهرب
لمن جا يعبي الفريون جاب جهاز هواء معه صغير وسحب كل الهواء الي في علبة الفريون وجاب قرابة ربع كاس ماء زيت هدروليك وفرغها في العلبه وتركها خمس دقايق وعبا الفريون اصلي امريكي والله صرت انسممن الفريون منقوة التبريد وجلست معي الساره 3 سنوات ما عبيتها فريون
الفريون الاصلي درجه اولى امريكي
درجه ثانيه تايوان
درجه ثالثه هندي
المضروب الصيني
ارجو ان اكون افدت

[ابن مكرز511]

ابوناصر شغل السياره واخذ عصى او اي حاجه وبعدين حطه على المروحه اذا وقفة اذا المشكله في التماتيـــــــــــــــــــك

[اذاني]

يا بو ناصر

عندك مشكله في الحراره وليس المكيف..........

حل مشكلة الحراره وتنحل مشكلة المكيف

افحص جهاز التبريد للسياره كامل وراح تلقي المشكله .