النيسان خلط ماه زيته.

[ســـبــار ربــعـــه]

السلام عليكم ورحمة الله وبركاته.

يا اخوان الجيب خبط وخلط ماه زيته جيب نيسان 93 بنزين وابي لاهنتم ازين ورشه توضيب وهل تنصحوني بشراء مكينة جي اكس تايوتا؟

افيدونا رحمكم الله.

[ســـبــار ربــعـــه]

لا اله الا الله وحده لا شريك له.

[مكشات واحد]

اذ بالرياض عند ابو صالح التركي
اما المكينه حلوه اذ تركب حقة تايوتا لكن دور وحد مضبوط يشتغلها او ركب حقة لكزس 400 ان شاء الله تدعي للي

[ســـبــار ربــعـــه]

اذ بالرياض عند ابو صالح التركي
اما المكينه حلوه اذ تركب حقة تايوتا لكن دور وحد مضبوط يشتغلها او ركب حقة لكزس 400 ان شاء الله تدعي للي
الله يجزاك خير ويرحم والديك عز الله ماقصرت.

[أحمد محمد1429]

وضب قطع غيار أصلي أفضل من مكينه ماتدري عنها
ماأنصحك بالترهيم

[You Like Me]

والله يالغالي
اذا ميزانيتك تسمح ترهم مكينة 4500 او 4700 تويوتا
ترا اخير لك من مكينة البلد
عموماً عندك ابو صالح التركي اذا ناوي توضب مكينتك
وانا والله اشوف الـ 4200 حقت البلد ما تسوى توضبها وتحط فيها قرش واحد
اذا ماتبي ترهم ركب نيسان من مديل 2006 وفوق
4500 cc بخاخ وتطلق الوجه
والله يعوضك وييسر امرك

[ابو سالم3000]

خلط الماء من شيئين يا من الراس او من طبة الصدر واذا كانت طبة الصدر تراها بصيطه فانصحك لا تستعجل بالتوضيب وشيك على الطبه

[بدوي جنوبي]

كلام صحيح يبو سالم

[ســـبــار ربــعـــه]

والله مدري هو من الراس ولا الطبه.

[دانفوس]

هل الزيت هو الي دخل مع الماء ( داخل الرديتر)
او الماء هو الي دخل على الزيت( داخل المكينة)

[ابشر بسعدك]

ياشباب كيف ورشة ابو صالح التركي ابي اوضب فورد ميركوري تنصحون فية من ناحية الامانه والشغل ووين فيه الورشة

[مركز حراره]

اذا الماء داخل على الزيت فهو راس وممكن اصلاحه دون فك
اذا الزيت داخل الرديتر ممكن المبرد الي تحت السيفون يبدل بسهوله

[ســـبــار ربــعـــه]

ابشركم تم اصلاح الموتر بحمد الله وفضله في ورشة الشامي في الأحساء وقد كان الخراب من الرأس وجزاكم الله خيرا.