المساعد الشخصي الرقمي

مشاهدة النسخة كاملة : أبي أتعلم أصيد بالصقر بس منيب عارف من وين أبدأ؟


البعير المغوار
12/04/2012, 03:18 PM
السلام عليكم ورحمة الله وبركاته،

المشكلة ماأعرف أحد يصيد بالصقور، وبودي أتعلم هذي الهواية، من وين أبدأ؟

مع العلم إني من سكان الرياض.
عواد الشمري2
13/04/2012, 11:55 AM
والله شف للزم تشوف لك احد معه طير وتشوفه يوم يهد ويوم يدعي وكذ1 لين تعلم احسن طريقه
رعد المطر
13/04/2012, 07:17 PM
حياك الله ياخوى المسافه بيني وبينك 1500كيلو
اذا حبيت اى خدمه او معلومه ابشر ياخوي واكون متواصل بالجوال (على الخاص )
ســـبــار ربــعـــه
13/04/2012, 08:55 PM
بالتوفيق ان شاء الله وترا القراءه في مكشات تفيدك وتكسب خبره كبيره جدا وفالك التوفيق والنادر.
الشلاعي
14/04/2012, 01:59 AM
اشتر لك طير مدرب ..... وافضل لك تخليها لين ينتهي الصيف وتاخذ لك وكري
البعير المغوار
14/04/2012, 01:19 PM
والله شف للزم تشوف لك احد معه طير وتشوفه يوم يهد ويوم يدعي وكذ1 لين تعلم احسن طريقه

المشكلة مالي معرفة باحد له بالصقارة، مافيه إلا اخوي الكبير وماله غير تكيات البر عند الربيع، ماله بالصقاره على ذكري.

جميع أصدقائي ومعارفي حقون إستراحات وحياة المدينه محد له بالصقارة للأسف.


بالتوفيق ان شاء الله وترا القراءه في مكشات تفيدك وتكسب خبره كبيره جدا وفالك التوفيق والنادر.

شكرا على الرد،

انا قاعد اقرا الحين بهالمنتدى الطيب وهذاني اتعلم شوي شوي المصطلحات المستخدمة وما إلى ذلك.


حياك الله ياخوى المسافه بيني وبينك 1500كيلو
اذا حبيت اى خدمه او معلومه ابشر ياخوي واكون متواصل بالجوال (على الخاص )

شكرا اخوي على استعدادك لمساعدتي.


اشتر لك طير مدرب ..... وافضل لك تخليها لين ينتهي الصيف وتاخذ لك وكري

طيب هل فيه خصايص معينة اعرف بها الوكري المدرب الطيب من غيره؟

وبكم تتفاوت اسعار الوكري المدرب؟

وإذا فيه بياعين معروفين أمينين مع الزبون في منطقة الرياض وثقة ياليت تذكر لي اسمائهم.
قرناس شمالي 1
22/04/2012, 01:20 PM
أخوي الوكري المدرب يجي سعره من 1500الى 3000 على حسب مقاسة وسنة