الفزعه ياهل الخبره

[تقسيط]

بسم الله الرحمن الرحيم
السلام عليكم ورحمة الله وبركاته
نوع السياره / نيسان باثفندر
الموديل / 2005 قير اتماتيك
الحاله / ممتازه جدا

<<<<<<<<<<الاعراض >>>>>>>>>
المشكله / ارتفاع الحراره
التفاصيل
عندما تمشي وتحما السياره تبدا الحراره بالارتفاع ويزيد الانبير بالارتفاع بشكل ملحوظ واذا رفعت رجلي عن الابنص ووقفت عند الاشاره تزيد اكثر واذا اعطيته دعسه وهو واقف تنزل بشكل ملحوظ للنص
غيرت فالسياره الاتي
اديتر اردني رصتين
اتماتيك مروحه وكاله
@@@@@@@@@@
علموني الله يجزاكم عني كل خير

[يزيد 999]

اخوي انا كانت عندي نفس المشكله على باترول 97 سلق الرديتر جديد ومسيخ وتماتيك المروحه جديد وادا وقفت عند البقاله والمكيف شغال تاصل قبل Hبشوي وبعته وهو بحالته لاكن رهم له مراوح سوبارو ب 600 ريال وعلى كلام اللي جربوه تنخفض الحراره وزياده بالعزم وتقليل صرفيه البنزين
اتمنى افدتك...

[تقسيط]

الله يجزاك خير اخوي يزيد لكن اشرح لي كيف يكون الترهيم هل المراوح اللي تقول ارهمها بدل المراوح الموجوده فيه والا اضيفها له بالوجهيه بجنب المراوح اللي بالشبك وهل فيه حل غير الترهيم اتمنى المشاركه من كل اهل الخبره
اخاف ان المشكله بالراس هل الراس يرفع الحراره بالشكل هذا ؟؟
افيدوني الله يجزاكم خير.

[mmgarni]

اخوي هذا البلف اللي تحت الثلاجه مخرج الماء الي الرديتر الغة نهائي وخل البلف الرئيسي اللي هو مدخل الماء للمكينه فقط وادع لي وللمسلمين اجمعين لا تجلس تلعب في الموتر تراها هي المشكله اللي في الباث فندر بصفه عامة

[تقسيط]

هلابك اخي الكريم تشكر على المشاركه ولكن يوم رحت الصناعيه قالوا هذا الراس هل الراس يرفع الحراره بهذا الشكل والا على كلامك اروح اغير البلف الداخلي وخلاص

[هواوي الشمال]

ماعليك من الي يقول من الراس هذا كذاب ... لو المشكله من الراس وانت تمشي بخط سريع ع طول تاصل اتش وتفور المويه وقبله تلاحظ نقص بالمويه تطلع مع الشكمان...لكن ع كلام اخوي الي قبل الغ البلف وان شاء الله خير

[يزيد 999]

اخوي على كلام الاخوان يمكن البلف رح اقرب ورشه وخله يفكه لك لاتركب جديد خله مفكوك ان زان فخله لاتركبه الا ادا جاء الشتاء عشان بالشتاء يمكن المكينه تجمد ولاتشتغل اما باللهبان هدي مالك الا تفكه
ملاحظه#
انا فكيته لاكن مافاد الحراره زي ماهي

[mgs71]

اول شي شيك على الرديتر وخراطيش المويه وتاكد انه مافيه اي تهريب وبعدين شيك على بلف الحراره اللي يجي في يجي في المكينه مثل ماذكرو الاخوان ولاتنسى تغيره بواحد بنفس رقمه من الوكاله انتبه لا تلغيه وبعدين شيك على غطاء الرديتر اذا الجلد متاكله و شيك على مستوى المويه في الرديتر يكون فل والسياره بارده وفي القربه لازم يكون النص وفي النهايه لاتنسى تغير مويه اصلي واذا كان فيها مروحه كهرباء ثانويه لاتنسى تشيك عليها شغاله ولا لا ,لازم تتاكد من كل هاذي الشغلات اللي ذكرتها

[تقسيط]

اشكر الجميع على المشاركه
الحساس اللي بالشكمان سمعتوا عنه شي لان فيه من قال لي انه يرفع الحراره احد له تجربه معه بعدين بلف الحراره الامامي قد طلعه المستخدم الاول هل ضروري يركب او ان له سبب في رفع الحراره وشكرا

[mgs71]

اخوي الشكمان ودبه الرصاص ماتسوي كذا نهائيا , الظاهر عندك فيه تهريب مويه او انه غطاء الرديتر خربان والافضل ترجع البلف لثبات الحراره واخوي لاتنسى تتاكد من المراوح وهي شغاله هل دفعها قوي ولا لا

[تقسيط]

المراوح دفعها قوي جدا وغطا الاديتر جديد واصلي

[تقسيط]

السلام عليكم
لو سمحتو ابي سعر البلف الداخلي والخارجي وكاله واسعارها تجاري ووش الافضل واللي يعرف مهندس خبره يقول لي انا بالرياض

[mgs71]

الافضل انك توديها عند ميكانيكي يتاكد لك انه بلف الحراره موجود ولا ملغي اذا كان موجود وعطلان يسوي لك مشكله مثل اللي ذكرت وستبداله بواحد جديد راح يساهم في حل المشكله وتثبيت الحراره عندك لاكن اذا كان ملغي ما راح تستفيد راح تكون العله من شيء ثاني مثل ماذكرت لك اول , واحتمال الرديتر فيه عله ,اما الاحتمال الاخير يكون من المكينه لانه اذا ارتفعت عليك الحراره كذا مره ووصلت H احتمال تصير المشكله من المكينه , اخوي لازم توديها عند كم ميكانيكي عشان تتاكد ولا تخلي احد يلعب في الشكمان وان شاءالله الاخوان يفيدونك.

[ولد طويرق]

فيه ورشه اسمها الثنيان الشباب اللي في رابطة ملاك الباثفندر الجيل القديم يثنون عليه يقولون صاحبها سعودي ورجل ناصح بالحيل روح لمه وشوف ايش يقول لك غالبا مشاكل الحراره تكون من الرديتر او غطا الرديتر او البلوف ونادرا تكون من الراس لان معي باثفندر وقد ارتفعت علي الحراره وطلعت من الرديتر والغطا بنفس الوقت اتمنى اني افدتك

[تقسيط]

الله يعطيكم العافيه
ورشة الثنيان باي صناعيه واذا عندك رقم تلفونهم او جوال يكون افضل

[salih100]

0554889337 ابو ابراهيم بصناعيه 18

وترى مشكلتك من البلوف لان فيه بلفين بلف خارجي وبلف داخلي
البلف الخارجي يجي ناشيب مع الكوع قيمته 90 ريال
والداخلي حول 50 ريال والداخلي ذا شله مره لا تركبه

[عبدالرحمن السالم]

ماقصرو الاخوان ، غالب المشاكل من البلف او غطاء الرديتر
لو كانت طرمبة الماء مبوشة او مجيمة يحتمي الموتر لانه الماء مايتحرك

شف هذا الموضوعين

حل سريع لحرارة الباث بعد معاناة وأخذ وعطا مع السيارة ومازالت تحت التجربة .. (http://www.mekshat.com/vb/showthread.php?t=231255)

" صوور " (http://www.mekshat.com/vb/showthread.php?t=231255)بخصوص حل مشكلة حرارة الباثفندر هنا الحل ان شاء الله - منتديات مكشات (http://www.mekshat.com/vb/showthread.php?t=139188)

وعندك ابو صالح حق الرديتر ممكن تكلمه يشوفه لك
0555425574وورشته في صناعية 17

موفق خير