براووونق مكسسس الجديده

[shabah]

السلام عليكم ورحمة الله وبركاته

يالربع معروض علي سوجل براونق مكسس الجديده سعرها 18 الف وش رايكم

بسعرها وكيف البندق ممتازه ولا لا تكفون ا فيدونا يرحم والدينكم

على فكره البندق جديده

[ابو سفيان]

غاليه حييييل قيمتها جديده ١٤ - ١٥ الف ريال ينطح ريال اخذنها من القصيم والي اشتراها محمد السبيعي ايام مقناص الكرك والله العضيم غاليه خذسوبر بانلي افضل منها ان كان كذا

[shabah]

حياك الله يابو سفيان وحي علمك

بالنسبه للسوبر بانيلي مالقيت جديد والله ودي فيها من زمان

لكن هي الموجوده الوقت الحاضر

يعني السعر مبالغ فيه والله ياخوك محتار ماادري وش السوات

وعلى كلام الشباب انها ممتازه يعني مثل البانيلي

بنستخير والله يوفق الجميع

[شاهين12]

غاليه حييييل قيمتها جديده 14 - 15 الف ريال ينطح ريال اخذنها من القصيم والي اشتراها محمد السبيعي ايام مقناص الكرك والله العضيم غاليه خذسوبر بانلي افضل منها ان كان كذا


هلابك يابوسفيان .....

صحيح كلامك 100%..

قيمة اللي مكينتها سوداء..ماتعدى 15حد اقصى...

لاكن اللمتد نيكل تجي عليها صور بط ذهبي ...

قيمته 18الف الى 20..

كلها نفس بعض ...بالاداء..."المكسيوس خذ رمي "

السوبر بلاك ايقل 11الفيبر 22500تردها جاي ..

اللمتد غالي قيمته..."


"انصحك اخي الغالي shabah.. بشوازن البريدا جدا رهيبه واطاليه واقيامه تقول معقوله نوعا ما"
ونظامه مشابه للبنلي...

وترى السوق تقول اسهم معاد تعرف اسعاره....لاكن اعطيتك اقيام المعروفه نوعا ما..

الله يكفينا شر الطمع....

[shabah]

بارك الله فيك شاهين 12

ويعطيك العافيه ع المعلومات السوق اليومييين طالع بالحيل مثل الاسهم ربنا ييسر الامور

[كومفورت]

سلام عليكم

المكسس زينه ومراميه طيبه اذا لمتد سعرها زين

[shabah]

يعطيكم العافيه يالربع على ردودكم الي تطيب الخاطر

الحمد لله تم شراء المكسس والرجال خفض لنا المبلغ ولا طلع طماع كله بعد نصايحكم

الله يجزاكم الجنه السوجن الصراحه جديده بشنطتها وتشكاتها الخمس جديده بشحمها

وان بنفسي الي طبقتها تطبيقها مو بعيد عن البيكال لان عندي وحده ماشاء الله

تم تجربتها ماشاء الله تبارك الله سلاح لا قالو سلاح الشكر موصول للجميع

وفالي وفالكم الشحم