ضرر وقوف السيارة والمكينة شغالة

[qha]

السلام عليكم

حبيت أستفسر

هل وقفة السيارة والمكينة شغالة لفترة طويلة - مثلا خمس ساعات - والمكيف شغال

لها ضرر على السيارة في المستقبل والا مافيه اي ضرر

ننتظر آراءكم

[ساهر اليل2010]

السلام عليكم
أول شي : والله مدري هل يضر أو لا لكن ما أتوقع
ثاني شي : مادام إنك تبي توقف 5 ساعات أو أكثر طف الموتر كله أحسن لك
بالعربي تبي توقف 15 دقيقه أو أكثر طف السيارة لاني ماشوف فايده تشتغل
لأن المكيف يبي يحتر والكمبرسر يبي يقفل ويرجع على غير فايده
آسف على الإطالة
بالتوفيق

[يكفيني نظرة]

بالكتلوج حق فورد اكسبدشن يقول لك تبي تصرف بنزين هذا الضرر :D

[كاشت وحداني]

والله ياما نمنا في السياره تحت الكباري في جده وفي الرياض وعلى الخطوط طق المكيف وارقد
طبعا الموضوع اخذ كلام كثير وناقشوه الشباب في المنتدى والجميع ادلى بدلوه والكل صادق بصراحه
لانهم يعتمدون على ما يقرؤنه في المواقع
لكن اتوقع السيارات اللي مراوحها كهرب ماعليها ضرر
اما النظام القديم هو اللي كان يتعب ويحتر الكمبرسر


Sent from my iPhone using Tapatalk

[ذيب اللابه]

ما الظاهر ان في ضرر على السيارة
وعن نفسي ياما ورقدت في السيارة والمكيف شغال

[قطب 999]

اهم شي لا ترتفع الحراره
شف مكاين توليد الكهرب ومكاين استخراج الماء من الابار واقفه طول عمرها

[طرح السعودية]

نعم فيه ضرر على المكينة إذا طولت المدة ويسمى (الإشتغال الخامل) ابحث عنه في كتلوج السيارة

[رحال الجنوب 7]

نعم له ظرر والدليل كتلوج الوكاله السياره وهو من يقلل عمر المكينه

[qha]

كلام حلو وواقعي


انا بعد اقول اهم شي الحرارة ما ترتفع

وانا بشيك الكتلوج حق موتري

واشكر الجميع على التفاعل

[نويجع]

اكيد فيه اضرار بس على المدى البعيد ة الاهم من هذا كله لزوجة الزيت تستهلكه وانت ماتحركت كيلو واحد

[escape_man]

مدام السيارة واقفة .. دوران الماء بمجاري التبريد يخف وترتفع الحرارة

هذا الي اشوفه ويمكن الاخبر مني يعطون تجربة اكبر بهالخصوص

[مودع الخلان]

ما اعتقد فيها ضرر من واقع تجربه المواتر اليابانيه فقط

[عكس التيار]

فيه ضرر اتوقع لكن مرات تضطر انك تشغلها ساعه ساعتين واتوقع انها سبب للكربون وارتفاع حرارة السياره لان المكينه مايجيها هواء