فزنا بالمركز السابع بمسابقة الصيــد

[الدبلوماسي]

بتقولون السابع وفرحانين

اي والله فرحانين
لان احنا هواة
والي مشتركين معانا محترفين

واول مرة ندش مسابقة
ومركز سابع في اول مشاركة لنا إنجاز صراحة :D

المسابقة السنوية لصيد الاسماك المقامة على فرضة مدينة الوكرة .

النتيجــة ( المركز السابع ) بين 24 قارب صيــد
والكمية ( 111 كيـلــو )
في فترة من الساعة 9 والنصف صباحاً تقريباً إلى الساعة 5 مساءً

المسابقة رائعه صراحة واستمتعنا فيها
والمسابقة هي ( صيد ولفاح ) بس
يعني ممنوع نصب غزول وقراقيـر وما إلى ذلك ..

http://www.7odi.com/up/Pictures/aiu9144d61aad.jpg
http://www.7odi.com/up/Pictures/aiud80bc0f660.jpg
شوفو الهامور وقارنوا طوله مع النعال الي جنبه اعزكم الله
http://www.7odi.com/up/Pictures/aiu7c1ee42004.jpg
http://www.7odi.com/up/Pictures/aiud51200d6cd.jpg

[الدبلوماسي]

http://www.7odi.com/up/Pictures/aiu247374626d.jpg
كمية الصيد استعداد للوزن
http://www.7odi.com/up/Pictures/aiu959205d72b.jpg
http://www.7odi.com/up/Pictures/aiu20506a37b3.jpg
http://www.7odi.com/up/Pictures/aiu8078bfd369.jpg
اللحضات الاخير لأعلان النتيجة
http://www.7odi.com/up/Pictures/aiu655a7673ee.jpg
كاميرا التلفزيون كانت في موقع الحدث
و السلام عليكم و رحمة الله و بركاته


http://www.7wy.com/uploads/450ad22cdf.jpg

[محمد حسين]

الف مبروووك يا الطيب وعقبال الفوز بالجنة ...

[MARINE]

السلام عليكم ورحمة الله وبركاته

الف الف الف مبروك اخوي الدبلوماسي وتساهلون وعقبال المركز الاول في الدنيا

وصدق اخوي ابو حسين وعقبال الجنة والفردوس الاعلى

تحياتي لك

[العامري]

مبروك يخوي والمره القادمه بتكون أزين
بس خبرنا شويه عن تفاصيل المسابقه
منطقة الصيد والمسافه المسموحه
وكم كان العمق
والطريقه اللي أستخدمتها أنا أشوف كله سمجت نزالي ماشي جش ولا ما استخدمت الريش
واسمحلي طولت

[الدبلوماسي]

السلام عليكم ورحمة الله وبركاته


الف الف الف مبروك اخوي الدبلوماسي وتساهلون وعقبال المركز الاول في الدنيا

وصدق اخوي ابو حسين وعقبال الجنة والفردوس الاعلى

تحياتي لك




مشكور يا MARINE على المرور والله يجمعنا في جناته اللهم آمين

[الدبلوماسي]

الف مبروووك يا الطيب وعقبال الفوز بالجنة ...

الله يبارك فيك اخوي محمد حسين والله يجمعنا وياك في الجنــه

[الدبلوماسي]

مبروك يخوي والمره القادمه بتكون أزين

بس خبرنا شويه عن تفاصيل المسابقه
منطقة الصيد والمسافه المسموحه
وكم كان العمق
والطريقه اللي أستخدمتها أنا أشوف كله سمجت نزالي ماشي جش ولا ما استخدمت الريش
واسمحلي طولت

هلا اخوي العامري
في دوريات شرطة في البحر إذا تعديت حدود الصيد يوقفونك ويقولون لك انت مخالف وارجع .. واحنا مسافتنا كانت 39 كيلو داخل البحر ومحد قال شئ
وقت المسابقة كان من 9 الصباح حتى 5 ونص يعني تكون في المرفأ الساعة 5 ونص .. بعدها تعتبر مخالف وماينحسب لك شئ ..
العمق مفتوح مافيه مشاكل .
الطرق المستخدمة حداق بس ولفاح
والجش يبيله شب او الريش نفس ماقلت لكن احنا ما استخدمانهم مع انه مسموح واكتفينا بالحداق بس :)
وكل فريق معاه حكم منعاً للغش

هذا الي عندي ومشكور على المرور والتعليق واي استفسار احنا حاضرين

والمسابقة بها جوائز حلوه
مثلاً الاول : 15 الف
والثاني 10 آلاف
والثالث 9
والرابع 8
والخامس 7
والسادس 6 ونص
والسابع 6
والثامن 5
والتاسع 4
والعاشر 3
وباقي المشاركين 1000 ريال كهدية عينية

والسمك كله لك :)
شتبي بعد :D

[قناص تميم]

ماشاء الله تبارك الله يوفقكم في صيدكم ويجعلكم تأخذون المركز الأول
وأشكرك على الصور أخوك : صقار نجد

[العامري]

مشكور أخوي على التوضيح

[الهادفي]

السلام عليكم

مبروكين يا شباب وتستاهلون كل الخير

ابو هادف

[ابو مشك]

يعطيكم العافيه وانشاء الله المركز الاول في المره الجايه
والمركز الاولي في الجنه

[الدبلوماسي]

جزاكم الله خير والله يبارك فيكم

ماقلتولي ايش رايكم في الصيد هههههه

[gulfhunter]

السلام عليكم ورحمة الله وبركاته


حياك الله اخوي الدبلوماسي


الف مبروك اخوي وصور اكثر من رائعه تستاهلون الزين

وأفضل شي سويته انك ركزت على الحداق وخليت عنك اللفاح لأنك ماراح تركز على شي واحد

وان شاء الله المرات الجايه ازين والمركز الأول مايضيع منك

تحياتي لك وللجميع

[lord]

الله يوفقكم انشالله

[Qatar_Hunter]

تستاهل يا الدبلوماسي و 111 كيلو الي صتوة مب سهلة وانا اعرف ان الاول جاب فوق 300 كيلو والثاني جاب فوق 200 كيلو بس الثاني كان عنده عنافيز بس شلون صاهم وهم بس سامحين حداق ولفاح؟؟؟؟؟

ومبروك عليكم

[ABU 7AMDAAN]

السلام عليكم

تستاهلون يا شباب والف مبروك ........... بسسسسسسسسسسسسسسسس
العنافيز ما تجي بالخيط لا لفاح ولا حداق ... يمكن واحد بالغلط

وسلامتكم

[qatari]

عادي ترى العنفوز ينصاد بالخيط كم مرة صايدين عنافيز عند جزيرة السافلية

ما اعتقد ان فيه م شكله

هذي المسابقة كان مع كل مركب حكم لمنع اي تلاعب

لان سنة من السنين حطوا بعض الناس صافي وهو معروف مايضرب على الخيط ابد

ولكل قاعده شواذ
لاني صدت من كم يوم صافيه
الا مش وقتها و ثانيا بحداق عادي و الطعم ربيانه
سبحان الله
تصويرك حلو يادبلوماسي شنو نوع الكاميرا الي عندك