استفسار عن الشاص الخليجي لااهل الخبره

[نقاء المطوع]

السلام عليكم

ياشباب عندي استفسار انا بشتري شاص باذن الله وحبيت استفسر منكم وقلت ماينفع الا شباب مكشات بيفيدونك بالعلم الاكيد

حصلت شاص 2012 البريمي ونش دفلك 11 سسته ب 159 الف واليحيى نفس المواصفات ونش دفلك ب 141 الف والبازعي ب 155 الف

فمادري وش نصيحتكم اخذ بينهم وهل فيه فرق بين البريمي واليحيى والبازعي وهل الضمان يشملهم عند الوكيل ومنهو اللي يضمن البريمي واليحيى والبازعي


اسال الله لكم التوفيق

[نقاء المطوع]

افا ولا رد

[س.س.التميمي]

عساء ان شاء الله يفيدونك عاد ياخوي لا تستعجل وشف رأي الاخوان والله يكتب لنا و لك اللي فيه الخير انشاء الله ويبعد عنا وعنك الشر انشاء الله ومبرررررروك ١٠٠٠ مبروك الله يعطيك من خيره ويكفيك شره مقدماًً

[(((.ابوتميم .))))]

انا اقول اليحيا لانه ارخص ترا مافيه فرق في المحركات ابداااا
الفرق تخشيبه وتلبيسه وكذا يعني اكسسورات
البريمي كسب سمعه علشان كذا غالي
انا اقول اركب اليحيا وشفه اذا جازلك خذه
ومقدما الله يعطيك خيره ويكفيك شره ويرزقني مثله :rolleyes:

[صياد الجبل]

والله كلها اكسسورات والشاص ماهو للزبرقه وكذا الشاص للكد والمد

ولو تبي نصيحتي خذ السعودي سعر رخيص ومافيه اي فرق بينه وبين البريمي او البازعي او غيره

سواء تخشيبه وكلام فاضي

[RB3_2010]

اخوي بالنسبه للضمان

البازعي يضمنه لك ٣ او ٥ سنوات او ١٠٠ الف كيلو والبازعي عنده قسم للصيانه علئ طريق خريص

والبريمي تقدر تفتح له ملف عند عبداللطيف جميل او العضيب

اما اليحئ فا اتوقع تفتح له ملف مثل البريمي

وبالنسبه للاختلافات ببدالك من اول شي

١- البريمي مواصفاته
- تخشيب وكلهم نفس الشي بس البريمي فيه زياده شوي
- ازياق للاصطبات اللي ورا نيكل
- مسجل كاسيت فقط
- طفايه الحريق مثبته تحت رجلين الراكب
-الهوبات اللي ورا فحمات وليسه قماشات
وفيه مواصفات زياده

اما بالنسبه لليحيئ والبازعي فهم نفس المواصفات تقريبا

ويفرق عن البريمي
ان يوجد به

- قماشات ورا وليسة فحمات
- طفايه الحريق مثبته علئ الديكور يمين من جمب رجلين الراكب
- الدرج بدون قفل
- بدون ازياق اصطبات ورا اللي هي النيكل اللي يجي ورا
-والمسجل بعض المواتر عندهم يجي كسيت اللحاله وبعضها سيدي وكاسيت

اما بالنسبه للبازعي في صراحه ملاحضه سيئه
ان الخطوط من عام ٢٠١٠ الئ ٢٠١٢ لم يتغير والمرايات نيكل علما ان البريمي يجي لون المرايات بيج مع اشاره جانبيه
اما الدفعه الاخيره من البريمي يجي مرايات نيكل مع اشاره
اما البازعي تجي نيكل وبدون اشاره

والملاحظه الثانيه في البازعي هي ان انا شريت منهم شاص ٢٠١٠ ومواصفاته نفس البازعي
بس فيه واحد من العيال شر من البازعي ومواصفاته تختلف عني تمام واقرب شي لموتر خويي انه كويتي

كل اللي اعرفه كتبته وان شاء الله قدرت افيدك

والف مبررروك مقدما

[نقاء المطوع]

بيض الله وجيهكم يالربه والله يجزاك خير

حصلة ارخص شي بالسوق اليحيى خط 2010 موديل 2012 ونش دفلك بدون رفرف ب 140 الف يوم جيت اطلعه مخلص لاكن بصبر لين يجي دفعه جديده واطلعه باذن الله الله يعافي كل من مر افدتوني الله يعافيكم

[البدوي الفاهم]

السلام عليكم
افضل اليحيا
لانه مرود من منفذ الطوال باليمن مواصفات اليمن
والشي الثاني ارخص ولايوجد فرق بالمواصفات او الفخامة

[المداوي2]

نصيحه لاتاخد الا بريمي وتراه عند معرض البحرين في النسيم 148 الفل

وغيره لايقربك

[ابونبيل]

انا اقول خذ ارخص شي ترا نفس الشيه ماتسوى تدفع 10 الاف زود عشان ازياق ومسجل بالنهاية بتركب غيره

[ابونبيل]

والصراحه انه غالي ومايسوى هالقيمه شف لك مستعمل مامشا واجد او انتظر الى نص الاجازه الصيفيه وبتلقاها ماليه المعارض

[نقاء المطوع]

الله يكتب الصالح جزاك الله خير يالربع على المرور